Table

去完海洋公園有點該夜又餓，去黃竹坑Southside就最近，去到大概7:30都要等位，食完商場店鋪都關咗9成，好彩這餐唔錯啫😙紐西蘭西冷牛扒鐵板餐（黑椒汁）配羅宋湯$138。✨🫕羅宋湯： 熱餐飲杯上，羅宋湯味濃，湯料蔬菜滿滿，不過有啲酸，但大體上非常好飲。✨🍴紐西蘭牛扒： 我要求五成熟，但係真係熟咗啲，有點兒硬，不過配埋黑椒汁都幾好食，而且配餐蔬菜都好多種，仲有炸薯角😋✨🍴板燒厚切牛脷北海道咖喱蛋蓋飯$84: 牛脷厚厚的，但係好軟腍，一咬就開👍🏻；咖喱汁就唔夠香又唔辣，日本人口味有點甜😅；蛋就唔係好熟，勉強合格啦。✨🥢安格斯板腱牛肉石鍋烏冬$98: 成個石鍋上檯熱辣辣。蕃茄湯底好味；烏冬應該係讚岐烏冬，夠煙靭；可能放在石鍋裏便煮得太耐，有點兒熟😅，但總括來說好味的👍🏻✨🧋紅豆冰$15: 5:30後所有飲品半價，$15好抵飲，仲要紅豆🫘夠淋起沙😋✨3個人三百多，味道又唔錯又大份，性價比非常高，不過斟水要自己嚟，但門口有兩張檯可跟毛孩座，為毛孩家長多一個選擇👍🏻…查看更多

SOUTHSIDE商場有不少西餐及港式茶餐廳，其中這間港式西餐網上評價不錯，今次我就入場試試港式西餐的經典菜式——什扒餐。什扒餐沒有配飯或意粉的選擇，而是一律配薯菜。餐廳走綠色熱帶森林裝潢風格，感覺頗為養眼。套餐跟餐湯，羅宋湯微辣而且湯料不少(紅蘿蔔、野菜、洋葱等等)，質素可以接受。美式什扒餐 ($108) ★★★★★什扒餐可選擇以普通餐碟或是鐵板上菜，要有港式西餐感覺當然要選後者。醬汁選擇是經典的黑椒汁或蘑菇燒汁，然後有店員來把醬汁澆上佈滿什扒的鐵板上，發出「滋滋聲」，是地道的港式鐵板餐體驗。什扒有雞扒、豬扒、香腸各一、煙肉一條，味道達基本茶餐廳水準，配上黑椒汁可以説是comfort food。我欣賞的是配菜份量不少，而且蔬菜種類很多，包括紅蘿蔔粒、椰菜花、翠玉瓜、粟米、焗番茄等等，非常豐富之餘又不會只是食肉，營養比較均衡。加上炸得香脆的薯角(有十數塊)，我會説是令人非常滿足，一般成年男子都會覺得份量足夠。店鋪以QR code下單，店員安排座位及結帳等服務尚算可以。百餘元食到這麼飽而且有如斯港式西餐體驗，整體的笑哈哈評分確實實至名歸。餐牌食物選擇很多，期待下次有機會試其他食物。…查看更多

上次吃過這間餐廳的食物，感覺非常好，食物好有水準，所以又再帶家人來吃這家餐廳。喜歡這間餐廳的佈置，位置寬闊，空間感十足，被安排了位置，都幾舒服。今次試左啲扒餐，可以選擇用碟上或者是鐵板上。我們當然係選擇鐵板上，係本地特式，又可以感受汁料倒左鐵板的聲音和熱氣，好有氣氛。揀了兩個扒餐，一個是名字較特別的免翁牛柳，另一個是紐西蘭西冷。餐湯是羅宋湯，湯味濃郁，有濃濃既番茄香味。加上不同種類嘅雜菜，都幾健康。兩份牛扒我們都選擇了黑椒汁，上枱時店員會即時在你面前倒上汁醬，很享受汁醬倒下來的聲響，好有香港特色。免翁牛柳原來免翁牛柳是牛排的一種，為位於牛隻腰部的肉，在牛腰肉的末端。這個部位不是負重的肌肉，結締組織比較少而較軟嫩，被認為是牛肉最嫩的部位。每頭牛只有少量，所以價錢比較貴一點。紐西蘭西冷紐西蘭地理位置獨立偏遠，有著「與世隔絕」的地理優勢，所以呢度出產嘅牛肉質量都係不錯的。想不到用茶餐廳嘅價錢都可以享受到高質素嘅食材。今次食到的牛扒性價比都好高呀，肉質新鮮，質量很好。七成的熟度都可以令牛肉保持軟嫩，熟度拿捏得很好，牛肉味濃。隨餐亦付上很豐富的配菜，有雜菜亦有薯角，十分滿足😌最後叫咗兩杯嘢飲，都係香港比較較有特色的飲品 - 凍鮮檸檬茶, 檸檬片份量很多，茶底濃。紅豆冰的淡奶和紅豆嘅比例恰到好處，紅豆煮得很入味和軟糯。…查看更多

