Owens (砵蘭街)

太子呢间人气爆棚嘅cafe， 食物同甜品都又靓又好食，性价比仲要好高， 难怪平日晚上都坐满。Set for two 抵食二人餐（$408）二人餐包括咗餐汤/沙律及饮品，两款主食、一款小食以及甜品，真系超抵。蒜蓉生蚝四只生蚝大大粒好新鲜， 仍然保留住少少海水嘅鲜味， 大量蒜蓉超惹味，食完觉得唔够喉。西班牙海鲜意大利饭有大大粒青口、大虾、鱿鱼及蚬肉，好丰富同鲜味。有别于正宗西班牙饭既酸辣风味，佢以葡汁作取代， 更符合香港人嘅口味， 好执渗透每一粒饭， 味道好浓郁好creamy， 但又唔会盖过海鲜嘅鲜味。香煎比目鱼扒比目鱼扒色泽金黄， 外皮煎得非常香脆 ，内里鱼肉鲜嫩滑润，煎嘅火候控制得好好，保持咗鱼肉嘅鲜甜同嫩滑， 简简单单嘅调味已好食。 酥炸鱿鱼须（+$28）咁嘅价钱咁嘅份量真系超抵食，脆卜卜又弹牙， 表面洒咗海苔粉，加上他他酱， 一条接一条食过不停。意式白酒煮蚬（+$38）蚬肉鲜嫩无沙，蚬汁清甜，白酒既醇香令蚬肉更提鲜，酒既香气同蚬既鲜美相得益彰。牛角窝夫配雪糕一上枱已经充满牛油香气，好香好吸引， 牛角窝夫非常酥脆，外脆内软。 雪糕嘅软滑与牛角窝夫嘅酥脆形成绝妙对比， 冰冻嘅雪糕与温暖嘅牛角窝夫带比人唔只双重嘅享受。开心果麻糬提拉米苏(+$48)餐厅嘅招牌甜品，几乎见到每一台都有叫。 表面布满咗大量新鲜嘅开心果碎，好有咬口，中间系开心果酱mousse， 口感顺滑浓郁， 包裹住一粒粒非常烟韧Q弹嘅麻糬， 最底层系tiramisu蛋糕，咖啡与酒香融合得刚刚好， 味道同口感嘅层次都极丰富！…查看更多

每次经过 Owens 都好想去食，但总系食饱先见到依间，一于决定今日去食个lunch先～入去餐厅，地方虽然唔系好大，装修带欧陆风格，环境感觉悠闲，是舒适嘅用餐地方。睇睇餐牌先，午餐有多款选择，包括纽西兰顶级肉眼牛扒、美国BBQ酱手撕猪肉烤饼、泰式猪颈肉、烧羊架、全日早餐等，套餐包是日餐汤或沙律及饮品，餐汤升级法式蟹肉龙虾汤+$38、特饮、小食同甜品。法式蟹肉龙虾汤        (+$38)餐汤升级系法式蟹肉龙虾汤，阵阵龙虾味散发出来，非常香浓，口感幼滑，蟹肉鲜甜，真不错。纽西兰顶级肉眼牛扒          $132摆盘好吸引！牛扒都几厚身，要左七成熟，火喉控制到啱啱好，入口juicy，肉质鲜嫩有咬口，外层烤至焦香，牛扒带独特嘅香烤气味，令牛扒最原始嘅味道散发出来，沾上特制酱汁更滋味，配搭爽滑嘅意粉，好喜欢。香烤鸡扒全日早餐            $98All Breakfast 食物种类丰富，包括有外脆内嫩嘅烤鸡扒，肉味浓又爽脆法兰克福肠，嫩滑炒蛋，爽口浓郁嘅烤啡菇，酸种法包脆口牛油香，沙律菜翠绿鲜爽，配埋微酸嘅黑醋汁更开胃，清甜烤蕃茄，每款食物好新鲜，多重口感享受。芝士/蒜蓉焗生蚝          (+$68)焗生蚝点左两款口味，芝士及蒜蓉，焗蚝外面铺满蒜蓉，上碟时离远已经闻到阵阵蒜蓉香，惹味十足。芝士焗蚝口感非常creamy，香浓芝士味又唔会抢左生蚝味道，带咸鲜味。每只生蚝外形饱满，入口鲜甜juicy，好美味。蜜糖柚子鸡翼           (+$38)炸至金黄香脆，肉质嫩滑，配上蜜糖柚子酱汁，咸咸甜甜又好夹。伯爵茶麻糬提拉米苏          (+$48)超钟意伯爵茶嘅我，估唔到呢度连Tiramisu都有伯爵茶，面层有好多咖啡粉，香味浓郁，中间系麻糬，烟烟韧韧，蛋糕软绵，伯爵茶忌廉口感轻盈，茶味及奶香浓郁，醇厚且层次丰富，令人无负担享受天然美味。士多啤梨忌廉蛋糕          (+$28)蛋糕质地带少少湿润感，食落入口即溶，忌廉口感轻盈幼滑，士多啤梨香甜，令每一口都充满甜蜜滋味。香茅生姜蜜，呢杯系冻，香茅同生姜很配，味道微辣，混合蜂蜜带清甜，饮完好润喉。冻柠檬茶，红茶清香，解渴解腻。…查看更多

