Penna

📍太古 Penna · 抵过买基金嘅意大利晚餐！喂呀～今日同个胃去咗太古城Penna「投资」咗个晚餐，结果升晒值📈！以后唔使飞意大利，呢度直接解锁咗我嘅味觉天花板！🍴前菜：牛肉他他 (Beef Tartare)冻冰冰嘅生牛肉碎混埋蛋黄同酸瓜，口感绵滑得嚟带啲爽脆！酸酸地好开胃，个卖相精致到唔舍得捞乱佢～ 朋友话似食紧「牛肉版雪糕」😂🍝主菜1：香蒜辣椒意粉 (Aglio Olio)蒜片爆到金香，辣味系慢慢渗出嚟𠮶种！意粉咬口al dente，挂汁力满分！简单但系邪恶到呢⋯⋯（默默挂住条痴脷筋）🍕主菜2：辣肉肠薄饼薄饼底脆到「咔嚓」声！辣肉肠咸香爆油，芝士拉丝拉到去隔离枱👀 重点系个番茄酱底好fresh，平衡返个油腻感，我一个人KO咗三块！🍖主菜3：香草焗羊架叫咗medium rare，切开粉嫩嫩冇血水！外层香草烤到脆，肉质软淋到似食紧棉花～个薄荷酱清新到呢，同羊架简直系天作之合💑🍰压轴：拿破仑千层酥OMG！！！酥皮脆到好似踩落干叶堆咁「索索声」！吉士酱轻盈唔甜腻，面头焦糖片薄脆，一切就「啪」一声裂开～食到碎晒都坚持要舐埋手指！💬总结：人均$400左右，环境舒服到倾咗两粒钟都唔愿走。服务生仲好细心推介配酒～呢餐绝对系「胃界蓝筹股」！建议预早book窗边位，睇住夜景食真系chill爆✨#太古城美食 #penna #香港美食 #food #美食 #美食日记 #意大利菜 #氛围感西餐 #浪漫的餐厅 #西餐…查看更多

今次都是吃蕃茄牛油意大利粉，味道ok, 不过今次份量较少，而服务有待提升。餐厅环境优美，很多梳化位，餐具优雅。而平日3:30 下午茶时段只有几枱客，但不知知何解不给坐两人一边有梳化的位，要坐路中心迎宾，本来帮衬这间餐厅是想坐得舒服些，有梳化那边坐。后来隔篱梳化位来了六位客人，很噪，还谂住意大利餐厅会够宁静。希望下次可以坐得舒服点及宁静些。…查看更多

今次系庆生所以嚟呢间餐厅食饭，本来期望有啲高，食完觉得还好啦，个海鲜汤系几好食嘅，其他不过不失只不过生日嘅人士对于个侍应有好大嘅意见，当日负责我哋𠮶台嘅系一位短头发女待应，唔知点解佢才可以全程黑口黑面，啲语气态度同埋落枱嘅manner都麻麻地，讲嘢真系冇尾音㗎😅搞到生日𠮶位好嬲，我都已经尝试系咁同佢讲可能佢只系性格系咁呢，只不过做得见客嘅工作都系留意下自己畀人个感觉会好啲。最好笑系，当佢带个甜品过嚟，落枱嘅时候讲一声生日快乐，个语气都系唔知想点，破坏咗今次庆生活动嘅原意…查看更多

母亲节前夕，老公话不如早两日食，唔一定正日先食嘅，冇所谓啦，最紧要有得食 😂😂😂老公叫我拣，因为要泊车，所以都拣返有停车场，方便啲，加上落雨，所以就拣太古城中心。我比较钟意食西餐，上网揾下，见到呢间嘅食评都唔错，于是一试三个人叫咗呢个餐再加个 pizza.食后感：一般，感觉唔系太值，系个汤叫唔错，pizza 个底好厚、好油，牛嘅味道算可以，但就唔抵食，另一个系意粉，同咗厨房讲小辣，但冇做到，成碟意粉只觉得辣，冇其他味道；阿女加咗个 tiramisu ，但太大酒味 …查看更多

因为六点后已经爆满。 所以决定早d食茶餐。冇念过份量劲迷你。两个人要叫四个茶餐食先够食🤣仲要系唔饱。但味道真系好食既。食材好好，口感味道nice nice，只系唔够饱。*意大利面配蕃茄罗勒牛油汁* 简单食材，充满层次的。番茄酱微酸，但超级浓郁与牛油，罗勒的清香交织，意大利粉充满浓郁蕃茄香气。*玛格丽特薄饼* 薄饼中的经典代表，以蕃茄酱为底，搭配新鲜芝士与罗勒。饼底薄脆，芝士香滑浓厚。配料均衡，每一口都能感受到浓厚的意式风味。*巴马火腿薄饼* 则展现了更浓郁的咸香风味。薄饼上覆盖著细薄的巴马火腿，风干火腿阵阵飘香。配上芝士的奶香，当然唔少得火箭菜。形成咸香与芝士风味并存的味觉享受。*意式煎大虾配意大利面* 结合了虾的鲜甜与浓虾酱汁的，大虾煎香，肉质弹牙。浓虾酱汁与意大利面完美融合，超级入味。虽然要额外加钱但这个值回票价。…查看更多