同朋友喺The Southside行咗陣餓餓地就去咗地下個層Table到high tea佢d下午茶勁多選擇！有成11個餐，價錢亦都好合理！今次叫咗兩款飛碟(鹹牛肉芝士/芝士火腿）同一個西多，我地都覺得好好食。首先佢全部都係即叫即整，所以完全無”凍咗”嘅問題，出到嚟仲係熱辣辣🤤又唔會整到好燶，啲餡鹹香鹹香咁勁正🤤西多又係入面搽滿滿嘅花生醬，完全唔hea！炸到啱啱好，表皮脆卜卜，但入邊嘅麵包仲係軟腍腍，超好食🤤跟餐的話正常凍飲都只係加$3，超平！講緊凍檸樂都只係加$3🤣但嗰日係奶茶Mood，所以最後都嗌咗凍奶茶！朋友就叫咗凍檸茶，奶茶完全係正統嘅港式奶茶！我同朋友都覺得呢兩杯嘅茶味夠晒濃！超正！另外朋友叫咗杯紅豆冰，椰奶同紅豆嘅比例啱啱好！又唔會好甜！佢話好好飲！呢個價錢係大商場食到三個餐，真心超抵！…查看更多

黃竹坑隱世飯堂！咖喇牛腩飯撈飯邪惡到喊｜附熱奶茶評測📍搵食坐標：黃竹坑工業區街坊飯堂 「Table」（冇錯！就係嗰種收工衝落去醫肚，隔離枱仲傾緊OT嘅地道格局）—生炒牛肉飯一上枱就聞到燶邊香！米粒分明到似喺度玩「粒粒皆辛苦」，牛肉嫩滑唔韌，仲有啲爽口馬蹄粒偷偷加分🔥 重點係：真·生炒！唔係白飯撈餸嘅流嘢，食到底仲有鑊氣吊住尾韻，抵佢賣得貴過茶記！阿姐仲好串咁話：「我哋即叫即炒，趕時間唔好叫！」（但等15分鐘絕對值）—咖喇牛腩飯一啖湯汁直頭係「飯盜」！咖喱係港式微辣路線，椰香溫柔但唔會搶戲，牛腩炆到啲筋膜變晒膠質，筷子一篤就散～最過分係啲薯仔，吸盡精華仲keep到棱角，撈飯食到最後一啖都要刮清個碗底！溫馨提示：叫少飯會後悔。—熱奶茶茶膽夠厚，飲落有啲似絲襪奶茶阿伯嘅堅持～奶滑得嚟唔會蓋過茶澀，個杯仲要預熱過！凍到入骨嘅天氣飲一啖，即刻有種「返到屋企」嘅治癒感☕️ 同個飯係神級配搭，完美中和咖喱嘅濃膩。—結論：雖然價錢拍得住市區餐廳，但喺工廈區食到呢種手功菜，已經係瀕危物種！下次OT肯定再偷運同事過嚟「開飯」～（阿姐落單聲線比較有氣勢，但見你食清光會偷偷笑㗎！）—飽到上心口指數： 🌟🌟🌟🌟🌟翻啅指數： 🌟🌟🌟🌟☆貼地價錢： 人均$70-90（工業區救贖價）📍Table#黃竹坑美食 #工廈飯堂 #生炒牛肉飯 #港式咖喱 #奶茶評測 #foodiehk #邪惡撈飯 #香港美食…查看更多

