PHI Coffee & Pancake (MOSTown新港城中心(4期))

突然之間好想食梳乎厘，見餐廳冇乜人排隊就即刻入咗去發現menu有D新款，心思思想試下新野，於是我哋兩個人叫咗一杯咖啡，雞扒早晨全餐，冬陰公海鮮意粉，最後當然唔少得海鹽梳乎厘雞扒出乎意料地好食，肉質嫩滑唔鞋，仲有肉汁，個多士都好好味冬陰公意粉亦都好有驚喜，冬陰公汁夠香夠辣但唔會太搶味，海鮮有魷魚、青口、蝦，份量足又新鮮至於海鹽梳乎厘就稍為失色，口感偏乾，冇乜醬汁，我覺得之前食過嘅藍莓梳乎厘好食好多。咖啡方面就奶味偏重，唔太啱我口味。不過整體黎講，食物水準唔錯，值得一試！…查看更多

今日紅日黎到phi coffee～之前朋友講起食過其他分店麻麻地，所以一直都冇試到，今日紅日見佢唔洗排隊，又想chill 下，決定比個機會佢😈1. 雞排全日早餐落單時店員提醒要等20分鐘，點知唔洗10分鐘黎左！ 但質素都唔錯✨ 🐥雞排雖然做唔到皮脆，但都做到肉嫩！同埋有2塊都覺得份量係okay！ 🍳蛋就輕微脆邊，落左少少辣粉，食落都幾惹味～🍞個包有陣輕輕牛油味，但唔算特別香🥗菜就冇咩特別，冇黑醋/沙律醬，食落dry🧅菇係最差嘅item，明明可以整得好好食，但佢好乾身，又冇乜調味，好似冇特別烹調過～2. 冬蔭功海鮮意大利粉冇咩挑剔，真係冬蔭功味！香茅味同椰汁味都重，好食！海鮮都OK，魷魚好彈牙！不過真係好辣🥵 唔食得辣嘅記得要留意～3. 焦糖牛奶咖啡我覺得個牛奶咖啡本體都唔算好好飲，本身黎到時已經有焦糖味，個陣還算剛剛好，後來上面嘅焦糖越嚟越融，搞到成杯咖啡超級甜😆4. 豆花咖啡佢係一杯牛奶+豆花+Cream+白朱古力塊，另外一個細杯就係espressso，倒落去之後再撈埋～都幾好玩😆不過杯espresso 真係好苦，倒左菇去杯奶到都仲係好苦，我攞左少少焦糖黎呢杯野先覺得好d！———————————————————————整體我覺得唔錯！特別係佢唔使等位嘅話，喺假日可以chill 住食下cafe 都係幾好嘅選擇！…查看更多

昨天行經馬鞍山這間店，五周年見有與五字有關都會有折，我喜歡食pancake，所以不會錯過這個優惠，入座揀選座位後職員給兩杯熱水我們🙏但因座位較凍，所以轉去另一座位。見有其他客入座我們原先的座位，職員也好細心提示該座位是較凍的👍。我們叫了一個雞扒all day Breakfast，有兩件雞扒，雞扒煎得靚和又美味。另一個海鹽焦糖pancake，有三件pancake味道不太甜，味道和口感也好適中。下回也會再去食😋😋。…查看更多

