SOYmart by 豆乳狂人

营业中

休息中

嚟到樂富廣場行街，見豆乳狂人成日都咁受歡迎咁多人排隊，一於坐低試試佢🥰🍠紫麻薯小丸豆花 $58依個係新推出嘅紫紫系列，紫薯never disappoint，一啲都唔甜😋加上麻薯，豆花同小丸子，層次口感都好豐富‼️🍚吉列豬扒粢蛋飯 $45🍚牛油果鰻魚玉子粢飯 $55兩個不同口味嘅粢飯同樣好食，又夠大份，無論早餐定午餐定晚餐都好夠食🤤但我哋相對欣賞吉列豬，比較乾身口感好👍🏻牛油果🥑就夠哂健康！🍗 酥炸雞軟骨 $38雞軟骨有一盒，都算大。香香脆脆，肉又夠多！Bible rating: 8.5/10📍地址：SOYmart by 豆乳狂人 (樂富)樂富聯合道198號樂富廣場 ZoneA 1樓1168-1170號舖

粢飯豆漿一向係傳統嘢食嚟，呢間豆乳狂人就將佢哋華麗轉身，加入唔少新派元素，剩睇個名就已經非常吸引。牛油果鰻魚玉子粢飯 $55剩係粢飯都有4款選擇，揀咗呢款加咗牛油果同鰻魚嘅款式。粢飯好大件，入口質地岩岩好，口感黏糯唔會太硬，入面包住鹹香肉鬆、脆卜卜嘅油炸鬼，當然唔少得仲有牛油果、鰻魚同玉子，非常豐富，呢個配搭新穎又好味。奶蓋紫麻薯波波豆乳 $68呢到嘅豆乳會加入唔同配料做成各式各樣嘅手調飲品，揀咗呢杯奶蓋紫麻薯波波豆乳，豆乳本身唔會太甜，豆味香濃，加埋紫麻薯甜味就岩岩好，入面仲加咗小丸子，煙靭有咬口，飽腹感十足。面頭嘅奶蓋都整得唔錯，奶滑順喉。飲品仲會跟3粒糰子，點少少奶蓋食一流。多芒楊枝甘露 $48食飽當然要買d甜品返去孝敬屋企人。呢碗楊枝甘露，入面有滿滿嘅芒果同柚子肉，生果夠新鮮，加埋粒粒西米，口感豐富。仙草豆花 $28另外仲買咗碗仙草豆花，仙草滑溜Q彈，豆腐花嫩滑冇渣，一次過可以食哂兩款口味。。。SOYmart by 豆乳狂人 (樂富)樂富聯合道198號樂富廣場 ZoneA 1樓1168-1170號舖。。

上星期起樂富廣場食拉麵，經過見到有豆乳狂人！今個星期特登來二訪佢😋上次去荃灣分店 (原來已經一年前)，試咗狂人粢飯、三色豆花同桃膠豆乳，印象幾好今次見menu多咗唔少新款式～當然要試，選擇困難症好嚴重▶️ 狂人粢飯 ($32)超級足料！有油炸鬼、榨菜、肉鬆，係基本粢飯材料拎上手仲暖笠笠油炸鬼好大條好長🤩由頂到底每啖都有炸得乾身唔油膩，食到尾都仲好脆👍🏻肉鬆味道夠鹹，好惹味，多到跌晒出嚟！榨菜比預期多，咬落爽脆，帶少少酸甜糯米飯黏得嚟有嚼口，唔會太硬難吞或濕到爛糯米厚度啱啱好包得住滿滿嘅餡料，成完美比例雖然平時唔係成日食粢飯，但呢個好出色，冇乜野可以挑剔💕▶️ 牛油果鰻魚玉子粢飯 ($55)除咗原味，宜家仲有牛油果鰻魚玉子、吉列豬扒、牛油果吉列炸蝦青瓜絲全部粢飯大大件，足料飽肚入面有肉鬆、青瓜絲、油炸鬼、牛油果、鰻魚、玉子牛油果非常軟熟🥑不過味道唔太出，可能俾其他材料搶咗鰻魚反而好出，口感黏黏地，鰻魚汁甜味同鹹肉鬆成反差都有油炸鬼，但係就冇原味嗰個咁大條整體呢款味道比較日式▶️ 吉列豬扒粢蛋飯 ($45)有肉鬆、青瓜絲、油炸鬼、榨菜、玉子、吉列豬扒用上沙律醬令粢飯冇咁乾吉列豬扒同樣香脆🐷▶️ 紫

