Shari Shari Kakigori House 氷屋

今日同朋友嚟到呢间人气甜品店，试咗两款好出色嘅刨冰，真心推荐俾大家！🍵 抹茶忌廉焦糖配白玉首先卖相已经满分！真系随便影都靓，打卡必点。抹茶酱味道超浓郁，带微微回甘，绝对系真材实料。刨冰打得非常绵密，入口即化。最惊喜系里面有烟烟靭靭嘅白玉同脆脆嘅焦糖饼干，形成丰富嘅口感层次，一啖落去有绵滑、烟韧、香脆三种享受，好好味！🍓草莓Special配北海道牛乳奶冻如果你钟意酸甜口味，呢款一定会啱你！草莓刨冰酸酸甜甜，好开胃。而个底层嘅北海道牛乳奶冻先系精髓，奶香超级浓郁又滑溜，同清新嘅草莓冰一齐食，味道好夹！温馨提示：1. 手速要快！ 佢嘅刨冰真系融化得好快，相机食先嘅朋友要预先构好图，速战速决。2. 份量足，建议两个人分享一个就够晒。两款冰都各有特色，系会令人想encore嘅水准。餐厅环境都唔错，系同朋友闺蜜嚟食甜品嘅好地方！…查看更多

同事话我知原来Shari shari出左万圣节款嘅冰，事因万圣节就完，惊死无得食嘅我即刻当晚就冲左去食，不愧系正日，成间店full house，好彩我自己一丁友，直接坐bar台点餐🙂‍↔️黎到果然同d网友讲嘅野一样，真系好似小学嘅校巴🤣🤣🤣so cuteeee！南瓜紫薯味🍠冰嘅味道比较淡，主要靠外面淋嘅酱加添风味。其实佢地都唔系第一次做南瓜冰架啦，完全无退步，一样有好浓郁嘅南瓜味，加埋紫薯嘅味道，层次丰富左。食到中间，一样都系有椰丝仲有花生碎，多d口感，亦无咁单调。食到最后，咦！原来仲有红豆系底！因为去到底，其实已经差不多食晒d酱，开始淡味，依家有红豆！即刻有动力继续食埋落去😊食嘅过程最紧要快，因为棉花冰融得好快，基本上，食到中间，个冰已经可以成个转圈圈。p.s. 我唔知系咪有租金压力定点啦😅差不多一样嘅万圣节限定冰，今年比上年起码贵20蚊，今次呢个145蚊埋单，我觉得都几贵下🫣🫣…查看更多

今次食咗佢个南瓜冰 系万圣节特定 仲有试咗佢个焙茶抹茶冰 其实中间里面系冇咩馅嘅 就系好单纯嘅冰再加有调味嘅汁 印象中之前食嘅时候 中间系有啲惊喜 多啲馅 但系今次就冇啦南瓜冰系几特别嘅，但系以140 $150嘅价钱我就觉得唔系好值得啦 …查看更多

同朋友旺角食完饭继续行街，行到热热地想去食冰，所以就揾咗附近呢间冰屋，入到去食到冰嘅份量好大，所以我地4个人虽然有好多口味都想试，但都唔敢叫太多，净系叫咗两款冰试。个人偏向钟意呢个焙茶味嘅冰，冰上面有抹茶味嘅酱，所以成个主题系用茶为主。食落绝对唔会太甜，而且有淡淡嘅茶香，成个感觉好清新但又唔会太腻口，配埋个抹茶味嘅酱，有少少抹茶嘅甘香微苦味，个人比较钟意茶味，所以好欣赏呢个组合，而且绝对适合好似我呢d钟意食唔太甜嘅甜品嘅人。…查看更多

伯爵奶茶味配白玉的刨冰🤎用日本进口水制成～冰质细滑绵密🤩茶香幽雅😗甜度适中不腻😆中间加入白玉、饼碎🥰口感丰富又有层次～冰凉消暑又好打卡～绝对系夏日必试嘅甜品🍧女仔最好捉埋猪朋狗友或者男友去食😆💕咁就唔洗惊肥啦😌🫶🏻一齐happy share脂肪kekeke🐷…查看更多