Red Lobster (Fashion Walk) (已結業)

见到Red Loster都做外卖自取，全日供应，价钱仲好实惠，即刻买返屋企试吓。今日试咗佢嘅大虾意粉配龙虾酱，同埋佢出名嘅芝士松饼。意粉份量好大，面条稍为干身，大概有六、七粒中型嘅虾肉，但系龙虾酱份量太少，唔能够每条意粉都沾满酱，口感淡啲，感觉一般，冇想像中咁好味。芝士松饼就非常好食，以前食开甜嘅松饼，呢个松饼除咗加芝士之外似乎都加咗少少蔬菜，稍为喺焗炉烤下，就好松软、好香，物有所值，可以encore。希望佢意粉酱汁俾多啲，外卖Menu加多啲唔同嘅菜式，下次可以试吓啲新嘢。…查看更多

呢间Red Lobster开张冇耐成日见到大排长龙，今时今日梗系大把位，今日happy friday就黎一试，周五一点直入。午餐菜单包一杯冷热柠檬茶，主厨推介汤同主菜。主菜有薄饼，意粉，丼饭，三明治，墨西哥卷饼，汉堡，牛扒，价钱算可以。芝士松饼先上一客3件芝士松饼，用餐巾包住，系暖暖哋。芝士松饼外厚内松软，上面块皮好多芝士，再洒上香草，食落芝士味都几浓。呢个餐包正呀。南瓜汤主厨推介汤系南瓜汤，味道甜甜哋，质感就麻麻哋，唔够厚身。龙虾汤 加$20 另加一可加钱升级龙虾汤。龙虾汤卖相同南瓜汤一样，汤上面洒上少少香草。汤入面有一旧龙虾肉，算有味又唔韧，汤味道都可以。招牌龙虾安格斯牛肉汉堡 $198 另加一招牌龙虾安格斯牛肉汉堡同跟餐薯条用左将牛油纸垫住上枱，汉堡大大个用支金属签拮好，上层面包有烤印，下面就系龙虾肉，热熔芝士，安格斯牛肉汉堡扒，番茄生菜同下层面包。上层面包搽左牛油，松软但唔够脆口，味道甜甜哋。龙虾肉大概有两只龙虾钳份量，好爽口，味道就主要食个汁。安格斯牛肉汉堡扒好厚身，叫左medium rare，入面粉红有肉汁，可惜唔脆皮。最下底层包就太实。成个包食落唔干，都算唔错。跟餐薯条系幼身，炸得好脆口。明明叫左走盐都仲咸，要另外叫服务员俾茄汁。焗波士顿龙虾尾配特制梛子姜饭 $158 另加一焗波士顿龙虾尾一只连壳，肉质爽口，味道偏咸，所以配左少少甜甜哋嘅菠萝同红青椒粒就平衡啲。特制梛子姜饭系幼身丝苗米，梛香十足，姜味欠奉，整得好干身。伴碟蔬菜有西兰花，梛菜花，粟米同红萝卜条，似白灼。另外仲有一块柠檬。呢款主菜就较健康。饮品选择少，好彩可以唔要茶。热柠水(跟餐)热柠水有两块柠檬，不过冇俾匙羹你拮。食左招牌龙虾，总括而言，龙虾质感可以不过冇味，午餐价钱勉强可以，晚餐同要排队就唔好搞。食完都够饱。今日坐左卡位，座位都舒适。服务就麻麻，成日都唔见有服务员。回头率唔高，见而家完全唔洗排队就知道。…查看更多

【Red Lobster】🦞 系来自美国嘅海鲜主题餐厅，主打美国直送龙虾及多款海鲜料理，系美国纽约一间好出名嘅餐厅。上次同朋友咁啱撞正Endless Shrimp @年度活动，试咗$198无限时大虾放题，包括有6款大虾菜式，钟意食虾嘅朋友可以一试！车打芝士松饼唔知系咪因为等位等太耐太肚饿，佢个松饼真系超好食，入口松软，芝士味浓郁，而且仲微微温招牌蒜蓉虾果然系招牌菜！大虾肉质软腴，蒜蓉牛油味同大虾嘅鲜味互映相辉、相辅相成大虾意粉配龙虾酱No.1 好食嘅菜式，龙虾酱完全融入而且渗透喺每一条大虾意粉当中，美味香浓，相当入味，超级赞！有别于一般餐厅将酱汁同意粉分开煮然后捞匀嘅做法夏威夷椰子虾外皮炸得金黄酥脆，保留住虾嘅鲜味，配上椰子酱，将菜式升华到另一个层次。表面几粒嘅菠萝粒亦中和到炸物嘅油腻感惹味大虾卷饼味道中规中矩，粉团味偏重偏干爆谷虾细细粒，脆卜卜，香脆可口，点埋酱食味道更佳烤大虾经烤炉烧过嘅大虾几惹味，而且肉质弹牙…查看更多

Red lobster次次经过都要等位，今次咁啱唔驶等，就入去食一个丰富嘅龙虾大餐。头盘叫咗半打生蚝👌🏻，size 2，真系比较细只，唔算好出色，不过都算新鲜嘅。另外叫咗一个龙虾汤👍🏻，都好对板，好重龙虾味。我哋咁啱安排咗喺龙虾水缸隔离，咁一定要叫一只活龙虾啦。叫咗一个芝士酱炒意粉伴龙虾👍🏻，一磅重。龙虾真系好新鲜，肉唔算好多，不过两个人就好够食，意粉炒得有啲干，不过整体味道都好食嘅。最后叫咗一个新英格兰海鲜锅👍🏻，意粉同埋海鲜喺蒜香白酒入边煮，非常好食。配菜拣咗焗南瓜，同埋黑松露薯条，两款都好好味。******************************👍🏻好食 | 👌🏻可以 | 😔 难食评分 : 7/10简评 : 食物好食，不过所有员工嘅主动性，同埋服务态度，可能仲衰过茶餐厅，叫极都冇人，上菜超级慢，真系要好好检讨吓…查看更多

第一次食哩间西餐龙虾专门店，知道外国都好多人食哩间，所以揾个机会试试看，平时多数食龙虾一定要拣任食Buffet, 始终一只龙虾唔平而且一只份量唔算多。今次点选了主打龙虾，味道还可以，都算新鲜，酱汁配搭唔错，最有惊喜系龙虾组合，有原条龙虾尾再配上龙虾汁意粉，龙虾汁味道香浓。性价比都高。夏威夷椰子虾$48/3只忌廉磨菇活龙虾$448龙虾 &大虾手工Pizza$88龙虾组合$298龙虾 大虾 蟹肉配栗米片$128…查看更多