影片
开饭介绍
定价相宜的韩国菜餐厅，招牌炸鸡有数款口味，另亦提供饭面等主食及香口小吃；另外以卡通版韩国料理主题墙画作装饰，予人年轻的感觉。
继续阅读
营业时间
今日营业
10:30 - 21:00
星期一至日
10:30 - 21:00
公众假期
10:30 - 21:00
公众假期前夕
10:30 - 21:00
以上资料只供参考，请与餐厅确认详情
有关奖赏计划
相关文章
近期追紧韩剧朴宝英嘅「未知的首尔」，突然想起好似都好一段时间无食过韩国菜，所以，今晚约咗老友聚餐，就选咗韩国菜。晌网上揾揾，就相中位于「佐敦」嘅「Sun Haru」，因为有啲抵食夹大件嘅二人餐。其实，晌成条「白加士街」都有好多餐厅，竞争都几激烈，留得低嘅就有番咁上下实力。小店唔大，一字长形直入，最吸晴就喺每幅墙上嘅彩绘，好韩风，整体环境整洁企理。而餐具、纸巾都放晒晌枱面，并有冚住，唔会食尘，感觉会比较卫。除咗一大堆散点菜式，仲提供好多款一人餐、二人餐、四人餐……等等，而且，定价亲民，有啲计起嚟抵过去快餐店食。啲侍应服务好，又有礼，却唔收加一添。用二维码落单，唔使多讲，大家都好熟用。但值得一提，喺我哋打算点个平平哋嘅二人套餐$228，包两杯饮品、半只炸鸡、炒粉丝同紫菜包饭，入到点餐版面竟然只卖$178，真有惊喜。泡菜、大豆芽食韩国菜其中一大特色，就喺餐前必奉送韩式前菜，今回有传统嘅泡菜同大豆芽，讲真，都好少见到啲韩国餐厅嘅前菜会做得差，作为食每道菜嘅过场就最好不过。冻蜂蜜柠檬茶 +$5餐饮方面，老友喜欢饮柠茶，就拣咗呢款加入蜂蜜嘅，自己饮落再清润啲，佢话难得个茶底亦冲泡得唔失礼，啲柠檬又无涩味，清新解腻。芒果乳酸梳打 +$8小弟就想试试啲特饮，芒果口味喺我嘅「飞弗」。大大杯梳打，加入芒果糖浆同乱酸，入口宁舍酸爽，衬晒今晚啲浓味嘢。顺带一提，呢度啲饮品晌冰量同甜度都有得拣，具弹性。传统杂锦紫菜包饭（套餐）韩国嘅紫菜包饭跟日式嘅寿司卷好唔同，虽然外观类似，但唔会好似日式咁搞咁多花款，好似呢款咁传统，就卷住青瓜、煎蛋、黄萝卜、甘笋、鸡肉同牛蒡，口感清爽，味道清新带少少麻油香，而且，感觉好健康。烤牛肉韩国炒粉丝（套餐）以往，会觉得嚟食炒粉丝，唔喺嘛！不过，自从睇过韩国综艺「尹食堂2」，对韩国炒粉丝情有独钟。当然，佢哋嘅粉丝同我哋嘅粉丝好唔同，粗身好多，烟韧好多。加埋啲洋葱、甘笋丝、牛肉一齐炒，又落咗唔少香油，牛肉入味又嫩口，粉丝烟烟韧韧索满汁，好食。亚之妈炸鸡（套餐）炸鸡除原味，仲有甜辣、蜂蜜芥末、牛油蜜糖同芝士味，而蜂蜜芥末喺小弟最心水。标明半只，真喺无呃秤，睇见咁大盘就知份量足，一身金黄，甚为吸引。趁上枱仲热焫焫就先试为快，咬落外层脆卜卜，沾满蜂蜜芥末，味道突出，加上无骨，啖啖肉，肉质都几嫩滑，真喺一嚿接一嚿。