SO TAM (已結業)

話說放工時間要喺銅鑼灣搵位食飯真係好辛苦 無book位嘅話都唔知要等到幾點先有飯食🥲 除非你搵到好似呢間仲未被發掘嘅寶藏餐廳啦😂 呢間越南餐廳位於時代廣場對面 暫時人流唔算多 食物選擇方面除咗越南粉 仲有比較少見嘅越南火鍋 有椰子雞湯同蟹湯兩款選擇😍😍味道唔錯而且價錢合理 不妨一試😝 特別推介好香蒜味嘅脆卜卜牛油雞翼 仲有落咗和牛油(wagyu beef oil)嘅火車頭 湯底 味道香濃又唔油膩 粒牛丸仲好彈牙添呀🤪…查看更多

《越式風情下午菜🇻🇳》———————————————-#SOTAM 🥰-位處銅鑼灣核心地帶竟然有間咁高質嘅越南菜館，就係time square 對面，十分方便～ 餐廳環境舒服典雅，一入去就有幅充滿越南特色嘅璧畫，仲有經典嘅單車放喺門口，打卡一流👍🏻-都幾推薦大家去食佢嘅下午茶餐，啲set都幾抵食😝 春卷雞肉撈㩚啲串燒烤得出色，雞肉入味，肉質亦唔會柴，有小小燒焦嘅感覺啱啱好～手撕雞湯粉嘅雞味濃郁，個湯飲落唔口渴🐣香茅豬扒飯配咖喱好夾，撈飯食一流！-特別一提係個越南滴咖啡，沖煮咖啡後再經滴漏壺過濾，需時5分鐘左右，但等待係值得嘅，極具風味。煉奶令咖啡口感更滑順，當中嘅香甜蓋過原來咖啡豆嘅苦澀，奶香四溢☕-⭐ 參考價錢︰（另收加一）手撕雞湯粉（配越南粉包）： $68香茅豬扒飯（配咖喱）： $78春卷雞肉串燒撈檬： $78札肉湯檬：$58另配越南滴咖啡： +$10/杯🍌 抵deal 指數：8/10💰 人均消費：$80…查看更多

行完山攰到爆 Times Square又因為好coupons 啲舖頭排隊排到癲左 咁就求其行左入呢間餐廳度食😝叫左一個燒牛柳串 一份香茅燒豬頸肉 一個越式火鍋 (椰子雞湯) 😌🤤 燒牛柳好入味 燒得好香😝 豬頸肉味道唔錯 但略嫌肉質硬左小小 🙁 越式火鍋幾得意 第一次食 入面有蜆 魷魚 牛肉片 菜 米粉等等 唔夠可以再加食物嘅🤤 湯底味道比較清淡 配料都係一啲普通野 所以野都中規中矩咁 但有時想食啲熱辣辣嘅野都係一個唔錯嘅選擇😉It’s super hard to get a table in Times Square because of their fun award scheme (giving out free coupons) lol So we just popped in this Viet resto nearby. We got Beef skewers, Grilled pork neck with lemongrass, and a Viet Hot Pot (Chicken Coconut Soup). The beef skewers were pretty nice. The grilled pork neck had quite a chewy texture. The Viet Hot Pot was something I’d never tried before! It came with clams, squid, beef, veggies, rice noodles etc. The soup was quite nice. It’s not heavy, but quite clear - you can literally drink it. The food that came with the hot pot was average, like there’s nothing special. If you’re craving for smth hot and soupy, there you go! 😉…查看更多

今次應該第3次去食。每次都是食午餐時段。因為有午餐好抵食。套餐只需要加20元。就有小食，甜品及包一杯汽水。當然想飲滴漏咖啡，都只需要加多10元。服務員態度好熱情。執枱清潔好快手。環境雖然細了，但喜歡光猛，播點輕鬆音樂都唔錯。今次臨走前，問職員晚上餐牌是否又不同?原來晚上有另一個餐牌，有不同食物。而且2點半後開始，還有下午茶。食到5點半。下午茶食的食物亦有不同。我覺得餐廳較適合2人至4人。太多人的話 有點迫。…查看更多

