Ruby Tuesday (MegaBox)

营业中

休息中

首先利申：已做VIP超過五年這是兩公婆＋14歲囡＋10歲仔的Pre-Father's Day Dinner上網訂咗位，準時有枱。點咗三個主菜：西冷（7成熟，黑椒汁另上），蝦長通粉，香草烤雞柳配松露飯。另外redeem咗一個VIP小食（冇影相），係同CP雞翼一模一樣的甜辣雞翼。飲品VIP本身送兩杯regular size，再用積分換兩杯mega size。西冷頗多筋，烤得好香，生熟度可收貨。蝦長通粉係阿仔至愛，基本上都永冇失望。烤雞柳外層煎香，內裡都算嫩滑。松露飯唔知係咪心理作用，都係另外嗰款「新奧爾良海鮮飯」好食啲。但呢個都OK嘅。四個飲品味道都OK，Mega size一個人嘆都好正。VIP本身計半價，所有送嘅飲品同小食要用正價計加一。以上三個主菜加一個送嘅小食、四杯送嘅飲品，加一後埋單都>$600，講真，愈食愈貴！同埋，侍應服務好一般，上菜手震震，唔識放啱位置，叫佢地攞水、攞匙羹、埋單都好慢動作。

偽美國餐廳，食物全部都係翻熱上菜，點解我知？因為我哋叫左件Ribs Simpler同黑松露雞胸意大利飯，10分鐘唔駛就即上菜，而且份量並不是佢哋聲稱既美國size… You would know what I mean if you have been to the states. 唔好浪費金錢係呢種垃圾餐廳，唔好食，唔抵食。仲有，佢既$48 sweet chill chicken wings，細隻到好像隻手指尾咁粗既雞翼，炸粉多過肉，真係晒我時間！

Platter 失望chicken tender 只有麥樂雞大小 以前大好多魷魚炸過龍煙肉薯皮好薄 雞翼可以Ribeye 可以Tall cake 一流Service 失望 帶位同事同經理係最醒。Server 執枱跌左舊西蘭花喺枱 天一半地一半無執過 一路都無番黎執上tall cake 無餐具 我話兩隻匙羹得啦唔使碟拎左兩隻大匙黎 甜品呀！！老連咁大隻，俾甜品匙啦小姐。你公司一定有standard, 唔好hea d 客無心做就唔好做啦假日多客好忙我地明架，service 有交帶d, 講聲轉頭番黎 好呀而家拎俾你，客人唔介意等兩位$1000Non member

1）半份豬肋骨拼雞翼份量都好多，兩至三人都夠食，而且想食雞翼和豬肋骨嘅朋友叫呢個啱啱好因為兩樣都可以食到而且雞翼仲可以雙拼水牛城雞翼每一次嚟到都會叫，雞翼揸得好趣，而且上面嘅汁亦都酸酸辣辣好開胃都會食好多，另外豬肋骨亦都係覺得啱啱好肉質都唔會太乾，今次選擇了配燒烤醬2）煙三文魚凱撒沙律三文魚都新鮮，菜方面好乾淨好甜3）芝士焗薯條小朋友最鍾意食，薯條上面有煙肉如果再多啲就更好，上面加了酸芝士好開胃，好快就食晒4）Oreo奶昔

早前社交平台 page登記有正價menu 50%off的優惠，相約三五知己過來食😛凱撒沙律🥗 啲菜新鮮水分充足，麵包糠都夠脆，三文魚份量剛好夠分～黎到必食ribs，叫左個三重奏，有炸蝦🍤炸雞胸同埋燒ribs~ 同之前一樣好嫩加埋啲燒烤醬好Juicy🥰雞肉薄餅 🌮呢個就麻麻地，普通蕃茄粒、椰菜絲🥬、洋蔥粒、個sour cream又亦唔係好match😅三味雞件有原味雞鎚、蛋黃醬雞翼、辣味雞件雞翼難食🤥反而原味炸得好香脆，雞件的肉質好林👍🏻蕃茄辣肉醬蜆意粉🥴完全唔入味，啲面有冇彈性，一夾就斷，好差卡邦尼海鮮通心粉有蝦同埋蟹肉的芝士通心粉 濃濃的cream cheese 🧀 出色過上一個蕃茄意粉好多～其他冇乜特別就不逐一點評～埋單每位$340，所以如果冇半價應該都唔會嚟食，有折扣先合理😂😂

