SLOW COW

今日同FD到K11行街，睇到哩間慢煮牛唔錯，咁試試。店鋪以紅色為主，裝修似美式風格:)。Menu唔算特別豐富，得數款丼飯同小食可以揀，不過已經足夠。Ginger ale & Cream soda，薑汁汽水入口清爽，微微哋薑嘅辛辣感，飲落去好清爽。忌廉蘇打就甜啲，帶住雲呢拿香味，氣泡夠足，兩款汽水配炸物都好夾。經典脆炸薯條，佢哋用咗粗身薯條，外皮炸到金黃色，入面薯肉依然保持綿密軟熟，食落薯味香濃超級脆口。再點埋特製沙律醬，食落更加惹味。日式炸雞，炸雞炸得恰到好處，外皮薄脆，雞肉嫩滑多汁。雞肉預先醃制過，唔洗點醬已經好夠味。店家搭配咗兩款醬汁，咖喱醬味道特別，日式沙律醬酸甜適中，都同炸雞好夾。慢煮熟成牛肉，搭配咗蒜香醬油炒泰國絲苗米飯同流心香煎日本蛋，醬汁揀咗芥末籽肉汁。熟成牛肉煮到好淋，肉質軟腍，牛肉味濃鬱。絲苗米飯炒得乾身，米粒分明，蒜香同醬油味好突出。再落入日本蛋同醬汁，提升咗成道菜嘅層次。A4+日本和牛丼，搭配日式炒雜菜同霹靂辣椒醬。和牛油花分佈均勻，煎到表面微焦，內裡半熟。牛肉入口即化，肉質鮮嫩。日式炒雜菜用咗椰菜、紅蘿蔔同蘑菇等，炒得爽口，帶少少甜味，平衡返和牛嘅油膩感。霹靂辣椒醬辣度適中，唔會好辣，落入炒雜菜更加開胃。…查看更多

今日嚟到slowcow食晏，呢間餐廳裝修走簡約日系風，感覺好舒服，好啱打卡！服務方面都唔錯，店員好有禮貌，而且上菜速度都幾快。A4日本和牛丼配醬油炒飯+流心香煎日本蛋叫咗A4日本和牛丼配醬油炒飯加流心香煎日本蛋，和牛嘅油脂分佈平均，入口即溶，真係好正！醬油炒飯炒得乾身，粒粒分明，配埋流心蛋，真係perfect match！slowcow 招牌 (100%慢煮煮成牛肉+ 日式炒雜菜)叫咗slowcow 招牌，100%慢煮牛肉，肉質非常嫩滑，入口即化！配埋日式炒雜菜，健康又好味！(小食 1) 日式炸雞小食方面，叫咗日式炸雞，炸雞外皮香脆，入面嘅雞肉鮮嫩多汁，唔會太乾，好食！(小食 2) 經典薯條仲叫咗經典薯條，薯條炸得金黃香脆，鹹鹹哋，好惹味！(飲品) ginger ale + 檸檬薑花草茶飲品方面，叫咗ginger ale，夠晒清爽；就叫咗檸檬薑花草茶，味道清新，好解渴！…查看更多

放工想食個療癒又有誠意嘅晚餐？K11呢間主打「慢煮熟成牛」嘅美日式餐廳你一定要bookmark📍！平日晚市依然人頭湧湧，熱門程度可想而知～餐廳走日式美學風格，木系裝潢簡約又有質感🪵。最鐘意呢度可以自選主食配醬汁，customize到自己最愛嘅組合！🍝 慢煮熟成牛配拉絲芝士蕃茄意粉再加埋濃郁嘅日本蘭王生蛋黃🥚配芥末籽肉汁。牛肉粉嫩軟腍、輕輕一咬即溶化，每啖都有肉香。芝士真系拉到好長好長，每啖都系濃郁芝味，配埋蕃茄意粉酸甜平衡，層次好豐富！蛋黃一戳破流出嚟嗰刻已經口水流🤤🥩 A4+日本和牛丼飯🍚 鋪滿整碗牛肉，配上用蒜香醬油炒過嘅泰國絲苗米🍚再加返日本蘭王蛋、脆蒜片，賣相已經滿分💯！牛肉份量超足，每塊都系滿滿和牛香味。蛋黃汁包住每粒飯粒，口感creamy又香滑。脆香蒜片提鮮一流，紅酒照燒汁帶微甜，口感香濃得嚟層次分明～ 🎯🍗 日式炸雞配辣沙律醬本來以為雞胸會好柴，點知超級juicy！外皮炸得金黃香脆，肉質嫩滑多汁。配埋微辣沙律醬，清爽解膩，當配菜perfect👌📌整體嚟講食材高質，自選組合彈性大，價錢合理，CP值超高！鐘意熟成牛又想食得有風格，呢度系心水推介💖！📍牛丼新造 (尖沙咀)尖沙咀河內道18號K11購物藝術館2樓201B號鋪…查看更多

