PAUL LAFAYET (國際金融中心)

對於店舖搵外判步兵去送蛋糕覺得好神奇同震驚，無論門市定工場都不在送貨地址附近，點可以搵步兵送生日蛋糕？仲要遲到一小時，取消訂單後，步兵將蛋糕放在管理處就離開。完全破壞生日活動氣氛，臨時無左個蛋糕慶祝！夜晚回家仲要處理一個已開始溶嘅蛋糕！睇見都嬲！都已經唔係取唔取消，re唔refund的問題！:(上星期在網頁為屋企人預訂生日蛋糕，付錢要求送貨，地址寫了屋苑大門，心諗約在大門取完蛋糕可以直接去餐廳食飯再切cake。送貨當日中午先發現早一晚有email問清送貨地址，以為唔接受屋苑大門收貨？唯有俾番屋企地址。但之後就一直無聲無氣無回音。預約5點至6點收貨，過晒送貨時間都未有人聯絡，找網上客服俾左送貨司機電話，打去但唔聽電話，網上客服之後又已無回覆。唯有打去IFC店，店員幫忙聯絡staff溝通。呢位“送貨司機”最後打來話搭緊巴士就快到....係搭巴士！但40分鐘後都唔見人，決定放棄蛋糕出發去餐廳。然後送貨哥哥來到無人應門，竟然將個蛋糕就咁放在管理處！呢次消費感受太差！希望店舖檢視一下，有乜理由搵步兵送蛋糕？外判步兵由哪裡出發？係搭巴士，平日放工時間迫巴士，過程會唔會有太多風險因素？又話有staff覺得我寫錯地址，delete左我張單嘅送貨地址，你有顧客電話，點解唔直接打來？仲要email來email去。訂個生日蛋糕咁簡單都搞到咁亂一塌糊塗，完全影響顧客信心，幾好食都無用啦…查看更多

用coupon換的還是挺大的一個，有兩個人一齊share食的話份量ok吃起來好甜，但不至於很膩，不過還是需要人share，不然應該被甜到，吃不完蛋的質感很滑很順口，上面的焦糖份量和甜度跟燉蛋相配香草顆粒分佈不太平均，有些位置滿佈超級多香草粒，有些位置相對少，但焦糖、蛋香、香草之間味道的比例還是很平衡的提供了木羹加分，但那個盤子吃的時候不太好挖，吃完之後發現那個小盤子有點像煙灰缸盤子比較硬實，丟了可惜，只能放碎小物件…查看更多

好朋友生日，order 了earl grey cheese cake and mango cake, 雖則沒什麼高期望，但原來是極度失望。整體來講，只有甜味，其餘便沒有。earl grey，cheese，mango 味都不見了，像是$120買了幾粒方糖。texture 方面也沒有什麼特別，一般的cream，海綿蛋糕。至於賣相，正常，沒什麼特別。我說去美心聖安娜還好過。或者街坊麵包店那些。creme brulee 應該是唯一可點的。…查看更多

番工放lunch，禁啱經過呢間Paul Lafayet，見到個凍櫃啲蛋糕同布丁好吸引🤩就行左埋去睇👉🏻👈🏻揀黎揀去好似馬卡龍最方便食同埋細細粒冇禁有罪惡感😏😏揀左焦糖雲尼拿同埋紅莓味各一粒，仲買多左幾盒俾埋相熟既同事食☺️☺️最想讚既係職員好好人 好有禮貌同埋都好熱心禁幫手包裝，買左5-6盒番公司🥰🥰 同事都讚包裝得靚靚 食起上嚟好方便！係好好既下午茶選擇😌😌兩款口味都唔算太甜，仲會再幫襯架！🤩…查看更多

之前買咗Paul Lafayet crème brulee coupon,過咗期都食唔哂，要上網登記幾時幾點去邊間攞，我放工去ifc攞，外帶🥡埋黃糖，上次攞返屋企燒咗既黃糖熔咗，搞到周圍都係，返到屋企諗住攞打火機燒黃糖，屋企人話唔好，所以就咁摻上面食，有口感，甜，蛋好滑，正👍🏻…查看更多

呢個焦糖燉蛋真係好食，個質地岩岩好，又有好濃嘅蛋、奶、香草香，佢個口感都平衡得好好。自己都整到不過要做到同一個口感同平衝就唔容易。用買一送一卷等於25蚊一個好抵！…查看更多

