Ruby Tuesday (已結業)

一大班人及三五知己開心食一餐，其實美國式的餐廳正正就可以給大家這樣的一個氣氛同環境。以前在英國生活，這一類型的餐廳，由店員帶動整個餐樓的歡樂氣氛，不知幾好。來到香港，也有許多美國餐廳，不過當中的氣氛當然不及我在外國感受到的，但，要開開心心食一餐西餐，香港的美式餐廳依然是一個好選擇。這一次，我來到了沙田的《Ruby Tuesday》同太太及小女兒來一個簡單的下午茶。 那天在沙田，早了少少下班，正好趕得切下午茶未收，我就立即拉太太上來，我們一於當一個 early dinner 咁食，食飽才找地方餵BB。此外，當我們一入內，看得出，亦感受到是一般美式家庭餐廳的樣子，朋友知已開心一餐，一家大小歡樂一餐，《Ruby Tuesday》的環境的確幾啱心意。 下午茶的其中一個是香草芝士墨西哥烤薄餅。美國人其實同墨西哥人好融合，因為所謂的美國餐廳，美國菜，當中都有好多係墨西哥的菜式，墨西哥的口味。所以，墨西哥烤薄餅呢樣東西係美國餐廳是常見的。 滋味吞拿魚牛角包，是一個好簡單的麵包類型 snack。加埋薯片，感覺的確是非常之輕快。吞拿魚醬夠多也是教人開心的。輕量級的美食，既健康又美味。 工作了一整天，下午茶的時間反而想要一杯咖啡。這是美國式的即沖咖啡，感覺可以叫做普普通通啦。 下午茶，夠輕快，夠實惠。小朋友放學後，帶埋佢來輕快食個 tea 真係幾好。…查看更多

老世就快放大假，今日話lunch time要我哋一team團早年，於是入嚟食好啲。呢度好好坐，食飯傾偈其實一流。因為消費頗高，我都唔係成日嚟，不過如果有人有會員卡的話a la carte半價其實ok。我嚟食晏的話多數會食個和牛漢堡，今次都唔例外。和牛漢堡扒非常juicy夠味，麵包焊過外脆內軟，薯條作為配角就不過不失。…查看更多

跟兩位師姐比以前見少很多了，老是掛念！難得約到出來但明天是上班日，因為大家住的地方都不同，想找一個方便的中間點可以大家吃個飯聚一聚。沙田是我們最佳的中間位置，但沙田該吃什麼好呢？數著數著，原來已經不少餐廳已經吃過了數次，恰巧二師姐想起她有這裡的會員卡，價錢是真的很划算，就決定再來回味一下 Ruby Tuesday。頭盤來點小吃，當然是必定叫的滋味雞翼拼盤跟拼盤對對碰！滋味雞翼拼盤拼盤分別有 Teriyaki 跟 Buffalo 兩種口味，水牛城雞翼 (Buffalo) 大家都不會陌生，確實很喜歡這個雞翼，辣汁非常豐富並且籠罩著整隻雞翼，而辣度算偏小，因此大家都可以吃到 ；照燒雞翼 (Teriyaki) 比起水牛城味道的沒有那麼濃烈，但有一種屬於它的焦香味道！拼盤對對碰 我們選了些我們都愛吃的！Onion Rings, Breaded Shrimp, Mozzarelle Sticks, Broccoli Cheese Poppers 各有特色！當中數芝士條 (Mozzarelle Stick) 味道最正，有濃濃的芝士味道，而且可以拉絲，有得玩有得食！10 安士肉眼扒 啖啖肉真的是我晚餐最愛，怎麼不可以點一個肉呢？來個10 安士肉眼扒跟兩位師姐分真的是不錯的選擇，大家都喜歡吃牛肉！5成熟的肉眼扒帶有滿滿的肉汁，剛剛好的熟度下，肉質很嫰，建議！精選和牛芝士漢堡 (加配牛油果) 本來芝士+和牛漢堡已經很吸引，要求很高的師姐還想這個漢堡加入點自然的氣息，就點了加配牛油果！牛油果在芝士上被漢堡的熱力影響變得軟軟的，有點融化的感覺，想不到它們竟然可以這樣搭配，感覺很新鮮！Ruby Refresher喜歡到這裡 Mega Size 既飲品，因為太有霸氣！我們點了這個Ruby Refresher，以多種果汁如Orange, Pineapple, Cranberry 等調出來，酸酸甜甜的很好喝，而且份量三個人喝都可以！這個Refresher 名字改得好，不Refresh一下又如何來應付一個新星期的工作！…查看更多

