Terrace in seaside (德福廣場1期)

营业中

休息中

以濟州柑橘主題，想入去食好耐，每次經過那個令人垂涎欲滴的櫥窗，見到各種美食及窩夫，總想嘗試一下，但克服不了要排長隊的決心，今日終於得左。 蟹籽雞蛋薯仔蘋果沙律 $78蟹籽及雞蛋分別左右兩邊鋪滿了，撈勻後吃味道不錯，蘋果粒爽口不會酸，伴碟更有一件切件的橙件，多汁鲜甜，滿滿的維他命。韓國蜆肉紫蘇飯 $118好特別好韓風嘅一個飯，大量蜆肉混入韓式辣醬，炒飯亦混入好多紫蘇碎，咸咸地少少辣，如果食開一般韓國菜覺得悶悶地，不失為一個新穎嘅選擇。飯旁亦有切件橙做伴碟，隨意的把橙汁圍一圈淋上去，混合飯來吃，味覺清新了，不錯。初夏開心果窩夫 $122厚厚且蛋香鬆脆嘅窩夫，上面鋪滿士多啤梨及綿滑嘅cream，有超多開心果碎，窩夫並非普通蛋漿，入面綠色的有很香的斑斕味。 濟州柑橘乳酪 $68賣相好吸睛，用了整個柑橘混合乳酪，喝起來酸酸甜甜很清新。 熱洋甘菊桂花茶$48本來以為是普通洋甘菊桂花茶，入面放了柑橘乾片，除了有洋甘菊桂花的花香味，還充滿了柑橘的酸味，完全令我驚喜的一個組合，橙味把花茶的味覺提昇了。

以新派韓國料理主打，🍊人氣柑橘主題餐廳Terrace in Seaside 一向都係我必食list🍊又到初夏，梗係想食啲開胃嘅嘢啦✨分店越開越多，今次我到了九龍灣德福，餐廳半開放式，空外位置在商場內✨食物賣相精緻，好啱打卡！🍊韓國蜆肉紫蘇飯$118蜆肉大粒配上韓式辣醬去炒都幾辣下嘅🌶️幾開胃，撈飯食岩岩好紫蘇葉有獨特香氣，口感更加豐富🍊醬燒牛肉飯卷$82最鍾意食韓國嘅紫菜飯卷以醬燒牛肉、飯、醃製酸蘿蔔、青瓜、紅蘿蔔、蛋卷做成，大大份，份量非常足料🍊清甜柑橘窩夫$98賣相非常精緻，見到就即刻想食窩夫即整，做到外脆內暖濟州柑橘非常清甜，好清新✨✨cream未算好輕身，不是即溶但係都幾滑，呢個甜品真係好邪惡✨🍊濟州柑橘乳酪$68餐廳嘅signature飲品，好啱打卡柑橘的清香，必叫✨✨🍊洋甘菊桂花茶非常之香嘅桂花味 ，非常清新，好啱夏天飲

以柑橘為主題既韓式cafe 🍊食物種類多選題 有飯卷,韓式料理,窩夫,tiramisu,水果三文治,特色飲品同咖啡等 味道都好不錯👍🏻🌟泡菜豬肉芝士千層麵泡菜豬肉配lasagna 又真係有創意💯每層麵皮都堆疊住滿滿既泡菜豬肉同芝士有口感之餘仲特別惹味!🌟牛肉紫菜包飯餡料份量十足 有牛肉,紅蘿蔔絲,蛋絲,醃黃蘿蔔等食落帶麻油香味同紫菜鹹香味 好開胃😋🌟Lotus焦糖窩夫賣相好靚 外脆內軟既🧇配上lotus出既焦糖醬,餅乾同餅碎呢個甜品實在好高質🙌🏻🌟濟州柑橘乳酪 原個柑橘造型夠哂搶鏡😆飲落有粒粒柑橘果肉酸酸甜甜夠哂清新🌟熱洋甘菊桂花茶味道甘甜兼花香味濃且益處多多👍🏻

今日同舊同事喺德福食飯，搵咗一間打卡，自選嘅韓式fusion餐廳Terrace in seaside成間鋪感覺好橙色，因為佢哋係用濟州柑橘做主題由於我哋唔係太肚餓，我哋叫左生魷魚紫菜包飯、初夏開心果窩夫、濟州柑橘乳酪同埋洋甘菊桂花茶紫菜包飯賣相吸引，食落魷魚彈牙、開胃可口開心果窩夫食到粒粒開心果碎、擺盤精美、而且唔會太甜洋甘菊桂花茶，味道清新濟州金橘乳酪，賣相打卡一流，味道清新解渴，個有少少苦澀味，係餐廳嘅主打之選

