SOFFEE (T.O.P This is Our Place) (已結業)

今天同朋友来TOP行街，特登拣咗呢闲Café来叹下午茶。橱窗陈列啲cake件件都好精致，好似艺术品！我哋嗌咗一件焙茶麻薯蛋糕，法国72%朱古力特浓蛋糕。我中意焙茶个件多啲，茶味浓郁，蛋糕底里面嘅抹茶酱融合得极好，最惊喜嘅都系夹住嘅个块麻薯，好烟靭，提升食感，食落肚好开心，心情都靓埋！特浓朱古力个件都算几好，朱古力味都系极浓郁嘅！美中不足嘅就系冇音乐，chill唔到，倾计都要细细声。…查看更多

平日午餐拣咗个黑松露鸡肉烩饭，鸡肉完全冇味，成个饭仲要系冻嘅，少少暖都冇，腥到不得了。。忍唔住问伙计，你哋系咪提前整定，佢竟然话系一次过炒晒出嚟。。你整定唔紧要，端个午餐连叮翻热比客人都懒，计埋加一后$130⋯⋯无下次了！…查看更多

谂住同朋友庆祝生日，见到呢间啲cake个样几靓咁就book咗食lunch 一入去成个环境系好静，冇音乐，好似去咗图书馆咁，讲嘢要劲细声 😂 叫左2个set lunch , 另外加两个特饮两件蛋糕个沙律就普普通通 ， 牛油果够熟 个饭就.. 无黑松露味，鸡肉无味，成个饭整体都冇乜味 😅 我地食左一半就放弃咗野饮算正常 叫咗两件蛋糕牛油果蛋糕同海盐焦糖咖啡蛋糕其实打卡就OK ， 个样睇落几吸引 但食落去… 🤦🏻‍♀️ 牛油果蛋糕食咗1/3 个海盐焦糖蛋糕 … 虽然系海盐姐 都唔使咁咸㗎？ 咸到有d夸张每人食咗一啖 ，本人好钟意食蛋糕 所以谂住再食多啖 ，点知食唔到落去 ，都系放弃 收服务费但系点嘢食，想叫佢比杯水都要自己行出cashier ，真系唔明有咩服务？ 🤷🏻‍♀️ …查看更多

行行吓T.O.P商场有啲肚饿，于是乎系附近见到间食tea嘅铺头医饱个肚先！叫咗个法国72%朱古力特浓蛋糕，一食第一啖觉得啲黑朱古力好浓郁，又唔会好甜，蛋糕外围包住咗层黑朱古力，而内馅则有朱古力蛋糕、朱古力酱同朱古力脆脆，好味！另外仲叫咗个日本宇治抹茶麻糬蛋糕，卖相好靓之余，味道仲几好食，最外层系用咗薄脆抹茶朱古力，而内馅系用抹茶做蛋糕底，蛋糕里面仲包咗块好大旧嘅麻糬，食落好烟靭，以最面头就搽咗浓浓嘅抹茶酱，同埋有啲忌廉，并以银色珠珠同花花朱古力做点缀！…查看更多

💖终于挨到星期三，放假有望😎，食番件甜品开心下。呢间甜品店系旺角TOP地下，位置方便，甜品卖相精致，人都开心啲🥳。1⃣️日本宇治抹茶麻糬蛋糕🍵 $58💖推荐！卖相超精致，最外层系薄脆抹茶朱古力壳，入面系湿润嘅抹茶蛋糕体，包裹住奶香烟韧嘅大块麻糬。最上面系浓厚顺滑嘅抹茶酱，仲有忌廉配上银色糖珠同雏菊朱古力🌼装饰。2⃣️芋泥珍珠奶茶🧋 $42💖饮品选择多，除左咖啡果茶梳打等，仲有多款珍珠奶茶，要左芋泥口味，上台嘅时候都有啲惊讶，比想像中大杯，饮完都几饱🫨。芋泥底绵密香浓，暖笠笠嘅芋泥撞上冰冻嘅奶茶，珍珠入口烟韧，份量多。💖餐厅环境舒服😌，除左多款甜品都有主菜等选择，推荐大家黎chill下～…查看更多