黃竹坑Table餐廳位於THE SOUTHSIDE商場，空間舒適寬敞，裝修風格清新帶點自然元素，感覺好 relax。 座位安排寬鬆，帶有綠植點綴，有咖啡店feel，氣氛輕鬆愜意，適合朋友聚餐或休閒。 有戶外位可遠望靚海景，整體環境明亮又舒適，服務亦被讚稱專業且熱情。 呢碟焗飯用咗芝士同蛋液焗至金黃微焦，面層半熟蛋滑溜，令口感更加豐富。底層飯粒經醬汁浸透，味道濃郁香濃，好有comfort food嘅感覺。配埋港式絲襪奶茶，完美中西合璧！☕️…查看更多

有心機做的餐廳（最起碼令我覺得）首先有道德 QR落單唔+1QR落單再收+1服務費但係咩服務都冇 真係會嬲同詐騙冇乜分別詐騙你醒啲都會發現逃離騙局收+1你係硬食個羅宋湯就真係有啲好笑普通嘢飲杯上不過唔影響味道 足料好好味然後睇啲菜 唔係濕立立 有些少調味整體上嘢食好味雖然都係簡單嘅食物配搭 冇乜花巧嘢但比較之下 都係有餐廳可以整到好難食的再睇份量 直程係多三個人應該都夠食座位闊落 冷氣強勁睇埋位置 開喺southside價錢貴少少都可接受👍🏼下次經過都會去再食…查看更多

不一樣茶記，，食物同平時茶記唔同。價位以同區計屬友善，環境亦比一般快餐式小店更舒服，坐得鬆動，但會不斷提客人離開- 煲仔焗豬扒飯 - 賣相吸睛，焗至虎皮色的芝士鋪面，熱氣蒸騰而不油膩。番茄醬底屬偏港式風，酸甜平衡，帶一點甘香味精提鮮，令整體更圓潤。豬扒厚薄適中，邊位微脆，中間保留肉汁；米飯吸了醬與肉汁，底部有輕微鍋巴口感，加分位在此。若再把豬扒腌料的胡椒香拉高半級，層次會更立體。- 韓式泡菜豬軟骨紫菜飯 - 醬色橙紅，泡菜爽脆、酸度清亮，帶走豬軟骨的油分，後段有韓式辣醬的甜辣。豬軟骨炆到膠質化但不糜，啖啖軟糯；豆芽與紫菜、白芝麻提供了清新與堅果香，口感對比鮮明。飯粒分明，拌勻後每口都帶海苔與辣醬香，極易入口。若喜重口味，可要求多一匙辣醬，會更像家常韓式拌飯。- 味道與價值 - 整體調味以鮮香取勝，味精運用得宜，提味而不搶鏡。以份量、用料及完成度來看，性價比在同區屬上乘。…查看更多

最近探訪了一間人氣小店，雖然排隊時間頗長，但進入後的用餐體驗的確令人印象深刻。以下分享我的體驗：🍲 **夜香花冬瓜粒雜菌湯飯配蔥油雞**這道湯飯的湯底清甜，帶有夜香花的幽香，搭配冬瓜粒和雜菌，口感清新又不失層次感。湯飯份量適中，剛剛好不會膩口。蔥油雞相當出色，雞肉嫩滑，蔥油的香氣濃郁又不過於油膩，與湯飯是絕佳搭配。🥩 **黑椒汁牛扒配飯**牛扒的熟度控制得宜，肉質鮮嫩，黑椒醬汁濃郁但不會搶過主角風頭，恰到好處。配菜的蔬菜爽口清甜，搭配白飯，整體味道均衡，令人滿足。🌟 **優點**- **味道好**：每一道菜都誠意十足，味道令人回味。- **上菜快**：即使店內客人眾多，上菜速度仍然迅速。- **環境好**：雖然空間有限，但乾淨整潔，令人感到舒適。⚠️ **缺點**- **排隊時間長**：店外人龍不短，建議非高峰時段前往。- **不能慢慢坐**：因顧客眾多，店員會在用餐後提醒離席，適合快節奏的用餐需求。…查看更多

黃竹坑呢個商場好近我屋企，商場亦都寵物友善，帶寵物去一流，呢間table，有戶外嘅枱戶外嘅空間，如果係秋天冬天季節，坐喺戶外帶住狗狗，食住早餐，嘆杯熱咖啡，chili到爆，開頭我都唔知呢間餐廳要咩嘢做定位，睇咗餐牌後求其嗌個火腿通粉早餐，加塊多士，餐蛋，凍奶茶，食物嚟到後，食咗幾啖，我知道係咩嘢定位，高級嘅茶餐廳，平民嘅價錢，好多茶餐廳A餐都係火腿通粉，但佢個湯底好香濃，塊多士，亦都係好特別好脆口，佢個餐牌入面，有好多其他茶餐廳冇嘅選擇，朋友食咗沙爹牛肉公仔麵，佢話好香濃嘅沙嗲味，絕對係贏曬普通嘅茶餐廳，呢個環境呢個價錢簡直一流…查看更多