天氣凍凍的, 跟好友們吃越式火鍋, 暖笠笠就最爽了.  早前去到位於銅鑼灣時代廣場對面的SO TAM, 方便就腳. 今次吃得很地道, 更多謝車媽媽等送上的生日蛋糕, 很窩心.踏出升降機看到這裝潢, 滿有越南街邊特色. 越菜的SO TAM就在右邊啊~壁畫及筲箕, 彷彿讓人置身越南之中.單是點餐都有選擇困難症, 太多想要吃的啦~  簡單些, 先喝杯越南滴咖啡, 我家中亦有一套, 但總覺在外喝的較好喝~ 這杯也挺濃味啊~先來串燒拼盤, 是兩串起跳的, 以串燒豬肉及串燒雞肉為例, 各$42兩串, 燒得非常香口, 再沾店家特製的魚露醬汁, 好惹味!  越式扎肉米紙卷及越式春卷, 前者是淡淡的, 屬低調一派, 適合不愛太濃味的朋友, 而後者炸得香脆, 不覺油膩.  與米紙卷有點類似的是越式手拉粉卷, 同樣味道較淡, 粉卷內有豬肉等餡料, 主要也是要沾醬汁來吃. 其實也不錯~接著兩款邪惡美食! 無人不愛的蒜香牛油雞翼! 炸得夠火喉, 粉漿又薄, 好入味, 雞肉仍然有肉汁~而牛油椒鹽軟殼蟹也是垂涎, 看到那蟹肉嗎? 很肥美, 同樣的香脆, 碟上幾乎沒多餘的油份. 大愛啊~越菜必備的豬頸肉法包也成為我們的目標菜式, 這包有讓我憶起在蜆港吃到的, 好地道啊~ 值得留意, 包內的蔬菜是很新鮮清爽, 吃下去是那樣的清脆.來到重頭戲, 越式豪華火鍋, 第一次吃這樣的火鍋, 所有食材都放在鍋邊上, 有澳洲或美國安格斯牛肉(按時令)、魷魚、蜆、濱海米粉及蔬菜等. 我們選了鮮茄蟹湯, 真的有蟹肉, 亦有數件豬紅及豆卜.湯底香濃, 基本上不需任何附加火鍋醬料, 就把食材放入鍋滾幾回便可吃.  若不喜歡鮮茄, 湯底可轉為椰子雞湯.在吃火鍋期間, 又點了香茅青檸梳打水, 以香茅包著飲筒, 喝起來就滿是香茅香了.菠蘿香茅乳酪作為甜品是頗有特色啊~ 若果可以大杯些少就好了.…查看更多

一個人既夜晚想食個海南雞飯，喺openrice search 到係新開既餐廳，就嚟試試。地點幾就腳，就喺時代廣場對面，唔算難搵，去到唔知係新開定未禁晚市堂食前夕無乜人，成間舖好似只係得我咁。服務員有禮貌的，可能難得有客。餐廳設計ok, 係幾舒服既東南亞風。叫咗個海南雞飯，賣相幾好的，可惜最重要既雞咬落好鞋口，不過個汁同啲飯幾好味，飯粒似乎真係用返東南亞既品種，黃薑飯做得幾好，唔係普通海南雞味飯，呢個我鍾意，幾有驚喜。我諗佢係賣高檔次的，希望下次再嚟食會有進步…查看更多

