TC2 (Tea Coffee Two) (已結業)

睇tc2 fb知道今个星期就要结业，兴幸可以抽时间黎帮衬下作最后的支持! 香港少有文化cafe，即使黎到只系坐下饮杯咖啡，都会觉得好似同厅餐的人同物好有连系一样，多谢一直支持本地独立创作艺术，咖啡上面的字句感受到离别的忧伤，但同时亦期待下次再见，有缘再聚! …查看更多

好耐之前就听过依间cafe 一路都好想黎试下 支持下 但无谂过第一次黎 就已经系佢最后一星期了系依个气氛下 作为一间打开门口做生意既餐厅 都可以咁高姿态去撑 重好support 好多本地既artist 希望将来可以以另一个形式 另一个地方再见再见了TC2 多谢…查看更多

本身想食另一间餐厅，因为太多人而转移到tc2。第一次起呢度食晚餐，晚餐大约158到198，再加一服务费。 极力推介 鲜果沙律佢系用 唔同种类嘅苹果造成嘅沙律好清新，汤系用海鲜整。 叫咗一个牛扒同埋青酱手撕鸡两个都系配意粉，所有餐都可以选择配饭或者薯菜， 如果食素嘅人可以选择素食嘅餐。 餐饮叫咗杯朱古力同埋热柠茶 ，朱古力上面写咗秋凉两个字提醒大家要注意天气变化。 系香港而家呢个环境仲有餐厅立场鲜明表达对香港事件嘅睇法， 即使一餐晚餐系同朋友倾计互相关心近况 但系都从环境中感觉得到有好多人为著香港呢个地方而努力， 食呢餐晚饭系比自己有力量出番去。…查看更多

是日来一个早宵夜(因为6点已吃过晚饭), 点了几款小食加甜品: 鸡翼量多美味; 薯皮香脆足料; 薄饼小小块有特色又惹味; 焦糖炖蛋份量足甜度适中亦很美味。整体来说这个“宵夜”令人满足而这店环境悠闲带点随意率性的文青feel, 空间感足够, 服务也不错。 唯一是洗手间很窄但幸好是干净的…查看更多

某日黎到太子「揾食」, 邻近太子地铁站的几条街都有好多食店,刚好黎到柏树街见到一间门口十分特别的餐厅, 大门系好似传统中国风的古代推门,细看之下原来系一间CAFE。刚好同友人行街行到攰, 就决定入去稍作休息顺便叹杯茶食个TEA啦!入到去发现原来有两层架㖞! 我地被安排坐下层中间位置, 坐低第一个感觉系好WARM以及好古色古香！之所以话古色古香, 系因为店入面的装潢同摆设都系以木同砖块黎组成, 仲有少少同时事有关嘅物品放晌度俾客人睇添而且店内十分宁静好令人放松心情, 就算坐满人都唔会觉得好嘈或者好挤迫咁。由于唔系太肚饿的关系, 叫左一份公司三文治同一个炒饭加一杯朱古力, 虽然款式同茶记大同小异（所以冇影相），不过质素都唔错㖞! 三文治好大份而且都几多馅, 两只手夹实都会趺D料出黎而个炒饭都好热辣辣, 食完成个人暖笠笠, 再加埋杯拉左花嘅热朱古力, 简直完全抵消哂行完街血拼完嘅劳力呀最后我地都差唔多坐左成个几钟先走, 呢段期间服务员都冇任何催促过, 而且服务态度有礼, 十分赞赏所以呢度绝对系女生聊天以及休息嘅好地方。…查看更多