原来日本北海道札幌过江龙「Suage北海道汤咖喱」喺太古开咗新分店，紧系要食下佢哋嘅招牌名物：汤咖喱，另外，估唔到餐厅居然有推出：香港限定旋风滑蛋饭系列配招牌汤咖喱及指定饮品，既然系香港限定嘅当然都要一试，不过有少少可惜系Staff俾漏咗杯跟餐嘅是日日式果香茶。值得一赞，小食高CP值，价钱便宜，而且味道不错。杂锦海鲜汤咖喱配乌冬及中辣季节限定汤底蕃茄汤底加配翠玉瓜（单点$82），好足料，大虾、青口、小章鱼、小墨鱼，口感爽弹，味道鲜甜；翠玉瓜食落好Juicy，味道清甜；配料包括日本南瓜、茄子、西兰花、红萝卜、马铃薯、粟米、番茄粒、洋葱粒；乌冬口感烟韧；中辣季节限定汤底蕃茄汤底味道酸辣。芝士汉堡扒旋风滑蛋饭配招牌汤咖喱及指定饮品（单点$65），汉堡扒表面食落带点焦香味道，肉汁饱满，牛味浓厚，内有洋葱粒，配以热熔芝士食用，味道咸香；滑蛋呈半生熟，口感滑溜，食落蛋香味浓；白饭配以原味辣度原味招牌汤咖喱食用，味道微辣；配料包括有西兰花、红萝卜。野菜虾天妇罗（跟餐$12），表面铺满虾肉，肉质爽口，内有红萝卜、香葱、洋葱，味道清新，天妇罗口感香脆、不油腻。吉列鱼手指（跟餐$9），口感外酥脆内嫩滑，食落啖啖肉 日式炸饺子（跟餐$9），饺子皮口感脆卜卜，馅料内有猪肉、椰菜，食落带有肉汁。牡丹竹轮（跟餐$9），竹轮口感Q弹，食落带有鲜味。柚子醋椰菜沙律（跟餐$6），椰菜口感爽脆，配以柚子醋食用，味道酸溜，略嫌柚子醋份量少。大杯22oz士多啤梨抹茶鲜奶（单点$34），内有蓝莓就抹茶味道浓香，甜度适中，略嫌士多啤梨果酱较少，所以味道较淡。大杯22oz 蜂蜜西柚蜜茶（单点$30），内有西柚，味道酸甜。…查看更多