伴菜仲有啲青瓜丝同腌白萝卜，作为间场就最啱喇。芝士海鲜煎葱饼 $98整个套餐嘅菜式都好食，就追加多一份韩式煎饼，有芝士，有海鲜，呢款煎葱饼就最得我心。不得不赞个煎饼煎得香口，里面有好多海鲜馅料，加埋面头大量芝士，食落去饼身软糯，口感丰富，又带少少葱香，确喺做得有水准。今餐真喺好丰富，除咗套餐劲抵之外，其他菜式都唔贵，而且，整晚嘅招呼唔错，上菜又快，值得再嚟。
继续阅读
今次系透过OpenRice平台订位，埋单有八五折，叫咗两样嘢：亚之妈无骨炸鸡半只（甜辣味和原味）$88和紫菜包饭便当拼蛋卷$72。餐厅是小店，地方细细，目测若能容纳20位食客，坐得比较逼。甫坐下，便送上2小碟泡菜，味道可以。食物方面，紫菜包饭的饭没有味道，紫菜亦没有麻油香，其他食物如：蛋卷和牛肉便属中规中矩。至于炸鸡方面，调味够入味，味道不错，唯欠缺韩式炸鸡的精髓：皮脆、肉汁多。埋单加个八五折，晚餐$136的价钱，食饱2个成年人，再加上食物整体表现是可以的，性价比算不错。
继续阅读
今日系佐敦食lunch，见到有间韩国菜小店好多人排队，好似几抵食就决定入去试吓估唔到小店都有免费前菜食，有泡菜同芽菜，两款都几出色软滑海鲜豆腐汤跟饭 $62海鲜份量十分多，有虾、鲜鱿，蚬肉同青口，豆腐都好滑，汤底好正用黎做汤饭一流五花腩配肥牛辛辣面 $60五花腩同肥牛份量多同埋好入味，呢个面自家调配既汤底唔会好辣，仲有d翠肉瓜好清甜韩国饺子 $28饺子大大只，新鲜炸起热辣辣午餐都配有汽水或者韩国饮品，好多选择
继续阅读
佐敦白加士街一向多食肆，在附近出完街顺道食饭十分方便。是晚去了家韩国餐厅 Sun Haru，店员推介二人餐。半份炸鸡，选了蜜糖风味，表皮香脆，咬下去无骨啖啖肉，伴点腌萝卜及沙律菜减低饱滞感，份量两至三个人食刚好。杂锦紫菜包饭，有火腿、蛋卷、甘荀、黄萝卜、青瓜等，家庭式自家制，用料丰富。猪肉炒粉丝，惹咪够镬气却又不太油腻。另外追加了紫菜丝粉卷，外层紫菜炸得酥脆，内里包著粉丝，多重口感。二人餐还包饮品，来杯梳打消暑一流。
继续阅读
以呢个价钱食到咁高质韩料真心惊喜🇰🇷特别推荐粮尾月去chill味道正宗得嚟有改良过更合港人口味已bookmark做我嘅佐敦饭堂～ 🙌🏻爆CP值二人餐： 🍗亚之妈炸鸡半只拣咗邪恶芝士粉口味🧀外皮脆到咔嚓声，鸡肉嫩滑多汁芝士粉咸香得嚟唔会腻，仲跟埋酸萝卜解腻🍜烤牛肉粉丝粉丝索晒韩式酱汁超入味牛肉份量唔手软，仲有红萝卜丝同洋葱增加口感最惊喜系上枱时热辣辣！🍙传统杂锦紫菜包饭馅料多到泻！午餐肉+蛋丝+腌萝卜+青瓜等米饭用麻油调味，紫菜够脆身，一份有成10件够晒饱肚😌蓝天乳酸梳打🩵卖相超IGable！忌廉鲜奶撞梳打好特别，甜度刚好仲有淡淡乳酸香
继续阅读