Simplylife Bakery Cafe

营业中

休息中

晏就係同朋友係新城市想搵個位飲杯野，傾下計，就去左Simply Life食tea。我地兩個人等左一陣好快就有位～tea set都幾抵我地叫左兩件cake，咁就歎左一個下午～檸檬撻分左做3層。最頂既係普通忌廉，中間係酸咪咪既cream，配上檸檬底層，食落酸酸甜甜，好清新跟左杯西柚冰茶，冇乜西柚味，不過不失。另一件蛋糕都係喜出望外，入口綠茶味吾算太濃，但整體配搭岩岩好大推！配上一壺熱熱既茉莉花茶 Perfect match!

第一次係下午三點來食simplylife，諗住有tea menu or dessert menu，但坐下發現只有brunch menu無錯，是brunch不是lunch！Brunch menu上的set都是$128，包餐湯，main course和一杯凍飲，限坐1.5小時餐湯味道濃郁，唯餐包太乾，就算塗上牛油亦不好吃。Main course是煙肉蛋牛肉漢堡包配薯條本身上枱是荷包蛋是生的，由於身體抱恙，即時同waiter講改熟蛋，對方亦冇詐型，態度很好！整個burger味道很不錯，唯獨太多油，如果加多少少生菜青瓜之類隔一隔，效果應該會更好！

早兩個星期前我獨自一個嚟食重口味海鮮冬蔭功糙米飯，食完因太自私及太重口味關係病咗幾日。今日兩個人嚟食，再一次叫重口味海鮮冬蔭功糙米飯，因有人好想食。另外再叫了蟹肉沙律及跟上甘筍湯及西柚茶。今次飯的份量同上次的一樣，薄薄的一片飯份量少得可憐，同樣的重口味，今次因為有兩個人食，所以未致於好滯。而甘筍湯有一陣印度咖哩氣味，但飲落又有泰國啲類似金不換味，因碗湯有好多葉，唔多啱我口味。而蟹肉沙律方面，蟹肉唔夠以前食的新鮮，但芝麻醬汁配上沙律菜就好好味。而西柚茶就好一般吓，今次無叫少甜，味道好啲。

其實一個人食飯，食完後有啲覺得貴，下次唔好喇。諗住一個人食就食豐富啲。所以去咗依間餐廳叫咗大蝦海鮮冬蔭功糙米飯，加多$30跟餐湯及橙茶。餐湯是蕃茄湯，非常濃郁的蕃茄味。而冬蔭功飯非常重口味而且較咸，一個人食晒成碟會好滞，但碟飯的份量其實是非常少的，只得薄薄的一層(絕對是得一層飯，飯粒無重叠，無厚度的)，如果唔係咁重口味食完一定唔夠飽。而海鮮最好食的只是燒八爪魚鬚。橙茶方面我落單只叫少冰，但送嚟除少冰外亦好似走埋甜咁，無嚟味道。而坐位佢哋啲圓枱真係細得交關，因沙田店以前都幫襯過好幾次，兩個人坐圓枱，啲嘢食送到嚟擺滿成將枱非常逼及好唔舒服感，就算今次只得自己一個人都擺滿將圓枱，買這款枱的人係咪諗住啲客嚟叫杯嘢飲就算呢。整體嚟講沙田無銅鑼灣或又一城的好食，而且服務態度亦一般。

食晚飯時間，幸好新城市廣場吾係好多人，可能係閒日關係。友人揀了simplylife， 近近地停車場，好方便。 好鐘意simplylife 的簡約裝修，灰襯白，晚飯時間每檯都有個座檯爉燭，好有情調。每人叫了一個pasta , 分別是松露忌廉雜菌手製闊條麵同慢煮紅酒肉碎手製闊條麵。呢度的手製闊條麵一路都係我的摯愛，我吾鐘意食太「淋」太幼的意粉，呢度的闊條麵好有咬口，加埋個松露忌廉汁，奶油味濃，食食下仲有種toffee 香😱?! 對，應該係幻覺，因為吾會落toffee 煮意粉麻, 不過個味道好討我歡心😍 食過其他分店的松露忌廉意粉都係呢間最好食！另外跟餐我們揀了蕃茄湯，酸酸甜甜好開胃，除了茄茸外，入面仲有粒cherry tomato 同有塊cheese , 增加口感，頗有驚喜👍🏻不過張檯實在太細了，係coffee table, 要放兩大碟意粉，湯和飲品就真係好勉強啦。

