Outdark (H8)

营业中

休息中

朋友從加拿大返嚟好耐冇食過韓國嘢朋友之前呢一間喺韓國首爾食過 覺得佢啲炸雞超正所以就上嚟試咗呢一間outdark 上到嚟都見到佢餐牌有介紹 已經係10年老店佢呢度啲炸雞寫到明有450 gram 所以真係好大份我哋嗌咗雙拼炸雞 甜辣炸雞拼香蒜蜜糖炸雞☺️啲雞嘅份量好多 每隻味都有四至五舊而且佢嘅炸粉唔厚 炸得好酥脆佢嗰個甜辣醬味道偏甜 比較適合我呢啲唔係食得辣嘅人香蒜蜜糖嗰個就蒜味好濃另外佢啲薯格同埋薯條 都有啲芝士粉喺上邊成件事加晒分🤪🤪另外朋友想食一啲辣小小嘅嘢，所以就嗌咗個辣炒豬肉辣炒豬肉 佢會配埋一個Gas爐 keep住溫度同煮溶啲芝士呢個辣炒豬肉味道超濃 如果食得辣嘅會鍾意多啲另外佢側邊啲芝士粟米 烤到焦焦地都好惹味另外我覺得佢哋嘅 Blueberry 乳酪 味道超濃 又係值得一試嘅除咗嘢食之外，我覺得佢呢度嘅環境都幾靚11月尾已經有晒聖誕嘅裝飾同氣氛啦同埋佢有一個同心鎖既牆都算係幾有特色

今天朋友說想吃韓國菜，於是我們便去了尖沙咀這間餐廳吃午餐。原味炸雞（半份）：炸雞具有金黃色的外皮，炸至酥脆，咬下去時能感受到外皮的脆爽，讓人食指大動。內裡的雞肉十分鮮嫩多汁，經過醃製和油炸，保持了肉質的鮮美與鮮嫩。每一口都能感受到雞肉的鮮味。海鮮蔥煎餅（$138）：海鮮蔥煎餅的外皮煎得金黃酥脆，咬下去時能感受到香脆的聲音，使整道菜品口感誘人。海鮮餡料包括蝦仁、魷魚，搭配新鮮的蔥花，帶來海鮮的鮮美和蔥香的層次感。新鮮的海鮮使煎餅的味道更加提升，並增加了豐富的蛋白質。烤牛肉炒粉絲（$118）：烤牛肉的焦糖色与粉丝的透明感形成鲜明对比。烤牛肉散发出的香气浓郁，搭配炒制后粉丝的诱人气息，令人垂涎。牛肉的鲜美与调味酱的咸香相得益彰，粉丝吸收了肉汁和调料的味道，滋味丰富。烤豬梅頭肉（$198）：梅頭肉是豬頸部的肉，肉質嫩滑，有適中的脂肪，烤製後能夠保持肉汁的鮮美。烤梅頭肉外皮微脆，內部則鮮嫩多汁，嚐起來非常令人滿足。適度的脂肪讓肉質不會過於乾柴，增添了風味的層次感。

Outdark 一向係食炸雞同韓國料理的好地方，已經係第n次再食，餐廳環境依舊行浪漫風格，可以黑暗中進食牛肉飯捲：超足料，飯捲入面有齊酸蘿蔔、甜牛肉、紅蘿蔔絲同埋生菜，好香麻油味甜辣醬韓式炸雞：保持到高水準，炸雞好香脆，同個酸甜醬好夾，仲配埋炸薯條同薯格海鮮煎餅：表面煎到好香脆，入面有好多韮菜同魷魚片，但偏油韓式粉絲：超好食，好香濃嘅麻油味道，粉絲好軟身得黎又好煙韌，味道甜甜哋，愈食愈順口，會不知不覺咁食晒

好多年前拍拖嘅時候食咗一次，都記得幾好食，不過一直冇再嚟。今次適逢有朋友嚟香港玩，就帶佢哋去咗食呢間嘅炸雞。炸雞好好食，外脆內軟，側邊嘅芝士又好豐富，煎蛋亦都好好味。店員非常友善，見到我哋有小朋友，主動提供BB凳。

