QUE (希慎廣場)

最近約咗朋友來到呢間QUE試新菜款，這間QUE在希慎商場地庫，位置非常易找。餐廳走日式木系風格，觀感好舒服，給人有一種寫意的感覺，餐廳主打和洋式美食。知道最近餐廳推出咗一系列秋冬季菜款，所以今日到來試試新菜。🍴 間八薄切佐京都水菜擺盤非常精美，中間鋪滿咗新鮮肥美嘅間八魚薄切，再配上京都水菜和魚子醬，再用土佐啫喱圍住，呢個頭盤已經好掂。🍴香煎帶子榮螺目柱蒜片意粉带子和荣螺目微微煎香，裡面仍非常鲜嫩多汁，蒜片微微焦香再溶入在意粉裡，非常香口兼惹味。🍴 燒春雞伴日本南瓜呢隻燒雞燒到皮脆肉嫩，日本南瓜烤到非軟糯而且極為香甜，再配埋特製嘅羊肚菌汁，每啖都食到濃厚嘅菌香味，真係好掂。🍴柚子雪葩無花果芭菲無花果非常香甜，柚子雪葩酸甜恰到好處，勁清爽，整體口感層次夠晒豐富。🍴 鴻楓糖乳酪奶蓋蘋果生薑伯爵茶淡淡清香嘅伯爵茶配埋綿密奶蓋，再加上楓糖嘅香甜和生薑嘅暖和，充滿冬日氣息。🍴楓糖乳酪奶蓋香橙伯爵茶同樣係用伯爵茶做茶底，配上香甜楓糖和橙香，夠晒暖和。…查看更多

📸QUE係一間木質裝橫嘅西日fusion餐廳，每個月都有新嘅Menu⭐️用時令日式料理配上西式嘅製作方法。今期嘅fusion餐單《秋季旬味》好有驚喜，將食材發揮得淋漓盡致👍🏻前菜🍣 間八薄切佐京都水菜秋季時令嘅間八魚薄切片，配京都水菜清脆爽口。水菜帶淡淡甜味，間八魚鮮嫩入口清甜，簡單嘅組合突出秋季清新感，食落輕盈又開胃。主食🍲 火炙間八香草燒日本南瓜丼丼飯上放上火炙間八魚片配上大量黑松露醬，魚肉非常鮮甜帶魚油香，黑松露醬嘅點綴完美演繹fusion菜嘅做法原來可以非常之夾；香草燒日本南瓜香甜層次感突出，跟碟傳統牛蒡醬油漬物，食落滋味又清新，秋天必試。🍗 燒春雞伴日本南瓜半隻春雞燒烤外脆內嫩，配日本南瓜甜香軟糯。雞肉汁多鮮美，南瓜用烤製後蒸煮嘅方式將甜味逼出，巧妙地用咗牛肝菌同肝菌醬汁作為dressing，並唔會過於濃郁搶去燒春雞嘅味道，簡單配搭食落舒服。甜品🍦 柚子雪葩無花果芭菲芭菲層層疊加，柚子雪葩酸甜夠fresh，無花果軟滑帶果香，瑞可塔芝士濕潤綿密，淡淡奶味中和一切。顏色鮮艷，食落清新又健康。☕ 楓糖乳酪奶蓋香橙伯爵茶奶蓋幼滑甜香，配濃郁香橙伯爵茶，楓糖添秋意。混合後味道平衡啱晒解膩。🍵 楓糖乳酪奶蓋蘋果生薑伯爵茶以紅葉裝飾，奶蓋滑順，蘋果生薑伯爵茶暖身帶辣，生薑味熱飲更突出。秋天飲用舒服，甜辣合一好回味。…查看更多