今日諗住去呢間飲下野，食下野。但完全冇諗過可以咁伏😭😭😭😭😭我飲咗鮮芋泥豆乳，入面好多口感奇怪嘅乳泥，好難飲，飲飲下仲有d咸，超難飲😭💩💩💩😡😡🤮🤮🤮🤮仲有就係和風七味炸脆雞，都成$32😡😡最過份係佢得6舊勁細嘅雞，似一隻雞翼分一半，仲要一咬落去勁多油🤮🤮🤮🤮仲要冷氣機滴水，真係好無奈😭😭😭😭💩要自己執走自己嘅垃圾😭😭😭以後真係唔會再食啦😭😭😭😭

每次經過樂富都會想食呢間🤪係地鐵站隔離商場 好方便次次去都唔少人幫襯👍🏻豆乳好香 水果亦好多好新鮮今次試ge都好出色：😋芒果仙草🥭😋抹茶雪糕🍵 想要更多食物推介 follow me on openrice/instagram

今日走咗去樂富搵食🙌🏻 平時見人打卡就多，都係第一次食呢一間，點咗個紫麻薯豆乳🥛紫薯香甜 豆乳非常濃郁。朋友點了紫麻薯小丸子，呢個甜品口感好豐富，小丸子好煙靭 豆腐花亦都好滑，配搭紫麻薯甜度啱啱好。我見大部份人都點咗個粢飯，我都點左個吉列豬扒粢蛋飯，豬扒香脆熱辣辣，油炸鬼都好脆，裏面有榨菜肉鬆沙律醬蛋，口感係非常之豐富👍🏻

其實我好鍾意食/ 飲豆類製品🤩所以呢間我想食好耐👅不過聽大家嘅評價好似好壞參半🫣所以一於去試下～想知究竟我有無中伏就睇埋落去👇🏻❶ 狂人豆花 - 凍三色芋圓豆花 💰$𝟑𝟐食完荃灣分店個煙韌之選再食呢個我覺得都有啲對比…🥲先讚一讚芋圓份量都幾多 夠大粒同煙韌👍🏻而且食得出有芋頭、蕃薯同埋紫薯味🍠但個問題係啲豆花係完全唔甜架。。🤯其實我本身已經唔係話食開好甜嘅人嚟🥲但係豆花無甜味就搞到好難覺得佢好好食🫠就算芋圓食都救唔到所以如果可以額件事會好好多～❷ 狂人粢飯 💰$𝟑𝟐粢飯入面有油炸鬼、肉鬆、榨菜油炸鬼要讚 因為好夠脆 而且唔油🤓配搭埋肉鬆同榨菜味道都唔錯不過下次除非我好肚餓 如果唔係都未必會再叫🤣另外店員好貼心 將粢飯對半切開👍🏻咁食又方便啲 打卡又靚啲😂🤣🤣🏷 𝐒𝐎𝐘𝐦𝐚𝐫𝐭 𝐛𝐲 豆乳狂人｜@soymarthk📍 荃灣大河道𝟏𝟎𝟎號海之戀商場𝟐樓𝟐𝟎𝟑𝟔號舖📍 樂富聯合道𝟏𝟗𝟖號樂富廣場 𝐙𝐨𝐧𝐞𝐀 𝟏樓𝟏𝟏𝟔𝟖-𝟏𝟏𝟕𝟎號舖📍 沙田大涌橋路𝟐𝟎-𝟑𝟎號河畔花園地下𝟐𝟖號舖• ─── @𝓱𝓮𝓲.𝓵𝓮𝓽𝓼.𝓯𝓮𝓪𝓼𝓽 ─── •👧🏻｜香港𝟎𝟎後𝐅𝐨𝐨𝐝𝐢𝐞🤤🇭🇰❤️‍🔥｜美食情報💥｜真實