呢度最開心係可以自選，$88可以揀1款肉 + 主食 + Sauce 同Topping。同朋友嗌咗份熟成牛同豚肉，兩款都出色。 慢煮熟成牛肉(並盛)+蛋白炒飯(+$6)+蘭王/夢王生雞蛋黃(+$6)+紅酒照燒汁 牛肉食落有陣陣烤過嘅香味，肉質軟嫩易入口，加埋日本蘭王/夢王生蛋黃同cream有加分。紅酒照燒汁濃度適中唔會蓋過肉味，幾欣賞佢嘅醬汁係溫熱嘅蛋白炒飯口味偏清淡，食落唔油，食得出炒底同蛋白香。 想講兩款飯都揀咗並盛(即係Regular Size)，個人唔算細食都覺得夠。慢煮極上熊本豚(並盛)+蒜香醬油炒飯(+$6)+蘭王/夢王生雞蛋黃(+$6)+芥末籽肉汁豚肉質感嫩同芥末籽肉汁好襯。 醬汁濃度都係適中，芥末籽味唔會好勁，有畫龍點晴嘅效果。 蒜香醬油炒飯係淡淡嘅醬油味同蒜香，推介!飲品有冷熱飲/啤酒/果汁酒等, 叫咗可樂同忌廉 (+$12/罐), 估唔到會俾冰杯, 幾誠意! …查看更多

今晚同朋友係K11 shopping, 跟住上網搵下呢個shopping mall有咩好野食先, 見到有一間係食慢煮熟成牛肉, 一向都好喜歡食牛肉既我, 就即刻決定去試, 不過佢個位置都特別, 我行左兩個圈先搵到間餐廳, 哈哈! 原來佢係一間好大間賣傢具的open area入面, 估佢唔到~店內裝潢都有唔少打卡位，又有牛牛霓虹燈，原來仲有🇯🇵插畫大師原田治創作的「OSAMU GOODS」，好可愛~餐牌簡單易明, 可以自由選擇配搭, 我地就立刻點左以下兩款:*慢煮熟成牛肉 > 淡麗蛋白炒飯 > 紅酒照燒汁 > 半熟日本溫泉蛋成碗牛肉飯賣相吸引, 牛肉邊邊位有燒過, 所以好香, 肉質嫩得黎有小小煙韌，牛味濃, 配埋紅酒照燒汁, 味道變得濃郁。蛋白炒飯不會好硬，加埋蛋白一齊食好夾。跟住撈埋半熟日本溫泉蛋同自家製鮮忌廉, 口感會更滑, 好味~*慢煮極上熊本豚 >蒜香醬油炒飯 >芥末籽肉汁 > 流心香煎日本蛋朋友想食豚肉，豚肉絕不會比牛肉遜色, 都好香肉味，加左芥末籽肉汁更惹味, 蒜香醬油炒飯真係幾好食, 勁香口, 好快佢食哂, 哈哈~飲品各自揀左兩款茶, 解渴~…查看更多

Slow Cow雖然主打慢煮熟成，但實際表現略顯平淡。招牌牛肉切得薄，口感尚可，卻缺乏應有的牛香，需依賴醬汁提味，略失牛肉本身的靈魂。蒜香醬油炒飯則偏鹹，蓋過了蒜香層次，整體味道不夠平衡。A4+日本和牛丼雖然油脂豐富，搭配芥末籽肉汁、日本蘭王生雞蛋黃與珍珠白米飯理應提升層次，但吃起來卻有種割裂感，味道未能融合，令人難以投入享受。反倒是日式炸雞令人驚喜，外酥內嫩，火候掌握得宜，成為整體餐點中的亮點。整體而言，雞比牛更出色，令人期待Slow Cow在牛肉上能有更深層的突破。…查看更多