呢間嘅焦糖燉蛋可以算係香港最好食嘅其中一間，而且分店好多，自己食過或者買過嘅分店都遍布全香港九新界。喺落咗單之後，職員就會喺雪櫃度即時攞出個焦糖燉蛋出嚟，然後用火槍即時喺面前燒到上面脆卜卜。燉蛋入口順滑，而且可以清楚見到入邊嘅一粒粒雲呢拿籽，真材實料，絕對係有質素保證👍🏻除咗焦糖燉蛋之外，佢哋都出名食馬卡龍。馬卡龍嘅款式都唔少，而且可以裝成禮盒，我自己最鍾意有時上人哋屋企做見面禮或者做飯後甜品都好有體面。…查看更多

由於午餐無得食，所以要去買下午茶，去左好耐無幫襯既Paul Lafayet。Paul Lafayet既甜品大廚曾於三星米芝蓮餐廳做野，用法國材料做正宗法式甜品，名牌子當然賣相味道都唔錯，不過每件小蛋糕價錢係$60。今日一口氣揀左4款唔同款式蛋糕試試。伯爵紅茶芝士蛋糕伯爵紅茶芝士蛋糕有白色朱古力鏡面，面頭有一粒迷你白色雲呢拿味馬卡龍，外面加有少少紫色花瓣。入面係芝士慕絲配伯爵紅茶同榛子糖粉餅底。芝士慕絲一貫又香又滑，伯爵紅茶味道就唔太出。迷你馬卡龍就好麻麻，無餡，得兩個字 - 癡牙！焦糖雲呢拿蛋糕焦糖雲呢拿蛋糕明顯見到有兩層，面薄底厚，頂層係雲呢拿奶黃醬，見到焦糖面，面頭有少少忌廉，底層係海綿蛋糕配焦糖內餡。呢件餅就普通d，焦糖味道主要係個面，入面焦糖味道唔出，無特別。栗子雲呢拿蛋糕栗子雲呢拿蛋糕有淺啡色鏡面，上面有一粒迷你白色雲呢拿味馬卡龍同白色珍珠波波。入面有滑溜香濃栗子慕斯包住少少雲呢拿慕斯同榛子糖粉餅。呢件餅栗子味濃，名副其實栗子蛋糕。迷你馬卡龍都係麻麻。特濃朱古力脆餅特濃朱古力脆餅有朱古力鏡面，入面清楚見到有4層，面頭有一粒迷你朱古力馬卡龍，迷你馬卡龍都係麻麻。最鍾意呢款餅既杏仁脆底，中間有朱古力海綿蛋糕，大部分係71％巧克力奶油，我鍾意呢件餅既脆餅口感，當然層次感其他餅店做得更出色（如Island Gourmet既Mozart）。個人口味排名：伯爵紅茶芝士蛋糕 > 特濃朱古力脆餅/栗子雲呢拿蛋糕 > 焦糖雲呢拿蛋糕不過總括而言，個人覺得同樣檔次既Dalloyau/Island Gourmet比Paul Lafayet更出色。By the way，呢度貌似朱古力牌其實係紙牌。兩件餅一個盒，隨餅奉送4隻木叉。…查看更多

A colleague bought me this Paul Lafayet Crème Brûlée as my afternoon tea.Crème BrûléeThis Paul Lafayet Signature Crème Brûlée was placed nicely in a heavy container marked with its name. There was silky smooth custard with fresh Madagascar vanilla, egg and it was topped with crisped golden caramelised sugar.  I didn't eat immediately as I was still full and the caramelised sugar had dissolved into liquid already. Yet the custard was really smooth and tasty. It tasted particularly great after being put in the fridge for a long time so that it was so so cold. Yummy despite no crispy surface.…查看更多

返工返到悶悶地，今日想食下甜品，慰勞下自己。近近地去咗公司樓下的Paul Lafayet, 我除咗鐘意佢地的馬卡龍之外，更鐘意佢另一個皇牌法式焦糖燉蛋。就買一個返公司自肥❤️法式焦糖燉蛋 ($50) - 由法國甘蔗糖、鮮忌廉以及馬達加斯加精選的雲呢拿籽製造而成的傳統法式燉蛋，滑溜內餡配上現場烘烤的金黃酥脆焦糖上層。食落有脆脆的焦糖，而個燉蛋就有香濃的忌廉同雲呢拿味，個質感係好滑。職員好細心會提一提要30分鐘內享用。價錢：$50 (少貴）食物：好食（最鐘意最上面的焦糖脆脆同食到雲呢拿籽， 真材實料）服務：快 (唔使排隊俾錢）…查看更多

去Paul Lafayet一定食過招牌creme brulee，今次試埋咖啡先。 Chocolate Croissant Set $43想點杯Americano提提神，發現早餐時段設有套餐，可選Americano/Espresso/Tea（細）配朱古力酥/原味牛角包，Americano 咖啡豆香濃，味道帶酸沒有苦澀味，為我帶來醒神的一個早上。 朱古力酥皮脆，咬落可見層層酥皮分明，仲有滿滿朱古力醬餡，配埋咖啡非常滿足。 現惠顧任何飲品均可享一個印仔，三個月內儲滿5個可享免費熱飲（細）一杯，10個印花更可享免費熱飲（大）一杯。…查看更多

