Thai Fire

# 【食评】观塘楼上打卡惊喜泰国菜 —— Thai Fire 观塘楼上餐厅选择唔少，但要数到又可以打卡又食得饱，今次去嘅 **Thai Fire** 真系有惊喜。成间餐厅装修简洁时尚，坐位舒服，光线够靓，好啱同朋友倾偈聚会，仲有好多位置同摆设都好打卡。 ---## 🥗 前菜沙律 ### **柚子拼凤爪沙律（$118）** 份量好大，两个人share都绰绰有余。 - 凤爪辣得嚟好香口，爽脆弹牙； - 柚子新鲜多汁，酸酸甜甜中和咗辣味； - 一齐食落口感好丰富，开胃度爆灯。 ---## 🥬 福袋（$108） 其实就系 **生菜包肉碎**。 - 生菜新鲜翠绿，仲有好多块，够晒豪爽； - 肉碎炒得好香，调味啱啱好，包落生菜食清爽解腻； - 推介一定要一啖入口，先感受到香、脆、嫩嘅完美组合。 ---## 🍤 炸物拼盘（$238） 四款炸物集合，啱晒一大班人share。 - **鸡翼**：炸得香脆，肉质嫩滑； - **虾饼**：厚身弹牙，虾味浓郁； - 另外仲有香口春卷同小食，配埋两款泰式酱汁，好惹味。 ---## 🍜 主食 ### **凤尾虾金边粉（$128）** - 大虾新鲜大只，肉质好爽口； - 金边粉炒得干身，唔会油淋淋； - 酱汁甜甜酸酸，配合花生碎同青柠提味，味道层次分明，十分正宗。 ---## 🍹 特饮 - **水蜜桃沙冰（$58）**：份量超大杯，冰沙绵密，水蜜桃味香甜清新。 - **泰火特饮（$48）**：打卡必点，紫色渐变饮品加上熊仔冰粒，超吸睛！味道清爽唔腻，饮落仲几解辣。 ---## 💰 价钱 两个人埋单 $768（已包一成服务费），平均人均 $384。考虑到环境、份量同质素，都算抵食。 ---## ⭐ 总结 **Thai Fire** 绝对系观塘楼上餐厅入面嘅惊喜之选： - 食物份量大、味道正宗； - 特饮精致又好打卡； - 环境舒服，气氛又啱 Chill。 👉 **推介指数：★★★★☆（4.5/5）** 📌 必试：柚子拼凤爪沙律、炸物拼盘、泰火特饮 ---…Read More

喺观塘区返工嘅我地，今晚揾到一间坐得超舒服嘅泰国菜，可以放咗工同同事吹下水，简直系打工仔放松心情嘅好地方 ！🥗 柚子沙律（$88）柚子肉鲜甜多汁，酸酸甜甜之中带d d 辣，醒胃得嚟又唔会太刺激，系一个完美嘅开胃菜!🍲 椰子鸡汤（小）（$138）椰香浓郁，鸡肉嫩滑，饮落去有种清得嚟又好够味嘅感觉，好适合我地香港人嘅口味。🍤 泰式炸虾饼（4件）（$88）外脆内弹，虾味浓郁，唔会太油腻，配埋特制酱汁，炸虾饼系去泰国餐厅必点菜式之一！🥬 泰式蒜蓉炒什菜（$98）炒得火喉十足，蒜香扑鼻，蔬菜爽口。呢道菜睇落简单，但味道绝对唔马虎，劲多料同有唔同嘅菜喺里面，我觉得好有诚意，我好钟意！🐔 班兰炙凤半只（$188）呢道菜真系惊喜，可以话系全餐饭嘅重点！炙凤原来即系烧鸡，外皮炸得金黄香脆，好似港式炸子鸡咁，但咬落去肉质Juicy得嚟又有淡淡班兰香，泰式风味与港式口感完美融合，我地两个女仔连鸡胸都清埋，可以做到鸡胸唔鞋口真系好难得，推！🥤 饮品：泰牛 & 绿牛（各$68）泰牛沙冰香浓滑口，泰茶味突出；绿牛则好清新，茉莉花香好特别。两款都系消暑佳品，配搭主菜一流。🍮 彩虹椰汁糕（4件）（$50）色彩缤纷，口感烟韧，椰汁味香而不腻，唔甜反而更突显椰香，系一个好有诚意嘅甜品收尾。🪑 环境方面餐厅装潢简约而不失泰式风情，我哋坐咗喺圆形梳化座，座位宽敞，灯光柔和，令人感觉放松。无论系朋友聚餐定情侣约会，都非常适合。✨总结：Thai Fire唔单止系一间泰国餐厅，更系一个味觉旅程。每一道菜都见心思，价钱合理，环境舒适，绝对值得一试再试！📍地址：观塘王子大厦9楼…Read More

