Ristorante Pizzeria Da Vincenzo

呢间意式餐厅，主打薄饼同意粉，夜晚好多时都满座。意大利餐厅未必间间都有得食意大利云吞，见到呢间个餐牌有云吞仲有唔同嘅手工意粉，都觉得好新鲜，好多嘢想试。薄饼嘅口味好多款，有好多唔同嘅配搭。因为自己一个人入嚟食，见到隔篱枱Pizza好大份，所以最后都冇考虑到Pizza，而系食咗一碟pasta，我就拣咗平时比较少机会食到嘅意大利云吞。意大利云吞配黑松露杂菌汁云吞皮薄馅香，咬落去好有口感。馅料味道浓郁但唔会太腻。黑松露杂菌汁，菌香同松露味融合得好，酱汁浓稠但唔厚重，挂喺云吞上面啱啱好。呢间好食，真系值得一试。…查看更多

羊奶硬芝士黑胡椒马铃薯粉团 $138作为经典嘅Caco E Pepe，相比起意粉佢选择用gnocchi🤣马铃薯粉团本身质地偏腍，但又唔会一咬即烂，个人接受到呢款口感，但同行友人就觉得一般😌不过唔关间餐厅事，只系个人口味嘅问题🙂‍↕️整体酱汁稠结度都适中，不过唔重黑椒味，味道较单一特大长通粉配意大利猪肉肠，茄子及芝士$138比起gnocchi，个人钟意呢款长通粉多啲，长通粉做到al dente，而且好挂汁，呢款酱比起上面𠮶款更加香，因为佢加咗意大利猪肉肠，令到呢碟意粉更加惹味🤤意大利风干火腿薄饼 $178比我想像中大好多😂薄饼呈长方形，有八大块，饼底够薄身，薄饼边都好脆，材料好简单，只有Parma Ham, Mozzarella同蕃茄，简简单单已经好好食😋…查看更多

一坐低就有一份面包仔招呼，可以点黑醋同橄榄油，系非常之意大利嘅食法。因为好鬼热好鬼口渴所以要咗支冰冻嘅sparkling water。佢嘅set lunch系有前菜嘅，可以拣汤或者沙律，我哋每人拣一样，个汤都几好饮，不过似乎个沙律比较精彩。我哋嗌咗一个意大利粉同一个pizza share，个意大利粉嘅size系ok嘅，不过个pizza就超级大个，我觉得咁嘅阵细三个人先至勉强食得晒，真系超级抵食。跟住仲包埋一杯餐饮。呢间餐厅真系性价比极高，而且食物嘅味道真系好正宗，系一间值得encore嘅意大利餐厅。…查看更多

位于大角咀嘅一间隐世意大利餐厅，主打高质素但价钱亲民嘅意式料理。餐厅用料讲究，环境温馨，系区内隐藏版美食之选。🫒一坐低就会送上餐包，配上意大利黑醋同橄榄油，简单但充满地道风味，开胃一流。🍕 意大利野猪辣肉肠杂菌薄饼，份量大，饼底焗得香口，芝士拉丝效果丰富，每啖都好足料。🍝 蒜香辣椒橄榄油海鲜意粉，海鲜新鲜，意粉烟韧有咬口，配上蒜香辣椒橄榄油，香气扑鼻。🧀 黑松露芝士焗意大利肠仔，肠仔外脆内嫩，配上香浓黑松露酱同芝士焗制，香气十足。🍰 Tiramisu，口感绵密，唔会太甜，系经典之选。巴斯克芝士蛋糕，外层微焦内里滑溜，芝士香浓而不腻，完美收尾。…查看更多

边个话食亲意大利菜都一定系食到饱饱滞滞嘅呢？今日lunch time嚟到大角咀博文街嘅呢一间意大利餐厅，我冇选择到pizza或者意大利粉𠮶啲set lunch，反而拣咗个火箭菜沙律卷同埋饮sparkling water，来一个好flash好清新嘅lunch time，难得健康一下。我拣嘅呢一个火箭菜沙律卷其实唔系素菜嚟嘅，因为佢外面系有肉卷住嘅，食材好新鲜，加上个意大利黑醋酸酸地几开胃，唔好睇少呢份咁嘅沙律菜卷，我食晒成份都几饱。饮品就拣咗sparkling water，过咗一个好chill嘅下午。…查看更多