今日同朋友去左九龍灣德福食人氣韓式Cafe (Terrace in seaside)，餐廳裝修係以橙色的簡約風，餐廳員工服飾一致，仲有搶眼的頭套，九龍灣分店分開兩區、鋪內同鋪外，最後我選擇左鋪內類似Bar枱位，望住一棵柑橘樹我地叫左兩個主食，泡菜豬肉之士千層麵、生魷魚紫菜包飯，加一個甜品初夏開心果窩夫，而飲品我選擇同鋪頭主題最夾的濟州柑橘乳酪，朋友就選擇左洋甘菊桂花茶泡菜豬肉芝士千層麵賣相吸收，食落口有小小泡菜的辣味，芝士唔會太重岩岩好，估唔到泡菜同千層麵咁夾生魷魚紫菜包飯食落有魷魚的彈牙口感、而紅蘿蔔同青瓜爽脆清甜，感覺開胃初夏開心果窩夫賣相好吸引，食落口有開心果的果碎，窩夫鬆軟，而且上面的忌廉食落口唔會好流，甜度適中濟州柑橘乳酪係招牌飲品，賣相絕對係打卡之選，味道有小小苦澀但配上乳酪，甜澀順滑，好岩夏天飲

餐廳用橙白色做主題，俾人一種清新乾淨嘅感覺，細看之下餐廳角落同埋店員嘅帽都係🍊，十分有趣🤪牛肝菌和牛千層麵 $82滿滿嘅牛肉香同芝士香，和牛份量唔少令到每啖千層麵都係啖啖和牛，雖然千層麵無汁但因為料多所以食落唔會乾爭爭，好食👍紫米鰻魚飯卷 $88韓國飯卷食得多，但鰻魚做餡料嘅比較少見，中間仲有青瓜、蘿蔔、玉子、酸瓜，同鰻魚做配搭好夾，用紫米做飯卷感覺好健康😽🍊濟州柑橘乳酪 $68🖤黑白配⚪️根本就係衝着呢一杯橙橙而嚟😂賣相太得意，基本上10張枱有8張都有點，質地係流質嘅乳酪，有粒粒橙肉，好清新又唔太甜🧇清甜柑橘窩夫 $98窩夫有幾種口味，見餐廳主打柑橘所以嗌咗個柑橘🍊試一試，柑橘十分清甜，窩夫好香牛油味，cream亦好幼滑，係一個挺高質的窩夫😋

,,,九龍灣| 柑橘主題韓國菜想去這兒許久了人氣程度不減，已開了數間分店每間都佈置得相當別緻有心思濟州柑橘和大自然的主題特出。韓國蜆肉紫蘇飯第一次試韓國特色紫蘇飯飯粒入口分明有點像炒飯而充滿醬汁的蜆肉如泡菜醃成的辣度非常入味～。炭燒雞肉飯卷 我好喜歡它的新鮮蔬菜配料不又會有醬汁蓋過新鮮味所以是和炭燒雞肉配合得宜的健康之選～。士多啤梨窩夫不止賣相美觀，窩夫🧇煙靭鬆軟喜歡士多啤梨和大量忌廉甜品的不要錯過而且大份飽肚～。濟州柑橘乳酪必試signature飲品柑橘🍊味+乳酪味道清香可口不太甜～。漂浮棉花糖朱古力咖啡 ☕️朱古力粉和棉花糖在面層甜甜的帶出咖啡味的幼滑感～

如題 ， 當沙律要整半個鐘而個飯5分鐘左右，千層麵8分鐘出到比你， 你就知呢間野唔係for你食正餐。 味道方面，不過不失，黑毛豬飯無特別，慢煮雞髀完全唔淋千層麵麵係正常水準，飲品係好飲嘅、甜品賣相都唔錯。 但食正餐就真心唔建議大家嚟啦問服務員點解個沙律會仲耐過主菜，佢同我地講 因為沙律嘅生果要切，所以會耐過個主菜。 然後亦唔會幫你問下究竟有無整緊。廚房因為好細又近門口，你一望就會見到佢地係到整緊甜品同炒熱返係飯煲裝出嚟嘅飯，完全無人跟進漏單。而等左半個鐘都無 就決定取消個Order,店員亦無特別交代，無左件事就算嘅態度令人覺得食物再靚再好食都唔會再嚟

