Outdark (H8)

营业中

休息中

約了大學同學食飯，為了方便大家，選了尖沙咀，記得好耐之前食過旺角分店，印象不錯，所以就揀呢間啦星期日生意不錯，坐無虛席，裝修都幾浪漫今次叫了串串魚糕鍋，芝士炒雞，泡菜餅，原本叫了牛肉飯卷，但因為漏單，唔等了🤣串串魚糕鍋都幾大鍋，份量都唔少，有gas爐煲住，幾啱冬天食，感覺食完會暖笠笠🥰芝士炒雞，好睇又好食，超多芝士，配料都多，有蛋，泡菜，紫菜飯，又係有gas 爐，突然間覺得張枱好細😂，首先要加熱融化芝士，之後店員會過來將雞肉同芝士混在一起，份量都幾多，幾滿足泡菜餅都不錯，值得叫雖然我哋唔係食炸雞，但係啤酒唔少得，見到hoegaargen做特價，188 for 6，98 for 3，最後都係叫左9支，盡興而歸韓國菜來說，呢間都係唔錯既選擇👍

一直都好想再去韓國旅行，可惜時間就唔到，唯有搵韓國餐廳止止痕，朋友介紹去厚福街Outdark，無論環境同食物都非常韓式。芝士炒雞材料好多非常大碟，除左雞肉仲有爐邊蛋、泡菜、菠蘿、紫菜飯，職員仲會即場煮熱芝士，嫩滑的雞肉和濃郁的芝士包裹住，雖然好邪惡，但真係好好味。炸醬麵另一樣好有韓國風味食品，醬汁濃郁不油膩，麵質口感彈牙。原味炸雞炸雞係其中一樣韓國菜既關鍵，炸雞熱辣辣，唔會有多餘油份，咬落口外皮香脆，雞肉超多汁嫩滑，貼心既地方係可以叫半份，唔駛驚太多食唔哂。海鮮煎餅海鮮份量多，新鮮味美，煎餅加上特製醬汁，食哂成份都唔會好飽滯。

一入門口已經好有韓國的感覺滿滿的情人鎖及好多楓葉店名 Outdark原來好有意思～～店入面全場走浪漫路線掛左好多星星係上面叫左芝士炒雞 一份 $328 份量好多好抵食入面有蛋捲 / 韓國炸雞 / 車打芝士 / 菠蘿 / 泡菜 / 紫菜芝麻飯一黎到會先煮5分鐘 等芝士溶化跟住店員會過黎攪拌芝士變成可以拉絲的芝士韓國炸雞味道好濃郁好好味店員仲會幫你將旁邊的蛋捲仲會翻面 服務好貼心芝士加埋紫菜飯都好好味叫左一杯Mojito 一杯柚子梳打兩杯都係無酒精 連攪拌棒都有星星 味道剛剛好 唔會太甜同店內裝潢好襯最後連張單都係寫韓文真係好似置身在韓國一樣

尖沙咀最多好野食既地方一定係H8，今次同朋友黎到17樓既韓國餐廳，入到黎見到成個天花都係星星月亮，即卡有一種韓劇約會既浪漫！😙辣炒豬肉食韓式料理要點辣炒豬肉就必點啦！辣度岩岩好！唔太辣又夠惹味，食左好多都一啲都唔會膩！加埋有爐一路煮熱啲芝士，點埋落芝士度邪惡拉絲！正！豬肉肥瘦適中，食落唔會難又有豬肉味！旁邊仲有紫菜飯、菠蘿、泡菜可以解膩！兩個人食一盤岩岩好！🤩韓式烤牛肉韓牛出晒夠好食！牛味好夠！加埋下面有金菇吸晒啲牛油同汁、上面又有韓式年糕，食落都好有滿足感！🤗食韓國野一定要飲啤酒啦！估唔到仲有優惠價，一支落肚真係乜野煩惱都唔記得晒🤭🤭