之前淨係幫襯過美孚嗰間，今次第一次幫襯馬鞍山分店。印象啲嘢食係好食， 所以就試下呢間分店。 食物質素----一如記憶， 係有水準嘅好食。推介梳乎利：非常鬆軟，食唔晒凍左外賣拎返屋企食都仲ok冬陰功意粉：香又入味，唔辣（我唔係好食得辣）薯條：條條都乾身又脆服務質素---驚喜作為普通市民去呢啲連鎖餐廳，對佢地既服務質素係完全唔會有期望。 啲嘢唔嚟錯就已經係我嘅所有要求（非常卑微）。點知，店入面特別有兩個侍應嘅服務， 係令我覺得好到有啲毛管戙， 忍唔住埋單既時候讚佢地同要喺度寫食評。對客說話有禮，又詳細推介食物，最驚係我地坐到打烊，侍應仲話佢收左d野先，但我地可以‘’慢慢坐‘’。 今時今日嘅香港， 喺商場餐廳打烊時聽到呢句說話我真係覺得自己撞邪！無可能架～～～最搞鬼係埋單同佢地講佢哋服務好好嘅時候， 侍應仲好有信心咁話openrice都係咁寫（幫襯前完全冇睇過）。笑死。返嚟睇返openrice， 竟然發現啲劣評大部分都係因為佢哋嘅服務質素差， 非常驚訝 。覺得自己好似去咗平行時空！點都好，好食嘅餐廳唔止佢哋 ，希望佢哋員工繼續咁有passion ，繼續做一間為數不多食物好服務又好嘅餐廳！加油！！！！…查看更多

這是我第一次去這間餐廳，當時大約下午三點，我站在餐廳門口想找個員工問下有冇位，但是不知道他們是看不到我還是不想理我，要走到餐廳內在他們面前才問我幾位，那員工話入面冇位，出面（放在餐廳外的枱）坐唔坐，我話等入面的位，佢就話出面排隊啦，排隊位在餐廳對面（商場的柱位）當時沒有人排隊。等了1 5分鐘有客人離開，餐廳內亦不忙但都沒有員工理我，內有6位員工只在談話。之後終於坐低點餐，員工就好似好趕咁講“98定139定159“，”食咩，得下一個，得下一個，得下一個···“ 非常趕的語氣。最後，食完主餐上甜品，我們三個人只上一份，另外2份等了10分鐘都沒有，所有員工行來行去眼望望，我問有2份還要等多久，那時才去睇下，回覆竟然話”張單唔左，依家整俾你吖，等10分鐘你要唔要？“ 完全沒有道歉，好似理所當然咁，態度完全不能接受。…查看更多

今日掛咗10號風球，諗住落新港城睇吓有乜嘢舖頭開咗食個午餐，見到PHI有開我就入去食啦，見到呢個餐我就問一問個職員包唔包飲品，佢答我包飲品我就叫咗呢個餐食啦，食完之後我就俾錢發現貴咗好多，我就問點解會咁貴個職員就答我，你呢個餐再加一杯嘢飲，所以就咁貴我就話啦明明頭先我問咗你個同事佢話包嘢飲我先叫呢個餐個職員即刻態度相當惡劣回答我，我點知道咁多嘢總之今日飲品係半價，我當時都即刻反問佢就算係半價都唔會係呢個價錢，佢就即刻將張單改返半價個價錢，佢哋呢間嘢嘅職員態度一向都好差我希望佢公司正視呢個問題…查看更多

今晚同朋友係馬鞍山食晚餐，見呢間的menu同環境都幾吸引就試試佢。我地叫左兩個意粉+一個梳乎厘，全部都有驚喜。意粉分別係辣味蕃茄蟹肉同蕃茄海鮮，意粉係岩岩好El Dante，調味都剛好。海鮮就中規中矩啦。梳乎厘叫左海鹽焦糖，好好味！！梳乎厘入口即溶，齒頰留香，配合焦糖脆脆，出色！另外不得不提係優質的服務，餐廳的一位短髮女侍應好細心，好多時我地都未開聲已經留意到我地的需要。佢的推介亦都冇伏！…查看更多

PHI pancake好似拜拜肉咁彈彈下 食得好開心😛試過原味 蜜瓜 士多啤梨最喜歡還是原味意粉都好彈牙入味 份量好足每次來都會諗加唔加pancake 又怕食唔哂但又想食特別一提喺2025年 香港餐廳服務一直令人不忿呢間餐廳 有位服務好好既服務員短髮爽朗姐姐我和家人/同事黎過好幾次每次都好nice 也好好服務有傾有講 亦會真誠介紹有時餐廳好食 會因服務而卻步但呢度係靠呢位友善既服務員令我食完又食希望香港服務業都可以做得好似佢咁友善…查看更多