和朋友在銅鑼灣處理要事後時間不早，近近地在希慎廣場搵餐廳食晚飯，選中了這間QUE。餐牌內容選擇豐富，而且有部分餐點都幾特別，實在令人花多眼亂！為縮窄選項範圍，決定點二人套餐 ($498)。二人套餐配是日餐湯或沙律，餐湯是南瓜湯，口感順滑，南瓜味香甜，每啖都嚐到幼細的南瓜蓉。小食或壽司塔共6款，可選1款，選壽司塔可需另加$38。除壽司塔可外，小食也有特別的選項，例如炸紫蘇多春魚春卷。我和朋友分別選軟殼蟹壽司塔可及鰻魚玉子壽司塔可，壽司塔可是日本風味與墨西哥傳統食品Taco的fusion，以海苔天婦羅代替夾餅來夾著餡料。軟殼蟹壽司塔可有半隻軟殼蟹，面層灑上蟹籽，醋飯配上沙律菜及辣汁，脆口又惹味。鰻魚玉子壽司塔可包裹著厚燒玉子與軟滑鰻魚，鰻魚汁香濃惹味，口感層次豐富。香蔥吞拿魚蓉角切魚生丼，吞拿魚蓉柔軟細滑，除了角切魚生，還加入明太子與三文魚子，明太子帶微微香辣，三文魚子脆卜卜，富魚油香，整碗魚生丼鮮味十足。黑松露野菌貓耳朵粉配木魚絲及帕爾瑪芝士，貓耳朵粉有嚼勁，掛滿濃稠的黑松露忌廉汁，陣陣松露飄香，菇菌香配上木魚絲及芝士的鹹香，香濃好味。京都宇治抹茶甜筒的雪糕球幼滑細膩、茶香馥郁，還配有抹茶脆片、抹茶朱古力粉，再澆上香濃微苦的抹茶醬，茶韻不絕。雖然甜筒味道不錯，但另一款甜品更得我和朋友的歡心。京都宇治抹茶提拉米蘇盒子配糖漬紅豆 (加$12)，甜品以小木盒盛載，造型簡潔優雅，面層灑滿京都宇治抹茶粉，內裡的Tiramisu口感細滑，小膠管內裝著抹茶酒，擠一下就能將酒注入Tiramisu之中，充滿抹茶甘香與酒香之餘，加入軟糯香甜的糖漬紅豆，令味道不會太過單一。朋友要了杯熱泡沫咖啡 ($18)，飲品賣相不錯。草莓白桃冰茶 ($28)，嚐到淡淡的白桃香，惟不太感覺到士多啤梨味，味道算是OK。Fusion餐點設計別出心裁，味道亦佳，會令人想試試其他菜式。…查看更多

「QUE」是一間日式和西式融合的Café☕️，店內裝潢清新簡約，主打壽司塔可🍣、日式丼飯，以及季節期間限定的菜單😍最近「QUE」以新鮮水果入饌🍊🍑🍍🥭，全新推出夏日限定主題菜單「水果夏祭」，將不同的夏日水果融入和洋料理當中🤩我就先過來試試炸紫蘇多春魚卷 配日式蛋黃醬春卷口感酥脆，卷著的多春魚鮮嫩🐟，配搭內裡的紫蘇葉🥬平衡膩感，再蘸一蘸日式蛋黃醬，微微的甜味和酸味平衡了炸物的油膩感。辣味帆立貝壽司塔可賣相吸引😍外層的塔可殼炸得酥脆可口，帆立貝本身肉質鮮嫩，配上特製的辣醬🌶，增添了層次感，十分開胃。北海道帶子蕎麥麵 配水蜜桃蕃茄凍湯北海道帶子好鮮甜，蕎麥麵口感滑順🍝，加入水蜜桃蕃茄凍湯🍑🍅，味道酸酸甜甜，整體清爽又開胃。草莓蜜柑拿破崙蛋糕拿破崙以牛油香四溢的鬆脆酥皮層夾著香甜的草莓🍓和蜜柑🍊，還有細膩的吉士忌廉，甜而不膩，滋味清新😊菠蘿青瓜迷迭香氣泡飲菠蘿🍍的甜美和青瓜🥒的清爽相結合，味清新新，口感爽口，非常適合炎熱的夏天👍🏻👍🏻手搖香芒冰咖啡香濃的咖啡☕️基底配搭甜美的芒果果香🥭，芒果平衡了咖啡的濃郁，很清爽涼快。…查看更多

西日fushion餐廳QUE 最近推出了《秋冬旬味》季節限定menu涵蓋前菜、主菜、甜品飲品係日式木系環境下 都好有氣氛🍴間八薄切佐京都水菜 配土佐啫喱👉🏻脂肪量適中的紅魽魚刺身配微酸口味的土佐醋啫喱 係清新開胃的一道前菜🍴香煎帶子榮螺貝柱蒜片意粉👉🏻我喜歡的貝類海鮮 配上香辣惹味的炒意粉 啱食到小程度的朋友🍴燒春雞伴日本南瓜 配羊肚菌汁👉🏻半隻燒春雞 外皮夠香 內層雞肉都幾嫰 配羊肚菌汁味道好夾 香甜的日本南瓜都加分🍴柚子雪葩無花果芭菲👉🏻清新酸甜的柚子和無花果 配上脆脆口感 粒粒啫喱 和淡淡奶香醬料 味道豐富🍹熱楓糖乳酪奶蓋蘋果生薑伯爵茶🍹凍楓糖乳酪奶蓋香橙伯爵茶👉🏻兩款果味奶蓋伯爵茶 都好配合秋冬感覺 果香突出 奶蓋香濃 但唔會過甜 …查看更多

