PLAYT 咖啡廳

今年想同老公食自助餐庆生，每次经过这食店都见倒人山人海，相信品质一定唔差，所以打电话订，若用汇丰信用卡签帐可享8折，如果官网订位更享 75折，我最后选择了电话订位，因为想坐窗边和写生日祝福牌。当日我们订了 6.30pm，但早15分钟到达，食店亦提早让我们进入。我们安排坐窗边位置景观不错，订位时亦特别要求了。食店装修比较前衞，以特别的墙纸和挂画为主，大部份都是方形怡为主，枱与枱之间都算阔落。先出我走一趟看看有什么食物提供：海鲜类：首先紧糸攞海鲜啦，我们一早行左海鲜档所以唔使等太耐，有龙虾(每次限取半只)，蟹钳，鳕蟹脚, 虾，海螺，青口；龙虾膏软滑，虾爽口，除了蟹脚比较鲜甜，其他海鲜都唔鲜甜，海螺通常会几鲜甜但竟然令人失望。生蚝：每次提供即开生蚝2只，肉质偏瘦，味道略淡欠鲜味。饮品：有2款自助饮料，荔枝茉莉茶和蜜桃水果茶，蜜桃水果茶清香易入口，荔枝茉莉茶味道较浓。炖汤：味道清甜，汤料有好多瘦肉，所以肉味浓郁。西班牙乳猪：这是今晚最欣赏菜式，外皮香脆不油腻，肉质嫩淋，沾些酱料可减油腻感，由于我是食肉兽，我一共 encore了3次。安格斯牛扒和小羊肩腿：牛扒肉质软淋但畧嫌牛味不足，小羊肩腿口感硬而且欠羊骚味，我本身很喜欢食羊是因为牠有其独特的味道，所以缺乏这味道不是太理想。烧乳鸽：调味刚刚好，外皮口感香脆不油腻，肉质嫩滑不肥腻，值得推介。大闸蟹：每位可享用2只大闸蟹，蟹膏都算多但欠缺鲜甜味，另有蟹粉蒸豆腐，豆腐幼滑可口，饮杯姜茶可驱寒。甜品：饮埋甜品尚完美，杨支甘露酸甜美味，芒果味道够甜，而焦糖炖蛋口感幼滑，味道不会过甜，虽然我唔糸甜品控，但都觉得值得encall。最后重头戏就系老公生日cake，生日cake的朱古力装饰都几有心思，芝士蛋糕糸我至爱之一，味道丰富不会太甜腻。**对今晚食后感，无论食物质素和服务有落差，特别糸海鲜不够鲜甜味，服务欠缺笑容，可取糸选择种类够多，但以这价位的自助餐就不是我预期。…查看更多

PLAYT 咖啡厅主打全天候自助餐，今次亲身试过午市 buffet，真心觉得系一间「性价比高」又有诚意的酒店餐厅。一入场，唔使谂，直奔甜品区先！🍮🍫雪糕柜系焦点之一，Moutai (茅台)、开心果、榴梿三款口味真系够晒癫！茅台雪糕有淡淡酒香，唔会太浓，啱晒想试新嘢但又唔想醉；开心果香滑得嚟唔腻，榴梿就重口味 fans 至爱，香味劲爆，入口即化 🤤。仲有朱古力喷泉🍫、即制窝夫🧇、蛋糕🍰、布甸🍮，款式唔算夸张多，但每样都见心思，唔系求其砌出嚟𠮶种。🥗🍞🧀 食完甜品，返转头慢慢 explore 冷盘区。面包款式唔少，外脆内软，配埋火腿、芝士，简简单单已经好满足 🥖🧀。沙律吧都唔错，菜新鲜，酱汁唔会太 heavy，食落清爽 🥗。🦐🦪🍣 海鲜方面有虾🦐、青口🦪、蚬、蟹脚🦀样样齐，全部冰镇得宜，鲜味唔输晚市。最惊喜系泰式生虾刺身 🇹🇭，酸酸辣辣好醒胃 🌶️，虾肉爽口唔腥，几有特色。日式刺身🍣虽然唔算多款，但三文鱼、吞拿鱼都有，切得厚身，唔会一夹就散晒 👍。🍲🐓🥘 中式炖汤系我心水之一 🍲，当日饮到花胶鸡脚汤 🐓，汤底清甜，材料足料，饮完真系有种「补返条筋」嘅感觉 💪。其他热食就中西合璧，有烧肉🍖、焗薯🥔、意粉🍝，味道唔错，唔会太咸，啱晒唔想食得太 heavy 嘅人 🧘‍♀️。整体而言 胜价比高 值得试…查看更多

