影片
相关文章
放假同仔去揾食好多时因为要去预备/做功课关系都去一啲地方揾食今次就黎到大埔， 又要为方便爸爸泊车及妈咪Shopping，咁就黎到大埔艺术中心。 之前成日见到装修都唔知点入， 今次就好明确了仔仔都好钟意， 话waitlist 都坚持要等好在佢有等候区可以俾我地坐下唔驶大热天时热住等佢环境好大好阔落， 有日光， 都好舒服。有时要固住个小朋友都好会忽略咗好多嘢， 又怕佢嘈住人， 但好彩台与台之间唔算好近🤭食物方面都好大份，唔错， 叫左啲平时好少食既野同埋佢主打手工意粉🍝因为午餐， 所以只食左个大虾手工意粉，pizza, 儿童餐☺️
继续阅读
同屋企人去咗大埔艺术中心食晚饭，拣咗主打手工意粉嘅 PENTOLA。餐厅由旧校舍活化而成，气氛好好，装修有心思。不过整体嚟讲，真系 环境赢食物。⸻环境：前身校舍活化，红砖配木质风，打卡＋chill 住倾偈都啱一入到去就觉得成个地方好唔似平时喺香港食意粉嘅场景：红砖墙、木板间格、金属感五金框架、同系列布艺餐椅&梳化配搭质感枱面，空间感十足。由一间旧学校活化改建，感觉特别有层次，成个场景啱晒打卡影相。我最欣赏佢啲细节位做得几用心，例如见到侍应准备餐纸时，将萤光蓝、红、橙、绿四色顺序排列备用，摆枱时每张都会有唔同颜色，未开餐都睇得出餐厅对环境同形象有要求。⸻服务：I人最钟意嘅型 — 安静、有效率、不会太热情PENTOLA 用 QR code 点餐，不过员工比例非常充足，有需要即刻有人帮到手。自己唔太钟意 overly-friendly 嘅服务风格，呢度啲侍应唔走热情路线，但有正常礼貌、做事快，会主动加水。对我呢种 I人嚟讲，系加分位！一坐低，侍应就送上一碟面包同黑醋，食住等落单，细节又加一分。⸻手工意粉 vs 安格斯牛扒：出乎意料之战1. 焗蒜蓉牛油大海虾意粉（意外地失望）叫呢个意粉因为佢系主打，以为稳阵，点知一食落去有啲失望。意粉面体偏粗，中间芯位置比较硬、整体偏干。我明白手工意粉未必会似港式 al dente，但呢个干到咬落去有啲攰，加上个汁又偏咸。旁边只大海虾可能因为太大只，火喉唔易控制，有啲烧焦位置食落带苦涩。屋企人食咗一半就放低，我呢个「清枱大师」最后帮手收尾。2. 炭烧安格斯封门柳配烧汁薯条（意外地惊喜）反而冇乜期望嘅牛扒，竟然好出色：「有肉汁、有肉香、冇韧筋」。拣咗五成熟，除咗头尾两件全熟之外，中间都系靓靓五成熟，食落满意。（佢预设五成熟，如有喜好可以注明）头尾两块熟啲嘅我分咗俾唔食见红嘅屋企人，两个人都啱晒口味，估唔到。薯条系粗身、外脆内软，热辣辣上枱，唔系「倒几条就算」𠮶种，配埋沙律菜唔会太腻，整体平衡得好好。⸻总结：下次会再嚟，不过可能只会叫返牛扒，加 Pizza 或者多啲人 share 几道菜。呢间餐厅属于 环境气氛 > 牛扒 > 手工意粉 嘅类型。如果你去开大埔超级城附近，可以顺路试下。无论系情侣、朋友、定屋企人，想慢慢 chill 住食餐饭、影下相、倾下偈，都系个唔错嘅选择。但…唔建议叫意粉，留返肚比其他菜式可能会开心啲。
继续阅读
友人聚会，见好多好评，就拣咗呢间试吓。中午点几两点，都过咗peak hour，内里都有好多空位，侍应问有冇book位，我地话冇，咁个侍应就行咗开去，如是者我地响门口等咗差唔多5分钟，其间亦冇其他客人等位。之后终于“有位”，坐抵咗，完全冇招呼，见有个侍应慢动作经过，问佢可唔可以帮我地落单，佢话一定要自己用QR code落㗎㖞，冇得帮你落，讲完就走咗。OK, 叫咗3个set brunch, 谂住share食，啲嘢都嚟得好快。问慢动作侍应攞多2个公义，佢答完话好呀，5分钟都冇攞过嚟，冇咗回事，咁再叫另一个女侍应攞，又等咗几分钟，眼见啲食物都开始冻，友人见冇人理会，起身行埋去问另一个正在执枱嘅男侍应攞2只义，呢位男侍应唔知系咪唔钟意俾人叫佢做嘢，好悔气咁话，咁我依家咪帮你啰！然后攞住几只义行埋嚟，好恶咁话，“你要几只呀！”简直系撩交打嘅态度，友人话“咪话咗要2只啰”，恶侍应一边黑口黑面咁放低，同时亦用好凶狠嘅眼神掘住我地，跟著就行开咗。呢间餐厅啲食物ok, 但份量少，以佢嘅收费，响大型商场甚至中环都有好多选择，咁嘅服务态度再好食都唔会再嚟，除非想食到一肚气。
继续阅读
食物普普通通唔系好食，餐厅地方算系濶落，复活节假期唔驶等位，但几个侍应做嘢实在太慢，又冇礼貌，问攞2支义share食野，问2个侍应都唔记得攞，问第3个侍应态度极差，勉强先去攞餐具过嚟，你地又唔系爆场，又唔系咁多客，都可以咁悔气，佢哋系咪要去再培训，其实而家大部分茶餐厅啲阿姐都好快手同有礼貌，又醒目，唔知点解咁hea 又唔想服务客人嘅侍应，就唔好勉强自己去做服务行业啦！强烈建议大家不要去呢间餐厅受气！
继续阅读
叫左个牛肉颊意大利饭 问女职员可唔可以走芝士 佢话吓 好冇礼貌 跟住话问下厨房 厨房话ok 之后落左单大约5分钟左右 个饭就上咗嚟 我心谂 咁快？预制菜啊？个饭少吾紧要 但个牛肉有阵臊味 我食过咁多次红酒牛肉颊 未试过整到咁 俾100几蚊 你俾啲客食咁嘅嘢真系好过分啰我同女职员反映 话个牛肉好腥 佢话牛肉块面肉嚟 我话我知 但之前食冇试过咁 佢话帮我同厨房反映 佢嘅态度似系同我讲 我吾识食 系我有问题到最后买单 我话俾Alipay 佢又话吓 就算听吾到 都冇理由咁同个客吓 我都做过餐饮 我都唔会咁样同个客讲嘢啦！虽然吾系咩高级餐厅 我亦都系下昼4点几入座 全场加埋我得2枱客 唔明点解可以咁！千祈唔好再嚟试伏 宁愿去下面𠮶间我也爱你cafe 都好过食呢间垃圾又贵又难食重点系要自己QR code落单 但又要收你加一先好笑🙂如果好食 我心甘情愿 但咁嘅价钱 一啲都吾值！
继续阅读