想食日式野但又唔太肚餓就黎左QUE，環境好有和風feel，木系裝修乾淨舒服，仲到處都見到貓貓元素，坐低已經覺得心情好。今次試咗三文魚壽司塔可同抹茶Tiramisu，都好ok。三文魚壽司塔可外層紫菜烤到香脆微焦，包住超厚身嘅三文魚，上面再堆滿鮭魚子同爽口紅洋蔥粒，仲有微辣秘製醬汁同牛油果。一口咬落去層次超豐富。三文魚甜美完全唔腥，辣度啱啱好提味，食到成個停唔到口，創意同味道都滿分。甜品就試左抹茶Tiramisu，佢用個小木盒盛載，上面鋪滿細膩到似草地嘅抹茶粉，仲插支抹茶清酒可以自己加入去，超有儀式感。個tiramisu口感超豐富，抹茶味由頭帶到尾但完全唔苦澀，反而好清新平衡，甜度啱啱好，食完好滿足又唔膩！QUE呢兩樣都好有驚喜，賣相同味道都好好。下次會想試埋主食。…查看更多

今日貓貓嚟咗一間超有氣質嘅小店🐾～環境靜靜地🕯️有淡淡香氣 今餐真係滿滿幸福感💛～無論鹹食甜品都充滿氣氛舒服到想一直chill住～影相又靚📸～食得又正😋～ =================Food list📌🍚🐾 火炙間八香草燒日本南瓜丼 🎋🔥 第一口就被驚喜到喵😻！南瓜香甜綿密🍠～微微焦香味撲鼻而來💨，配上香草氣息🌿～入口柔滑又暖心💛～整個感覺，好似秋天風入面嘅陽光🌞✨🥗💛 燒日本南瓜無花果瑞可塔芝士 🍯🍇 呢個組合真係仙氣爆棚😽！無花果香甜柔潤🥰，配上軟滑瑞可塔芝士🧀～每一啖都係夢幻甜蜜💫～仲有南瓜嘅焦香支持😋～好似貓貓喺雲頂翻滾咁幸福☁️🐾🍗🔥 燒春雞伴日本南瓜 🍗🍠 燒春雞嫩滑多汁～外皮香脆到咔嚓聲✨～加埋甜甜香香嘅南瓜💛，鹹甜交織，好滿足喵😻～每啖都想發出一聲「喵～好味！！」🐈🎶🍊🍨 柚子雪葩無花果芭菲 🍧🐾 甜品登場✨～酸甜清新嘅柚子＋粉嫩無花果💗～口感層次感超豐富❄️🍊～每啖都令人心情up up☁️😋～貓貓即刻打個滾💫🍎🍯🥤 凍楓糖乳酪奶蓋蘋果生薑伯爵茶 💕 茶香清香🍵配上奶蓋綿滑🧋～楓糖香＋微微生薑暖意🔥～冬天飲真係心都融咗喵😽另一杯 凍楓糖乳酪奶蓋香橙伯爵茶 🍊🍰～果香滿滿～飲完成個人都添咗幾分貓系慵懶魅力🐾✨…查看更多

同朋友係希慎行完街搵嘢食😌，見到望落幾吸引既餐廳，食物整體都係中規中矩🙂，價錢偏貴😟，但環境都舒適嘅☺️🍗脆炸單骨雞翼配辛子明太子醬
雞翼炸得金黃香脆，肉質幾嫩，不過明太子醬偏淡，唔吸引🤓🍤赤蝦蟹籽意粉
蝦體積細細隻，俾佢個蝦頭呃左，意粉煮到好杰，一pat pat，完全唔掛汁，意粉又唔彈牙，係食咗兩啖就唔想再食，我都未試過兩個人食都食唔晒啲意粉🙂‍↔️🐣三文魚親子丼
三文魚和吞拿魚都新鮮，飯既份量都好足，可能正正因為啲意粉食唔到，所以覺得呢個好相對好啲🤨🍵京都宇治抹茶提拉米蘇盒子
賣相精美，唔會太甜，但食落好普通，要額外加錢唔係好抵🍓草莓蜜柑拿破崙蛋糕
千層酥皮夠脆，草莓同蜜柑都好fresh，口感清新唔錯😛…查看更多