之前一度以為RT可能會做不下去了，所幸還健在，就找時間來幫襯一下。特色加州墨西哥烤薄餅，餅皮煙韌，材料均勻，口感不錯。蜜糖燒烤味經典烤排骨（全份），可觀的size，誘人的色澤，鬆軟的肉質，每次見到豬肋骨都忍不住想點，果然沒令人失望。煙肉牛油果烤雞漢堡，餡料豐富，將漢堡吃成扒餐，要一點一點地切，估計如果能一口咬下的話口感會更豐富。香草烤雞配松露燴飯，燴飯出乎意料的好吃，松露香濃，雞肉厚身但嫩滑，不錯不錯。熱情果園，超大杯分享杯，味道酸甜可口，飯後解膩最適合不過。RT是好吃的，份量也是滿滿的，不過沒有加入會員的話價錢還是有點貴啊。

利申：1️⃣已連續第六年用vip2️⃣vip是餐牌正價50%，加一以原價計一家四口👨🏻👩🏻👧🏻👦🏻，吃了一客烤雞、一客芝士大蝦長通粉、一客肉眼，還有忘了拍照的甜品apple crumble，埋單$610。別忘了，vip本身都$1500兩年，就算每月來一次，平均成本也要$70一次。計埋即是差不多$700食這一頓，老實講，性價比好一般。環境是舒服，坐得鬆動，燈光稍暗。窗口位能從megabox 12樓這高度俯瞰九龍灣。食物水平整體不錯：雞柳嫩滑，長通粉芝士味算濃，肉眼稍肥，伴碟的薯茸和焗薯都啱胃口。

很久沒光顧Ruby Tuesday, 剛好行到Mega box 就再試試。假日沒有午餐，只有主餐牌，點了兩個main course 及啤酒，打算好好嘆個午餐先來是Guinness 啤酒，呷一下，味道很淡，非常不似draft beer, 再請server再三查詢才說是罐裝啤酒。這下太失望了，因點餐時我們已再三確認要draft beer才點的，但送來竟然是罐裝啤酒，如早說明是罐裝就不點了再來是主菜Ribs & Wings, 是失望的一道菜。雞翼沒。有。味。道。唯一的味道就是淡淡的雪藏味。加了提供的味粉，還是淡而無味。在極不情願下也請server提供一些醬汁調味，但server堅持味道是沒錯，其實我沒有說錯，只是希望提供醬汁，最後雖然提供了燒汁調味，但亦無法改變。另一份ribs 也是失望，完全沒有調味，連ribs本有的肉香也沒有，幸好有配搭的蜜糖醬汁可作稍微調味，但也是不好吃。至於side dish 也再三確認要薯條，但卻送上薯蓉。。。退回卻又漏單，確失專業。老公點的Prime Rib Eye 也是不值一提，連相及食評也放棄算了。Ruby Tuesday 跟以往吃過的水準確實極有差別。索價人

基本上去幫襯Ruby Tuesday大部分都係入咗會嘅會員，所以我都經常嚟，服務同食物質素坦白講有陣時都有啲參差，不過啱啱呢個星期日嚟幫襯，服務同食物質素都令我幾滿意，所以我都要喺呢度俾番個食評支持吓佢。佢哋嘅餐牌都會定時更新，所以每次嚟到都會有少少唔同，讓食客保持新鮮感。而我就最鍾意圖文並茂嘅餐牌，見到相中嘅美食就零舍開胃。每期都有指定特價款式，今次就係芝士黑松露薯條，大大碟只需要$38，粗薯條充滿芝士醬同黑松露嘅香味，呢份薯條好抵食！呢個迷你經典德國脆豬手嘅實物一啲都唔迷你，大大隻鹹豬手，外皮炸得非常脆口，但食落又唔油膩，仲有薯條同沙律菜拌碟，會員半價之後真係好抵食！另外叫咗特色加州墨西哥烤薄餅，餡料包括慢烤雞肉、牛油果、煙肉、車打芝士，仲配埋酸忌廉同蕃茄醬，味道豐富，但又唔會過鹹，而且又夠飽肚，呢個價錢我都覺得係合格以上。嚟得RubyTuesday，十枱有八枱客都會叫呢個Chocolate Tallcake，淨係買相已經夠吸睛，呢個Tallcake上面就係雲呢拿雪糕再加忌廉，再灑上Oreo、朱古力醬同焦糖醬，底層就係充滿濃濃朱古力味嘅Brownie，大人細路都爭住食。真係好懷念以

