Ruby Tuesday (MegaBox)

营业中

休息中

一早訂咗位, 今次被安排坐餐廳裡面既梳化位, 每次嚟到都會特定叫某幾款食物, 加上個會藉仲有幾個月時間先到期, 記得當初係見到匯豐有優惠500蚊可以有幾個月既通行證, 所以JOIN咗, 之後再用1000蚊續會, 當然應該係餐廳有啲優惠價, 但而家個會藉就越來越貴, 又執淨得番幾間分店, 所以好難就啱地區去食黑椒汁牛扒薯條 - 牛扒5成熟, 肉質都算鮮嫩, 薯條好新鮮漢堡包好脆口, 有雞牛豬肉, 每款都不錯羅宋湯 - 羅宋湯偏酸, 香草味鬆餅幾好味跟餐沙律 - 沙律醬唔多, 蕃茄同生菜都好新鮮煙肉磨菇薯皮 - 芝士好多, 煙肉焗到比較硬身, 但各樣合拼埋一齊就好好味炸魚條外層炸粉唔算厚, 魚柳肉都好嫩雞翼拼盤而家得返兩款味道, 辣同唔辣, 兩款雞肉都好滑士多啤梨特飲- 好多果肉, 但偏酸

男友人係會員有半價，所以今晚喺度食。之前食過其他分店好難食，呢間係好味嘅。去到攞位，因為唔見左個會員no.就問下有無得check返，侍應話要比全名同電話，好啦寫左比佢，例如寫左Peter Chan，個侍應見到就好惡咁話要全名喎，我地話下全名黎架喎，個侍應又好惡咁話即係你身份證係呢個名？我地話係呀，之後先肯收聲入去check，咩事呀，憑咩challenge人個名啫今晚叫左湯，雞柳沙律，漢堡包同薯皮，好飽。題外話，個經理好高，服務唔錯。

一個飲完茶lunch，又唔想行街行大太耐，又怕攰，又想坐，ruby tuesday係一個唔錯嘅選擇。佢哋嘅tea set份量唔多，可以揀雞翼同粟米片，其實兩份可以慢慢食，慢慢傾偈，慢慢飲下嘢，再慢慢休息下，真係好舒服。所以都可以推介下大家， 一個唔錯嘅休息好地方。

喺九龍灣原先有兩間，去開都係德福果邊，但執了，只好去megabox，今日一家人去，都一樣咁有水準首先叫左一個build your own sampler, 大的，入面揀左雞翼，炸芝士條，洋蔥圈，同炸蝦，最鍾意就係炸芝士條，好香口，又唔漏另外叫左個california quesadilla, 以前有一個steak quesdilla 但冇左，個亦係有好多雞內，牛油果同蕃茄粒，烘得外面乾內在的配料就剛剛好亦叫左10oz和牛配薯蓉，有黑椒，蘑菇同牛油汁揀，揀左蘑菇汁，和牛唔似和牛，但油肉比例適中，唔太肥亦叫左個double chocolate cake甜品，依個其實係一個心太軟配雪糕，但朱古力味濃，太甜了，哈哈

因為有会員咭所以經常來這裡吃飯這裡地方大食物大份又美味質數亦能保持！好適合一家大細聚會落腳点。must order item：buffalo chicken wings辣得來帶點甜味，很惹味ribs with classic barbecue sauce 排骨肉質香軟入味配薯條超正chocolate tall cake超大杯，見到都happy～上面有vanilli icecream,下面chocolate cake十分鬆軟，四人分剛剛好多！

拉圾！忍不住寫評論，餐廳完全無管理人門外座位約6員工6台客。每當客人揮手，總是30秒以上才有回應，然而每當執台抹台就孖必一起做，又背向客人，拍手比個讚。可愛的是，間中會見到職員遊手好閒擺pose唔知做咩，算。總算點到餐，可愛情況又發生。一個焗飯，一個意粉，一個沙律，一個心太軟，你估下個上菜Order??開估，焗飯第一，心太軟第二。飯食到一半先有沙律，再上意粉。小弟才梳學淺，但沙律唔係頭盤？同埋"不"上黎就係？點解烤雞risoto反而最快？？我唔想估唔敢估了。食物因人而異，口味我唔多講。意粉干，tisoto干，沙律ok，心太軟ok...全餐最好食係心太軟...舊icecream... omg