沙田不是我一向活動的地區，不知有什麼好食，朋友介紹這裡，所以便來了。進場時，大概十二半。當時人流不多，空間感較大，而燈光偏暗，營造出溫和氣氛，所以第一印象不錯。我們坐的是靠門口的卡位。感覺枱身較長，椅與椅間的距離較近。加上，枱與枱間的距離較遠，整個進餐過程不會受其他食客的打擾。這樣的環境非常適合食客邊食邊聊近況。餐廳的職員都很有善，服務質素比其他餐廳都優勝，但還是有一點失色之處。進場時，職員邊帶位邊說明當天的餐牌情況，但語速略嚴太快，跟在後面的我，只能聽到提及是日餐湯的內容，其他都不是太清楚。 其次，點餐時服務員都不見了，等了一會才能點餐，但這問題不大。令我感到驚喜是職員會自我介紹，這實在是能讓食客和服務員的距離感收窄。更值得一提的是，負責我們這枱的服務員會主動了解我們的需要，是否滿意。在香港，應該沒有很多餐廳能做到這一點吧！食物方面，中規中矩。食物都算快到，我點了個忌廉湯，味道略淡。而跟湯的包實在是太黏口了！賣相都不是特別吸引。主菜芝士雞肉西蘭花長通粉的賣相不錯，但味道卻沒有驚喜。長通粉硬度適中，有些少口感，西蘭花亦不會太硬。芝士濃度足夠，若然咸多一點，應該會更帶出芝士香味。而芝士較為溜，這個主菜若果配沙律食應該更佳，熱檸茶亦能消滯。另外，飲品是後叫，在中途沒有飲水的情況下，難免會比較乾，因此進食速度比較慢，導致本來溫熱的餐，食到最後已經放涼了😞。我朋友點的是沙津，實際是什麼沙津我都沒有留意。但餐碟我掂過，是暖的，這反映出餐廳的細心。雖然外間一些餐廳都會這樣做，值仍是值得一讚。整體來說，第一次來的感覺是不錯的！單是服務態度好和環境舒適已經是值得我再次到訪了。…查看更多

每星期五都是跟同事出外吃飯不用再像平日一樣為省錢捱劣食（相對下）。沙田市中心貴價餐廳捱挺多，這間連續西餐的午市套餐反而對比下沒想像中貴。套餐由70左右起跳，有漢堡有麵有扒有沙律選擇。套餐包湯或沙律，餐後則包一杯飲料，算是齊全。環境當然較別的餐廳寬敞舒適，服務態度也較好。燒雞的燒汁很不錯，配肉配意粉都讚。相反意粉汁就明顯較為遜色，相形見絀。迷你露比漢堡，有豬牛肉選擇及小份薯條。看起來量不足不過還是很飽肚。咬下去會發現肉汁飽滿，因一個不大所以很易入口。薯條跟飲料正常沒特別，餐湯配的包很棒有芝士！…查看更多