唔係朋友介紹都唔知呢間餐廳！！有啲隱蔽，行入去舖頭入面先見到間餐廳CP值高，可以享受和牛丼同自選菜式推介無牛不歡又唔食飯唔安落嘅人去試吓佢推介A4+ 日本和牛丼！！！可以自己揀咩飯底同醬汁，靈活度高
揀咗珍珠白米飯同紅酒照燒汁仲有個粒生蛋黃同少量蒜片個人認為係最經典穩陣嘅配撘～和牛粒嘅油脂好香，完全冇筋位分開沾照燒汁已經好好食撈埋晒所有嘢全部一啖放入口都好爽另外一個慢煮熟成牛肉就揀咗個新配撘有蒜香醬油炒泰國絲苗做底蒜香味比較出，白飯粒粒分明比較有口感撈埋個蛋黃同咖喱蛋黃醬就剛剛好個流心煎蛋好正🤤係我鍾意嘅燶邊蛋牛肉份量都唔少而且唔薄如果想食瘦啲少啲油脂就可以揀呢款～
坐多咗陣傾偈加咗脆炸薯條同日式炸雞主要係想講吓個炸雞醬有少少似千島醬幾好食成件事有啲日式又好似有啲西式咁簡單嘅牛肉飯都好有心去做唔同嘅配搭呢種tailor made嘅感覺好特別～～…查看更多

來到K11這間slowcow慢煮日式店，雖然餐廳有點隱蔽，不容易見到，但裏面的食物的確一流😋😋😋，有不同的base和sauce可以選擇配搭❇️Slow Cow 招牌(100%慢煮熟成牛肉+珍珠白米飯)配上砵酒黑椒昆布汁，自家製鮮忌廉（奶油），流心香煎日本蛋 👍👍👍牛肉經過慢煮極為柔軟，真的做到入口即溶，在慢煮的過程牛肉的汁液充分保留，有濃郁的肉質，配上砵酒黑椒昆布汁，更加能提升牛肉的鮮味❇️A4+ 日本和牛丼配上蒜香醬油炒泰國絲苗米飯，自家製鮮忌廉（奶油）和紅酒照燒汁👍👍👍和牛非常之嫩滑，和牛的份量非常多，絲苗米飯每一口都帶有蒜香和醬油的豐富層次❇️經典脆炸薯條薯條原來可以配上炸雞醬，沒想到炸雞醬加薯條可以這麼夾😋😋❇️日式炸雞炸雞外層金黃酥脆，內裏肉質鮮嫩…查看更多

慢活食肉獸天堂！K11隱藏版日式fusion丼飯，和牛入口即化～喺尖沙咀K11行到攰攰哋，俾我哋發現咗間幾有格調嘅餐廳——SLOW COW。餐廳環境光猛開揚，裝修帶點工業風混合木系溫暖感，坐得好舒服。服務員姐姐好友善，非常耐心解釋餐牌配搭，未食已經加分！今次專登嚟會一會佢哋嘅A4+ 日本和牛丼，仲要係每日限量，梗係要搶番碗！一上枱，賣相已經贏晒，粉嫩嘅和牛鋪到成座山咁高，仲要跟埋蛋黃同香脆蒜片，誠意十足。將蛋黃撈勻，將油脂豐腴、入口即化嘅和牛，同埋佢哋特選嘅珍珠白米飯一齊放入口……正啊！真係幸福到唔識形容！自己揀嘅砵酒黑椒昆布汁味道好夾，帶出咗和牛嘅鮮味，又唔會太搶。旁邊嘅自家製鮮忌廉口感輕盈，意外地同牛肉好夾，解膩一流。朋友叫咗個SLOW COW招牌套餐，揀咗慢煮極上日本豚。豚肉煮到超級軟淋，一啲都唔韌，配上蒜香醬炒泰國絲苗米飯，香氣撲鼻，忍唔住都偷食咗幾啖。個芥末籽肉汁好有驚喜，微微嘅辛香刺激味蕾，令人胃口大開！小食方面都絕不馬虎，日式炸雞外脆內嫩，肉汁鎖得好好，點埋個咖喱醬，超級加分；經典脆炸薯條熱辣辣，邪惡但好滿足。加配嘅半熟日本溫泉蛋當然係亮點，撈飯簡直無敵！飲品除冷熱飲品外，仲有酒精類可以揀。我哋最後飲埋杯可樂同冰凍嘅道地玄米茶，貪佢清爽解渴，咁就為呢頓豐富嘅晚餐畫上完美句號。SLOW COW絕對係一間有心思嘅餐廳，由環境到食物同服務質素都令人滿意，係尖沙咀區一個高質又舒服嘅覓食好選擇！一定會再encore！…查看更多