呢間韓國過江龍炸雞店🇰🇷由釜山開到嚟香港 一直都人氣高企👍🏻有炸雞、鍋物、飯捲等供應全部都好高質呀💯-🔸雙拼炸雞（$208）雞隻由韓國進口每件都啖啖肉揀咗香蒜蜜糖配醬油口味炸雞包滿香蒜蜜糖醬蒜味香濃可口🧄仲帶有甜甜嘅蜜糖味🍯味道層次豐富呢！而醬油口味鹹中帶微甜肉汁豐富，超讚！另外仲有大量薯格、薯條同薯片🥔香脆軟綿呢！🔸Grilled Rice Cake（$38）一碟有12件兩款唔同口味咬落煙韌唔痴牙喔❤️🔸炸蝦飯捲（$88）飯捲卷得好實淨餡料十足👍🏻主角炸蝦香脆可口🍤而紫菜面頭搽咗芝麻油非常惹味呀💕🔸柚子梳打杯底有好多柚子果肉好有咬口呢！🔸青蘋果梳打酸甜清爽，冰涼解渴呢！

最近睇韓劇睇得多，都好中意食韓國菜，今日放假一於同朋友一齊食。原味炸雞炸雞炸到外皮香脆可口，肉質嫩滑多汁，一點都唔鞋，仲有薯條同薯角，新鮮熱辣辣。炸醬麵炸醬味道咸香鮮甜，唔會過咸，麵質爽口有彈性。海鮮煎餅煎餅粉漿薄身，煎到外面焦香脆口，材料好多，海鮮有八爪魚和蝦鮮甜爽口。芝士炒雞芝士份量多，creamy濃郁，炒雞嫩滑，味道香辣可口，年糕煙煙韌韌，雞蛋蛋香濃郁。西柚梳打味道清新，酸酸甜甜，份量大杯，配埋炸雞好爽。

星期六來到尖沙咀的厚福街，本想排下街角間打卡店，突然雨越落越大，便同朋友轉場，搵間餐廳坐下先。朋友愛食韓國菜，便醒起H8裏的Outdark，食過幾次都覺得佢幾好，就食佢先。店內還是一如以往的黑😆仲多左唔少萬聖裝飾，揀左張排位坐，店員提醒用餐時間90分鐘。點了一份炒年糕的海鮮口味，再加野飲，記得呢間餐廳嘅餐點好大份，食落唔夠先再加單好了。等左一陣就上菜，中間是炒年糕，旁邊有紫菜飯、芝士、泡菜同菠蘿🤤店員會幫手將炸魷魚剪細，剪完仲排返靚㗎👍魷魚炸得香脆，年糕煙韌，中間仲有魚糕、蝦仁、小元貝，甜甜辣辣幾好味。紫菜飯烘得香脆有飯焦口感，芝士瀜完再硬返，似食芝士片咁好正，菠蘿甜甜的正好中和下，唯泡菜略微偏鹹，唔太適合空口食。飲品叫了柚子疏打同士多啤梨奶昔，微甜夠冰涼，同呢份炒年糕盤好夾👍食品果然好大份，一盤就飽左。人均消費二百幾，都幾抵食吖，張單價錢出多三個零😆第一眼真係嚇一跳㗎。

自從上個禮拜食咗一次伏味炸雞之後，呢幾日真係好想食好味又有水準嘅炸雞🌟即刻諗起一段時間冇嚟過嘅Outdark❗️所以今個Weekend特登同老公出來尖沙咀 outdark 食lunch 🥳一到達餐廳樓層就見到壯觀嘅彩色鎖牆❤️微暗嘅燈光同埋星星燈吊飾🌟營造出浪漫/camping嘅氣氛，好適合情侶拍拖傾偈/朋友聚會❣️雙拼炸雞 全份 $208我哋今次叫咗➡️ 甜辣炸雞➕香蒜蜜糖炸雞❗️新鮮即製嘅無骨香脆雞塊沾上香濃嘅甜辣醬/香蒜蜜糖醬，咬落啖啖肉，點食都得，唔怕食起上嚟冇晒儀態🤭我個人就鍾意香蒜蜜糖醬汁多啲🥰配埋大量以芝士粉調味嘅熱脆薯條/薯塊，成碟炸雞真係既邪惡又滿足❣️🥢烤牛肉飯卷 $88好清楚可以睇到晒所有配料🤓各樣餡料的份量也控制得宜💯除咗牛肉之外，仲有雞蛋、青瓜、黃蘿蔔、紅蘿蔔絲、醃牛蒡，一客有十件飯捲❗️一個飯卷一口，味道討好，口感非常豐富🥰🥢豬肉炒粉絲 $93眼見配料都唔少🤩洋蔥、青椒、蘿蔔絲、香菇、黑木耳都有，非常足料❗️而且炒得唔油膩👍🏻 Mango Ade $38Ice Peach Ade $38