呢间观塘楼上泰国菜已经听朋友提起过几次，颇出名， 今日特登嚟一试，果然好合胃口好高质。餐厅嘅座位好阔落，坐得几舒适。 虽然系楼上店，但平日晚上都有七八成full，几受欢迎。泰式虾饼（$88/4件）虾饼炸得香脆可口， 肉质有弹性， 虾味好浓郁， 味道咸辣适中，可以搭配自家制酱汁，会更开胃。泰式凤尾虾金边粉（$128）色泽相当漂亮， 凤尾虾好爽弹，配料好丰富， 有大量芽菜、韭菜、蛋丝、肉碎等等，碟旁亦有柠檬、花生碎、砂糖，可以按自己口味喜好加入。金边粉炒得好有镬气，融合左酸、辣、甜、咸多重滋味。酱香蹄膀（$388）呢个系餐厅嘅招牌， 点菜时其实有啲肉赤， 但好在最后冇令我哋失望，一上菜已经觉得好大阵仗。 猪手炆煮得好软稔好入味，酱汁咸中带点甜， 调味刚刚好。猪手肉质真系煮得非常软嫩，火喉控制得好好，轻轻一切就已经切开，肉质嫩滑，胶原劲丰富，入口即化。配有生菜、九层 塔、炸蒜、炸香葱，甜酸汁及生虾汁等配料，可按自己口味喜好加入。彩虹椰汁糕（$50/4件）颜色好漂亮好吸睛，每一层一种颜色，制作得好用心。椰汁味香浓，唔会太甜，味道清甜唔腻，一次过咬黎食又得，逐层逐层分开嚟食又得，得左。泰火特饮（$48）呢间餐厅嘅特饮都好靓好吸睛，泰火特饮外观系紫蓝红渐变色，仲有小熊冰块，好梦幻好少女心好打卡able， 味道系蝶豆花加入梳打水，仲有柠檬汁， 味道超级清新， 解暑消腻一流。斑兰椰奶（$48）斑兰椰奶香气浓郁，斑兰叶的清新融合椰奶既浓醇，口感顺滑。甜度适中，不腻口，反而有种治疗既感觉。…Read More

观塘工厦有唔少餐厅，今次朋友带我去王子大厦食Thai Fire，店内环境阔落，仲有半圆型卡位，打卡一流👍🏻泰火特饮 | $48梦幻粉蓝色熊啤啤，粉蓝色系碟豆花茶，搅拌一齐饮劲清新😋打卡一流👍🏻👍🏻泰牛沙冰 | $68牛牛奶茶冰公仔，造型超级可爱，冰沙质地细腻，泰奶味道浓郁😋打卡一流👍🏻👍🏻小冬荫公汤 | $168辣度和酸度刚刚好，用料十足，有青口、虾和几款菇类，整体不过不失😋😋福袋 | $108生菜包著香辣馅料，肉碎份量唔少，味道带点辣🌶️好开胃😋😋炭烧猪颈肉 | $168烧烤香气十足，肉质外焦内嫩，油脂丰富但唔腻，配埋泰式酱汁一齐食，啖啖满足感，必点😋😋凤尾虾金边粉 | $128金边粉炒得湿润，质感弹牙，捞埋芽菜、花生碎、泰国辣粉，更加惹味😋😋甜品四件 | $50色彩缤纷，唔甜唔腻😋系碟面仲有一些绘画点缀，打卡一流👍🏻👍🏻…Read More

今日去开观塘买运动野，夜晚就嚟左呢间Thai Fire食泰国菜。柚子沙律(小) $88今日真系好热，想食番啲开胃前菜，拣左食柚子沙律，呢度嘅柚子肉系偏细粒，食落觉得清甜，配埋新鲜生菜同虾一齐食，都系一个几清新嘅配搭。泰式无骨凤爪(小) $78一上枱就见到呢碟凤爪份量劲多，同埋呢度凤爪系唔同出面食开嘅泰式凤爪颜色偏白色，佢喺已经沾满哂啲酸辣汁咁变哂橙色，食落劲入味，酸辣又开胃，啱晒夏天。阴公鲜菌烤鱼 $388呢款烤鱼系俾冬阴功汤浸住食，食嘅时候条鱼一路加热，啲汤就俾条鱼索哂，所以个侍应摆低条鱼𠮶阵有提过我地等一阵先食会好食啲。呢间餐厅嘅冬阴功汤唔算好辣，最后可以连埋入哂味嘅菇菌一齐食。泰火酱鸡粒炒饭 $118碟饭份量十足，食落觉得饭粒炒得好干身，因为佢加左啲辣酱同干辣椒一齐炒，所以食落都有啲辣，另外佢仲加左金不换，都增添左香味。彩虹椰汁糕 $50椰汁糕有4件，同佢个名一样，件椰汁糕系做左一层层彩虹颜色，整得好靓，食落唔太甜，有咸香仲好烟韧，呢个有惊喜，正好为呢餐做完美总结。水蜜桃沙冰 $58清甜嘅水蜜桃沙冰好解腻，同埋杯沙冰顶有一旧雪到好冰冻嘅桃肉，食住其他辣野食呢旧桃肉系好正。冻斑斓茶 $38唔系间间泰菜餐厅有呢款饮品拣，饮落斑斓味好够，好清甜，仲要啲烟烟韧韧嘅斑斓啫喱咬下。…Read More