🍽️太子Owens人气爆灯！午餐丰富精彩⭐️纽西兰牛扒＋人气甜品大满足😋聚会推介，打卡靓位CP 值满分真系近期太子区最火热必揾美食呀！✨一入店就感受到暖笠笠气氛，木系装潢又时尚又舒服，打卡影相劲靓！无论同朋友聚会，定系一个人chill下都超啱～📸菜单选择真多！甜品超有名，每款都好吸引，真系令人忍唔住全部想试晒。今日我份午餐都够晒丰富：午餐套餐跟汤或沙律，再跟餐饮，仲可以加order人气甜品，好爽！纽西兰顶级肉眼牛扒配薯条同蔬菜，牛扒肉味浓郁，肉质juicy又有弹性，色香味同新鲜感全部爆晒灯，真系邪恶又好味！烤鸡扒全日早餐，都好正！有齐烤鸡扒、啡菇、法兰克福肠、烤蕃茄、炒蛋、哈密瓜、酸种面包、田园沙律，份量超足够，食到好满足～白酒煮蚬都唔可以错过，蚬肉鲜甜，酱汁好鲜味，连汤都饮埋，好开胃！甜品就真系全店焦点：朱古力心太软，外脆内流心，仲热辣辣，加埋雪糕同忌廉，绝配😍。睇住朱古力慢慢流出嚟，简直心动level💖！开心果Tiramisu,超丰富，满满开心果碎＋烟韧麻糬内馅，香浓唔腻，别具特色。伯爵茶蛋糕，蛋糕底松软，忌廉唔会太腻，配埋香浓伯爵茶味同微微嘅橙香，清新又有层次。再配杯冰冻柠茶，整个lunch好完美！🧋无论系想揾地方食饭聚会定打卡影靓相，Owens都系太子必去！大家记得mark低，等你一齐嚟开餐！…查看更多

出去食亲西餐一定要叫意粉，重点个意粉要劲多汁，依间餐厅煮嘅意粉完全合我心意，所以间中我就会约朋友黎依度食饭平日收工黎到好彩唔系等好耐，等左阵就入座，无论意粉或主菜，都会跟埋是日餐汤或沙律同野饮，另外加钱仲可以追加小食同甜品叫左个黑松露软壳蟹意粉，软壳蟹炸得几酥脆，食落唔会觉得好油腻，每条意粉都挂左满满黑松露汁，意粉质感爽顺弹牙，个汁够浓郁，放左阵啲汁都唔会干左，依然保持到个意粉好creamy，真心好食主菜叫左份美国安格斯肉眼牛扒五成熟，伴左薯仔粒同蕃茄仔，牛扒煎得几香，肉质食落软熟带牛肉浓郁味，中间仲有少少血水，但食落某啲位带少少筋，但可以接受，整体味道同煎得唔错追加左个小食脆炸鱿鱼须，每条外层都有紫菜碎，个皮炸得几薄脆，鱿鱼须够哂肉厚烟靭，点他他酱食好夹，够哂惹味香口餐茶叫左两杯冻柠檬茶，食完主食饮完野就追加左甜品，分别加左伯爵茶麻糬提拉米苏同朱古力麻糬蛋糕，个提拉米苏混左伯爵茶香味，食落好软滑，茶味好香浓，中间夹杂左软糯麻薯，多左个口感更加丰富。朱古力麻糬蛋糕中间夹杂左软滑忌廉同浓郁朱古力粒，仲有一粒粒麻薯夹杂喺中间配埋松软蛋糕一齐食好正，甜品必叫…查看更多

今次约左个朋友出黎聚下食饭，大家都要凑仔，拣左方便大家去既太子食饭，佢拣左呢间西餐厅都开左一段时间食过话好食，所以想再黎食😄Set for two（$408）餐汤&沙律首先每人可以拣沙律或餐汤，沙律系胡麻酱沙律，餐汤就系忌廉汤，餐汤有少少杰，我自己钟此胡麻酱，所以觉得拣沙律好 🥗🫕头盘蜜糖柚子鸡翼4只蜜糖鸡翼整得好香好食，个蜜糖包住鸡翼表层好正，柚子味就唔算出，比较系装饰功用🐥薯条三兄弟（+$38）佢系分开三袋既薯条，薯条新鲜炸出，提供唔同既酱比你点，基本既茄汁都有🍟西班牙海鲜意大利饭呢个海鲜饭既海鲜都系大大份布满个碟，有鱿鱼，蚬，青口同大虾，鱿鱼新鲜唔韧咬得开，蚬同青口都系算大只，亦都冇沙又好食，意大利饭系偏硬但未算好硬，煮得比较系适合香港人口味🦑🦐美国安格斯肉眼扒肉眼扒既肉质都几靓，我地拣左7成熟，里面仍然系粉红色，都充满肉汁，有两款牛扒汁调味🥩餐饮蓝莓乳酪（+$21）蓝莓乳酪系特饮，跟餐半价就可以转，佢个面有色彩缤纷既脆脆，好岩打卡，味道都好香浓既蓝莓味，口感幼滑🥤热柠檬柚子蜂蜜呢个就跟餐包埋，冇咩特别，正常热饮一杯☕️甜品窝夫雪糕跟餐包左有窝夫雪糕，都系有彩色脆脆整靓佢，雪糕连埋窝夫食口感唔错🍨蓝莓芝士蛋糕（+$38）个芝士蛋糕卖相几靓，面头铺上蓝莓酱同蓝莓，芝士蛋糕好滑，个蓝莓酱又唔会过甜🍰 Tiramisu（+$48）Tiramisu系我朋友指定话要黎食既野，佢唔止个样吸引，味道都好正，果种咖啡味好香滑，同埋里面几松软😋今餐我地食得好丰富，甜品都叫左3样，食到劲饱都系$600左右，但无计，我地样样野都想食，个二人餐又抵食，加下加下咁就饱晒，我觉得唔算贵之余野食都好，特别甜品系我地较欣赏既环节🥰…查看更多