昨日去了K11逛商場，順道吃個晚飯才離開。我們看到這店人氣不少而且主打牛肉，正合我們心意。A4+ 日本和牛丼 ($168 每日限量發售)這切粒的日本和牛，咬一口散發出香濃牛肉脂油香味，配搭紅酒照燒汁食用，味道更添層次！還有蛋黃和蒜片，也有自家製忌廉。配上蒜香醬油炒泰國絲苗米飯 (跟餐+$6)半熟日本溫泉蛋 (跟餐+$10)玉泉忌廉汽水 (跟餐+$12)(自選肉類+主食+醬汁+自家製忌廉) ($88)慢煮熟成牛肉，並盛size，牛肉的炭燒香味與芥末籽肉汁很夾！味道十分突出！配上蒜香醬油炒泰國絲苗米飯 (跟餐+$6)半熟日本溫泉蛋 (跟餐+$10)玉泉薑啤汽水 (跟餐+$12)日式炸雞 ($48)皮薄很脆，咬上去不覺乾口，也不覺油膩，而且雞肉厚厚，肉質香口滑嫩！配搭綿滑微辣的炸雞醬食用更添風味！經典脆炸薯條 ($28)咸味適中的熱辣辣的薯條有加一服務費…查看更多

呢個餐廳餐牌玩法係 揀肉類 + 飯／意粉／沙津／雜菜底 + 醬汁 + 蛋或沙律🐂A4+ 日本和牛丼 $168呢個配咗🍚蒜香醬油炒泰國絲苗米飯 （+$6），個飯好香好乾身，粒粒分明。d 和牛切到大細剛剛好，一口牛，每粒帶有少少根，有咬口，juicy 有牛味。再點埋店員推介嘅紅酒照燒汁，真係有酒味，好味道！🐂慢煮熟成牛肉 （$88）呢個牛係一片片，牛味濃，個邊似燒過，有d 焦香。呢份配咗🍝拉絲芝士蕃茄醬意粉 ( +$10)，個意粉煮到剛剛好，食落已經知唔係cheap野，加上廚師係有功駕嘅，唔係求其淥熟／淥到淋晒hae 你。今次sauce叫咗小秘製熟成牛辣肉醬 （+$12），呢個錢真係值得加！可以用世界級形容，撈乜都得，個油香好出，濃郁到喺口滲出嚟！另外叫咗兩個小食，🍟經典脆炸着條 $28 🐓日式炸雞 $48熱辣辣剛炸好上枱，超香。店員特別提醒醬汁，已經知實係重點。果然不論蛋黃醬 / 黃咖哩 都做到野。小小感想，餐廳應該要賣埋burger。炸雞、薯條、牛肉都一流，百幾蚊賣埋burger 餐，估計都會受歡迎。…查看更多

嚟到K11呢間SLOW COW，真係有驚喜！餐廳環境走木系文青風，燈光柔和有卡位，坐得好舒服好適合同朋友嚟chill下傾偈，慢慢享受一餐試咗佢哋嘅 A4+日本和牛丼真心高質和牛油脂分布靚到呢，入口即化加上佢煎得啱啱好配上微甜嘅紅酒照燒汁撈飯真係一流我揀咗加cream多咗陣奶香，口感更滑，推薦！朋友嗌咗慢煮熟成牛丼牛肉同樣嫩滑，配咗個流心香煎日本蛋🥚一篤穿蛋汁撈埋個芥末子肉汁味道層次即刻豐富晒！跟餐加$14就有日式炒雜菜，清清地可以平衡返小食方面日式炸雞外脆內嫩點埋個微辣嘅咖喱蛋黃醬非常惹味經典脆炸薯條就正常發揮飲品叫咗Ginger Ale同熱玄米茶解膩之餘又夠舒服整體來講，係一間會想再encore嘅店由環境到食物質素都唔錯服務態度仲要好好，個妹妹好可愛！值得推介俾鍾意食和牛同慢煮料理嘅朋友！…查看更多