多謝朋友仔請我食生日飯😚💕一間日式和西式融合的Cafe🍽️環境佈置簡約寧靜舒適😌餐單上的菜式選擇性多樣化今次試左2人套餐好豐富夠飽肚🤰優惠二人套餐👭 $388餐湯忌廉蘑菇湯🥣飲到濃郁的菇菌味🍄‍🟫，口感較濃稠，仲食到蘑菇粒粒有咬口小食脆炸單骨雞翼配辛子明太子醬🍗單骨雞翼外層炸到香脆，配辛子明太子醬食辣辣地幾惹味，伴有沙律菜一齊食可減低油膩感😄主食松葉蟹味噌甲羅燒意大利飯配海膽忌廉汁🦀🍛（+$28）需加$28轉，蟹蓋🦀上有滿滿的蟹膏，蟹肉及蟹籽，撈勻後每一啖飯食落好creamy，而且放耐左再食都唔覺得腥，仲另有海蟄作伴碟，值得推介👍意粉軟殼蟹意粉配蟹肉番茄忌廉汁🦀🍝（+$18）需加$18轉，原隻軟殼蟹🦀炸得香脆，意粉份量十足，相對比醬汁略嫌唔夠，如果再多少少醬汁會好啲飲品靜岡有機抹茶豆腐紅豆沙冰🍹（+$48）賣相吸睛🤩，頂層有厚厚的奶油及棉花糖，加上乾花襯托，抹茶味道唔算太濃，豆腐有豆香味，底部有紅豆🫘粒粒食落香甜有咬口，口感層次豐富草莓白桃冰茶🍹（+$28）甜品（散叫）京都宇治抹茶提拉米蘇盒子配糖漬紅豆🍮呢款甜品用小木盒裝住好的骰，面層灑滿抹茶粉，仲插左一支細細香濃微苦的抹茶清酒隨意畫上笑哈哈圖案變得好有趣🤪，提拉米蘇口感綿密順滑帶有少少酒香味，再加上香甜紅豆，口感層次分明但偏甜左少少🤏而且份量唔多性價比偏低…查看更多

✨大推！！🐮燴和牛面頰番茄大通粉$158通粉嘅醬汁係蕃茄忌廉醬 .口感比較挺身 .每一啖醬汁都掛到落通粉到 .口感岩岩好.而和牛有驚喜！唔使點咬 .入口即化 非常好吃！！🍢串燒🍍菠蘿本身夠甜 .加埋糖落去燒 燒到薄薄一層焦糖.一口咬落.又甜又脆又多汁 好好吃！食塊肉. 再吃塊菠蘿 岩岩好 完美👍🥂兩杯沙冰🍧抹茶沙冰+朱古力沙冰🍫朱古力不過不失 好似度度都差吾多 但抹茶沙冰飲落淡淡地 好清爽！環境好員工態度亦好好 會主動問需唔需要倒水👍👍…查看更多

約咗朋友喺銅鑼灣希慎廣場、行過地庫一樓時、發現有嘅間裝修明亮簡潔嘅餐廳、名稱係Que、 餐廳服務員很熱情、介紹有一個秋祭嘅特別新餐牌、餐牌配搭有頭盤 係間八薄切佐京都水菜配土佐唶喱大盤 我叫咗香煎帶子榮螺貝柱蒜片意粉和燒春雞伴日本南瓜、甜品叫咗柚子雪葩無花果芭菲、飲品方面叫咗凍楓糖乳酪奶蓋蘋果生薑伯爵茶同埋凍楓糖乳酪奶蓋香橙伯爵、頭盤嘅間八薄切佐京都水菜配土佐唶喱幾特別、一般喺香港好少見到有間八魚魚生、間八魚屬於日本嘅高級魚生、外表有少少似油魽魚、但係味道較清淡鮮甜、好新鮮、配埋土佐醋柴魚高湯做嘅啫哩、味道好夾、忽然間好似去咗日本咁、好好味！跟住嘅香煎帶子榮螺貝柱蒜片意粉、意粉做得 al dente、彈牙好味、帶子煎得剛剛好、嫩滑多汁、食到唔停得口、另一個大盤燒春雞伴日本南瓜、春雞燒得皮脆肉嫩、好味、日本南瓜濃厚香甜、配埋春雞肉、食味一流、羊肚菌稔滑入味、加埋個醬汁、好好味、甜品嘅柚子雪葩無花果芭菲、柚子雪葩清香、無花果鮮甜、係餐後甜品最美妙嘅配搭、凍楓糖乳酪奶蓋蘋果生薑伯爵茶同埋凍楓糖乳酪奶蓋香橙伯爵、生果香味加埋伯爵茶、開胃有特色、好飲…查看更多