今日特登嚟到樂富試佢地嘅芋泥豆乳 因為網上評價好好 喺YouTube都見到有人大力推介 但係嚟到試完覺得好失望😔首先要讚下店舖裝修 燈光柔和 木系設計 座位闊落 就算多人過嚟飲嘢都可以坐得好舒服 唔好嘅位係飲完嘢之後個枱面要自行清理杯嘢飲比想像中差 店員話唔落糖漿係微甜 其實係成杯嘢冇乜味 落咗糖漿就正常啲 但芋泥味完全唔夠濃 同之前飲過某間台式飲品店完全唔同 嗰間啲芋泥又濃又滑 比較之下我就唔會幫親呢間 俾$32就寧願飲維他奶啦

🤓🤓🤓行過路過唔好錯過😆😆當等緊車嘅時候，就見到依間舖頭初頭係俾佢🗓️「期間限定」🍨榴槤🍨嗰啲嘢吸引嘅，點知…去到又見到我第二愛嘅「芋泥」，好彩我記得跟住要跟朋友嘅車，所以唔敢食榴槤😂揀🟣⚪️「芋泥豆漿」呢度有分濃厚/薄滑，我揀咗厚身😆😆講真嘅， 如果真係肚餓，飲呢杯嘢其實都幾頂得住幾粒鐘， 佢同出面啲珍珠奶茶嘅價錢差唔多，但係阿姨鍾意佢呢個樽🤣🤣問咗店員，呢個樽係可以重複使用♻️+可以加熱，but芋泥就唔可以加熱📝因為會變酸，其他飲品係可以加熱，佢仲有好多款式同口味㗎， 我朋友揀左桃膠豆漿😎好似都唔錯😎我揀嘅芋泥佢冇芋頭粒粒係入邊, 好細滑少少甜味, 唔會太甜, 豆漿係微甜, 好厚身,好似自己屋企搵豆漿機落多啲豆嘅效果,呢間嘢可以入去搵位坐低食「黐飯」同食「甜品」感覺好唔錯咁😋😋我下次都試吓入去食☺️☺️今次買住外賣先@soymarthk #豆漿狂人 #芋泥 #芋頭 #tarosoymlik #taro #芋泥豆漿 #桃膠 #桃膠豆漿 #飲品 #甜品 #輕食 #舒適 #樂富站 #醫肚 #趕時間 #厚滑 #香濃豆乳 #樂富美食 #soymart #飲飽食醉 #foodstagram #foods

🫙煙韌之選--$45✅芋圓、小丸子、黑糖珍珠、牛乳布丁✅甜度啱啱好✅好足料👍🏻一個人食唔哂要打包✨好適合打卡🫙Oreo 奶蓋珍珠豆乳--$48✨oreo同奶蓋意外好夾✨豆乳味道濃✅連黑糖珍珠❌份量偏少🥲飲幾啖已經超過一半-----個人評評分❤️：8.3/10性價比💸：7.4/10環境📷：8/10回頭🤓：會總結：環境算chill🤤👍🏻有打卡位，可以當甜品去食，但唔好當買手搖🤧因為份量唔算多，但質素ok🤩

已經係三度再訪啦☺️大愛呢間鋪嘅豆乳最近仲推出咗紫薯系列急不及待嚟試一試🤭仲有好多小食可以叫🔸紫紫之選 $63 呢杯不得了！係濃縮所有紫色甜品為一杯嘅產品。係混合左紫麻糬、紫米、紫薯、芋圓及紫薯奶蓋，口感好豐富。🔸紫麻糬豆乳 $53 紫薯同豆乳真係perfect match。豆乳混合咗紫薯蓉、麻糬、紫米。麻糬超Q軟，唔會勁大舊，一啜就飲到。味道唔甜，健康之選！🔸7‘ 特濃豆乳 $24叫左熱飲，豆乳味道極濃，仲要係無糖架！非常健康呀～🔸吉列豬扒粢蛋飯 $45呢到粢飯做得幾好份量十足， 食一個已經飽哂， 豬扒酥脆，蛋香甜仲有油炸鬼、炸菜和肉鬆夠哂惹味。🔸GOLD純度鹹蛋黃炸脆雞 $38炸雞啲皮好脆身，雞肉好juicy，鹹蛋黃味唔會太濃。炸雞塊加上鹹蛋黃味，味道更加豐富，真係超邪惡嘅配搭！🔸和風七味脆皮木棉豆腐 $32木棉豆腐切成小塊，表面包咗一層脆皮。灑上七味粉，色澤好靚！豆腐味道好清新，口感好脆身。

