Outback Steakhouse (新城市廣場三期)

营业中

休息中

今次有BB同行，所以就揀地方比較闊落嘅Outback。當日係星期二晚，打電話都已經Full booking，唯有walk-in等位，大概等咗半小時。一去到就會送上麵包。今次麵包唔夠熱，搽上牛油未食落口個包已經有啲散。叫咗一個四至五人餐，而家用匯豐信用卡仲有優惠。另外再叫左個炸洋蔥。除咗個粟米湯真係要讚，好出色，好好味其餘都只係一般水平，尤其個斧頭扒仲有啲肥個set嘅份量係足夠四至五人有餘，使用匯豐信用卡叫呢個set, 飲品仲有七折, 兩款甜品有優惠價。

幾個朋友相約吃午餐。所有午餐都配 沙律 湯 黑糖包和飲品 很飽肚,是 豐盛的午餐。 ▶️美國 西冷牛扒 配鮮蝦蘑菇汁 牛扒表面焦香，內裡肉質算嫩。鮮蝦蘑菇汁起了畫龍點睛的作用。outback的醬汁真的冇得輸。而配搭蔬菜冇咁滯。 ▶️美國牛柳扒 ▶️燒雞肉芝士夾餅 這個很驚喜。唔會好乾，反而餡料好香，但唔係好'漏'。 ▶️芝士白汁雞肉闊麵 賣相已經好吸引，果然好好味。芝士落得好足，白汁濃厚，成個闊麵就像我的comfort food，好滿足。 由於這間分店頗新，餐廳裝修幾新款。特別要留意對著門口的一堵牆，有些燈光效果，幾得意。 服務呢，侍應總是在忙，走來走去，捧餐，下單忙個不停。要叫到他們幫忙是有難度。可能人手不足，這間分店好似特別嚴重。

星期日晚出街，打算來這間店吃晚餐，用電話訂位，店員說訂位滿額，但仍可以到店面撳飛等位。生怕沒有位，五點半就來到，仍未開始提供撳飛，門外已站了不少人在等。五點九過後才正式開放給顧客入座，安排客人入座的進程比較慢。聽同行親友說，免費送贈的餐包是這間餐廳的賣點之一，黑糖餐包味道不錯，雖然不是我吃過最好吃的餐廳餐包，但伴碟的餐包牛油非常美味，值得一讚。我個人是為了這道特製洋蔥花球而來，賣相果然精緻，味道比我想像中的略淡，可惜的是油太多以致不夠脆。香芒燒雞肉沙律是用優惠券換取的，賣相精緻味道不錯。選了兩個套餐：精選肉眼牛扒和精選紐約西冷牛扒，套餐配是日餐湯、小食各兩款，我們選了焗薯、焗甜薯和蔬菜。兩款牛扒選了五成熟，剛剛好不太熟也不太生，味道不錯，可惜兩款扒都有一些筋，比較韌。為了配合同桌有人不喜歡吃牛，我們點了燒肉醬味豬肋骨。這道菜比起牛扒來說真是失色不少，外面的醬汁味道不算濃郁，裏面的肉更不夠入味，而且肉質乾鞋，失分。芝士白汁燒蝦寬麵，醬汁味道濃沃，麵條軟硬適中，蝦也味道鮮美，是我這餐最滿意、最喜歡的菜式。最後還有燒雞肉芝士夾餅，餅中的芝士醬汁味道濃沃，雞肉也很好味，我試吃的時候已經涼了，聽