Outdark (厚福街) (尖沙咀)尖沙咀厚福街8號H8 17樓。Outdark相信好多人都食過，佢開左咁耐都係人氣高企～ 連我自己都食過好幾次啦 ☺️。每次入黎都見到滿天星星都有情調 ❤️ 門口仲有鎖牆寫左滿滿心意。炭豚kimbap ($88)Kimbap基本上我黎親都會食，一口就食到曬唔同材料🤭 有飯有菜有肉，唔小心食多左兩件都幾飽肚架 😯。韓式烤牛肉（$98）建議另外叫一碗白飯一齊食，勁match! 🫡 鐵板熱辣辣彈住油咁上，夠曬鑊氣，入面除左牛肉仲有年糕、金菇、酸青瓜，好好味 😋。海鮮炒粉絲（$103）海鮮份量同粉絲係1:1，每啖都食到滿滿海鮮，海鮮控必食 🦐 。Blueberry Milkshake ($48)好足料嘅一杯milkshake，唔甜味道香濃 。

之前已經嚟咗幾次，一直都好鍾意佢哋嘅炸雞💕尤其是香蒜蜜糖炸雞🍯佢想啲除咗有炸雞之外，亦都配有薯條同薯格，全部都炸到脆卜卜另外今次亦都叫咗佢哋嘅蟹籽紫菜拌飯，係自己戴上手套，再將拌飯搓成波波好玩之餘又好味，小朋友亦都好鍾意食

今次難得同朋友一齊放假，決定去咗一間我哋平時都好鍾意嘅韓國過江龍餐廳食午餐。呢間餐廳就係位於尖沙咀嘅outdark 啦。今次一樣會食得好盡興！番薯芝士條小食方面，就叫咗最鍾意嘅番薯芝士條。邪惡嘅拉絲效果，再加埋香濃嘅番薯味，真係令人欲罷不能。韓式烤牛肉餐廳嘅烤牛肉真係份量好多，而且調味十足，牛肉嘅味道一樣咁濃。放喺烤盤上面嘅關係，令到牛肉幾時都係最佳狀態。就算慢慢食都唔怕。泡菜煎餅你的韓國餐廳就當然唔可以錯過咁經典嘅煎餅。煎餅煎得夠晒酥脆，口感方面好令人滿意。另外泡菜嘅份量都好多，同煎餅嘅口感相輔相成。炸醬麵炸醬麵真係嚟韓國餐廳必叫嘅食物。佢嘅效果真係太開胃啦。豬肉片夠晒新鮮，另外用黑豆製成嘅醬汁都好開胃。真係話咁快就食完一碗。如果大家都鍾意韓國餐廳嘅話，真係要跟住我今次嘅推介啊。

今次同朋友係尖沙咀突然想食韓國嘢🇰🇷就黎左厚福街食Outdark✿ 半半炸雞(甜辣+醬油) $208 ✿除左炸雞之外 上面仲有好多薯條同薯格🍟唔會淨係食炸雞咁dry✿ 芝士蕃薯條 $38/4條 ✿上枱嗰陣仲係熱辣辣😍芝士仲可以拉絲🧀推薦大家order✿ 蜂蜜米酒 $128 ✿呢個就唔建議大家叫🥲想飲酒可以叫燒酒或者rita呢個米酒 上到黎係室温 好難飲🫠🫠Overall都係好食嘅 不過佢就比較多人建議大家book左枱先 咁就唔洗等咁耐😌

