PokéToké

之前见到介绍，见佢𠮶个厚切盐烧海苔牛舌温泉蛋丼几吸引，咁啱今日去旺角就特登去试吓，途经附近见到有唔少食肆，选择都好多，中午时间唔算多人，大约三份一左右，但系见佢有好多外卖。特登嚟试𠮶个牛舌嘅，不过睇佢餐牌都好多种类嘅嘢食，小食同饮品都好多款式，点咗个套餐$125包前菜、汤同嘢饮，单点就$105。之前有问佢前菜系乜，佢同我讲话螺肉，嚟到嘅时候同我话转咗芽菜，不过话如果我唔食可以同我转，我话转….因为我最唔钟意食芽菜。上餐都好快，卖相都好吸引，我数过有7件牛舌，而且每件都几厚好足料，不过食嘅时候可能个温泉蛋系冻嘅，所以一入口蛋连饭都系冻嘅，牛舌都唔系好热，另外食另一边饭都系暖暖哋，个汤就好热，不过味就淡咗少少，个螺肉味道正常:)。整体主角牛舌系好食嘅，但系美中不足就系唔够热，呢度扣分，钟意食牛舌可以试吓，佢其他嘢都好多选择，另外啲健康餐都好多人食。…查看更多

周末帮衬，人吾太多。叫左一个夏威夷波奇，一个彩虹波奇。吾知系咪心理作用，套餐收得呢个价，装修又走年轻风，总有少许期待。不过只收现金，差啲要行番出去。Well, 摆盘颜色系靓嘅，套餐跟汤，小吃及饮品。寿司饭以外可拣冷面或沙律。鱼生方面，三文鱼靓，但吞拿鱼就比吾上，冇乜鲜味。其他配料尚可，简单食材，可专注新鲜。炸物有少许惊喜，可能全餐都系平淡健康先行，口淡所至。会吾会再帮衬？可能吾系正餐，反而想试下个yogurt碗，吾知会吾会有惊喜。…查看更多

想健康啲就拣左食poke💪🏽朋友唔食鱼生，听闻有依到有熟食丼饭，所以今次去旺角嘅Poketoke。晚市去到已经有几个系前面排队🫢装修木质为主，有高枱有餐枱，铺头偏细，大家要坐得迫夹少少😂Poke有set同自选，价钱都系$98-$138。熟食丼饭平价啲，有咖喱、吉烈猪扒、牛丼等日式料理选择。仲可以加钱要埋是日小菜同汤😗Poke bowl size正常，个人认为鱼生分量相对少。…查看更多

餐厅无论Openrice定Google都系写一至日11:30am开门，但去到11:32am，过晒钟都仲拉紧闸，一男一女系入面出紧餐，但啲外卖员就可以出出入入拎餐，讲真如果做唔到堂食，你都放个牌系外面讲人知。入去舖头入面问，都唔讲个地拖水桶放路中心，摆明连清洁都未做好，礼貌问一句堂食几点开始，个男嘅仲要话：「我都唔知几点开到堂食，你系出面等下啦」 不知所谓，我唔知你系打工定系老板，但啲咁嘅餐厅用埋啲咁嘅人，完全唔洗考虑👎🏻👎🏻👎🏻👎🏻…查看更多

PokéToké系一间位于旺角嘅poke碗专门店。今次我试咗佢哋嘅加洲风味碗同埋自选风味碗，后者我拣咗吞拿鱼、中华沙律同埋青瓜辛辣蛋黄酱。要用现金付款，总体嚟讲，味道一般，唔可以话系好好食。
首先讲下加洲风味碗，佢主要系由寿司饭同埋啲基本嘅poke配料组成。寿司饭嘅质地几好，几新鲜，但系就咁食可能会觉得有啲单调。佢上面嘅配料都算系基本款，满足到想食poke碗嘅基本需求，但系就唔系好出色。
再嚟就系自选风味碗，我拣咗吞拿鱼、中华沙律同埋青瓜辛辣蛋黄酱。吞拿鱼嘅份量适中，几新鲜，但系口感同味道就一般。中华沙律同青瓜辛辣蛋黄酱都几夹，带嚟啲唔同嘅口感同味道，但系成碗嘢食落去都系觉得差啲啲，可能系因为配料同酱汁嘅配搭仲有进步空间。
总言之，PokéToké嘅poke碗虽然唔系难食，但系都唔系特别出色。如果想试下poke碗，呢间舖头都可以试下，但系期望唔好太高。另外，佢哋而家净系得寿司饭同沙律菜，建议可以加多啲选择，例如糙米饭，咁样可以满足到更多客人嘅需要。…查看更多