SONAMU Korean Restaurant

韩国餐厅喺尖沙咀特别多，近排有一间新嘅韩国餐厅，餐厅有一个2人套餐叫姨妈套餐，包括1个汤品、3个主食、12个配菜同白饭，非常丰富。主食选择有20款咁多，汤品都有8款👏🏻上菜时侯非常夸张，餐厅将所有食物放系大木板上面，然后职员迅速将木板放系餐枱上面，枱面好似韩剧入面既韩式宫廷宴，食客可以一次过品尝到不同韩式料理😋12道配菜包括紫菜、泡菜、大豆芽、炒粉丝、豆腐、菠菜、茄子等等，配菜日日都唔同配搭。- 海鲜嫩豆腐锅味道微辣，汤头充满各种海鲜既鲜甜精华，海鲜包括青囗、蚬同虾。另外豆腐真系好滑嫩。- 泡菜饼泡菜饼煎到外脆内软，口感酥脆，粉浆同配料的比例啱啱好，每啖都食到外脆内软既煎饼同埋惹味爽口既海鲜！- 黄油烤鱿鱼鱿鱼用左牛油烘烤，香味浓郁，肉质非常弹牙，味道鲜美👍🏻- 烤猪肩肉份量几多，加左芝麻作点缀，卖相更靓。肉质软稔，肥瘦适中。- 烤牛小扒牛小扒系我今晚最喜欢既菜式，肉质鲜嫩香甜，牛味丰富。值得一赞系牛小排用铁板上菜，保持到牛小排温度😍餐厅由韩国人主理，所以所有食物无论主菜同小食都好地道。…查看更多

位于柯士甸路嘅🌟SONAMU Korean Restaurant🌟，系香港首家主打传统🇰🇷韩式料理Hanjungsik韩定食嘅餐厅！有别于一般嘅韩式料理，SONAMU嘅韩定食系唔落任何味精👍🏻，更健康，系韩国妈妈嘅味道😋！餐厅闲日晚市亦爆场💥，有唔少家庭客人嚟帮衬！🌟2人套餐 - 姨妈套餐 $600/2位套餐包括12道韩式小菜、1自选汤品、3自选主食、2白饭，份量劲丰盛！会成板齐晒所有食物咁上菜，场面震撼！🥗12道韩式小菜有泡菜、紫菜、菇、蛋、鱼春、鱼、沙律等，当中有好多款，都系出面未见过嘅！口味以咸香为主，配白饭真系多多都食得落！♨️海鲜豆腐汤口味微辣，来自海鲜嘅天然甜味，非常讨好，一不小心就会饮咗好多碗！入面嘅豆腐好嫩滑！🥩生拌牛肉牛肉嘅油脂甘甜味，加埋柔软嘅口感，食得出系靓货！配搭梨及青瓜，会多咗一重清凉感！🐟烤黄花鱼原条烤至多面酥脆，入面啲肉好滑，又够鲜味，正！🍖烤牛小排 ＋$100升级嘅主菜，以铁板Heat住上，牛小排软淋得嚟入晒味，值得推荐！▶️韭菜煎饼 ＋$110套餐可以用优惠价加购煎饼或年糕！🍻韩国啤酒 $50｜罐装汽水 $20大支装只系$50，价钱公道！…查看更多

