Terrace in seaside (MOKO新世紀廣場)

呢间韩食餐厅系商场food court位置，以橙色及木作为装饰主题，侍应头上带住嘅柑橘帽好得意。有个2人餐，由沙律，主食到甜品都包埋，可以试到唔少野。前菜先有烟肉薯仔溏心蛋沙律，简单材料但口感唔错，唯唔系溏心蛋，偏向烚蛋。好耐无食过韩式猪手，有少少挂住，仲要唔驶另加钱。以木盘上菜，仲有生菜，韩式辣酱，青辣椒及蒜片包住食。猪手口感弹牙，包埋生菜一齐食，韩式辣酱嘅惹味都好夹猪手，亦可中和佢嘅腻感。淀粉质类要选两款，其中之一系韩式炖牛肋骨配饭。牛肋骨与白饭份量系相同，上面再有D蛋丝，仲有红白萝卜。酱汁味道系认识嘅韩式炖牛肋骨，配饭系好岩数; 肉质够腍同入味。另一淀粉质担当，玫瑰酱海鲜年糕，玫瑰酱系牛奶、茄汁、韩式辣酱三合一，变成淡红色好似玫瑰色咁，味道香滑得黎有少少辛辣，挂汁程度可以令每条口感烟韧嘅年糕披上一身淡红色上衫咁。而海鲜类就有虾，青口及小章鱼，整体味道觉得唔错。包餐饮，都加$28转饮济州柑橘乳酪，呢杯绝对系呢度嘅招牌特饮，差唔多枱枱都有杯。外型吸睛，原个柑橘放系杯顶，乳酸味令人开胃，饮完仲可以食埋个柑橘，性价比高。呢客柑橘窝夫伴雪糕唔驶再另加钱，外型又系吸睛嘅。有4件窝夫，每块都搽上忌廉，再倒少少柑橘酱汁，松脆又香甜口感，另有云呢拿雪糕，橙白色配色令人感觉开心呢个二人餐份量相当对眼，3个人都绝对够食，全部都系饱肚类，摆盘吸引，食物味道岩胃口，回头率偏高。…查看更多

呢晚嚟咗呢间喺商场里边嘅新派韩国菜🇰🇷餐厅食晚餐，我哋坐低嘅时候大约有一半客人，走嘅时候坐满兼要喺门口排队等，喺而家咁嘅时势真系劲揪🤣估计呢间餐厅伙食好好因为见到大部份员工工作勤快兼好有福气🤣$96「玫瑰酱八爪鱼猪五花意粉」：玫瑰酱汁唔肯定里边有乜好似落咗啲 sun-dried tomatoes 去煮充满 umami 出奇地好味🤣，意大利面用咗 Tagliatelle 阔条面煮到少少 al dente 硬硬哋啱胃口🤣，八爪鱼🐙就几爽滑🤣$238「拉出一丝丝芝士排骨锅」：排骨肉质几软熟，配埋拉丝芝士，几好玩又几好食🤣，店员妹妹仲帮我哋拉丝🤣，仲有紫菜饭团可以食，都系可以捞埋拉丝芝士一齐食🤣$258「半半炸鸡」：拣咗有骨嘅炸鸡，口味就拣咗「吃一口就想原谅世界的粟米炸鸡」同埋「带点正宗水原式牛肋骨酱炸鸡」，名字有啲啲鬼马，几好玩🤣；「吃一口就想原谅世界的粟米炸鸡」炸得外边干身几香口🤣，「带点正宗水原式牛肋骨酱炸鸡」甜甜哋咸咸哋湿湿哋味道几得意🤣$42「初夏青柑柚子梳打」同埋 $48「济州柑橘乳酸梳打」：大大杯，都几甜，越饮越开心🤩$132「比初恋还要甜的蜜瓜窝夫」：绿色嘅蜜瓜用匙羹𢳂成一小粒一小粒咁样，细细粒，容易入口，味道非常清甜，好好食🤣；窝夫暖暖哋脆脆哋，配埋鲜忌廉同埋蜜瓜酱，都几甜，几好食🤣劲饱嘅一餐，我哋食完几乎饱到唔识郁🤣…查看更多