朋友K先生係越南通，今年冇得去旅行，呢位朋友則不斷咁話我知胡志明市同蜆港究竟有幾好玩。 K先生係愛酒之人，佢亦都分享左唔少越南飲酒嘅經驗，特別其中一次，佢話係酒吧飲酒的時候，外賣越南火鍋去酒吧食嘅經典事件。 東南亞嘅火鍋，我淨係記得喺清萊試過，反而，我真係未試過食越南火鍋，香港越南菜多的是，可惜卻好似從來未見過有火鍋，大概香港人最叻都係淨係食越南牛肉河。 於是，從我得知銅鑼灣開咗一間新嘅越南菜SO tam，仲提供很少見的越南火鍋，就已經bookmark 左，於是約幾個朋友一齊去食。 位於Times Square附近，地點超級方便。當晚人數夠多先食得多野，不過疫情關係都分左兩枱坐。 坐低先要杯越南滴漏咖啡，提下神。 越南菜嘅前菜點少得牙車快，香港其實唔係好流行食呢個以雞絲、海蜇同生菜絲所做嘅開胃前菜，我覺得幾特別，至少為今餐開下個胃。 不過我自己較鍾意青木瓜鮮蝦沙律，淨係食爽口又新鮮嘅蝦肉加甜美嘅青木瓜已經值回票價。 細細個最鍾意食嘅係越南粉包，到我咁大個都依然咁鍾意食呢樣小吃，呢度叫做手拉粉卷，感覺夠好夠美味，熱辣辣食感覺特別好。 呢度嘅越南炸春卷真係做得好吸引，剩係吃表面個脆皮已經夠正，一個字，得。 通常食印尼嘢先至會食串燒，呢度竟然都提供串燒拼盤，豬肉，雞肉同牛柳各點了兩串，我最鍾意食嘅必定係雞肉。 特別係佢嘅醬汁唔可以錯過，市場上少有用魚露為主角的醬汁，增添了不少越南風味。 牛油椒鹽軟殼蟹，食完滿口牛油香，蟹肉又大件，絕對係必點嘅菜式之一。 豬頸肉法包，令我想起渡船角。 講開牛油，佢嘅蒜蓉牛油雞翼又係好正，一個人一隻絕對唔夠喉。 食咗咁多煎炸野就好想試吓佢嘅西貢啤酒，呢度仲要提供兩個版本，我選擇左低卡路里版，飲都飲得健康啲。 咖喱雜菜煲配麵包，讓你清清腸胃，個咖哩都不錯，不算太辣夠香口。 越式豪華火鍋，選咗蟹湯，有菜有魚有魷魚有牛肉，仲可以加唔同嘅配料，個蟹湯非常之鮮甜，而且咁大個火鍋都只係$248，如果可以加越式河粉應該更加完美。 呢個非常傳統嘅越式鍋底，令我諗起如果身處喺胡志明嘅酒吧，究竟可以點樣係酒吧外賣火鍋呢？係唔係叫緊六個六嘅時候，突然間就夾舊肥牛黎食？ 我想只有K先生才知道了。 到底幾時先有得飛越南？我想不要諗了，不如嚟呢度食火鍋更加實際。 SO TAM銅鑼灣羅素街8號英皇鐘錶珠寶中心2樓…查看更多

星期日，喺銅鑼灣行完街，想揾個坐得舒適既地方坐下。上OpenRice 發現有間新越南餐廳，於是就黎試試。環境：枱，凳都好大，夠空間。服務：都好有禮貌食物：好好食😋…查看更多

閒日下午1345到，人唔多，成場計埋我地應該不超過4檯客8個人，同女朋友各點左個set lunch在加個小食...兩個都係鮮茄濃湯蟹檬...茄湯一般份量足夠...但蟹檬得勁小蟹肉絲...一個$1銀咁多...最慘係個米紙卷...等到食完個湯檬都仲未到...前菜變甜品...如果咁少人都搞咁耐...認真要改善下…查看更多