今日七點幾，我喺SOUTHSIDE睇完戲，特地嚟試吓網上評價好高嘅TABLE鐵板餐。我點咗138蚊嘅紐西蘭牛扒，真係大到驚人，鐵板都放唔晒！佢可以揀3/5/7/10成熟，我揀咗3成熟，然後喺鐵板上再整熟啲，啱啱好保持住多汁。牛扒有黑椒醬或者無醬可以揀，仲有餐湯，味道唔錯。如果要飲嘢，加12蚊就得。不過可惜呢度冇酒水供應，服務都幾好，但要注意只收現金或者8達通，建議嚟之前準備好現金，以免唔方便。總體嚟講，今次用餐經驗相當滿意，牛扒嘅品質同份量都令我印象深刻，真係值得再嚟！…查看更多

其實食物，價錢都不錯，只係太多蚊仔🥲伴隨我們，我都被咬了幾啖，如果改善咗會好啲原來呢間分店在炮台山都有，叫茶東西，我認得店內嘅壁畫，而呢間晚餐抵食好多最後我們都食唔哂，因為其中一碟俾著蚊整到，唔想再食，湯同前菜都食哂…查看更多

今日去食lunch, 我地二人share 4人位卡位坐, 要搭枱,之後用barcode點餐, 只係點咗一份食物, 出咗二份食物, 以為自己错手點多咗份, 跟住同侍應講點多咗份, 佢話幫我地delete, 之後再揀多一份, 未選又多一份, 跟住問佢會唔會張單同枱對方同一barcode, check 都唔check就話唔會, 只係話冇問題, 之後我同同枱都order咗凍檸茶, 但我要少冰茶濃的, 兩杯都一齊嚟, 侍應求其放低, 好快餐feel. 而且侍應成日係旁面行來行去, 見你一食完就收走你的野食, 想趕人走, 今時今日這樣態度, 就算野食有幾好味幾抵食, 我覺得都係其次.還有一邊食, 仲有的蚊滋周圍飛 .唯一好處, 就係Southside 呢個商場算平抵食.…查看更多

今日又去發掘新路K，同車友遊完深淺赤石，就去咗黃竹坑新商場食嘢，好彩假日附近都多骨位。泊好車兜個圈就見到商場有間茶東西，之前喺將軍澳都食過，所以再返番兜。羅宋湯-十分濃郁，有少少酸甜和少少肉香，湯料蔬菜十足，讓人暖心滿足。西冷牛扒配蘑菇汁Order 7成熟，上枱啱啱好，牛扒外焦內嫩，充滿肉汁，而搭配大量蔬菜及薯角，超大份，性價比超高。牛肉石鍋白雞湯烏冬上枱時，熱騰騰的石鍋中，烏冬麵彈牙，吸收晒濃郁的雞湯，之後需要再加湯。而且牛肉選用大片厚切，較有口感而肉味更突出。飲品揀咗養生茶-雪梨杞子無花果，飲落幾滋潤，而且唔太甜，女仔揀呢個一流。…查看更多

🚩之前食過將軍澳table 已經覺得好唔錯，響黃竹坑放工食晚飯都揀返table，將軍澳果邊偏西餐，呢邊偏中餐/茶餐廳feel～🔸免翁牛柳鐵板-磨菇燒汁$148（個牛超嫩滑0筋，入口即溶，裡面既薯菜配濃香蘑菇燒汁，啲汁淋落去噴哂煙，好正，必食唔該😎餐配嘅羅宋湯好足料～～～🔸蠔蝦球石鍋烏冬$108（熱㷫㷫，湯濃味烏冬QQ，蠔滑嫩鮮蝦彈牙）🔸話梅柚子梳打，加配$15（酸甜鹹香，好開胃）🔸桑寄生杞子菊花茶，加配$15 （好ok,自家煲，清肝明目，夠甘潤，好養生，飲完好舒服）…查看更多