今天和有段時間不見的好朋友來吃飯。本來高高興興的敍會，卻有不太高興的事情⋯⋯一早知道多人，一早便去取票等位。等了又等又再等之後，終於有位。和朋友很開心的在看餐牌，選食物。選好之後，想點菜，卻又等了又等，又等等等等，無論舉手，站立，都也沒有人想看到你。終於，朋友說，不如走，不吃了。我說：不如等多一下，終於，有個哥哥行過來，我朋友開始點菜。那哥哥卻說：我去找另外一個同事來落單，因為我是新來的．．．．．我和朋友也有激氣的感覺。但是無奈。所以，又繼續等，等等等，開始有怒的感覺，那個哥哥，叫一個不斷在落單的同事，所以我們又繼續等。唉，吃飯吃得咁辛苦，為了什麼？不斷叫人入會，點入？本來想入都唔敢入。終於有人來，點了菜。食物真的一般，沙津，雞翼，普通過普通，fajitas 唔夠熱，咁點入會呢？最好笑是，食物剛上，就有人來問：今晚D野啱晤啱食？大哥，义都未拿起，點答你呢？即是，公司規定要問D客，縂之問左就算，一D QA 精神都冇，唔再講啦。…查看更多

好久已經冇幫襯過，朋友叫到，於是諗住開開心心去吃番餐，點知坐低左成十分鐘，舉極手都冇人招呼，今天只是平日，眼見大部分枱已經吃緊，冇乜人在order,究竟服務員在那裡？兩分鐘後終於有個服務員前來，不過他是新人，不能點菜，他說會叫另外的服務員來幫我們，本來我覺得ok嘅，但他偏偏叫著個替别人點菜點左好耐的服務員，莫非全店只有他可以落單？等了數分鐘，結果忍不住再舉手，之後另一位服務員來，我也忍不住說了一句：終於可以落單。我絕對不是一個不能等的人，只是覺得要等得合理，晚上九點的時間，大部分枱已經是吃緊餐，要落單都咁難，怎能想像星期六日或吃飯高峯期會怎樣？餐廳只是不停硬sell 叫客人做會員，原本有意思加入，但如果每次為了落單也頭痕的話，入會真的要再考慮一下了。…查看更多

前菜小食是女朋友喜歡的三文魚，調味適中，頗開胃的。意粉充滿蕃茄味，肉醬拌得均勻。久遺的假日二人世界，所以點了紅酒，價錢不貴。我的牛肉肉質嫩，不過份量不多。Ribs 也是不錯。…查看更多

朋友買電器後得到一張6折coupon,立即就去食，小食拼盤，有分大份同標準，我們4人食有點不夠，建議4人以上食加大份沙律吧女友最喜歡，因可以自選沙律，挑戰自己可以搭幾高起好味的一塊牛扒，5成熟，完全鎖住肉汁，而且肉質上等，令人想食完再食全份的ribs,味道可選bbq味及蜜糖味，味道也是不錯食完後仲建議我們入會，比用優惠卷更平，所以join很快又可以再來了…查看更多

偶然情況下.見到有張七折coupon.即刻約朋友黎食.因為我覺得啲野食其實都幾貴.一個意粉都二百幾蚊..而呢個朋友原來係從來未食過..咁岩了..有七折就唔好錯過了..叫左炸芝士條、芝士辣肉醬焗玉米片、牛扒海鮮對對碰同chocolate tallcake 炸芝士條 - 一定要係熱既時候食.凍左之後食會覺得有啲煙韌.芝士味不突出.但以78蚊價錢來說.是抵食.份糧算多.芝士辣肉醬焗玉米片 - 不錯.可惜芝士和醬料只集中係中間部份牛扒海鮮對對碰 - 牛扒叫左七成配黑椒汁..同配蝦.焗薯（可簡薯蓉）Chocolate Tallcake - 終於食到啦.一直都好想食.但每次都因為食得太飽而冇得叫😊😊雲尼拿雪糕-好香雲尼拿味.同滑.而朱古力蛋糕-好大件..食左好耐都未食完.不過要提下既係..話說侍應收碟既時候..勁大力.令到有啲汁淺到落我隻手到.侍應有即時講對唔住.咁同佢講可唔可以細力啲執碟.佢反而愈執愈大力..本身成餐飯都覺得好好..但就係比呢個侍應破壞左..…查看更多