约咗个老朋友食饭，佢话啱啱去完首尔，对韩国菜仲喺好回味，所以，今晚同佢再食韩国菜，不过，特别少少，晌网上揾咗间应该喺全港首间主打「韩定食」（Hanjungsik）嘅餐厅「SONAMU」。「韩定食」唔喺指韩式嘅定食套餐喔，我都喺睇维基所了解多少少，「韩定食」喺朝鲜嘅套餐菜肴，原本喺朝鲜君王常食用嘅宫廷料理，后来士大夫模仿宫廷料理，开始配合各地特有嘅乡土饮食而成为咗两班家（贵族）料理。虽然门面细细，落到地库，地方好大，而且，枱櫈嘅编排唔密，通道更特别阔落，等阵你就知点解。整体装修简约，走木系文青风，配上柔和灯光，啲位又宽敞，感觉非常舒服。晌餐厅唔同位置亦安排咗啲木櫈，俾轮候嘅客人可以坐吓，唔使企晒晌门口，喺贴心嘅安排。顺带一提，晌一角落摆放咗一部净水机，自由取用，更可以斟一壶埋位慢慢用，人多嘅话就唔使成日走出走入；此外，餐具亦以纸袋套好，令人感觉更卫生。呢度扫码落单，依家嚟讲唔喺咩新鲜事，大家都习惯晒，最好喺印埋个wifi密码俾你，可能餐厅晌地库层，讯号收得麻麻，有wifi就方便好多。至于餐饮方面，既然主打喺「韩定食」，当然喺套餐嚟，不过，唔喺大家想像好似啲日本定食、港式套餐咁，而喺更有睇头。首先，套餐分2、3、4人份，有唔同价格，就以我哋所拣嘅其中一款晚市2人套餐为例（$430），先包咗12款韩式小菜，再晌汤锅类10拣1，主菜类22拣2，附两碗白饭，要留意部份菜式需加钱，但值得加钱试。由韩国人主理，菜式自不然够地道，而最窝心喺好好服务，却唔收加一，真喺好少有。此外，仲有一大堆散点菜式供应，令到选择上变化更大，更富弹性；顺便贴埋饮品餐牌出嚟俾大家参考，当然较特色喺韩国嘅酒精饮品啦，而无酒精饮品亦都多选择，我哋就拣咗梳打汽水同冰茶。温馨一提，餐牌有写明晚市人头最低消费要$200，不过，呢个门槛唔高！仲有上菜过程喺个亮点，都喺第一次见，感觉神奇，就喺点选好套餐之后，会一次过上齐成份「韩定食」俾客人，惊喜位就喺所有食物已放好晒晌一块大木板之上，推到过嚟就将成块板丝过落餐枱上，店员动作俐落，而跷妙在于木板下有两条木方，卡住枱面，唔会怕被食客错手推倒。呢个方法真喺几好，店员可以一次过上晒啲菜，省时又省力，客人又可以一次过食到所有嘢，唔使等嚟等去，仲方便打卡添。12韩式小菜12款韩式小菜一齐晒冷，感觉喺几有睇头，由于日日都有所不同，所以，餐牌就唔会列明有咩，不过常见嘅韩式泡菜、炒粉丝、鱼糕、菠菜、腌萝卜、大豆芽、辣豆腐……等等，都会有，实在丰富，此外，仲有啲明太子、韩式煎蛋卷、紫菜、沙律……等等，多元化，又整得好食，老友讲笑咁讲，话净喺呢堆小菜加埋碗白饭都够一餐啦！贻贝汤汤锅类我哋就无加钱要啲特别嘢，反而想清清哋试个青口清汤，咪睇佢好似好清，个汤入口有少少咸鲜甜味，加埋啲香茜同大葱，都几清爽；而啲青口好大只，肉质肥美，食落鲜甜，青口肉更无黐住啲须根嘅问题，兼且份量唔少，无真正数过，印象中每人都食咗6-7只，一锅里面至少有一打。烤猪肩肉主菜类心目中就打算拣一款肉、一款海鲜，选上烤猪肩肉无特别原因，随心想试试而已。一大碟猪肩肉，份量真唔少，最欣赏喺以火酒膏热住，保持温度食落更具风味，而咬落肉质比预期更腍滑，又甚具肉香，亦唔肥，净食都已经几正，沾唔沾啲沙律酱都好食。酱油海鲜拼盘 +$200老友晌韩国之旅有食酱油蟹，令佢念念不忘，所以，晌餐牌见到呢款新出品酱油海鲜拼盘，二话不说就相中佢，海鲜包括有三文鱼、鲍鱼、大虎虾及八爪鱼，份量十足，而且，外观色泽亮丽，睇样已经好吸引，由于喺酱油腌，食得生嘢嘅朋友，好值得推荐你去试试。三文鱼一向有食开鱼生，所以，酱油三文鱼感觉冲击无咁大，啲三文鱼本身切得又大又厚，入口滑溜油润，鲜甜中更带多少少咸香嘅酱油味。鲍鱼韩式食鲍鱼一定想起鲍鱼粥，酱油渍肯定第一次，鲍鱼已经切成为4件，食用方便，而鲍鱼口感柔韧好有咬口，鲍鱼味浓，坚喺好食。大虎虾唯一食生虾就喺食泰式生虾，而食咁大只生嘅虎虾，除咗喺第一次，冲击咁亦比较强，但估唔到，除味道好之外，咸香嘅酱油味突出到虾鲜味，而且，又唔喺好觉食紧生虾，虾肉有份黏性，有啲似食日本牡丹虾嘅质感。八爪鱼原只八爪鱼奉上，店员会备有较剪俾你剪开，而八爪鱼头藏咗晌底下，真喺不折不扣原只。入口比想像中软腍，但又不失口感，富独有八爪鱼味，真唔错。柠檬梳汀汽水 $40、桃子冰茶 $30我俩都唔算好酒之人，所以，饮品方面，老友就要咗杯柠檬梳汀汽水，小弟就对桃子冰茶兴趣大啲。杯冰茶嘅茶底几香浓，桃味亦几够香，甜度又啱啱好，好合心水。加上冰凉够冻，食咗啲泡菜、辣萝卜、辣豆腐都唔怕。最后，顺便贴埋个午市餐牌出嚟，分1、2、3、4人套餐，玩法差唔多，包白饭、饮品、多款韩式小菜、人头数嘅主食，无咗最低消息嘅要求，食得更划算。初尝「韩定食」，除咗喺一次新体验，亦喺一次丰富而美味之旅，一次过食到咁多韩式小菜，已令人开心又有份幸福感，加上其他菜式都好食，招呼又好，一定会翻兜。…查看更多