近来食自助餐都好少会想写评价，但呢间系值得一赞！环境舒适，枱面够摆又唔会同隔离太近。食品菜式唔算新颖但睇得出系有心机整。当晚嘅大闸蟹几新鲜，仲有姜茶喺旁边俾你驱寒。冻海鲜干净企理，有人分唔会乱晒龙。刺身都系自助餐常见种类，要赞油甘好肥美，但寿司姐姐态度欠佳，不过俾左腩位我，劲好食，无数！烧牛肉好耐无试过食到咁嫩，不过佢系近medium rare，所以怕生嘅可能要叫厨师切熟啲部位。印度咖哩牛腩非常有诚意，软滑无渣又够香辣，仲有印度师傅用Tandoor焗炉整naan，大家真系要俾面试下。甜品就唔算多，自家制雪糕几有特色，茅台同士多啤梨柚子要试，榴莲味都好适中，其他甜品就一般，有啲似Mr Steak货色，但人地平过𠮶几间贵五星酒店窝，可能真系有budget concern，不能太苛刻。唯一想吐槽下就系个面包区，摆正喺个风口位，吹到干晒！平时我就最钟意食呢啲冷门嘢，酒店有无heart就系睇呢啲，我见佢都有好多款，仲有黑麦，但摆喺个三煞位，真系暴敛天物，酒店麻烦搅搅佢，如果有埋个焗炉仔整返热就更好。乳鸽又系，挂到冻晒，我老婆话热嘅应该几好食，呢啲人地大X喜放题都做到热辣辣，酒店有心改善应该可以嘅，唔系就改做鹅肝多士呀，都多人钟意食架！另外热柠茶茶底太涩，都系水吧通病，浸得太耐，顶唔顺去饮多口果茶，少甜易入口，无糖更出色。整体表现唔错，大家不妨一试。…查看更多

最近想揾性价比高嘅自助餐，刷到铜锣湾柏宁酒店1楼Plaza Café做紧推广，仲系全新榴梿主题，即刻约埋朋友冲过去试！ 一入门就被榴梿甜品区吸引住，不愧系主题自助餐，D24榴梿用料超足！最爱个爆浆榴梿泡芙，外皮松软，咬开𠮶下榴梿馅料「喷」出嚟，果香超浓，完全唔会甜到漏；榴梿布甸入口即化，蛋香同榴梿味缠埋一齐，连平时唔太钟意甜品嘅朋友都连食两件；芝士蛋糕顶层嘅榴梿泥厚到肉眼可见，咸甜交错，口感好丰富，榴梿控真系会食到停唔到口！ 以为主题自助餐会忽略其他菜品？结果海鲜区直接打脸！加拿大龙虾新鲜到弹牙，蒜蓉酱简直系灵魂，蘸住食超过瘾；生蚝个头够大，冰镇后鲜甜多汁，冇半点腥味；蟹脚长到过手掌，慢慢剥开食肉，鲜味十足；泰式生虾酸辣开胃，食完一只又想再拎，海鲜控绝对满意！ 热菜区同样有惊喜。即点即煎嘅鸭肝，外层微焦锁住油脂，内里嫩到好似豆腐，配埋脆面包，一口落去超享受；西班牙乳猪皮脆到「咯咯」声，肉质软糯，蘸少少甜酸酱，完全唔觉得油腻；安格斯牛扒要咗七分熟，切开粉嫩，肉香浓郁，蘸黑椒汁正到喊！ 仲有两款必试嘅「隐藏菜式」！鲍鱼鸭掌炖得好够火候，鲍鱼弹牙，鸭掌一吮就脱骨，酱汁捞饭都得；白胡椒鸡汤粉面，鸡汤熬得好浓，胡椒味温和，食完一堆肉同海鲜，嚟一碗暖笠笠，超舒服！ 总体嚟讲，呢次自助餐体验好正！有主题甜品、高质海鲜同热菜，仲有推广优惠，人均$400+真系好抵。环境干净舒适，服务员换盘快，态度又好。无论系朋友聚会定家庭聚餐，都好适合过嚟试下！…查看更多

之前趁特价，做紧买二送一𠮶阵买，平均$589/人，已经包埋+1服务费呢间自助餐一般评价唔错，虽然价钱唔系特别平，但一分钱一分货，环境和食物质素都对得住这个价钱冻海鲜区提供两款生蚝，长脚蟹和加拿大龙虾，海鲜味道鲜甜新鲜，龙虾多膏，唯独生蚝每次限攞两只，唔算十分肥美，但蚝味够，亦冇乜金属味鸭肝煎得好香口，而且系厚切，令人食完再想食。其他熟食质素稍有参差，点心长期蒸住，虽然用料唔错，但食物口感争少少。另外韩式主题的食物，唔算太吸引。甜品方面，提供六至七款榴梿甜品，整体都是诚意之作，用料靓。…查看更多