2025年7月26日 星期日星期日再加上放暑假，当然要出去好好玩返一日啦，放足一日电真系觉得劲肚饿，于是就打算系新世纪广场食饭行过Terrace in seaside，发现餐厅有Summer Time “Terrace Passport” 活动，简单黎讲就系首先问店员拎本餐厅特有既Passport，之后到任何分店消费，即可得到1个悠闲印章当集满3个悠闲印章，就可以获得Game Tour挑战资格，前往8间指定挑战分店参与趣味挑战，每日每店首位完成挑战者，更即场可获得$1,000旅避礼券添而当集满挑战印章，就可于活动结束后换取限定奖赏咁我哋当然唔会执输即刻拎左本passport，喺呢间分店消费，赚取第一个印章啦睇一睇餐牌，发现有新菜式，仲要系我最钟意嘅蜜瓜味，于是急不及待点咗嚟试吓，另外再要咗几款食物，一定足够两个人食话咁快菜式同饮品就已经全部送上，甜品可以食完主菜后另外再起首先有韩式炖牛肋骨配饭，牛肋骨炖得超入味，酱汁系偏甜中带微辣，啱晒香港人口味牛肉一夹就散，完全唔使出力，入口即化配埋白饭一齐食，真系每啖都好满足而且佢仲加咗蛋丝、红萝卜同葱花做配料，唔单止令卖相更靓，仲有层次感黑芝麻点缀令整体香气提升，细节位都做得好足之后有鸡蛋多过饭的蛋饭卷，呢款饭卷真系名副其实鸡蛋多过饭！一上枱就见到厚厚嘅蛋包住紫菜同饭，视觉上已经好吸睛，影相打卡一流食落去蛋香超浓郁，口感滑嫩但唔会太油入面包住少量白饭，加埋爽脆嘅青瓜、红萝卜丝，仲有少少腌菜，食落去层次好丰富每一啖都系蛋香同蔬菜清新感，唔会太 heavy，啱晒唔想食太饱但又想有口感嘅人呢个系玫瑰酱海鲜年糕，玫瑰酱其实系由番茄酱加上忌廉同少少辣酱混合而成，味道温和又香浓，唔会太辣但劲挂汁年糕烟韧得嚟唔会太硬，吸收晒酱汁真系每啖都好满足海鲜方面有虾、青口、鱿鱼等，全部都新鲜弹牙，唔会有雪藏味加埋 arugula 同芝士碎，令到整体味道更有层次，仲有少少西式感觉添饮品方面有饮完唔会手指指饼咖啡，呢杯咖啡真系有啲玩味！唔止系一杯普通冰咖啡，上面仲加咗鲜忌廉同可可粉，最抢眼当然系上面插住一条 迷你手指饼，打卡一流，饮落又有惊喜底层系冰冻咖啡，唔会太甜，带少少微苦，啱晒钟意咖啡原味嘅人至于忌廉滑到不得了，配埋可可粉有种 mocha 嘅感觉最正系支手指饼，外脆内软，仲有肉桂香，食完唔会太腻，反而有种「甜品＋饮品」二合一嘅满足感另一杯就系圆碌碌蜜瓜沙冰，呢杯冰冻蜜瓜沙冰真系透心凉，沙冰入口清甜，蜜瓜味好天然，唔会有假果香而且口感绵密但唔会太腻，饮落去有种即刻降温嘅感觉上面仲有几粒蜜瓜球，圆碌碌咁坐喺沙冰上面，好似夏日果园咁疗愈。最后有比初恋还要甜的蜜瓜窝夫，呢个窝夫唔止系味道，连卖相都好似一场夏日恋爱一上枱就见到金黄窝夫叠得靓靓地，上面铺满蜜瓜果肉、忌廉、莓果，仲有可食用花点缀，真系靓到唔舍得食！窝夫味道外脆内松，牛油香好浓郁，唔会太干蜜瓜果肉清甜多汁，配埋滑滑忌廉，入口即化仲有士多啤梨、蓝莓、蜜瓜球，酸甜交错，令整体味道好有层次埋单每人三百几蚊左右，食得十分满足…查看更多

