Outback Steakhouse (荃灣廣場)

【荃湾区】【OUTBACK】同两位同事去荃湾食嘢，可惜我比较麻烦，呢样又唔食，𠮶样又唔食，最后都系决定去 Outback，干手净脚。要数佢哋最出名嘅嘢，当然系「黑糖麦包」，可以任食系开心嘅。我最高纪录系自己食七条，今次就大家一齐食咗四条，始终仲要留肚食其他嘢嘛。佢哋前菜除咗高质嘅面包，仲有餐汤，跟一碗汤，系「甘笋忌廉汤」，同事话正正常常冇乜特别。而主菜我哋叫咗两样嘢，首先系 $178 嘅「香草番茄海鲜意粉」，又几足料几惹味，就算我本身唔系太喜欢番茄味，都唔觉得佢难食，过到我个关算 okay 喇。之后系 $338 嘅「美国纽约西冷牛扒」，生熟程度要咗 Medium，都几啱食，牛味都香浓嘅，始终佢哋自称系扒房嘛。而配牛扒嘅仲有薯条同焗薯仔，两者都整得 okay 嘅，薯味够同埋热辣辣。我哋三个人都冇叫嘢饮，好似用咗啲会员优惠，埋单系 $516 嘅。。。（地址：荃湾大坝街4-30号荃湾广场L2楼248-249号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am荃湾区 #荃湾 #荃湾西 #BushmanBread #黑糖麦包 #Cupsoup #甘笋忌廉汤 #美国纽约西冷牛扒 #薯条 #焗薯仔 #香草番茄海鲜意粉 #OUTBACK #1am1827 #1ambackup…查看更多

早几日喺网上面见到广告，一向行中高档路线嘅outback竟然招募免费会员，而且仲有免费coupon送，即刻就入咗会，今日有时间就嚟试一试佢😋叫咗个意式蕃茄香草芝士牛肉三文治跟薯条。个包食落仲系暖笠笠，烘到脆卜卜。一啖咬落去，首先系啲牛肉嘅份量真心足料，叠到厚厚一嚿，肉味浓郁又唔会韧。跟住个高潮位就系啲芝士，唔系得薄薄一片𠮶种，系溶到黐住晒啲牛肉，芝士味极之浓郁，同埋啲香草、酸甜嘅蕃茄夹埋一齐，味道层次好丰富，食到「芝芝」声，真系冇得顶！至于跟餐嘅炸薯条就叫做不过不失啦，粗身𠮶只，炸得金黄色，外脆内软，盐落得够均匀。虽然未至于话好出色到令人难忘，但热辣辣咁食，点下茄汁，都算合格有余，叫做冇拖垮个主角。总括来讲，呢个三文治绝对系高质，尤其系牛肉同芝士嘅配搭，大满足！下次有时间一定会再encore！…查看更多

平时下午茶时间，除咗去酒店hightea，仲可以去餐厅食tea chill—chill！同老公经过荃湾呢间Outback，见到佢哋最新推出咗一个Happy Hour菜单，供应时间系星期一至五下昼3点至6点半，就去试吓首先想赞一赞呢间分店嘅Staff，好亲切又有礼貌，食都食得特别开心！佢地而家仲有饮品优惠，「生啤买二送一」同「2杯Cocktails/Mocktails HK$108」、「任选4款啤酒HK$118」，食品优惠方面有「下午甜点套餐AfternoonSweet Set HK$88」同埋两款小食都系$118。是日 menu：香脆薯条混烟肉芝士爆谷虾杏仁酱流心朱古力马卡龙配云呢拿雪糕热忌廉朱古力我老公平时少食海鲜，但都对爆谷虾赞不绝口，个芝士薯条又系一绝，啲拉丝多到食落仲好有芝士香味，最后就食马卡龙配雪糕同埋饮埋杯热忌廉朱古力，马卡龙唔会死甜，真心推荐！…查看更多

🦘Outback Steakhouse喺🇺🇲美国有6️⃣7️⃣8️⃣间分店，香港旧年执咗9️⃣间都仲有🔟间，仲多过🇦🇺澳洲嘅7️⃣间，所以我觉得Outback属于🇺🇲美国菜多过🇦🇺澳洲菜。$4️⃣8️⃣8️⃣join⬛黑卡2️⃣年会员，即享全单8️⃣5️⃣折（🟥免费会员都有9折，但至少要消费前早1日join, 冇得即join即享）。⬛黑卡会员送🥩🥩两张牛扒/猪扒劵，同样可即join即用，消费满$300就用得，净系一份送嘅10安士肉眼牛扒🥩都价值$3️⃣0️⃣6️⃣，啲券仲要有两年期可以慢慢用，一定回本有凸。另外仲有8️⃣张同样两年期嘅4️⃣0️⃣0️⃣减1️⃣0️⃣0️⃣ coupon。生日月有张$400减$88。Weekends供应到4点半嘅Lunch Set，百几蚊包埋黑糖面包🥖、足料是日餐汤🥣、冷热饮品🍹，超级抵食。呢餐7个人食饱饱，连埋share个升级会员费，人均$198.1👍🏻Outback每间分店啲食物质素都有啲参差，而荃湾广场呢间系属于好味𠮶间，服务都好好。以美国菜计，我认为Outback好味过Ruby Thursday。…查看更多

我妈生日，本身book左间靓靓餐厅食饭点知正日早上发现佢WhatsApp左话店舖突发工程要做唔开太急赶有啲店都冇位🫠于是食返loop左唔知几次既outback打去book位听电话姐姐好nice 我问有冇得写碟 佢话remark庆生有是日甜品送返我问可唔可以mark底最后送嚟想surprised 啲 佢话可以呀我觉得好似自己好多要求🫣但佢都好nice尽力帮我安排去到佢话安排window seat我都觉得佢好好见到客人庆生都有心安排🥹我地影相📸有个哥哥行过主动帮手！送甜品嚟都好有气氛！虽然食过好多次 但今次心情好靓靓 包括妈咪都冇因为食唔到原来间餐厅太唔开心☺️一个小小帮手我地感受到 亦好开心❤️-…查看更多