上次諗住好開心嚟食 Lunch Set，果日大約四點鬆啲嚟到，點知餐廳原來轉左 Lunch Set 時間，搞到摸門釘。🤦🏻‍♂️今次係 Lunch Set 前嚟到，終於食到喇 😋 叫咗香辣燒蝦飯、烤肉醬味烤雞、牛油果蟹餅。先上餐包，餐湯及沙律，餐包配埋牛油食真係無得頂，雖然好好食而且重有得無限添，不過經過以往咁多次既經驗，如果再添食既話，主菜成日都會食到一半個胃就已經收皮，所以今日食一轉就算。牛油果蟹餅 ($88) : 呢個係朋友介紹食既，估唔到都幾好味，上層係帶點酸嘅蕃茄粒，中層就係蟹肉，雖然知係罐頭蟹肉嚟，不過份量都幾多，最下層就係味道清淡得嚟帶點草香既牛油果，配埋勁脆口既墨西哥脆片，真係無得頂。香辣燒蝦飯 ($98) : 個飯炒得幾好 👍🏻 米飯粒粒分明有咬口，唔會痴埋一堆嘢咁，加上有好多唔同既配菜，同四隻彈牙既燒蝦，醬汁帶點微辣，食落口感層次豐富又惹味。烤肉醬味烤雞 ($108) : 係超市買隻呢啲雞都要 $60 至 $80 蚊，依家收你 $108 重有埋湯，沙律，飯同配菜，都真係幾抵食，雞肉幾嫩滑，食哂成隻都幾有飽肚感。

✔️豬肋骨配燒雞套餐 (HK$382)滙豐信用卡優惠，星期一至四叫套餐有優惠。二人套餐包括了是日餐湯，黑糖麥包，公司沙律，主菜盤，飯/意粉。餐湯是蕃茄濃湯，蕃茄味濃，加上很creamy ，酸酸甜甜，很開胃。黑糖麥包是無限追加的，包皮少硬但內裡軟熟。公司沙律羅馬生菜加青瓜加蕃茄，配上凱薩沙拉醬，普普通通。主菜是豬肋骨配燒雞套餐，豬肋骨是全份加半隻燒春雞，再加配薯條，份量很大。豬肋骨的bbq sauce 很入口，而且肉質鬆軟。燒美國帶子煙肉白汁燴飯，有三大粒帶子，帶子有煎過的，使帶子更香口。可惜燴飯中有三色豆，純粹本小編不太喜歡😝 ✔️特製洋蔥花球 (HK$86) Outback 的招牌洋蔥球，洋蔥炸到外脆內淋，但份量大，幾個朋友share 比較好。✔️香脆薯條混芝士 (HK$56)薯條即叫即炸，加上芝士，每條薯條都能沾上一點拉絲的芝士，正！

可能疫情已見平靜，星期一晚竟然全場爆滿，好在有訂枱，食物質素可能並非上乘，但員工的服務態度卻不錯，要求不落牛油，有專人來替我們落單，忘記記下她的姓名表揚一下，用滙豐咭有優惠，當然要斧頭扒套餐，落單後飲品及食物分品上場，匆忙食嘢以至餐湯忘記影，但餐湯是蕃茄湯，出奇地好味，值4星半，加上黑糖麵包絕配，另外雞肉芝士夾餅又忘記影，但味道一般，其他的相片內有介紹，整體食物值4星，加上服務比夠5星，下次有機會都會再來，

沙田店開咗之後分別兩次去，一次係午餐，一次係下午茶時間。Lunch set 有餐湯，沙律，黑糖麵包，主菜，同埋飲品。首先試吓好出名嘅黑糖麵包，的確係幾好食嘅，佢會有舊牛油俾你。試過有一次就咁外賣黑糖麵包，只係$10 ，大大個一啲都唔貴👍🏻烤美國帶子白汁燴飯$128有三粒都幾大嘅帶子，咬落去幾嫩滑。👍🏻不過我唔係好鍾意有啲青豆，係嗰種雪藏嘅青豆🥴意大利飯整得幾creamy，味道唔錯，份量都夠兩個人食🆗另一次我就去咗食下午茶，下午茶嘅分別就係冇咗餐湯同埋沙律，黑糖麵包如果想食就要另外加錢。今次我食咗焗雞肉芝士夾餅，以前喺美國成日食，呢個都唔錯，餡料夠多，有好多芝士👍🏻另外要做一個迷你燒肉醬味豬肋骨，呢個下午茶真係好抵食，$72就食到豬肋骨😍😍😍，總共有八條骨，兩個人share食就差唔多，兩個餐都有薯條，又係飽到食唔晒🙈😂豬肋骨應該係最抵食嘅😆飲品加咗$15轉特飲，不過好藥水味，而且太甜，個人就唔係咁鍾意🥴🥴連鎖西餐廳嘅質素，都還可以嘅，餐廳夠大，坐得都舒服🆗不過似乎餐廳唔夠人手，成日叫侍應都要等好耐。