Ruby Tuesday在九龍灣有兩間分店，德福的分店原來已經結業，淨番megabox的一間，今日有機會再去了食晏！12點幾，都好多人了，點左每人一個午餐，午餐是有餐湯或沙律，主菜，飲品的，還另外加了一份凱撒沙律，沙律份量也好多，有好多雞肉粒，夠香口的，沙律菜也好fresh呀，仲有芝士片及麵包粒，好爽脆，好味蕃茄豬扒意粉，西蘭花冇咩味的，意粉有些蕃茄加芝士也比較淡味，意粉係扁身的，好味的，也爽口彈牙，豬扒都算淋身，有質感，好香口的！豬肋骨配薯條，薯條好香口，好好味，豬肋骨有4條的，燒到淋身又入味，醬汁夠香甜，好味呀。這個肉丸賣相也好靚，但份量好份細左，有蒜蓉包跟的，好味夠香脆肉醬意粉也好吸引，好多肉醬同芝士，好香的，又是配蒜蓉包。食完主菜還有甜品，芝士蛋糕好大件，都好好味，好香又夠軟身，加埋果醬一齊食，正仕應介紹了一款朱古力蛋糕，果然好味，夠熱又夠鬆軟，蛋糕的香味好吸引，加了雪糕一齊食，好夾又唔會太甜。另一件心太軟也好味，又是配雪糕，夠熱又夠香，朱古力流出來的，又唔會好甜，good仕應也很貼心的！

男友朋友俾咗張6折coupon佢，於是今日三個去食。食咗$12xx，staff就suggest我哋俾$100入會，enjoy 3個月member，仲即時有半價。結果埋單半價+$100 member card 同6折一樣，但有多3個月member。讚！Staff有heart！Ribs - 好好食！仲唔單止ribs好味又入味，連拌碟（薯茸/焗薯 - 我㨂咗焗薯）都好好味，連醬汁都入晒薯仔到，好好食！👍👍👍😋😋😋雞肉凱薩沙律 - 都ok，不過我鍾意菜多啲。佢雞肉都唔少。下次我應該叫齋沙律。牛油果薄餅 - 好食，多料，醬汁都好味又match。😋海鮮燴飯 - 👎🏿錯晒，完全唔係嗰回事，以為係意式海鮮rissoto，點知飯還飯，海鮮還海鮮煮，味道撈唔埋。下次就咁叫磨菇黑松露飯（side dish）就好，因為黑松露飯好味。Stella Artois - 酒精飲品member有85折，幾好

新年長假期的最後一天，順應細周生的意思到 Megabox 盡情享樂，先到 Mega Ice 享受一輪速度快感，再到彼鄰的 Ruby Tuesday 享用豐盛晚餐，最後到 E Cube Club 智游天地彈跳追逐。 Ruby Tuesday 是一間集團式經營的美式西餐廳，在港有多間分店，食品富一定水準。以正價論，人均消費略高；但因付費入會後有五折優惠，人均消費頓時合理多了。 一如其他 Ruby Tuesday，店內設有一個田園沙律吧，以 $128 便可自助享用沙律吧一次，菜蔬水果食材款式約有十餘款，另有三四款預製通粉沙律。 香煎鱈魚是特別為兩位細細而設的主菜，賣相不算特別吸引。兩塊厚厚的魚柳，肉質結實，魚味偏淡，沒有預期中的香滑食感。牛油汁本是添分搶味之物，奈何製作同樣淡薄，未能成為增分點。燒排骨是 Ruby Tuesday 的招牌菜，雞翼亦是筆者喜愛的食材，當然不會錯過這客燒排骨雞翼拼盤。主角燒排骨燒煮得腍身入味，相比普通的燒烤汁，蜜糖燒烤汁多了一份輕輕的甜味，更討人喜歡。雞翼製作香口，奈何有「雞精」魚仔同枱食飯，筆者只能分得一只，可惜可惜！ 隨主菜跟上薯蓉雜蔬一小碟，味道普

由買兩年VIP會藉，到食到可以用分去續兩年會藉，每次叫主菜都送兩杯野飲，同好多優惠券！呢度已經成為左，夜左收工，唔煮飯既開飯點！我地每次必叫牛扒6成熟，需然佢每次熟既程度，都唔係好同，有次仲4成都無，食唔到，佢即刻翻整，好彩無變得老同韌，但係個肉味，真係無敵！無論西冷定肉眼，都超級香濃！Discount左之後，真心抵！配個焗薯都好正，我每次都連皮食埋！拼盤多數要芝士條，洋蔥圈，辣雞翼，薯皮，都係正野黎，每次都熱辣辣出黎！同朋友去既話，如果人多仲會叫ribs，西蘭花雞肉長通粉，等等………全部都好食有芝士既菜式，都芝士味濃飲品都試得7788，覺得最好飲既係～西班牙小紅莓特飲～同牛扒一樣，老公必點！會keep住去megabox呢間