今日同🐥經過這裡，被這間店的香濃豆香吸引了入去更吸引眼球的是豆漿種類好多，又有豆花及小食店內已坐滿了客人，外賣的也有很多。點餐後堂食要自助取餐，用餐完要自已清理垃圾。因此無加一收費。我們揀了：鮮芋泥豆乳$32 ~ 有好足料的芋泥，豆乳香濃，質地比較傑身，而且不太甜，好飲三色芋圓豆花$32 ~ 芋圓好足料，口感煙韌豆腐花香滑，衹有豆香沒有甜味，感覺健康不過如果喜歡食豆腐花要落糖的你，就要考慮下是否接受到了。但有一缺點是用太多外賣膠盒，不太環保

我係豆乳產品同芋泥嘅愛好者，之前一直都好想試呢間豆乳專門店，但係佢三間分店都唔近市中心，今次剛巧經過樂富，終於可以試到！🍧 超煙韌榴槤奶蓋 Cheese-topped Soy Milk with durian and mini rice ball ($80) 👅: 89.39 分榴槤愛好者必叫！ 榴槤味濃郁，而且份量非常慷概，食到啖啖榴槤果肉。中間有濃厚的奶蓋，底下就佈滿小丸子同三色芋圓，份量多到兩個人都食不下。一啖裏面可以食到綿綿的榴槤肉，咸咸的奶蓋，同煙韌的丸子，口感好滿足。建議兩人或以上分享。💜 鮮芋泥豆花 Tofu Pudding with Fresh Taro（$32) 👅：70.27 分好鐘意芋泥產品嘅我，二話不説就叫咗嚟試，可是芋泥味道有點令人失望。 芋泥做得綿密，但芋頭味道不太明顯，且帶點鹹味，同豆花一齊食，味道上不太配合。本人偏向帶甜味的芋泥。🧈海苔肉鬆脆皮木棉豆腐 Fried Tofu with Pork Floss and Sesame（$38） 👅：84.33 分食完啲甜嘢，要叫返個鹹嘅小食平衡返。豆腐外層的脆皮做得鬆化，內層豆腐軟滑，配上鹹鹹的海苔肉鬆，口

終於試吓 想試好耐嘅黑白芝麻豆乳~有少少失望 如果相比起紅豆 芋泥 仙草 朱古力嘅話🥲🥲，芝麻味真係好足 足到飲左半枝就根本飲唔落去🤢🤢🤢應該唔會再買~除非你本身好鍾意芝麻味 如果唔係都唔建議嘗試~下次應該都係叫番奶蓋咖啡 哈哈，不過真係好邪惡🥲🥲其實都好想試吓佢嘅粢飯同埋小食 不過感覺如果做午餐又好似唔係太飽~📍樂富聯合道198號 樂富廣場zoneA 1樓1168-1170號舖港鐵樂富站A出口,步行約3分鐘營業時間🕰️ ：11:00 -22:00

係樂富番工的孩子表示豆乳狂人係寫字樓嘅飯後開心首選 哈哈幫襯過冇10次都8次，基本上奶蓋係必選（受奶蓋關注組認證）～不論配咖啡定OREO都出色👍🏻👍🏻 反而燒仙草啲汁會有小小影響味道 但仙草連奶蓋一齊飲又好jenggggg，奶蓋嘅美中不足係佢個包裝會浪費左好多奶蓋🥲🥲想冇咁邪惡同平啲嘅話， 十勝紅豆豆乳丶特濃可可豆乳丶鮮芋泥豆乳 同黑白芝麻豆乳都幾好🤣🤣💓💓💸💸奶蓋布丁燒仙草豆乳 $36OREO奶蓋珍珠豆乳 $48十勝紅豆豆乳 $32