今日同老公去左尖沙咀食韩国菜，呢间餐系新开，由韩国人主理，佢已在香港生活左20年，广东话仲讲得几好添。餐厅空间宽敞，装修简洁整齐，文青风格。呢度用QR code点餐，餐牌套餐选择多，餐套包12款前菜及汤品，汤品可加钱转火锅，主菜就按套餐可选数量，仲包白饭。值得一提，呢度系唔收加一。最后我哋就叫左个姨妈二人餐，汤品加钱转火锅，然后三款主菜。餐厅上餐好有风格，职员先将十二款前菜、所点套餐主菜、饭及饮品放在木板上，然后用手推车推木板过黎，整块木板放在枱上，好似盛宴御膳一样，感觉劲丰富，满满仪式感。12款前菜：有炒年糕、苹果沙律、冻豆腐、泡菜、芽菜、菠菜、蜜糖薯仔、紫菜、明太子、卷蛋、炒粉丝同萝卜腌菜，种类好多，款款调味几好，无论当前菜或伴饭食都可以。海鲜嫩豆腐火锅 (+$230)：有蟹、大虾、青口、鲍鱼、蚬同八爪鱼，另外仲有大量蔬菜、萝卜、瓜同豆腐，份量多，大只，配料又多，真材实料，各款海鲜带鲜味，汤底鲜甜，辣度十足，越食越惹味。韩式烤牛肉：配料有洋葱、红萝卜同菇等配料，同牛肉一齐烤，味道较甜，几好味。香烤鸡肉：鸡肉腌得够味，食落香嫩，多肉汁，连旁边D杂菇都有烤过，整体唔错。烤黄花鱼：即叫即烤，黄花鱼外皮香脆，鱼肉滑，唧少少柠檬汁已经OK。饮品：老公叫左个叫做星光清河气泡酒，呢个气泡酒都几好饮，少少泡甜甜地，几清爽。我就叫个柚子梳打汽水，大大杯，冰冻够甜够解渴。…查看更多

「SONAMU」位于尖沙咀好兆年行地下，入口面向柯士甸路，系一家由韩国人主料嘅韩国料理餐厅，餐厅简约洁净，整体感觉都几舒服。二人套餐$480起（无须加一），指定食物如酱油蟹等需加钱top up，丰俭由人，其食物质素几高，连前菜都有惊喜，绝不马虎。呢度上菜嘅方式非常独特，服务员会系预先系出餐位置执好张台，执靓先推过来，然而成块板移过来，执走亦系整块移走，其实呢个方式几好，既可以在上菜时省掉搬黎搬去嘅动作；食完想坐多阵，移走块板又唔会有食物残渣系台，新嘅一样，够晒干净。由于天气炎热，坐低就点左打了栗子马格利米酒($100)，平时一般都系见原味、青提、桃味，栗子少见一于试下新野。个Base其实都系原味米酒，不过加左栗子味，变得更香甜，然而两者都几夹，算系好饮，但个人都系钟意不味，呢度都有售。前者12小碟，一般我会直接略过，平时韩国餐厅咪至多送你菠菜、泡菜、豆芽、腌萝卜、蒜粒，呢度大癫啊，仲有明太子、蛋饼、韩式炒粉丝等等，明太子咸鱼突出，超适合拌饭；炒粉丝爽滑弹牙，调味都唔错，以前菜黎讲，绝对超水准。由于份量比较大，仲有两款主菜及一款主食，选择食物时我地偏向无咁饱肚嘅选项，主菜分别拣左生拌牛肉、酱油蟹（+$200），而主食拣左海鲜嫩豆腐火锅（+$230）。生拌牛肉加上蛋浆，质感特别滑嫩，且非常鲜味，另搭配青瓜丝及雪梨丝，爽脆香甜。酱油蟹则须另加$200，共有两只，酱蟹肉质够紧致，肉质嫩滑，摸上手就知新鲜，两只都爆晒膏，非常鲜甜美味，蟹盖用黎拌饭超好食，轻松KO左一碗饭。主食嘅海鲜嫩豆腐火锅虽然要加$230，但睇见其大堆头嘅海鲜（包括两只鲍鱼、青口、一只蟹、一只八爪鱼），顿时觉得唔太贵，店员亦会协助剪开鲍鱼及八爪鱼，唔喜欢剥壳嘅小朋友幸福感满满！汤头带轻微香辣，一贯韩式风味，非常鲜甜，八爪鱼极其新鲜，爽脆鲜味，巨香！…查看更多