每次行過德福商場都見有人排隊.但見到個招牌是韓文.都唔知佢叫嘜東東.但見到佢哋啲食物離唔開啲柑橘🍊.每一樣食品擺設美觀.可以話係打卡cafe.再望真啲原來舖內還有一棵假可亂真嘅柑橘🍊樹🌳.佢哋個餐牌都係用咗柑橘🍊紅色嚟做主題.令客人好似去咗個村莊菓園.一於入去個招牌用英文寫住《海邊的露台》菓園試吓佢哋啲柑橘🍊有幾甜！🚶🏻‍♂️👉📌Terrace in seaside (德福廣場) 九龍灣偉業街33號德福廣場1期1樓F11號舖今日星期六晚飯時段.我哋被安排在大堂嘅位置.因為地方太空曠.所以空調有點不足夠.座位都係舒服嗰種！今晚點餐如下：1. 清甜柑橘🍊窩夫🧇X1 $98元2. 燒醬油黑毛豬🐷白切肉紫蘇飯X1 $128 元3. 和牛🐮牛肝菌千層麵🍜 X1 $82元4. 炭燒雞🐓肉飯圈 X1 $78元5. 柚子檸檬🍋梳打 $42元X2=$84元

真係比呢度驚喜到，所以要寫！因為心情麻麻又攰，想揾間西餐飲杯靚啡，無奈原來德福無乜選擇，Pacific coffee真係五想，五夠relax。我路過左呢間一次，無乜客，怕伏，去左茜廊睇下，但係…個港式早餐真係五想，決定返黎呢間一試。外面望入黎，會以為空間好細，人貼人，結果坐低喺高枱位，好舒適，闊落，有離開左多人商場既感覺，對住橙樹既corner，心情都變好衝住想飲杯靚latte，求其叫左份早餐。選擇五多，無圖，我叫左份雞胸肉窩夫橘子沙律。見到用即磨咖啡機已經安心一半，到咖啡上枱，飲咗第一啖綿密嘅奶泡，要畀個讚！好飲！早餐上枱，由沙律食起，新鮮雞胸肉，我以為會好似一般西餐實鞋到紙，真係意外地，肉質入口剛剛好，加上小小香草，好過西貢d西餐（鞋到吞五到）。窩夫我以為係好普通硬硬地，食第一啖，我即刻決定要寫食評！真係好意外，窩夫中間有洋蔥煙肉，又外脆内軟，好食呀！我後悔無趁熱食左先…最後食橙，甜！！呢個早餐，先至$57我好慶幸，無去到茜廊，無貪方便食M記，黎左呢間餐廳，帶比我勁好既心情喺香港人人都好壓抑，食好西，係好緊要💯

之前一直好想試，但一直都冇時間就啱嚟食，今日經過開就同好友一齊去試～ ～～～廢話少講，食評即到～～～～🍊韓國蜆肉紫蘇飯 $118韓式辣蜆肉飯，蜆肉量多到佔半碟，蜆肉辣辣地，非常開胃，2個人食絕對冇問題👌🏼伴碟仲有少少沙律菜 + 一楷柑橘🍊蟹籽雞蛋薯仔蘋果沙律 $78份量都多，最中意係有蟹籽 + 1楷柑橘🍊以白橙強烈對比，沙律好開胃，中意輕食必點🍊初夏開心果窩夫 $122滿滿蛋香鬆脆嘅斑斕窩夫，上面鋪滿士多啤梨 🍓 + 非常綿滑嘅cream 夾雜著超多開心果碎，仲有食肉花 + 薄荷葉，每一啖都有開心果香味+ 斑斕香味，好好食🥹特別推介俾中意食斑斕嘅朋友仔～ yyds 🍊濟州柑橘乳酪 $68必點✨打卡yyds!上面超大柑橘🍊 （只是裝飾品🤣)柑橘肉已經變成juice~ 酸酸甜甜柑橘汁配上乳酪，非常之開胃 🍊熱洋甘菊桂花茶(熱) $48中意飲花茶必點！超香😍Overall 嚟講初夏開心果窩夫係必點！中意食開心果 + 斑斕一定要試～ 沙律 + 蜆肉飯都好食，一下子全部掃晒～ 比相像中好食，有驚喜！店員又nice又helpful! 大家經過不妨一試！如果大家中意俾個like支持下🤟🏽 𝗖𝗶𝗮

Terrace in seaside🌟整體: 柑橘之特色濟洲韓式cafe 將傳統風味新式方 更加打卡able🏠環境: 柑橘之鄉 當然有大大個柑橘樹做打卡位 不過成日要排長龍 好受歡迎 要預時間🧑🏻‍🍳服務: ✅☆║．．．．．．．．．．．．．║☆‼️ 韓國蜆肉紫蘇飯 $ 118✅ 大大碟飯 蜆肉同飯係一比一比例 用木籃裝住好好打卡✅ 蜆肉用辣醬料理過 撈飯一流 ‼️ 醬燒牛肉飯卷 $82✅ 好欣賞佢包得好夠實 夾起嚟完全唔會散 ✅ 牛肉比例上唔算好高 蔬菜比較多 所以口感上比較爽脆✅ 對比起其他菜式 呢個算係重口味當中嘅清淡‼️ 濟州柑橘乳酪 $68✅ 主打柑橘就緊係試吓柑橘飲品 呢個係夏天嚟講好開胃 酸酸甜甜咁 不過就冇話好酸 主要係有柑橘嘅香氣‼️ 漂浮棉花糖朱古力咖啡（熱） $52✅ 雖然係一杯mocha 不過用一個更漂亮方式present 出嚟 ✅ 用朱古力製造一個類似dirty 嘅感覺‼️ 抹茶麻糬窩夫 $82✅ 呢個大滿足 窩夫係標準嘅外脆內軟 然後就係大量cream + 抹茶cream 不過又唔係好甜搶晒D茶味 麻糬大大舊再增加口感📍 九龍灣偉業街33號德福廣場1期1樓F