臨宵禁之前為咗呢間位置超方便，喺正時代廣場對面嘅樓上餐廳食飯😳.⭐️椰青煮蜆 $125用椰汁煮蜆都係第一次食，幾特別，椰青水令到成個湯好鮮甜、清新，而且日本蜆，蜆肉都好飽滿。.⭐️海南雞飯 $98海南雞已去骨，雞件都多，肉幾滑，仲要有雞翼😍個汁好開胃，送飯一流。飯底估唔到佢咁正宗，個薑黃飯係用碎米做，喺香港好少見！.⭐️鮮茄濃湯蟹檬 $88份量好多，一個女仔應該會食唔晒！😣鮮茄濃湯非常濃稠，一疏疏蟹肉鋪咗喺面，攪勻佢，凌晨碗湯散發著蟹嘅鮮香。配料仲有豆卜、豬紅，吸晒啲湯，勁滿足😍.⭐️香茅蝦 $68兩大條蝦棒好有睇頭，蝦肉彈牙，中間係用蔗串埋，所以食落亦都有淡淡的蔗香🤩.⭐️香茅燒豬扒 $78調味適中，豬扒燒到有少少燶燶哋嗰啲位最正，而且唔會乾爭爭。😋.⭐️蒜蓉炒通菜 $68食咗咁多肉梗係要食返碟菜，正常發揮，救鑊氣！.⭐️菠蘿香茅乳酪$48呢個配搭都幾特別，菠蘿同乳酪都係酸酸地，不自然地夾！.⭐️椰汁班蘭西米糕 $38呢個同乳酪形成好強嘅對比，因為呢個嘅椰汁同斑斕味超級濃郁，口感煙韌！…查看更多

呢間新開既越南餐廳位於Times square對面的英皇鐘錶珠寶中心2樓。餐廳裝修充滿越式風情，音樂都好配合主題！-店員先送上小食，口感香脆的燒米脆1⃣青木瓜鮮蝦沙律 💰78（👅: 7/10）青木瓜鮮蝦沙律，味道酸甜醒胃，青木瓜清爽多汁，份量都幾足，而蝦就一分為二，份量略少！-2⃣越式手拉粉卷 💰68（👅: 7.2/10）有點似我們中式的腸粉，但呢款餡料豐富，上面仲有扎肉，酸蘿蔔等，口感層次豐富。-3⃣牛肉酸鍋 💰228（👅: 7/10）第一次食越式圓鐵盤火鍋，感覺幾新鮮， 圍在鍋邊的配料有蜆、安格斯牛肉、菠蘿同生菜，湯底酸酸甜甜，灼牛肉食時好入味－另會配有一碟米卷和水，店員話將米卷浸一陣就可以包生菜同菠蘿食。雖然呢種食法幾特別，但個人就麻麻地！-4⃣菠蘿香茅乳酪 💰48（👅: 7/10）中意食酸既既我，覺得呢個乳酪好正，幼滑酸乳香～-5⃣椰汁斑蘭西米糕 💰38（👅: 6.2/10）凝固質感，斑蘭味不太自然，但個人麻麻地個質感。－6⃣龍眼水／越南滴咖啡 💰38（👅: 7/10）龍眼水正常偏甜，咖啡香烤味濃郁，唔錯！-整體而言，特式越南菜，環境清幽！…查看更多

🍗蒜蓉牛油雞翼 $78大量香脆蒜蓉，配上牛油🧈脆皮，炸到金黃色好吸引，肉質嫩滑而且好多汁。.🌯越式扎肉米紙卷 $78米紙卷味道口感豐富。不論配上甜醬抑或係酸辣醬都好適合。清新而且開胃，作為前菜一流。.🦐蒜蓉燒大頭蝦 $188大頭蝦表面有香濃嘅芝士，但依然食到蝦膏味。蝦肉食落爽口彈牙。雖然味道唔錯，但價錢都唔平😳。.🐷燒豬肉串（兩串）$42豬肉串帶有焦香，嫩滑多汁仲好入味。附送嘅醬汁以越南魚露為主調，唔太鹹但有提味作用。.🌯春卷雞肉串燒撈檬 $88雞肉串燒同豬肉串燒調味方式相同。春卷用咗越南米紙，餡料有好重魚露香味。撈檬份量超多，但加上大量蔬菜就變得頗清新。.🍰拉椰糕 $38煙韌不黏牙，班蘭椰子帶有清香，味道溫和。.🇻🇳 SO TAM (銅鑼灣)銅鑼灣羅素街8號英皇鐘錶珠寶中心2樓…查看更多