韩式猪手（半份）🐷啖啖肉，骨胶原满满，另外配咗生菜紫苏叶一齐食就冇咁腻开唔开心试咗先知嘅开心果蜜糖窝夫✨开心果碎超级多，另外开心果酱入面有粗粒，所以非常浓郁，再配埋焦糖脆脆，口感非常丰富韩式烤牛肉奶油意粉🍝非常浓郁嘅奶油味，觉得有非常浓厚嘅蘑菇成份喺入边，整体令到意粉非常挂汁。原本担心奶油会腻，发现原来中间加咗青杨辣椒仔鸡蛋多过饭的蛋饭卷🍙一上碟就见到鸡蛋嘅部份超级滑嫩，真系冇改错名，鸡蛋多过饭😆饮完唔会手指指饼咖啡☕️咖啡个底偏nutty味，再配淡淡嘅奶盖，混合之后非常香滑，另外再配手指饼，感觉似食紧Tiramisu带点惊喜的香印提子奶盖绿茶🍵奶盖比想像中冇咁咸，系偏清淡口味，食咗咁多野，用嚟清新一下不错✨一匙即中$3000旅游礼劵✨凡于店内消费满 HK$500，可获得 1 条锁匙；满 HK$1,0002 条锁匙，如此类推现场设有一个宝箱，内藏总值 HK$3,000 旅游礼券成功打开宝箱即可获得 HK$3,000 旅游礼券 😍 当首个旅游礼券送出后，其后仍设有 5 个名额可享「全单免费优惠」😆…查看更多

新世纪广场既Terrace in Seaside地方好大㖞!! 采半开放式设计, 装修走植木系风, 枱凳简约有质感, 成个感觉好Chill店员态度亲切, 笑容满面, 介绍饮品都几仔细, 整体服务感觉良好~~~餐牌上既食物图片好靓好吸引选择亦都好多呢~~~带点惊喜的香印提子奶盖绿茶 $62淡绿茶底上面舖咗厚厚一层奶盖, 再摆几粒晶莹剔透嘅香印提子, 颜值分满满!!绿茶底清新顺口, 带点茶香~奶盖系微咸微甜creamy质地, 好滑好厚但唔腻饮落一入口系奶香, 跟住慢慢渗出提子果甜同茶香, 味道层次分明~~饮完唔会手指指饼咖啡（冻） $58上层铺咗条Lady Finger手指饼, 再洒上少少朱古力粉, 卖相似提拉米苏版冻Latte咖啡味唔太重, 奶味较多, 甜度控制得o岩o岩好~手指饼浸住啲咖啡液会微微变软, 但仲保持到少少松脆口感一啖冻啡一啖饼, 甜苦交错鸡蛋多过饭的蛋饭卷 $86饭卷份量都唔少喔~~ 每粒饭卷都包住大大团鸡蛋!!饭粒软中带弹, 配埋鸡蛋等配料一齐食, 口感好平衡韩式猪手（半份） $122猪手切到一片片厚薄啱啱好, 皮透亮, 肉有弹性~~食落去味道咸香中带微甜, 卤汁入味又唔过咸皮部分胶质感重, 充满骨胶原丫!!!用生菜包住猪手, 再加少少蒜片同韩式辣酱一齐食, 即刻提升晒味道层次！每一啖都系爽、香、滑、弹韩式烤牛肉奶油阔条面 $105呢道菜式超好味呀!!!啲牛肉系韩式风味𠮶种烤香香甜甜, 切得厚薄适中, 闻落已经有啲烧汁味同芝麻油香~个酱系味道浓郁浓嘅cream sauce, 带淡淡奶香同黑椒香味, 配合番少少咸香韩式汁味, 配搭得好夹阔条面煮得啱啱好、烟韧有嚼头, 条条都挂到奶油酱汁, 入口滑嘟嘟~~整体食落香浓细滑、口感层次劲丰富开唔开心试咗先知嘅开心果蜜糖窝夫 $138窝夫外脆内软, 一上枱都闻到牛油香~~上面铺满咗淡绿色嘅开心果酱＋少少脆粒香味浓郁又唔会苦, 食落甜中带坚果香~连忌廉一齐食令整体口感更加滑顺香甜**餐厅仲做紧优惠添**【一匙即中$3000旅游礼劵】凡于店内消费满 HK$500，即可获得 1 条锁匙；满 HK$1,000，可获 2 条锁匙，以此类推。现场设有一个宝箱，内藏总值 HK$3,000 旅游礼券。宝箱以锁封存，必须使用正确的锁匙才能打开！活动设有 20 条锁匙，当中仅有 1 条为真正锁匙。参加者将获提供一张「锁匙认证卡」，并有 30 秒时间观察锁匙外观及锯齿特征，之后需于 20 条锁匙中选择一条锁匙。成功打开宝箱即可获得 HK$3,000 旅游礼券 - 名额 1 位，当首个旅游礼券送出后，其后仍设有 5 个名额可享「全单免费优惠」的幸运者！…查看更多