星期六訓到自然醒，同個韓迷朋友去左尖沙咀呢間人氣韓國餐廳，食物都係由韓國人自家主理，店內環境浪漫抬頭星夜滿天，臨近萬聖節🎃仲有好多可愛裝飾，食得好開心呀！串串魚糕湯韓國街頭小食，魚糕湯用上鰹魚湯底好清甜，材料好豐富，有魚糕串，青口，獅子狗，香菇，金針菇，野菜……魚糕串好香好彈口, 蘿蔔炆得好淋好鮮甜, 一D都唔油膩。炸蝦飯捲賣相吸引，有十大件，餡料有炸蝦，蘿蔔絲，醃蘿蔔，雞蛋和青瓜，炸蝦口感鬆脆，入口好清新又開胃！水冷麵蕎麥製成的麵條，配菜有白蘿蔔和泡菜。會放上蘿蔔、青瓜絲、水煮蛋等，亦可根據喜好加入芥末和醋調味，口感冰涼又清新！柚子米酒 食韓國嘢點少得飲米酒！柚子味香濃加入少許碎冰，口感非常清新清爽！

最近睇得韓劇多搞到好想食韓國菜！所以就立即諗到Outdark！燈光好有氣氛~都會播住KPOP。不過位置有限同埋都好Full下（大家如果想食記得Book位啊~）食物價錢同分量都超級成正價比，又好食！※海鮮煎餅 $138煎餅完全唔會好油~再拼搭埋佢個醬汁好好食！餅亦都唔會好多麵糊（之前食過其他麵糊太多好難食）佢地都會切開方便大家同朋友分享~海鮮有八爪魚同蝦~再加埋蔬菜。食到停唔到口，特別係邊邊位置口感好好~※海鮮炒年糕 $328海鮮分量好充足，超級大份好適合打卡！十分豐富~有原隻大大炸魷魚、炒年糕配菜 鍋邊仲有紫菜飯，芝士粟米，菠蘿粒同泡菜。炸魷魚炸時間剛剛好,唔會過老搞到魷魚好硬，粉張都唔會好厚，食落去都唔會好油膩。剪開整體黎講都唔會炸皮同魷魚分離。至於個炒年糕都唔會好辣，醬汁都比例好好 唔會過甜或辣，加埋年糕都唔會好韌。仲要比個爐你煲住唔會凍~

Outdark (尖沙咀H8)之前食過佢旺角個間分店，一直對佢既海鮮煎餅有個好好既印象，最近想食韓國野即刻又諗起佢。半半炸雞 （甜辣炸雞 + 香蒜蜜糖炸雞） （$208） 上次無食到佢既炸雞，今次就黎試試。甜辣 口味真係好辣下，唔太食得辣既朋友，我都係推薦你食香蒜蜜糖口味多啲。雞既份量真係好多，我地兩個人飽到不得了。海鮮蔥煎餅（$138） 配菜既份量好多，每口啖都好滿足。而且重點煎餅唔會好厚，唔會食落一pat pat咁，煎得好香口之外又唔會太過乾爭爭。好好食！！！炭豚炒粉絲（$108）睇落好似好簡單，但炒得好香好好食！西柚梳打（$48）

Outdark一直都幾有名氣，今日專程同朋友上黎試下係咪真係咁好食。一上到黎真係嚇親，星期四既晚上竟然都坐無虛席要等位，今時今日已經好少見喱種情況，咁即管等下睇下係咪咁值得因為我地只有2個人，所以入到去都保守先叫左兩樣野食：雙併炸雞 表皮金黃香脆，雖然價錢只係$200但係嚟到嘅份量真係多到嚇親，本身炸雞仲已經配左薯格，仲好食過連鎖咖啡店以前出名嘅薯格。蜂蜜蒜蓉炸雞比想像中話濕，但係並唔影響炸雞脆嫩嘅口感，甜酸醬就味道合乎想像😋，好味。海鮮蔥餅 薄薄的餅身包著豐富海鮮餡，而且好鍾意佢有勁多蔥得黎做到嗰種爽脆嘅口感，配埋特製醬汁，正！士多啤梨奶昔 奶味重，仲有一種雪糕嘅味道，鍾意士多啤梨牛奶必試。檸檬梳打 酸甜清爽，個人覺得好適合配炸雞飲，因為比較清新冇負擔，飲完我仲加咗個無糖可樂落去變咗做凍檸樂。食完一次就知道點解呢度星期一至五都會座無虛席，價錢抵食又好味✌🏻