**📍 整體評價** 這次在**PHI Coffee & Pancake**的用餐體驗令人失望，食物質素一般、服務態度欠佳、上菜次序混亂，整體來說不推薦。 **👎 問題總結** ❌ **食物溫度**：主食上菜時已經是微凍，我食的是意大利飯，餐湯也是凍的。 ❌ **上菜次序錯亂**：竟然先上主食，再上沙律和餐湯，完全打亂用餐節奏。 ❌ **服務態度差**：職員回應語氣不耐煩，當詢問Pancake製作時間時，大聲回應「要等30分鐘」，毫無歉意。 ❌ **飲品份量少**：咖啡/朱古力的份量比預期少，性價比低。 **💡 真實體驗分享** - 點餐後等了近20分鐘才上第一道菜，而且還是主菜先來，沙律和湯之後才到，感覺廚房流程混亂。 - 向職員反映食物不夠熱，對方只是敷衍回應「幫你問下」，之後沒有任何跟進。 - Pancake製作時間長（30分鐘），但上桌時並沒有特別驚喜。 **💰 性價比** **2/5** － 以這個價錢（人均約$200），食物和服務都未達標，同區有更好選擇。 …查看更多

一直知道梳乎厘係即叫即做所以專登喺main dish 未食完之前同待應講叫「起」而坐我隔離嗰一枱遲我5-10分鐘叫「起」佢哋個梳乎厘到咗兼食完我嗰個都仲未到當我見到隔離枱食緊梳乎厘時我有再一次舉手回應我嗰個侍應就係我第一次舉手叫「起」嗰個當時待應唔等我開口就話已經幫我叫咗「起」坦白講我覺得嗰個侍應好冇禮貌但我都算我一直等等等等等等極都未到我就估應該係我第一次叫「起」時嗰個侍應根本冇幫我同廚房講其實你漏單唔緊要你都要老實同個客人講嗰刻作為客人個感覺真係好差因為等得太耐最後我冇等到個梳乎厘就埋單走人梳乎厘嘅錢我都唔介意照俾因為已經食咗一肚氣落肚就算梳乎厘幾好味都補唔返了公平啲講一句其實店內有啲侍應係幾好嘅知道客人嘅需要但某啲同事嘅服務態度同質素就要多加培訓…查看更多

母親節套餐性價比好高2人餐包括沙律、蘑菇湯，薯餅雞翼小食，2個人主食（選了油鴨肶飯和帶子意粉）一件cheese cake和一份疏乎厘，2杯飲品，才488元另加龍蝦蟹肉意大利麵，4個人食得非常飽服務態度值得一贊，一位短髮女待應，對老人家極是照顧，不時加溫水，遞上餐巾紙👍🏻今時今日，很少見到年輕待應那麼好的服務質素…查看更多

🍽️ 是日餐點 套餐A+B/C+Drink: $138我地簡左A: Signature +B: Souffle1️⃣ A:【傳統卡邦尼意粉】👍 芝士控大推！醬汁濃郁creamy，每一口都掛滿蛋奶香👎 培根略鹹，建議搭配飲品平衡味覺2️⃣ B: 【黃金比例・原味梳乎厘】💯 每次必點！空氣感十足，蛋香輕盈不膩，打卡與美味兼備🔥 隱藏吃法：一塊梳乎厘點上香滑奶油，有點提拉米蘇咖啡可以點上提拉米蘇咖啡上面的cream，多一個口味3️⃣ Drink:【抹茶鮮奶 (跟餐+$28)】🍵 中規中矩，茶味可再濃些，但朋友喝完超提神==4️⃣ 【單點飲品】> ☕ 提拉米蘇咖啡 咖啡味主導，期望更多提拉米蘇的口感> 🍹藍莓梳打果香清新但糖漿偏甜，記得「走甜」或另上糖漿📌 總結推薦✅ 必點招牌：梳乎厘絕對驚豔！⏰ 時段優勢：平日午後人少，梳乎厘即叫即製需耐心等20分鐘#沙田美食 #梳乎厘班戟 #打卡咖啡店 #下午茶推薦💬 回訪指數：會為梳乎厘再來，但飲品期待改進～…查看更多