朋友會員卡就來到期，當然要快些享盡其優惠啦!!餐廳內燈光較暗，樓底比較矮， 有點兒壓迫。這餐廳食物的選擇也很多，有pasta，ribs，quesadila等等，很適合一大班人來吃。有沙律吧，夾到多少，那便要看你的功力了有最常見的corn，菠蘿，蜜桃，watermelon等等。三文魚意大利幼麵三文魚夠大件，但有少許煮得過熟，意大利幼麵太腍，但個醬汁就幾好食，熟creamy。經典燒排骨醬汁惹味，要一口接一口呢!  內也很腍，很容易跟骨分離，所以分件時容易處理。也配有少量椰菜及薯蓉煙肉芝士薯條極多芝士，yumyum!! 但薯條腍了，不夠脆口。食后感： 味道尚可，但份量真的夠大，有限時交枱，但可能仍有位，服務員仍讓我們留守。暢談了一個下午，正呀! 朋友有會員卡，所以價錢算平及抵食。…查看更多

八月是我家人生日月，有三位家人都是這個月生日，簡直就是破財月生日飯今年選了ruby Tuesday,因為方便爸媽，離家很近，而且西餐小朋友又吃得開心點今天點了很多party food即是小吃，有墨西哥脆餅還有小食拼盤洋蔥圈一咬就金蟬脫殼成舊脆漿甩左，齋食左舊洋蔥墨西哥脆餅啲芝士多到瀉，配冰凍既酸忌廉好好味呢個好似係牛肉夾餅，牛肉唔算多黎ruby Tuesday 一定要食既ribs,今日好似焗得太耐，入面好乾唔知係沙田呢間分店唔好食定點，我明明記得以前既ruby Tuesday 好好味架嘛……今次就有啲失望了…查看更多

識食露比星期二一定要有會員半價食先抵👍🏻👍🏻一班朋友聚餐可以試哂唔同野食。訂咗枱都係要等一陣先有位入，去到9點時已經大量吉枱，今次個會員特別折扣得蝦，之前有漢堡小食唔同優惠，今期唔多抵食😂😂蝦好鮮甜推介拼盤，簡咗魷魚圈，芝士條，蝦，磨姑薯皮，芝士條超正有拉絲效果，薯皮亦超正，叫咗呢個一定要即刻食，熱辣辣好正👍🏻👍🏻必叫豬叻骨，個人認為好食過outback，價錢就不能相比沙律吧任夾一次，但太小選擇喇😭😩好正既海鮮飯，新出既菜式普通肉醬意…查看更多

星期一晚上8點 全餐廳人數不多 其中一個餐遲order 十分鐘 結果成枱人食哂都仲未到 侍應生話追 追左三四次都唔未有 敷衍了事 係未full house 既情況下 都可以出餐速度咁慢 明顯餐廳素質未夠好…查看更多

揀Ruby Tuesday 係因為坐得舒服，吾會迫又吾會趕。 我地4個女仔，3個小豆丁， 叫左自助沙律，巴馬芝士明蝦長通粉，Classic Burger, 煙三文魚, 併盤小食煙三文魚, 大蝦白汁墨魚意粉 同埋chocolate tall-bake.一坐底，職員就放低圖畫紙&顏色筆，小朋友最鐘意，即刻坐定定。自助沙律，係用碟，都係全統果幾種食物款色。巴馬芝士明蝦長通粉，d蝦好爽，蝦面加左少少辣椒粉，惹味d， 長通粉吾會汁既濕度剛剛好，不過唔夠熱。大蝦白汁墨魚意粉，真係好味，Ruby Tuesday 用左白汁， 吾係墨魚汁，好味之餘仲吾會食到d 牙黑媽媽， 因為墨魚汁已mix埋麵身內， 會食到鮮墨魚味。 Cheese Classic Burger 好重份量，可以3-4人share，d cheese夠香。煙三文魚，份量得果4片薄薄既， 冇咩特別～chocolate tall-bake， 如果雪糕球有得揀味道就更好。…查看更多