PHI Coffee & Pancake (圍方)

🍴 椰香冬荫功海鲜意粉（微辣挂汁） 🌟🌟🌟🌟🌟（5🌟为最高）最近行启德零售馆，发现附近北斗园原来有餐厅！PHI Coffee & Pancake主打pancake同意粉，卖相靓之余，味道都好有惊喜😍冬荫功海鲜意粉微辣惹味，酱汁浓郁又挂汁，海鲜有青口同虾，质素高，食落好满足！🍴 汉堡扒全日早餐（丰富饱肚） 汉堡扒厚身有口感，肉质湿润唔干，加埋芝士真系邪恶好味😋配料超丰富：煎蛋、牛油果、炒杂菌、肠仔、烟三文鱼、沙律菜，最惊喜系牛油多士，软熟香口，牛油味超突出！🥭 泰式梳乎芒果糯米饭梳乎厘（空气感甜品） 即叫即整，梳乎厘轻柔有空气感，配上香甜芒果同椰汁糯米饭，口感丰富，甜而不腻，泰式风味十足🤤🥥 糯米芒芒椰奶沙冰（香滑不腻） 芒果同椰汁香气十足，唔会太甜，糯米加埋沙冰口感好夹，夏天饮落超refresh！🍋 香叶柠檬特饮（清新解渴） 味道清新，柠檬香叶融合得好自然，饮落好舒服，啱晒饭后解腻～📍PHI Coffee & Pancake（大围车公庙路18号围方5楼Kiosk 26A & 26B）…查看更多

好多friend都话呢一间coffee shop嘅梳乎厘好正，原来佢都有几多分店，今日就嚟咗大围呢一间，叫咗士多啤梨梳乎厘再加杯咖啡，虽然冇想像之中咁好，不过其实佢个味道都ok嘅。佢个士多啤梨梳乎厘唔算太甜，而且都几挺身，质素系ok嘅。…查看更多

今晚食完饭见仲有胃口，再食下PHI，之前试过另一间分店，好好味想再食下。今次食石板街梳乎厘，PHI既招牌，睇样已经赢晒—胀卜卜超上镜！食落口感QQ哋，淋满忌廉同朱古力浆，经典甜味即刻唤醒细个食缤纷乐嘅回忆😍😍…查看更多

叫咗菠菜芝士蘑菇三文治，冻冰冰，直程少少暖都冇呀，唔怪之得第一眼已经见到入面啲芝士都唔溶嘅，男朋友唔敢出声，差唔多食晒先同我讲，如果唔系我真系会攞返去叫佢重新整过！其实都系拎入焗炉度叮一叮啫，真系手板眼见功夫，直程系懒惰，毫无诚意，现场仲要一台客都冇，所以完全唔存在忙中有错呢个问题。真系落楼下Market Place买一个都唔使呢个价钱，冇咁嬲啊！提拉米苏咖啡就正常水准。成个场都好旺，唯独呢间唔使排队，就知佢咩料，大家要小心中伏。…查看更多

环境方面，坐喺商场开阳位置，不过地方都算干净，但系倚赖啲人自己执枱，即系话，如果你食完嘢唔执返自己张枱，就未必有人帮你执枱试咗$48嘅蓝莓乳酪疏乎厘，加$18 ，就有个士多啤梨梳打疏乎厘方面，可能我唔系big fans, 我真系觉得冇乜特别，酱料方面，甜嘅蓝莓配酸嘅乳酪，见仁见智，但系我啲朋友食完都觉得麻麻地伯爵奶茶味（没有拍照）还可以！至于杯嘢饮。（士多啤梨疏打）. 何谓梳打呢？系有气嘅汽水，好可惜，杯嘢饮一啲戏都冇，似系走晒气嘅梳打水，加士多啤梨！ 我想言之，令到我好失望！个人就觉得，可以试一次嘅！…查看更多