周日帶著細路行街，剛好經過希慎地庫，見到座位好似好舒服咁，所以選了在這裏吃。員工要友善，對我個兩歲小朋友都好 nice，見到有小朋友都安排了我地坐靠墻位置。Menu 選擇好多。太太最近在元氣食過手卷 taco，話想再試個升級版，可惜 lunch set 裏面的手卷 taco 無她想要的甘筍，所以我地選了散叫個 香葱拖羅蓉牛油果醬壽司塔可，再加一個 日式香鬆炸薯條 俾小朋友。而我就選了一個 QUE火炙壽司盛（配野菜烏冬 同 甘筍濃湯），大家 share 食。上菜都幾快，5分鐘就上了湯，10分鐘上烏冬同薯條，20分鐘左右上壽司。個甘筍濃湯非常好飲，是西湯那種用搞拌機打出來的，打的效果剛剛好，仲有細粒的甘筍肉。日式香鬆炸薯條不錯，野菜烏冬正常。手卷 taco（香葱拖羅蓉牛油果醬壽司塔可）都幾新鮮（我個人對日式食物要求好低，輕食都好滿足了，所以其實好難評論）Sushi set（QUE火炙壽司盛）六件大大件都幾好食。以上兩大一細都食得飽了。坐得舒適，夠靜，服務好。…查看更多

📍Que講到Hysan Place翻新左之後商場既basement真係多左好多餐廳咁岩食次去左 Que 到食飯餐廳主打食西日fusion菜餐廳環境係以木系裝修為主題而且個環境好開揚今物個方面 今次點左兩個set-前菜: 是日餐湯 & 沙律-主食: 燒日本豚腩泡菜意大利飯配柏德龍辣椒忌廉汁 & 雞肉軟骨丸子大通粉配番茄忌廉汁個人大愛雞肉軟骨丸子大通粉配番茄忌廉汁佢地番茄忌廉汁 食落味道好香濃 同creamy同個通粉口感偏彈牙 yum yum Location: 銅鑼灣軒尼詩道500號希慎廣場URBANHOOD B1樓B111-112號舖…查看更多

QUE（希慎廣場）餐廳位於港島銅鑼灣軒尼詩道500號希慎廣場Urbanhook B1層,餐廳裝修簡約以木系為主調,設計帶有日式風格,座位寬敞用餐舒適,餐廳主打西式日本菜,服務員招呼熱誠有禮。午市套餐餐湯餐湯係南瓜湯,口感好creamy,有南瓜蓉感覺。餐沙律雜菜沙律,食落酸酸甜甜好醒胃。主菜雞肉軟骨丸子大通粉配蕃茄忌廉汁通粉配有芝士粉,丸子有雞軟骨口感,食落好香口,大通粉沾滿蕃茄忌廉,飲品有熱檸水。香煎廣島蠔意粉配菠菜忌廉汁廣島蠔新鮮肥美,口感鮮甜,意粉軟硬適中,每條意粉掛滿菠菜忌廉汁,飲品有熱咖啡。…查看更多

呢排成日同臭屁熊行銅鑼灣😂😂10月1號假期周圍都好多人，行完希慎準備番屋企之前，就諗住係近住地鐵站出口個層食飯。見到有間和洋餐廳環境望落幾舒服咁，好岩坐係到吹下水，chill下，就揀左QUE呢間餐廳前菜： 有得揀西湯或者沙律。西湯係蘑菇忌廉湯，清甜好飲，若多啲配料口感就更佳。沙律就係正常西餐廳食到個種沙律，但佢落足千島醬係啲沙律到，直接加爆分😂😂主食：雞肉軟骨丸子大通粉 $138 呢個通粉醬汁勁好食！蕃茄忌廉醬汁好creamy，每一啖醬汁都掛到落通粉到。通粉質地比較挺身，口感實淨，好岩臭屁熊口味。加埋雞軟骨丸子好juicy，加埋照燒汁嘅加持，超級好食！臭屁熊話一睇就知好好食😂😂 燒日本豚腩泡菜意大利飯$178咁岩呢碟都係橙色嘅醬汁，但佢係加左辣椒嘅忌廉汁，加埋啲泡菜粒係裏面，仲有蕃紅花做點綴，幾有風味。而且意大利飯嘅軟硬度適中，每一粒都有口感，加埋豬油味濃嘅豚肉片，好食。不過食得耐會有啲膩，餐廳附送埋酸辣海蜇絲，可以refresh下成個口腔再食，安排得幾好飲品：叫左一杯咖啡一杯奶茶。初頭都冇咩期望值，預係普通飲品。估唔到杯奶茶有陣伯爵茶味，幾清香，好飲_🍽味道指數:★★★★★📷環境指數:★★★★☆🛎服務指數:★★★★☆💰抵食指數:★★★★☆😋推薦指數:★★★★★📍QUE…查看更多