第一次幫襯係喺旺角，果次係有啲服務但野就唔太好食，連最出名既洋蔥綉球都唔好食。今次黎到沙田，有朋友話想試下呢間，就俾我地個豬多次機會佢啦！叫左一個牛扒龍蝦餐，一個殼飼豬扒餐，一個洋蔥綉球，一個薯條。個侍應take兩個餐漏一個餐，叫佢返黎諗住話點解第二個餐冇問我要飯定意粉，佢好悔聲咁應我哋“等等”，原來話冇聽到我地叫第二個餐，跟住語氣即刻唔同😡我地4個人佢“以為”我地叫得一個餐加兩個小食咁少所以態度唔好？算，唔同佢計較！野食黎左，黑糖麵包依然係最出色果樣個洋蔥綉球就好食過旺角果個，朋友話個牛冇味，得牛味，咩味都冇；我地個豬就只有皮香，肉唔嫩，真係一般般意粉，都係冇味既，啲海鮮係好腥，成碟只食過3駐意式飯可以，4個人食曬個飯，薯條冇乜特別，普通野。可能我唔識欣賞，唔會再有第三次。

Outback一向係我同豬先生既牛扒飯堂，話說佢地係沙田新城市開左分店，就去左試下，衣度夜晚會有video show, projector 係牆上放映影片，食食下飯有野睇係幾驚喜既黑糖麵包就唔多識，好鬆軟，配埋牛油好正我揀左煎牛柳七成熟，最怕d餐廳五成變七成，七成變全熟，今日塊扒繼續保持水準，配菜叫左焗薯，豬先生至愛，因為真係即刻焗，好好食今日仲叫左甜品，朱古力布郎尼，鐘意食brownie既人一定不能鐘過，除左有雪糕，brownie入面仲有果仁，真係好好好好食！甜品控一定要試！

今日行開沙田，發現沙田開左好多新食肆，又突然之間好想食牛扒😣 咁就決定去食outback steakhouse 啦😃講真，Outback Steakhouse 一向都係好出色，尤其係佢最最最出名既黑糖焗包，無限免費任點，包係超級鬆軟，溫度十分適中，係每次來嘅必食名物👍🏻今次就叫左New York Steak - Medium rare🐂 個牛扒嘅肉質9分👍🏻 跟steak加兩份chips/焗薯，都好優質，十分抵食😋野飲就揀咗Apple cider 同埋mango shake, 兩杯野飲都唔差然後果main係鮮蝦扁意粉🍝，個汁係幾好味，但個意粉略為煮的太硬😂 但整體啲野都唔錯👍🏻

🙆🏻‍♀️: 今日要食好啲慶祝一下!🙆🏻‍♂️: 出左bonus?其實係Pre-Anniversary Dinner🥰.📍Outback Steakhouse.今次食左個匯豐卡優惠二人餐-C.美國🇺🇸穀飼斧頭豬扒套餐(原價:$590; 優惠價: $413(一至四)/$501(五至日))🍲餐湯-呢個有蕃茄洋蔥蘑菇嘅湯好creamy幾好飲~🥖黑糖麥包-🙆🏻‍♀️至愛!!!真係好食到要encore嫁(堂食可以無限refill😆今次都食左2條)🥗公司沙律-啲菜好fresh有青瓜有蕃茄仔有麵包粒仲有芝士!個source甜甜地幾好食🍖美國穀飼斧頭豬扒(18安士)-真係好重手🤣厚厚嘅豬扒煎得幾香~切開都未算好鞋🤔但就好似有啲overcook(🙆🏻‍♂️: 豬黎架小姐...唔可以生食架...)🍛燒美國帶子煙肉白汁燴飯-果串串燒三兄弟好吸引😍一上枱忍唔住隊左一粒~好肥美好香好好食!!飯好creamy好芝士好肥好好食