雖然simplylife周圍都有 唔算咩好好好特別既西餐 但係佢有一種魔力就係 你腦海永遠都記得佢 今個星期日都唔例外 坐得舒舒服服 又唔貴 又岩食 真係非simplylife 莫屬 等左大概20分鐘就有 我地係門口已經諗好食咩 一坐低就可以order 雖然沙田呢間人流好多 但係所有staff都跟得好好 無漏單 或者miss左你既要求 👍🏻我地都係例牌一湯一沙律 個沙律無青瓜嫁！😆好開心 我見到青瓜就會變到撞邪咁樣 阿熊都怕左我個包就無食啦 因為真係好硬😅我就要左個芝士蛋煙肉漢堡扒 雖然就唔算好多汁會滴出黎 不過又唔會乾爭爭 食左一半已經好飽 因為塊漢堡扒都好厚阿熊就指定要食呢個黑松露手製麵 因為佢食過幾間最終發覺沙田呢間係最好食 佢今次又點會放過Mocha 好飲 不過泡就多左少少

襯著平日11:30am未到繁忙的午餐時段, 在不用排隊的情況下來到沙田simplylife那裡，享用了一個悠閒的午餐。簡潔的門面，給人清新舒服的感覺。午餐選擇的種類也很多，餐牌列明得很詳細。有餐湯或沙律可供選擇，今天選了蔬菜滿滿的雜菜沙律，加上幾片酸酸甜甜的青蘋果，口感十分清爽開胃。而飲品就選擇了冰茶，冰茶搭配上西柚的香味，很有夏日的感覺。而我選擇了燒鴨胸，炒雜菜，意大利黑醋汁。鴨胸初看感覺不夠粉嫩，還以為烤過了火候，還好吃下去還是肉質細嫩的，炒的雜菜今天是以瓜類和菇菌為主，配上黑醋醬汁真的很不錯。最後必定加$12來杯熱咖啡，為整個午餐畫上完美嘅句號。建議不需加糖和不要攪拌咖啡，直接飲用最為美味。

平日下午茶，想坐得舒服啲。所以黎，平日人唔多。下午茶食物選擇不多，味道不太好。。。。。。包太乾。。。花茶ok服務十分好，很nice。雖然食物一般，今之坐sofa 位所以好舒服。

餐廳服務質素欠佳，令顧客不能享受用餐。開放廚房旁的侍應大力的分類餐具，呯呯嘭嘭，放枱的侍應同樣很大力的將餐具拋在桌上，不斷製造噪音，如同茶樓。點餐時揮極手都無人應，D侍應企曬係度都望都唔望咁。點菜時侍應心不在焉，講了好幾次菜名都無反應，完全唔知佢聽到定聽唔聽到，落完單之後又係一句都唔會應你。食完前菜又一直無人收碟，明知主菜隻碟好大㗎啦，張枱又細，到上主菜嘅時候就一定放唔到，主菜來左都要等一陣先有人來收碟，但明明好多侍應就行來行去。最後明明叫得一件蛋糕，又唔明點解個侍應拎左2隻碟同3隻叉過來，完全對唔到數，正常一係拎一套餐具，或者就問下要幾多套，我地5個人唔通佢想我地有D拎碟有D拎叉？仲有我地枱後面的一家有BB車，所以我椅背同後面椅背中間通道好窄，D侍應又成日貪方使咁在後面通過，次次都撞咪我度。食物其實都可以，蛋糕好食不過服務真係麻麻，大大降低餐廳質素，下次都不會去這分店，只會考慮蛋糕外賣。

等落波既時候，同先生去覓食一下，但原來好多食店都有開。當然揀間長期要等好耐既黎食啦指定要飲既冰橙茶，叫左兩個lunch set，一個沙律，另一個揀左個較特別既檸檬乳酪湯，都接受到個味道既！松露忌廉雜菌手製闊條麵，超多菇，個汁好香。闊條麵可能本身都係硬身唔太岩我口味，但小小一碟已經飽哂，食哂車打芝士煙肉漢堡，舖上一塊超有heart既蛋，賣相👍🏻塊扒超juicy隔左好耐無食，依舊保持水準。走既時候想買包返去食，但師傅們仲未上班

