呢度主打西班牙tapas，环境有格调，坐得舒服，绝对非常适合同朋友相聚，慢慢饮酒倾计食野。酒方面，黎西班牙餐厅，毫无悬念一定叫Sangria啦！呢度既signature Sangria, OM,只能够一杯杯咁叫（$118）。所以我地一班人叫左一jar既：El clasico $368比较近似OM，好易入口，不错！人多，所以试到好多食物，有惊喜好食的、 有令人失望的。48月橡果黑毛猪火腿$228⭐️⭐️⭐️⭐️即切既iberico ham，满满既ham铺满一块木板上桌，48个月，味道够juicy浓烈。只系略嫌每片切得太细了，碎碎的既感觉。如果可以切大片d应该食得过瘾d。传统猪肉薯球$69⭐️⭐️⭐️⭐️精致可爱的薯球波，入面猪肉碎。可encore 之选。香酥翠瓜条 $48⭐️⭐️⭐️无乜特别，翠肉瓜本身淡味，而且容易出水，变左外层感觉软软的，缺乏香酥脆感。不推介。烤西班牙小绿椒 $68⭐️⭐️⭐️⭐️西班牙北部夏天盛产的小绿椒（Pimiento de Padrón）。佢唔同我地平时食开𠮶种好圆／长尖既青椒。佢比平时我地食开既长尖绿椒 短很多很，尾又圆圆，一点都不辣，相反有浓浓的青椒味。味道唔算惊为天人，表面洒有好多粗盐，我仲嫌佢有d咸得济。不过，始终这是西班牙超传统道地的食材和Tapas，要试下！橄榄油蒜椒鲜虾 $148⭐️⭐️⭐️⭐️惊喜之选！虾煎得好香好鲜美。白酱焗鳕鱼$158⭐️⭐️⭐️⭐️⭐️呢个系最惊喜之选！一上桌觉得个摆盘同presentation好靓！味道亦好！鱼煮得刚刚好，嫩滑味鲜，衬上面薄薄一层mayonnaise，配搭好好味！烤橡果黑毛猪肩肉 $168⭐️⭐️⭐️⭐️黑毛猪本身就就肉质细腻又香，呢个猪肩肉texture似猪颈肉。简单就系黑毛猪既味道mix猪颈肉质感。海鲜西班牙饭$298⭐️⭐️绝对失望之选！上菜时d虾系唔够熟既。要request佢另外炒返熟d虾。个饭色就够喇，但系食落无乜味。绝对不推介！西班牙油条可可酱$82⭐️⭐️⭐️⭐️又系一传统西班牙美食甜品热辣辣，点朱古力酱，味道不错！…查看更多
求其一间茶餐厅都好过佢，唔好系度为祸人间啦！其他食客都等左好耐！认真睇下啲食评就知道有几多系稿