又到週末可以出外透透氣，不過大前提都是要醫吓肚先！新城市開了OUTBACK 而假日都有套餐幾抵食！兒童都有餐牌而內裡可以填顏色！每枱都有新鮮熱辣黑糖麵包一份套餐包括有餐湯、沙律同餐飲。粟米蓉湯味道濃郁，厚厚粟米很香甜。黑糖麵包不用講仍然keep到水準。Kylie’s Junior Pork Ribs 迷你烤豬肋骨 $66兒童餐極豐富大大條烤豬肋骨好惹味，粗薯條熱辣辣仲有一盒蘋果汁添。IMPOSSIBLE BLOOMIN’ BURGER植物肉漢堡 $108第一次吃植物肉，原來同牛肉漢堡味道沒有什麼分別，中間炸洋蔥幾鬆脆。USDA ANGUS RIBEYE (10oz)美國安格斯肉眼牛扒 $218牛扒煎得外脆內軟，肉味濃有嚼勁而粗薯條一樣外脆內軟薯味濃，再吃蔬菜可中和油膩感。餐飲熱咖啡，味道香又濃郁口感幼滑。

開張冇耐 1點午餐時段已經爆棚 所以12點食就冇咩人 枱同枱之間好闊落 坐得好舒服 店員好好笑容 可能因為啱啱新開 不過餐廳啲單好亂 店員不停咁上黑糖麵包 但係我地冇叫過*前菜 青瓜湯 沙律青瓜湯好新奇 青瓜味唔係好重 青瓜已經煲到冧曬 飲落creamy唔膩 沙律菜正常 凱薩沙律醬有啲多*芝士白汁燒雞肉雜菜寬麵 $128大大碟 雞肉大塊 超碼有六七塊 雜菜有西蘭花 紅蘿蔔 紅椒 量多 唔係平時餐牌寫雜菜 然後俾得幾條洋蔥你 芝士白汁好濃 配寬麵好夾 面頭有一片片半融的巴馬臣芝士 總之就係creamy白汁料多意粉*燒雞肉芝士夾餅 $108馬蘇里拉芝士做餡 可以拉到絲 雞肉調味夠 夾餅熱辣辣 煎到少少脆 薯條超級好味 係我食過最好食的薯條 外脆內軟 連皮炸 粗幼度啱啱好 食到薯仔味*美國安格斯肉眼牛扒 $218有牛味 有少少韌 應該係煎耐左少少 牛扒調味啱啱好 唔會特別鹹 重口味嘅人可以點埋汁

新城市3期終於開番好多鋪頭 多左好多野食 最近申請左張hsbc卡見到做緊優惠 一於嚟試下啦我地叫左D 餐 係ribs + 雞好多朋友都話呢度個黑糖包好好食 坐低無耐就有包上 熱熱地甜甜地 係唔錯嘅跟著有餐湯同沙律(2人份) 個湯就太濃味 可以淡番少少 沙律上面有好多芝士 個汁酸酸甜甜好開胃到個main啦 無諗過咁大份 係full ribs 個燒雞有少少老同好乾 ribs d汁整得好好味 薯條夠脆同熱都好食 食到已經飽飽地嘅時候 個意粉都上埋啦蕃茄海鮮意粉 有青口 蝦 帶子 三文魚 都幾足料 味道唔錯 我覺得呢個2人餐3人食都得呀 2個人係食唔哂 題外話: 食到中途 幅牆有d投影 又有哂音樂咁 都幾過引 本身呢餐樣樣野都幾好 但我想講埋單個待應態度好差

I am extremely amped up about the opening of this store,I waited outside for 80 mins to get a seat,which is quite somewhat waste of time.we entered the restaurant in about seven thirty,we ordered our steak as soon as we arrived.we all got a delicious soup that is served with the bushman bread ,then the signature appetiser blomm’in onion,which fun to eat,crispy batter,soft umami texture,dip is not too spicy so it’s suitable for children.then our steak arrived one by one,for us three,my parent’s s