「油封鴨腿Risotto — 法式與義式的完美碰撞」   這道菜絕對是驚喜之作！油封鴨腿外皮酥脆，肉質軟嫩到幾乎入口即化，搭配濃郁的Risotto，米粒吸滿鴨油香氣與高湯精華，每一口都帶有微微的香氣，層次豐富卻不膩口。「芝士貓耳朵粉 — 濃郁奶香×彈牙口感」   貓耳朵粉（Orecchiette）煮得恰到好處，邊緣微厚、中心彈牙，裹上濃稠的芝士，奶香濃郁卻不過鹹，還能嚐到帕瑪森芝士的鹹香餘韻。「原味舒芙蕾Pancake — 空氣感與蛋香的極致平衡」   招牌甜點果然名不虛傳！原味舒芙蕾Pancake蓬鬆如雲朵，切開時能感受到輕盈的空氣感，入口蛋香濃郁且帶微微焦糖香。搭配鮮奶油，甜度恰到好處，完美收尾一餐。  環境：簡約木系裝潢搭配暖黃燈光，座位間距寬敞，適合朋友聚餐或獨自放空。午後陽光透過玻璃窗灑入，格外愜意。  服務：店員態度親切熱情，上菜速度中等（主菜約等待20分鐘）。  …查看更多

今日得閒，想在工作日中午偷閒一下，於是同朋友來到馬鞍山這間PHI Coffee and Pancake。之前聽朋友講過這間的梳乎厘很出色，加上地點方便，就決定來試試看，慰勞一下辛苦工作的自己。環境：店內裝潢簡約舒適，座位之間不會太擁擠，可以讓人放鬆心情，享受午間的片刻寧靜。 * 蕃茄海鮮意粉:先上的意粉，份量足夠，以午餐來說很令人滿意。蕃茄醬汁味道濃郁，酸甜度適中，不會過於膩口。意粉的軟硬度煮得剛好，不會太硬或太軟，整體來說中規中矩。 * 石板街梳乎厘:這絕對是今日的亮點！上桌時，熱騰騰的梳乎厘脹卜卜，賣相已經非常吸引。淋上濃郁的朱古力醬，再灑上杏仁片、棉花糖和Oreo碎，簡直是視覺和味覺的雙重享受。用叉輕輕挖開，內裡非常鬆軟，入口即化，蛋香味十足。朱古力醬的香濃和梳乎厘的輕盈完美結合，甜度也控制得很好，不會讓人覺得過於甜膩。配料也為梳乎厘增添了不同的口感層次，每一口都是驚喜。強烈推薦喜歡甜點的朋友一定要試試看這款石板街梳乎厘，絕對不會失望！總的嚟講蕃茄海鮮意粉表現中上，足以填飽肚子；而石板街梳乎厘較為驚艷，無論是賣相還是味道都令人非常滿意。服務方面，店員態度親切，上餐速度也很快，非常適合想在午休時間好好享受一餐的朋友。下次有機會，一定會再來試試看他們其他的梳乎厘和咖啡！推薦指數： 4/5 (主要加分在令人驚豔的梳乎厘！)…查看更多

野食差左 服務極差請各位避雷服務員有‘求’必不應 一個訴求講三次講完就消失 催就黑口黑面扮聽不到 見不到 雖然服務員門檻不高 但都希望餐廳有篩選燴飯好難食 意麵還好以後不會再來…查看更多