🇭🇰Hong Kong - Kowloon Bay📍Terrace in seaside士多啤梨窩夫Strawberry Waffle 濟州柑橘乳酪Jeju Tangerine Special YoghurtAqua Bomb水漾奶昔Banana Milk Shake_____________________________近常見到好多人IG打卡一間飲品有原個柑橘嘅鋪頭，今日終於到我去試下。因為唔係太肚餓所以就只係簡簡單單叫左兩杯飲品一個窩夫。呢到最Signatures相信係柑橘乳酪同菠蘿沙冰，但好唔好彩個日無菠蘿沙冰。兩杯飲品不過不失，但水漾奶昔比我個感覺似香蕉香精加牛奶打出嚟。因為味道有小小小假，奶昔亦都比較稀。相對柑橘乳酪就好飲好多，亦都有啲果肉。窩夫新鮮熱辣。好有蛋香味，外脆內軟，加埋忌廉真係一啖接一啖食，士多啤梨亦都好甜。有小小失望就係店鋪大部用嘅都係即棄餐具，有小小唔環保。其次，餐廳大部分飲品食物都係IGable嘅食物。如果用返佢地menu上嘅玻璃一定靚好多。另外，有部分就真係有待改善，第一，因為Share食所以有比定啲碟Share用但所有碟濕到一個點，唔講以為洗完即時拎出

Terrace in seaside📍九龍灣偉業街33號德福廣場1樓F11舖自己好鍾意呢間韓式Cafe而家原來已經開到嚟九龍灣 選擇都幾多同朋友傾偈食飯唔錯🐷泡菜豬肉芝士千層麵$78千層麵好足料 有好多好多豬肉碎加入左泡菜有啲辣辣地 好有韓式風味🍥醬燒牛肉飯卷$82黎韓國餐廳點可以唔叫飯卷中間除咗牛肉之外仲包左 蛋 青瓜 蘿蔔等等 十分足料🧇煙三文魚芝士窩夫$98估唔到窩夫都有鹹味版本 幾驚喜窩夫醬入面已經加咗火腿，洋蔥等等 都幾好味配上三文魚同芝士 已經係同正餐一樣🍊濟州柑橘乳酪$68基本上每台都會叫一杯係嘅名物用韓國柑橘拆🥐加入乳酪味道酸酸地又幾夾上面仲有半個柑橘 打卡一流☕️飄浮棉花糖朱古力咖啡$52有啲似髒髒包 周邊鋪滿左朱古力粉仲有粒棉花糖放上面 咖啡味好香濃

1/6/2023今晚同6月壽星慶祝生日去咗九龍灣德福嘅 terrace.in.seaside.hk 一間比較新式嘅韓國嘢食燒醬油黑毛豬白切肉紫蘇飯：啲飯有少少辣味，份量偏少。個白切肉幾好食，如果佢就咁買一份白切肉（包菜食），我都會幫襯 烤牛肉kimbap ： 份量正常，但係烤牛肉存在感好低蟹籽雞蛋薯仔蘋果沙律： 正常薯仔蘋果沙律味，份量偏小清甜柑橘窩夫：d cream 唔算好甜，亦都好輕身，唔會食到滯。個窩夫都係新鮮夾出嚟，熱&脆的。上面的柑橘好清甜。柚子檸檬梳打（無影到）：朋友話冇乜梳打味，但係就滿滿嘅柚子濟洲柑橘乳酸梳打 ：外觀十分打卡able , 不過朋友話冇乜乳酸味Aqua bomb 水漾奶昔（banana milk shake) ：呢杯我嘅，正常香蕉奶昔味整體呢間店舖嘅主食比較選擇少，應該都係主打飲品、甜品。我見好多兩個人嚟食，都係會各自嗌一份自己食。而我地就係三個人share嚟食。 環境某程度上唔錯嘅，但係佢其實喺商場入邊，冇特別間隔，（佢有間隔嗰個位，通常都係二人枱）所以如果商場人來人往都會有啲尷尬，同埋剛好我哋幫襯嗰日天氣比較熱唔熱，商場唔係好夠冷氣，所以都坐得有少少辛