百老匯會員有六折優惠卷送，所以和男朋友來開餐。因忘了預約，現場等位等了約15-20分鐘。頭盤青口：細細隻，但量多，汁濃，價錢相對相宜，值得一試。十安士肉眼扒（蘑菇汁，五成熟）：焗薯配牛油和酸忌廉，好味。牛扒大件，但肉質對比西冷偏乾身。十二安士頂級西冷扒（黑椒汁，五成熟）：焗薯配牛油、芝士加煙肉，同樣好味。牛扒厚身，肉質嫩，多肉汁。個人非常喜歡。（上）肉眼（下）西冷

本來同事話想韓國野⋯但係原來裝修緊臨急臨忙之下就揀佐哩間⋯近近地⋯勝在唔使等位入面燈光好暗⋯餐牌仲要黑底桃花色字 其實都幾難睇⋯其實我都係第一次⋯所以就叫返個mini burger試下⋯哩個忌廉湯⋯真係好難飲 結撻撻⋯好似食緊胡仔咁 但好流⋯⋯有兩個迷你漢堡⋯味道一般⋯食到第二個既時候已經有d反胃⋯可能個湯既問題⋯連杯咖啡都⋯飲佐兩啖就無飲⋯雖然第一次食 但我相信都唔會有下次⋯

今日同老公去九龍灣買傢俬，喺megabox唔知食乜，見ruby Tuesday 唔洗等位就入左去。食呢度環景好舒服，我地坐左喺窗口位，同老公嗌左個Angus beef同迷你漢堡包share，塊扒5成熟好juicy,d薯條都炸得好脆，好味另外迷你漢堡包都好好味，熱辣辣，塊豬扒都好juicy,唔會好乾好硬。埋單唔洗200 蚊，抵食

之前約o左老公o既朋友o係尋(22-10-2016 Sat)晚食老公o既生日飯,一共有6大1 細,老公o既男友人IN提議呢間,亦book o左位,我同老公先攞位等佢o地.人齊喇,我o地就叫:1. $128.00o既田園沙律叫o左主菜,就以呢個價享有一客.男友人AY出去舀,佢樣樣舀啲,有西瓜,青瓜片,沙律菜,西蘭花,紅提子,長通粉,紅腰豆,粟米粒等.長通粉口感正常,唔會好腍;其他o野都普通不過啦.2. $78.00 o既炸洋蔥圈炸得乾身,冇乜油,內裡o既 洋蔥熟透冇辣味而且腍,但洋蔥味冇乜.醬就有蜜糖芥末同茄汁蘸.蜜糖芥末蜜糖唔多夠,只能夠話好啲啲.3. $328.00o既特色加州墨西哥烤薄餅賣相OK,之前我冇詳細睇餡料有乜o野,我就食到有牛油果,而所有饀料都腍,薄餅脆.酸忌廉唔酸, salsa辛香番茄醬就有啲啲辣味.但成個本身味道溫和同唔鹹.o衣o家睇返menu,話有avocado (鱷梨), 碎車打芝士,雞肉,煙肉,蕃茄粒,酸忌廉同salsa辛香番茄醬(墨西哥食物中用番茄、洋蔥做的辣調味汁).原來鱷梨?但超似牛油果噃.4. $288.00o既鐵板精選拼盤又係o衣o家睇menu,有烤牛

訂咗位但去到都要等一陣先可以入座, 訂咗位但餐廳留枱只留10分鐘, 過咗就會比其他客人, 今次被安排坐近門口位, 有會員咭所以全餐有折大蝦海撤沙律 - 大蝦好爽口亦好新鮮, 菜類都好新鮮, 味道不錯餐湯 - 香草鬆餅, 好重香草味, 亦好鬆化, 比較特別餐湯配鬆餅, 平時多數配蒜蓉包多, 餐湯係磨菇忌廉, 好足料, 好多磨菇喺湯裡, 仲有麵包粒煙三文魚 - 好新鮮, 有少少檻欖油喺面芝士粟米脆片 - 每次點呢款都覺得食薯片一樣, 味道真不錯, 啖啖軟芝士5成熟肉眼扒 - 其實我都唔食得太生, 但之前試過叫7成熟變咗9成熟, 所以今次叫5成熟, 呢到冇雙數叫, 只可以1,3,5,7,9既熟度, 所以今次既5成熟都冇乜太多血水浸出, 味道可口, 配以磨菇汁, 薯條亦都炸得剛剛好, 唔會好乾身變硬條