豬肋骨三合一拼盤，有豬肋骨，炸雞，炸蝦。豬肋骨一如既往咁好味，個醬汁真係好惹味，有非常輕微嘅辣，甜甜辣辣咁，肉質一切就甩骨，正炸蝦同炸雞都唔錯。肉眼扒七成熟，火候控制得好好，有啲餐廳叫七成但都好生，有啲就太老，呢到就燒得剛剛好。好香口，牛味濃，好食。

Ruby Tuesday今年都成日去, 因為之前買左會員有半價, 半價包括飲品同食品, 真系好抵食, 首先叫左必點既特色加州墨西哥烤薄餅, 烤薄餅向香港不容易搵到, 呢到既薄餅芝士份量充足, 仲有雞, 煙肉蕃茄等材料非常豐富, 另一款手撕豬墨西哥烤薄餅亦不錯, 不過因為有D辣, 食辣既人可以一試. 仲叫左不少得既招牌燒排骨, 今次拼了雞翼, 仲有薯菜, 就由焗薯轉左薯條, 燒排骨真系夠味無得輸, 炸雞翼當然亦不會失望, 仲加左一杯芒果水果茶, 真系好滿足, 不過由於有會員半價, 就要早打電話黎訂位

今日行完九龍灣宜家家居，順便響Megabox食埋晚餐。諗左好耐,因為匯豐信用卡有折所以決定食Ruby Tuesday 叫左個雞肉沙律、薯皮同杯sangria薯皮有磨菇同芝士，又脆又香沙律都好豐富好飽反而杯sangria麻麻地，太甜

這是家老牌的美式西餐廳，逛逛MegaBox選這家是明智之選，因為份量足烤猪肋🥓烤得非常好，外焦里嫩，浓香四溢，肉很酥，而且份量很足，很大一盘，食肉者不可错过这道。芝士培根薯条🍟不容错过的一道小吃，融化的芝士加上碎培根混合在一起，薯条很酥脆，浓郁的芝士奶香味混合着培根独特的烟燻味真是好吃的不得了。pesto chicken risotto🍚奶香雞肉燴飯，兩大塊雞胸肉很厚實，飯也軟硬適中。饮料🥤是用水果榨成的沙冰，沙冰口感绵密顺滑，甜甜的带一点酸，冰冰爽爽的可以中和油腻感。

今日lunch 訂左位去mega box RubyTuesday,食咗 Lemon Chicken Salad,真係好新鮮，雞肉好滑，新鮮即整 加上個沙律汁酸甜，真係好好食，減肥一流；另外叫咗一個炸雞漢堡，講真，如果一個人食我都覺得真係有啲多，所以建議share 嚟食會好啲，個飽裏面配有煙肉，芝士等，薯條做配菜，呢個款式新出，尤其唔食牛嗰啲朋友仔，可以值得一試。我最鍾意就入Lime soda,調味真係無得頂，另外一杯奶茶，係個杯夠特別。Mega box呢間最正就係樓層高，地方寬敞，傾計一流。

同朋友慶祝生日 諗住搵間有得飲嘢 又有得食嘢嘅地方 叫咗好多嘢食牛扒都唔錯 不過份量稍微有啲少 跟住每人叫咗一杯嘢飲 點知嚟到個份量係超級大😂最後叫咗個pancake 當蛋糕 味道正常 唔係特別好食