SHAKE SHACK (ELEMENTS圓方火區)

最近去咗圆方新开嘅Shake Shack，位置就喺西九龙高铁站隔离，交通都好方便！！店舖外观简洁大方，入面装修走简约风，但又带少少美式轻复古感觉💚木色同绿色元素令成个空间好舒服。坐低之后，仲可以望到少少海景，虽然唔系超大景观，但系用餐时有啲自然光加上海边景色，感觉更加chill。圆方新舖嘅环境干净企理，唔会好嘈吵，座位都好多，同朋友过嚟静静地坐吓倾吓偈/一个人食个快闪餐都好适合👍🏻我拣咗今次嘅限定新品——白松露芝士牛肉堡🍔安格斯牛肉扒煎得啱啱好，咬落去肉香好浓郁，仲有啲肉汁，食落去好满足。芝士虽然冇夸张嘅拉丝效果，但入口好香滑，奶香同牛肉好夹，食落去好顺口。加埋脆洋葱，口感层次更加丰富。最惊喜系白松露酱，香气好细致，唔会太抢味，同牛肉、芝士融合得好自然，每一口都好有高级感💫面包都好松软，吸咗酱汁之后更加好食～总括嚟讲，白松露芝士牛肉堡真系值得一试👍🏻牛肉香、芝士滑、松露酱香气突出，食完感觉有惊喜～圆方新店交通方便，环境舒服又有海景view🩵喺一个好啱打卡同享受美食嘅地方。…查看更多

终于去咗圆方新开返嘅 Shake Shack，心情真系有啲兴奋，今次回归仲推出期间限定嘅「白松露系列」，实在太吸引。 我点咗「白松露鸡肉汉堡」同一份「白松露薯条」。汉堡上枱已经闻到好香嘅松露味，鸡腿肉厚身又多汁，炸得啱啱好，肉香同松露香混埋一齐，味道好丰富。面包依然系佢哋招牌嘅马铃薯包，软熟得嚟带少少甜味，夹住芝士同白松露酱，真系一咬落去好满足。薯条就更加邪恶，外脆内软，加埋啲松露酱同巴马臣芝士粉，香气劲爆。 饮品方面，我拣咗招牌柠檬梳打，酸酸甜甜啱啱好，帮手解一解腻。整体体验好好，店员态度亲切，速度都算快。价钱就一如既往偏高啲，不过以佢嘅用料同味道嚟讲都算值得。 总结一句：Shake Shack 回归圆方真系冇失望，白松露系列完全系惊喜之作，推荐俾钟意浓香汉堡又想试新味嘅朋友！…查看更多