📍SLOW COE (尖沙咀）尖沙咀河內道18號K11二樓201B號舖🐮日本和牛井飯配秘製熟成牛辣肉醬😋😋😋😋.9/5這道菜以日本和牛為主角，肉質鮮嫩多汁，搭配珍珠白飯，米飯的Q彈口感更添風味。秘製的熟成牛辣肉醬，辛香四溢，讓人一試成主顧。每一口都帶來層次感，特別是肉醬的香辣味道，令整個菜式更加出色。無論是配飯或單吃，都是一個滿足的享受，讓人回味無窮。🐮慢煮熟成牛肉意粉配紅酒照燒汁😋😋😋😋.9/5這道慢煮熟成牛肉意粉令人驚艷。牛肉經過長時間慢煮，肉質柔軟，拉絲芝士融化在意粉上，口感順滑。蕃茄醬的酸甜恰到好處，搭配紅酒照燒汁，增加了深度，讓味道更加豐富。每一口都是對味蕾的愉悅，意粉的彈牙感與牛肉的醇厚完美結合，是一頓值得細細品味的美味。🍟經典脆炸薯條😋😋😋😋.8/5經典脆炸薯條外脆內軟，鹽味適中，香氣四溢。每一口都令人心滿意足，無論單吃或配醬都非常美味，絕對是小食界的經典之選。🐥日式炸雞😋😋😋😋.8/5日式炸雞外皮金黃酥脆，肉質鮮嫩多汁，醃製入味，口感極佳。搭配特製醬汁，香味更加濃郁，讓人一口接一口，實在難以抵擋。🥬有機水耕菜沙律😋😋😋😋.9/5有機水耕菜沙律新鮮爽口，色彩繽紛，口感清脆。搭配清淡醬汁，保留了食材的自然風味，健康又美味，適合追求輕食的人士。🍵道地玄米茶😋😋😋😋.9/5建議食完和牛要飲返茶類，有助解膩🍺玉泉薑啤Ginger Ale😋😋😋😋。8/5清新爽口，啤酒嘅微苦配上薑味，真係好特別，飲落去唔會太膩，非常適合回頭：yesyesyes！性價比好高，尤其見到個賣相已經好吸引，牛味特濃，食牛愛好者一定唔可以放過@slowcow_beefbowl…查看更多

同朋友慶祝偉大既祖國生日。所以簡左呢間食飯，當日不用排隊，可直入元朗，店內大多是情侶，女生普遍都好靚，男生也會負責埋單女店員很有禮貌也很漂亮我地3人叫左同一款飯，但醬汁唔同最好食係芥末汁 但醬汁偏少紅酒汁不用簡，近似茶記黑蕉汁肉醬汁重牛味但偏油啲慢煮牛0味道 要配汁食飯有啲味 但偏乾 要配水食蛋冇咩味 舊cream就裝飾泥既 蒜片可加可不加最佳食法 ：肉醬汁配飯吃 芥末汁配肉吃 總結：價錢不貴 但去一次就夠 當打個卡 除非朋友請。食評只供參考…查看更多

K11 Art Mall 有咁多好嘢食，原來其中一間係好高人氣嘅牛肉專門店🥰 黎到既時候可以揀一個主食先，再揀自己鍾意嘅米飯或意粉，跟住加自己鍾意嘅蛋同埋醬汁，成個感覺好正，梗係揀晒自己最鍾意嘅配搭啦😍首先試咗佢哋最出名嘅「慢煮熟成牛肉」，飯就揀左淡麗蛋白炒泰國絲苗米飯，跟住再加隻半熟日本溫泉蛋，而醬汁就揀咗半乾茄芝士醬 😛 慢煮熟成牛肉點解咁特別係因為整嘅過程控制咗佢嘅溫度同濕度，再用60度慢煮一個鐘頭，真係會食得好滋味架😇另一個就試咗好高人氣嘅「A4+日本和牛丼」🥳 揀左拉絲芝士蕃茄醬意粉真係超級好食，成個拉絲真係好吸引😛 跟住揀咗個流心香煎日本蛋，而醬汁就揀咗咖喱蛋黃醬，係一個幾好嘅選擇😆除左主食之外仲有好多小食，一定唔可以錯過佢嘅「經典脆炸薯條」同埋「日式炸雞」，薯條炸得好金黃，日式炸雞炸得啱啱好，整到外皮脆雞肉嫩滑嘅效果👍…查看更多