吃在第四波疫情前，約了久未見面的朋友敘舊！食肆位於銅鑼灣時代廣場大電視對面，交通方便。𨋢門一打開，便看到一大幅越南街頭壁畫及懷舊單車，店內裝修也頗有越南特色。先來兩款沙律，分別是青木瓜鮮蝦沙律及牙車快，清爽開胃，作為餐前菜，非常不錯。越式手拉粉卷～有點似我們的腸粉，但它的皮卻更薄更滑，包裹了木耳及豬肉碎等饀料，蘸上調配過的魚露來吃；美味。再來便是幾款香脆小食，蒜香牛油雞翼、越式扎肉米紙卷及牛油椒鹽軟殼蟹，最喜歡當中的牛油雞翼，外層甘香酥脆，內裡嫩滑惹味。食香口嘢當然要啤一啤啦，這款越南啤酒，氣泡綿密細滑；清爽不苦澀，幾合我心意。另一友人就叫了杯越南咖啡，香味較濃烈，以煉奶的香甜作調和，口感細滑；香醇帶微苦。串燒拼盤，有雞肉、豬肉及牛肉，每樣兩串，醃製過的串燒，惹味非常，一下子便吃過清光，如不是還有後續，真想多叫一碟。豬頸肉法包～將法包切開，加入豬頸肉、生菜、芫荽、醃蘿蔔、薄荷葉及金不換等，香脆的法包輔以豐富的餡料，好味又飽肚。這個咖哩雜菜煲，湯汁温潤濃郁，帶有淡淡椰漿的甘甜，法包酥脆紥實有嚼勁，兩者雙結合，是正宗的越南吃法。最後加多個菠蘿香茅乳酪甜品，便結束今晚的「越南之旅」。不知下次見面是何時，只有珍惜眼前人、珍惜眼前事，努力過每一天吧！SO TAM地址: 銅鑼灣羅素街8號英皇鐘錶珠寶中心2樓電話: 23231299…查看更多

為食妹👧🏻最鍾意試新嘢。呢間餐廳開咗兩個月。門口好吸引。忍唔住影咗張相留倩影🤭。一坐低🈶️免費小食。黑芝麻脆餅。滿滿芝麻香😛。蒜香牛油雞翼～🐔翼大大隻。新鮮熱辣好juicy🤤。燒🐷肉串～🐷肉肥瘦均勻。🔥得岩岩好。唔洗加醬汁已經💯分。鮮茄牛腩煲配法包～牛腩煮到好淋易入口。份量又好鬼多。抵食🤪。蕃茄味都算濃郁。法包索晒d汁好好味😋。越式札肉米紙卷～薄薄一層米紙。包住扎肉。青瓜。蘿蔔。檬粉。食落好🈵️足。龍眼水～味道清清甜甜。仲有龍眼肉食。…查看更多