海鮮煎餅最推薦嘅係海鮮煎餅👍 滿滿嘅新鮮海鮮同煎得好脆嘅餅，沾上自家製醬汁，味道更加有層次，一上就清左🤣玫瑰忌廉海鮮炒年糕個人好喜歡Rose 火雞麵，呢隻醬汁同佢好似😍 辣辣地好香奶味，不過當然冇咁辣，應該大家都食到，入面好多料，最吸睛當然係中間大大隻嘅炸魷魚，裏面仲有魚餅、年糕、蝦仁、椰菜、等等，配上醬汁一流🤤個鍋隔離有粟米芝士、泡菜、香腸仔、紫菜飯，如果兩個人係食一個鍋已經好飽🥹烤牛肉配冷麵洋蔥同牛肉燒得好香，調味好惹味，冷麵可以自己淋上醋同芥末醬，完美還原以前去韓國旅行食過既味道😋烤豬肉（鹽味）豬肉燒得好香又保持嫩度，只有簡單既鹽做事先既調味，已經完全帶出香氣，點上佢既醬汁就會重口味小小。我地叫左份生菜黎包肉，配上金汁菇、辣椒、蒜頭、蔥，超好食🤤芒果米酒好香既芒果味，酒味吾重好易入口，只有6度，推薦大家試下✨

尖沙咀的韓國Outdark過江龍炸雞店，是與朋友聚會的好地方。餐廳位於H8韓國菜樓上，環境昏暗而有氛圍，令人感覺輕鬆自在，適合享受美食的同時放鬆心情。先來到的飲品是藍莓乳酪，水果飲料入口清新可口，藍莓的酸甜與乳酪的滑順相得益彰，十分適合作為開胃飲品。另外仲有熱情果梳打，飲品顏色鮮艷，味道酸甜適中，熱情果的香氣更令人忍不住多飲幾啖。主食分別叫了兩款炸雞，先來半份無骨炸雞，選擇了甜辣口味。炸雞外皮酥脆，肉質鮮嫩，甜辣醬汁的味道恰到好處。芝士炒雞則是另一道餐廳必試的佳品，份量不但大大份，足以三至四人享用。餐牌上更仔細配合適用方式。濃郁的芝士與嫩滑的雞肉十分配合，口感滑順，令人驚喜。最後，水冷麵是一道消暑的選擇，涼爽的麵條搭配清新爽口的湯底，十分有韓國風味。

簡結：味道 極好環境 極佳韓意 甚重朋友推薦，Double Dating!! 第一次食這餐廳。這次用餐很驚喜，首先是食用味道很好，食材新鮮，不是用醬料蓋過味道，仍能吃到食物本身的鮮味。而份量4人用剛剛好，個人覺得相對其他韓餐廳來說份量較多。 食物：**大推他們家的牛肉冷面 , 牛肉燒得非常香口 / 海鮮炒年糕都要大大力推 , 整隻炸過的魷魚上 , 店員會把它剪開 , 沾上盤中燒熱過的汁和芝士 , 相當配 !! / 當天點過的基本都是好味的 , 放心跟著點 !! **飲品：我們4人點了一份大的Makgeolli , 超好喝 !! 平時不喝酒的朋友都讚 !! 也是份量剛剛好。用餐時是10月，餐廳每處已經佈置了很多Halloween的裝飾品，就每台的燈罩上都貼上蝙蝠的貼紙，窗戶的廉是拉上的（終於知道為什麼叫OUTDARK), 上面掛了一些蜘蛛和蜘蛛網。老闆佈置得十分仔細 !! 這種環境給情侶約會十分合適 !!需要餐廳內的桌子都是以卡位形式擺放，有4位和2位，空間感很好。必須再去 !!!!

朋友仔由英國返黎想食韓國菜，就揀左呢間在openrice 排名高企嘅韓國餐廳。由於早左成個月訂左位，我地一行四人去到直入，毋須等位。去到時大家身水身汗，但冷氣好唔給力，叫左侍應調高都無用。我地點左雙併炸雞、烤牛肉水冷麵、泡菜煎餅、炭豚紫菜飯捲、兩杯柚子梳打和兩杯Fresh Strawberry。第一碟上嘅係水冷麵，酸酸地又夠凍，飲埋啲湯，用黎降温仲有效過個冷氣。之後嘅煎餅同紫菜飯捲都好味，但唔算好驚喜。炸雞揀左Honey Garlic and Sweet Spicy，兩種都好味，Sweet Spicy辣度適中，但我更愛Honey Garlic嘅惹味。成碟嘢份量超多，又有薯格和薯條，我地最後都係食唔晒。Fresh Strawberry清甜唔漏，非常好飲。同場好多後生仔女，比較熱鬧，傾計都唔係聽得好清楚。因為堂食限時90分鐘，食完唯有轉場再繼續吹水。

