Pizza Maru (荃新天地)

【荃湾区】【Pizza Maru】同美女朋友喺荃湾食饭，呢排少荃湾区嘅 post，辛苦佢特登就我入嚟。咁佢就推荐食呢间，话啲嘢唔错，想我都食吓。但系睇餐牌见佢冇 set lunch，要逐样叫。仲要讲英文，要我出动到「This This This」大法，希望啲嘢食能够达到相应水准，满足吓我。先食韩式炸鸡 $139 嘅六件「蜂蜜蒜泥炸鸡配虾片」，味道可以，但啲鸡件口感唔算嫩滑。之后食芝加哥薄饼 $223 嘅「泡菜海湾芝加哥蜜糖杏仁边」，泡菜味接近冇，系好事嚟，因为冇抢到双倍马苏里拉芝士、芝士条同忌廉芝士慕丝嘅味，畀佢哋发挥到。个薄饼仲有炒洋葱、蘑菇、鲜虾、蟹肉棒、菠萝、粟米、灯笼椒、火腿、蜜糖、杏仁片、糖霜、意大利香芹配埋牧场酱、泡菜蛋黄酱，唔错嘅。嘢饮我哋要 Iced Tea 各 $48 嘅「Mango Passion」同「Pineapple Flora」味，正正常常。埋单 $504，略贵。。。（地址：荃湾杨屋道1号荃新天地UG楼UG28&30号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am荃湾区 #荃湾 #荃湾西 #PizzaMaru #韩式炸鸡 #蜂蜜蒜泥炸鸡配虾片 #芝加哥薄饼 #泡菜海湾芝加哥 #IcedTea #MangoPassionIcedTea #PineappleFloraIcedTea #1am1792 #1ambackup…查看更多

- 蒜香甜辣炸鸡配炸莲藕酱好多！甜甜地唔系好辣配多多酱嘅鸡肉真系好正！炸鸡唔柴 好juicy不过酱唔系好特别！特别位系莲藕好好食-薯角碳香鸡肉芝加哥pizza芝士多到吓死人芝加哥系列全部都好多芝士！女仔食一块就打爆但好幸福今次食有杏仁 蜂蜜 甜甜地好啱店员好nice咁仔细介绍因为呢个甜甜地 完全系佢地个甜品🤣所以佢地冇其他甜品-奶油鸭胸意粉真系好正cream好多好浓郁烟熏鸭胸好嫩 配奶油好幸福好想下次都嚟食嘅程度…查看更多

人气连锁店，餐厅需要排队攞飞，晚饭时间都要等一段时间。👌🏼凯撒沙律 正常味道冇咩特别，酱汁偏小小地酸。Pepperoni 辣肉满溢 饼底整得几香，芝士充足，食落好香口。👌🏼蜂蜜蒜泥炸鸡配虾片 炸鸡比嘅外皮比预期干咗少少，虽然系脆，但系唔算好松脆𠮶种。酱汁名符其实充满蒜蓉味同埋甜甜嘅蜂蜜味，系符合预期嘅味道。但系炸鸡本身嘅质地只系正正常常，冇咩特别。👌🏼蟹肉飞鱼子意粉 忌廉味非常浓厚，但系啲鱼子比较细粒，未能带出多一浸咸香嘅口感味道。🤔鲍鱼干酱海螺意大利饭 $188忌廉味浓郁，但系唔系好食到所谓“鲍鱼干酱”嘅味道。个名好有新鲜感，但系就冇咩特别。有一啲螺片硬硬地，唔算难咬都入味。整体觉得Pizza最好味，其他普通水准。…查看更多

每次行完街都会走入Pizza Maru，好适合同朋友一齐慢慢倾偈食嘢。店内坐得舒服，空间感唔错，环境轻松，气氛几好。最钟意佢哋嘅韩国烤肉芝加哥pizza，厚身芝士香浓，再配韩式烤肉，口感丰富得嚟又几新颖，系每次都必点嘅项目。另外，蜂蜜蒜泥炸鸡配虾片都好有特色，甜中带蒜香，炸鸡脆口唔油腻，配虾片有啲意外惊喜感，食落几夹。釜山炸软壳蟹就系海鲜爱好者嘅心水选择，炸得香口之余啲蟹唔会炸到干巴巴，保留咗海味同口感，几高质。…查看更多

嗌咗佢哋嘅 weekday lunch set，包一杯饮品（可以拣柠檬茶或者汽水），主食就试咗以下两款👇🏻。Bulgogi Mex Pizza - 10” 牛油果酱烤肉薄饼 $138韩式牛肉 x 牛油果酱嘅Pizza，出乎意料咁夹！啲牛肉用酱油烧过，本身已经好入味，加埋牛油果酱食落清新咗好多😋 饼底系薄身偏脆，咬落去唔会太硬，整体配搭得好好，好值得一试！。Myeongran Prawn Pasta 明太子鲜虾海带意粉 $138意粉好足料🍝 酱汁好Creamy，而且已经捞咗好多明太子粒粒，仲有一嚿完整明太子放面～份量都算多，食得好饱！不过因为比较重口味，食到后段会觉得有少少腻～…查看更多