尋日4:15 排隊食下午茶，跟住 waitress 同排隊啲人講 4:30 cut brunch menu，冇問題，照排，點知望到裡面有5張吉枱，咁我就問佢點解唔俾人客入去坐既，跟住佢話員工食飯。點知4:35 佢就安排人客坐果幾張枱，咁當然set已經冇，所有野要散叫。其實去得食，預咗要洗錢，但係如果simplylife 唔想客人叫 set，你可以唔 offer，但係唔好用依啲咁肉酸嘅手法 ⋯ 最後5:15 先見到員工開始食飯

simplylife cafe 一直都係沙田既人氣餐廳 ，lunch set $95 包沙律/餐湯、主菜同是日特飲。我同朋友都簡左salad,鮮橙 青蘋果配沙律菜好清新。不過個麵包就差啲喇，又唔香又硬，咬左兩啖就冇食lu。主菜我地分別簡左松露忌廉雜菌手制闊條麵同煙肉青豆嫩菠莱有機糙米飯。平時食開啲意大利飯通常都係忌廉芝士，大蝦/龍蝦，帶子，雜菌，黑松露 依啲咁既配搭多。但依間餐廳既意大利飯配撘就比較特別，有“南瓜栗子有機糙米飯”同“煙肉青豆菠菜有機糙米飯”。意大利飯加入左糙米令口味更好。松露忌廉雜菌手制闊條麵係推介之選意大利麵既麵質好好 口感唔錯。啲雜菌好香。成碟意大利麵都充滿黑松露香味，味道香濃。

第一次光顧係被店舖既麵包吸引，買了三個外賣拎走，價錢中等質素唔錯。今次選擇下午茶時段堂食，3點鐘先可以進店，2點9門口已開始有人排隊了；下午茶時段餐牌沒有太多選擇，麵包亦可以堂食，跟侍應點餐便可不用到門口購買。因為未食午餐，所以一人叫了一個餐再加三個包點，漢堡包個包太乾、薄餅味道唔錯、薯條偏淋身、西柚茶很清新、朱古力鬆餅夠朱古力味但欠了一點外脆的口感；牛角包今次食有少少硬，上次食鬆化一點，整體食物都還可以的，價錢以新城市來說亦不算貴，$200有找。

小編一直都淨係識食Simplylife嘅蛋糕，今日經過就決定要買佢嘅蘋果酥泥試吓。首先佢個丹麥酥方面做得好好，即使係邊邊位都好鬆化唔會話硬左一舊野。而且佢蘋果嘅份量都幾多下，每啖都可以食咗好多嘅蘋果粒，而且啲蘋果粒咬落口仲有少少索索聲。不過唯一一個缺點就係，小編覺得佢裏面嘅糖漿實在有啲多得滯，整體偏甜左少少。佢除咗甜少少之外整體來講都冇問題，比起某麵包舖已經贏咗成條街。佢呢個丹麥酥裏面有D吉士醬喺度，食落都OK。不過如果嗰一啖咬得唔夠大啖，就可能會比較難食啲，因為個丹麥酥本身都偏乾少少。要同啲吉士醬一齊食先會比較容易入口，另外如果再夾埋啲草莓一啖一舊嘅話，就更加 Perfect 啦！因為入口會變得酸酸甜甜，而且同鬆化嘅丹麥酥一齊食，唔單止味蕾連個口感一樣都可以滿足到，不過大前提係個口要夠大。之前食過佢哋嘅丹麥酥都覺得唔錯，不過今次就有少少失望啦。今次唔知點解佢哋嘅丹麥酥變淋左，冇咗丹麥酥應有嘅鬆化。佢呢個丹麥酥整體來講你會食到有好香嘅藍莓味，不過有一兩粒嘅藍莓小編覺得好似有少少草青味。佢上面有超級多嘅藍莓睇落十分治愈。雖然佢裏面同樣都有吉士醬，不過佢會再多左啲藍莓醬，所以入口會更加濕潤

點左個虎蝦扭紋粉，簡直不知所謂，嬲到要特登上黎打食評。成碟粉咬落係硬既，根本就未熟，仲食到d粉。食左幾啖諗緊要唔要同侍應講重新煮過既時候，聽到後邊既客人點左個意粉，同樣係未熟，佢地cancel左張單。就更加肯定個廚房係出左問題，於是嗌侍應過黎，點知個侍應望一望就拎轉面走去第二度抹枱。都算，叫過第二個女人過黎，佢望一望碟野，成碟收走，一句說話都冇講過。咁究竟係幫我煮過定點呢？咁我再叫另一個男侍應過黎同佢講，廚房如果唔係煮緊就幫我cancel佢，仍然係一句野都冇答過我。等左一陣，我地頂唔順同個男人講我要取消碟野，佢就即刻同我講：「吓，廚房煮緊啦喎」，咁點解連續3個侍應都唔同我交代一聲呢？我即時埋左張單，野都唔想再食就走，埋單個陣個男侍應仲要好大力推隔尼個凳，連後邊枱客都問佢係咪發緊我地脾氣。碟野已經難食，仲要食到受侍應既氣，我真係建議大家唔好去呢間餐廳！