其中一間會encore既韓國餐廳由韓國人主理 自家製菜式有氣氛 好熱鬧 人山人海已經食過好幾次不過有d items eg 豬手 好似都未試到只限晚市供應 數量亦有限可能要預早電話訂定？！另外 原本想食既菜包肉都冇晒...唯有下次早d到店員比較難分辨 個個都著便服 差d叫錯客人海鮮蔥煎餅 $138這是一個少量海鮮和大量野菜結合而成既傑作！煎餅煎到脆口 唔算太油膩 調味剛好如果多d海鮮 會更開心炸醬面 $118必點！配料巨多 同面既比例1：1少有炸醬面加左豬肉以前好似係豬肉粒宜家變左豬肉小片醬濃 面質彈牙 配韓國黃瓜 絕配！小食年糕腸仔串 $38微辣年糕外脆內軟烤豬梅頭肉 (鹽味) $198鐵板上枱 咋咋聲唔洗自己烤又食到烤肉 懶人表示很好厚切豬肉 口感軟嫩底部鋪滿金菇必加$20 蔬菜盤 連包肉醬生菜包 ( 點醬烤肉 + 蒜片 ) = 滿足！

由韓國人自製同主理嘅menu，完全食出韓國味道同氣氛炸雞做到喺韓國當地食一樣，皮脆肉嫩，醬油味同香蒜蜜糖味都好開胃，仲有大量著格同著角，夠晒邪惡正宗韓國烤肉食法，生菜包住又香又淋嘅梅頭豬肉，夾埋金菇、蒜片、椒同汁，味道口感豐富勁足海鮮同香蔥嘅煎餅，啖啖都食到好多餡料，汁加咗芝麻勁香粉絲好好𡁻好彈牙，烤牛肉好香口，炒埋一齊勁夾水冷麵配豬肉，覺得Outdark嘅肉整得好出色，味道香口感好，完全唔韌，冷麵亦好有咬口飯捲包滿各種餡料，又係啖啖爆餡，大滿足藍莓乳酪同柚子茶，勁足料勁濃味，飲完想encore餐牌圖文並茂好吸引，食物味道好份量足，性價比高，氣氛同環境令人感覺好放鬆，Outdark仲提供相機俾客人影相，即時留住同朋友嘅美好時刻，值得一讚！

聽聞Outdark menu由韓國人自家主理，正宗韓國味道，韓國人店員英文溝通完全冇問題，亦有本地店員，服務好好，食物味道同賣相都一流雙拼炸雞($208) - 我哋揀咗醬油同香蒜蜜糖味，醬汁味道啱啱好，濃得嚟唔會太咸同膩，啲雞又滑，口感同味道都好好，薯格同薯角炸到脆卜卜，好正海鮮蔥煎餅($138) - 啖啖都食到多款海鮮同香蔥，餅底唔會太粉，有咬口，口感好豐富烤梅頭豬肉($198) - 我哋揀咗鹽味，梅頭豬肉味好香，簡單鹽味加少少汁已經好好食，我哋加咗$20配一盤生菜香蒜同其他香料，夾埋生菜、金菇、蒜片同點埋汁，味道一流紫菜飯捲($98) - 揀咗烤牛肉味，啖啖都食到滿滿嘅餡料，飯粒粒分明煙煙韌韌，食得好滿足水冷麵($138) - 配Pork Bulgogi，豬肉炒得好好食，軟腍唔韌，冷麵口感煙韌彈牙，加埋青瓜、梨同醋食，勁開胃炒粉絲($138) - 揀咗配烤牛肉炒，粉絲炒得好出色，唔會太油，順滑爽口，配料好足藍莓乳酪($48)、熱情果梳打($48)、蜜糖柚子茶($25) - 飲品味道濃郁，大大杯勁解渴餐牌嘅選擇勁多，好多唔同種類同款式，眼花撩亂，樣樣都想試Outdark環境同氣氛好好