這兩天氣溫驟降終於感覺到冬天的來臨！昨天已經分享過暖粒粒的煲仔飯，今天就來分享一個十分特別的火鍋給大家吧！說起越南菜相信大家都只會想起牛肉湯粉、法包、檬粉那些一般的越南美食，但今天我要介紹的是在香港坊間少見的正宗越南風味火鍋，地點就是在銅鑼灣時代廣場對面的SO TAM。店子的裝潢已鮮黃加綠色作主調，配上不少富有越南風味的掛畫和竹製品作為裝飾，令人感覺置身於越南般一樣。甫坐下侍應便送上這個芝麻脆片小吃，香脆可口用來配啤酒享用一流！車媽媽最喜歡喝的是青檸梳打這兒的賣相也很討人歡喜，除了在樽裝梳打水的樽口上放了青檸角外還有香茅作飲筒，將一支普通的梳打水成功哋Upgreat起來！好友喜歡喝咖啡當然不會放過越南滴咖啡＄38，聽聞味道十分香濃加上了煉奶相信味道應該挺香甜的。首先吃越南經典的前菜牙車快＄78，以海蜇、雞絲、菜絲加上香脆的花生碎和油酥，便製成開胃的餐前沙律。越式手拉粉卷＄68賣相有點似我們中式的腸粉，吃下去口感層次都挺豐富呢！這越南米紙卷$78相信應該也是大部份吃越南菜明友的選擇，但坦白說我更喜歡吃煎炸香口的小食所以亦唔客氣點多兩款炸物來享用！第一款是卜卜脆的越式炸春卷＄78內裏有滿滿的餡料，吃下香脆總不叫人失望的。但我更喜歡這個牛油椒鹽軟殼蟹，看那飽滿非常的軟殼蟹炸得酥脆香口又不油膩，加上香口炸蒜的點綴真的很惹味。另外我們還點了串燒拼盤內裏分別有燒豬肉、燒雞肉各$42/2串，另外還有燒牛柳串$48/2串，聽聞餐廳特意在日本訂購一部價值8萬元的烤爐來炮製串燒，嘩真係要㗳真啲味道先得喔！我試了一件豬肉和一件雞肉兩款也燒得夠焦香，但我偏愛肉質頗脆內嫩的燒雞肉串多一點！記緊要沾那個以魚露特製的醬汁同吃味道會更想一層樓的。越南菜當中法包也算是他們的混血兒美食那點一款來大家分享！香脆的法包配我喜歡的豬頸肉總是有吸引力的。吃了這麼多肉類就點一個咖哩雜菜煲估不到越南的咖喱也弄得很香口，用香脆的法包沾汁來品嚐真的很易吃到停不了口呢！這個時候主角越式豪華火鍋＄228終於正式出場了！湯底可選椰子雞或鮮茄蟹湯而喜歡吃番茄和蟹的我根本不需選擇哋點上後者啦！呷一口鮮茄蟹湯味道非常香濃亦鮮甜原來湯底淆足5小時怪不得那麼好喝，而內裡還有豆腐卜和豬紅等配料絕對是真材實料的湯底。湯鍋圍邊放有日本刺身級的魷魚，牛肉則按時令奉上澳洲或美國的安格斯牛肉，還有新鮮的沙蜆和不少的生菜、芽菜及濱海米粉等配料！喜歡的像港式火鍋一樣灼熟生料便吃得，又或者將配料煮熟後以生菜包裹來享用怎吃也同樣美味。最後大家也想吃甜品本來戒甜的我應該收口的！但看見有這個菠蘿香茅乳酪又豈能忍得住口呢！菠蘿當然我自己獨享而香茅乳酪我只吃了一口，味道十分吸引酸甜中竟然吃到點像芝士的香氣，這是否香茅加乳酪的化學作用呢？好友這個咖啡雪山＄48說穿了即是Affogato，將越南咖啡倒入雲呢拿雪糕內配香口的爆米花同嚐相信口感會更加吸引！這天非常接近好友Jannis的生日為她送上一個小小的生日蛋糕愛買了Luna Cake這個10-12月期間限定炭燒咖啡雙層芝士蛋糕，咖啡和芝士也是她愛的相信壽星女一定喜歡！吃下果然味道十分不錯有咖啡香氣之餘亦有芝士的那份幸福的感覺。靚女祝妳生日快樂、事事順利、身體健康、永遠美麗！…查看更多