今次係第三次食呢間餐廳，一如既往餐廳都好多人好熱鬧。今次終於逼到男朋友陪我試韓國野！貪心嘅我想試多幾樣唔同嘅野，兩個人食唔到好多野就叫左半分甜辣炸雞，無骨得黎唔會好肥，咬落去仲有肉汁。配菜薯格都薯條都正， 可能因為佢灑左d甜甜地嘅粉。海鮮煎餅 煎得幾脆，唔會食到一口都係粉，蔥嘅比例多過粉，抵讚！見到隔離枱叫左個鐵板勁香，又忍唔住叫個韓式烤牛肉， 牛肉係甜甜地係鐵板上好香，連墊底嘅金菇都好香，年糕係用純米年糕特別煙韌。柚子梳打 叫佢係為左打卡，d星星同個裝修好夾！

呢間好受歡迎嘅韓國餐廳喺韓國釜山嘅分店，位於尖沙咀嘅厚福街，主打正宗嘅韓式美食。呢度嘅環境好有特色，裝潢有好多星星吊燈同埋情侶鎖牆，好啱影相打卡。佢哋嘅食物同飲品係即叫即製，而且有啲食材仲係由韓國運嚟，睇嚟想保留住鮮味同風味。佢嘅炸雞有半份- 我地叫左原味嘅炸雞外脆內嫩，用咗韓國嘅雞肉，每啖都飽滿多汁，仲有薯角同薯條，份量唔少。仲有海鮮煎餅🦐🫑，上面鋪滿鮮嫩嘅海鮮，有蝦仁、魷魚等等，煎餅本身金黃香脆，食落去既有嚼勁，同埋鮮甜嘅海鮮味道，形成一個好美妙嘅對比。佢哋嘅辣豆腐湯烏冬都好受歡迎，湯底帶啲辣味，配料有青口、蝦仁、魷魚仔、椰菜、洋蔥、辣椒同埋木耳，令湯更加豐富，令人回味無窮。總括黎講，係令人滿足嘅一餐！

聽人介紹呢間韓國菜好正宗，得香港有分店，好多人都讚不絕口，就帶b🐷去試下先，7點鐘小編係gulu個到㩒左飛，上到去啱啱過左一張，即刻同店員講聲，佢哋話下張比翻😼😼。但我地都等左20分鐘先有位，等既過程我望到入面有幅鎖頭牆，有情侶留喺度既印記同回憶，又有食客即影即有既裝飾。我哋嗌左一份炸雞同辣豆腐烏冬仲有野飲😃。醬油同甜辣無骨炸雞🍗 $208 3.5/5除咗炸雞仲有大量薯條薯角薯格伴碟，呢個一份既份量係無gxxbxx既一份炸雞量🤭，入面得7件大少少既雞肉，有啲炸粉過厚，咁多伴菜係咪想塞飽個胃。但味道黎講幾好，好開胃既甜辣汁，肉汁鮮甜，仲幾嫩滑🤓。伴菜係落咗甜甜地既粉所以食落有甜絲絲既味道☺️。辣豆腐湯烏冬🍲 $198 3.5/5滿滿既紅油以為會好辣，但飲落又唔係😜，仲幾鮮甜喎，又唔會好鹹。入面有5塊厚切豆腐、蝦仁、魷魚、蜆肉、豬肉片、金菇、菇類、烏冬。不過每樣都好少，韓式辣醬湯既味道我諗可以餸飯食😂。地點:位於尖沙咀搵食位厚福街尾餐廳大廈H8既17樓，繁忙時間預等lift有排等。環境:入面燈光昏暗，但有吊燈黃燈裝飾，加上飲下酒幾chill既感覺。坐位之間距離足夠，保持私隱度。價錢:$250