今年香港嘅股市大插水，據之前有啲報紙報導，強積金2022年3月每人平均蝕$3,202，而單喺今年至今人均蝕$16,318，我呢啲打工基層，可能未必蝕咁多，但亦絕對唔會少，當然，希望晌退休之日，個市暢旺，收復所有失地之餘，更賺一大嚿嚟安享晚年。講到強積金，我嘅強積金無樣好，就喺生日會送上小禮物，今次又喺Paul Lafayet嘅蛋糕券（上年都喺），等小弟再嚐Paul Lafayet嘅滋味。食晏時過嚟揀餅，自然貨源充足，一櫃都喺大大細細嘅蛋糕，琳琅滿目，款款蛋糕都做得精緻亮麗，睇樣都已經好吸引，而是日手藝蛋糕有8款選擇，比上一年貴咗少少，賣$55件。高檔次即喺高檔次，雖然只喺一件蛋糕，仲要喺免費換領嗰種，由包裝袋到包裝盒都寧舍大體，不過，就真喺幾唔環保。問店員有無細啲嘅包裝盒，可惜喺無嘅。伯爵紅茶芝士蛋糕 $55一身雪咁白嘅外型，表面做得平滑而閃爧，細心啲睇，其實表面仲有啲螺旋狀嘅坑紋，而蛋糕頂更加添一小件迷你馬卡龍及少少食用花做裝飾，整體賣相確喺非常別緻、細膩，不愧出色嘅手工蛋糕。切開睇睇，基本上分為3層，最外一層喺口感如絲般柔滑嘅伯爵茶芝士慕絲，淡淡嘅伯爵茶香中，滲出鹹鹹哋嘅芝士味；中心喺榛子香味嘅軟心餡，非常軟滑，榛子味極為突出；而最底下，仲有層以果仁碎混和朱古力嘅脆脆底，令整體口感多變，味道紛陳有亮點。高質即喺高質，小小一件手工蛋糕，真喺食得出當中嘅手藝同心思！…查看更多

🦄🦄🎀IFC嘅甜品舖其實都幾多選擇嘅除咗有樓上lady m之外其實呢一間 蛋糕嘢飲都唔錯 呢度係主打法式嘅甜點有蛋糕呀🍴💄 馬卡龍同埋咖啡咁樣 咖啡做得出色馬卡龍口味選擇多非常的獨特我就最愛佢嘅玫瑰味 同埋荔枝味 另外佢哋嘅蛋糕做得非常之勢利出色美麗💞💓 見到就想食呀 同埋價錢其實都唔怪經常非常之有質素呀好可惜只係做外賣冇得坐低慢慢食嘅 不過佢都選擇好多而且都非常之差價錢親民 都唔使排隊品質有保證 幾乎次次行過都真係忍唔住要買一件蛋糕或者馬卡龍呀…查看更多

呢間舖頭嘅王牌，相信大家都肯定答係法式焦糖燉蛋😆購買之後，店員會用火槍即場燒表面，已購買後要注意響30分鐘內享用。由於買咗要30分鐘內食，所以買返公司做下午茶就一流😋呢間舖頭有段時間會出法式焦糖燉蛋套票，我每一年都有幫襯，因為買咗套票抵好多😝反正間唔使都會買來食，當然係買套票抵食😋店員服務有禮，每一次幫襯都會溫馨提示要30分鐘內享用，每一次食嘅質素都好穩定，係忙碌工作中好好嘅慰藉🤤做下午茶份量啱啱好😋…查看更多

今次到Paul Lafayet買生日蛋糕🎂， 到位於中環國際金融中心1樓的分店， 食過好多次這裏的馬卡龍， 反而蛋糕就是第一次。Rose & Strawberry Cheese Cake ( 玫瑰士多啤梨芝士蛋糕 ) $268 + Chocolate Birthday Plaque ( 朱古力生日牌 ) $20。 慕絲配上士多啤梨和玫瑰味， 淡淡的芝士香，面層有馬卡龍做裝飾， 粉紅色的賣相， 味道偏甜😅。 加$20 可以有朱古力生日牌， 但我覺得字體寫得不太美觀😏， 寫完之後生日牌只放在蛋糕旁邊， 打開蛋糕盒要自己動功夫將生日牌放在蛋糕上😲， 整體服務不太好。     Paul Lafayet地址: 中環港景街1號國際金融中心1樓1104B舖…查看更多