Oliver's Super Sandwiches (翡翠明珠廣場)

营业中

休息中

Oliver's Super Sandwiches時常為大家帶來新驚喜,不時推新餐單.堂食Eat To Fit 餐單更有專業營養健康顧問及廚師一起設計.韓式惹味醬魚柳•無糖高纖高蛋白多士三文治真心大份又好食！裏面包住口口即炸魚柳，咬口非常好！而且韓式醬又惹味，健康得嚟都可以好滿足！香濃草飼牛骨 • 四重蘑菇濃湯入口非常濃郁菇菌味，非常Creamy～加上與「酮福堂」合作帶來健康專櫃.當中最受歡迎的兩款麵包,「無糖高纖高蛋白方包」和「無糖奇亞籽高纖高蛋白方包」既低碳水又無糖高纖.雪花酥、太妃糖、曲奇等小食也低熱量冇負擔,甚至連檸檬茶都有.確是能輕輕鬆鬆就可以進行健康模式~口痕得來又想健康嘅人士真係可以試試~

香港人越嚟越注重健康，飲食亦然，我當然都係當中的一份子，近期留意到Oliver’s Super Sandwiches有新搞作，加入由人氣廚師及營養顧問Hilda Leung 設計的Eat to Fit 餐單。親身見到Eat to Fit 營養餐單超多款選擇，健康豐足又好味😋🌟香濃草飼牛骨‧四重磨菇濃湯配無糖低碳水奇亞籽高蛋白質多士超濃郁濃湯，因為用上澳洲牛骨精髓，所以味道更濃，再加上四款的菇菌，包括牛肝菌、鮮冬菇、花菇、白蘑菇，每一啖都充滿菇菌的香味，而且仲有菇菌粒粒，超Like! ❤️❤️濃湯當然要配麵包！佢地特別配搭「酮福堂」呢款無糖低碳水奇亞籽高蛋白質多士, 口感鬆脆，配埋濃湯一齊食超夾!💫🌟韓式惹味醬魚柳‧無糖高纖高蛋白多士三文治特別用上無糖高纖高蛋白多士，低碳飲食嘅朋友都啱！個魚柳炸得好香脆，配上辣辣地嘅韓式醬，好惹味，仲有大量爽甜蔬菜，食落好滿足！最後再配杯即磨黑咖啡, keep fit 都可以好飽足!😌😌係Oliver’s Super Sandwiches 見到有「酮福堂」嘅低碳烘焙食品專櫃(無糖低碳多士、生酮雪花酥、生酮曲奇及生酮太妃糖等小食），連我港式檸檬茶都有，好勁👍🏻

平時返工想食得健康啲，但又唔想嘥咁多時間自己煮飯，幸運地發現Oliver's Super Sandwiches 推出嘅「Eat to Fit」健康營養嘅餐單呢個餐單由專業營養顧問Hilda Leung 同Oliver's Super Sandwiches 廚師團隊一齊設計能夠享受美食嘅同時，都可以keep住健康ღ檸檬薑黃燒雞低碳水米炒飯色香味俱全，檸檬同薑黃嘅搭配讓雞肉更添風味，米飯嘅低碳水化合物特性，食得飽之餘又唔會有罪惡感ღ草飼牛骨，四重蘑菇濃湯四種蘑菇嘅搭配令湯底更加鮮美，每啖都感受到濃濃嘅蘑菇香氣，濃郁又滋補ღ黑咖啡用100%阿拉比卡豆即磨即沖，香氣十足，口感帶有梅果般嘅酸甜味另外餐廳內有個「酮福堂」嘅合作專櫃，有多款生酮產品，除咗有人氣嘅生酮麵包，仲有小食同飲品，例如曲奇、雪花酥、太妃糖，仲有檸檬茶，可以買返屋企慢慢嘆～💥依家加入Oliver’s Super Sandwiches會員， 即可獲贈「酮福堂」健康小食，數量有限，送完即止

香港人越來越注重健康飲食，低碳水、無糖、高蛋白已成為新趨勢！Oliver’s Super Sandwiches 與 酮福堂 聯手打造了全新的健康美食專櫃，不必再為健康與美味取捨，真正做到「Eat to Fit」！💪💚💡亮點推介🔥 香濃草飼牛骨 • 四重蘑菇濃湯 以草飼牛骨熬煮，濃郁湯底帶出蘑菇的鮮美與層次，營養滿滿。🍞 無糖低碳水奇亞籽高蛋白多士 鬆軟輕盈，高纖的奇亞籽有助消化，同時提供優質蛋白，適合低碳水飲食人士。🍪 生酮健康小食系列 酮福堂特製的健康小食，如生酮士多啤梨雪花酥、太妃糖、曲奇餅，款款低糖低碳，吃得滿足又無負擔！✨

我每日忙碌都唔可以忽略自己嘅身體！💪 呢個沙律餐，用心配搭高蛋白半熟蛋、牛油果、鮮蔬菜，💝仲有我最愛嘅【生餇奇亞籽高纖高蛋白麵包】，食得飽又冇負擔！😍呢款麵包 🍞低碳水、高纖維又高蛋白🍞最啱想修身又唔捨得麵包嘅人士！🫶🏻平時做早餐、下午茶定做運動後補充都超方便，食得開心又滿足！🥰每一餐都係對自己嘅投資，健康其實可以好好味！ 😋堅持Clean Eating，食得好，體態自然Fit！🌱餐廳而家仲有同酮福堂合作，在全線店舖都有酮福堂嘅產品售賣，真係超級方便👍👍同埋而家加入Olivers Super Sandwiches，會員即免費送酮福堂生酮美味小食（雪花酥、太妃糖、曲奇）隨機送出

今日晚餐試咗 Super Sandwiches，本來以為主打三文治同西餐，估唔到竟然有串燒賣，幾有驚喜。今次我叫咗蒜香蜆肉意粉，加熱檸檬茶，再加一串雞肉串燒，總共$82，以晚市嚟講算係幾實惠。蒜香蜆肉意粉味道唔錯，蒜香突出，蜆肉份量唔算多但夠鮮，意粉掛汁力高，食落唔會太乾。雞肉串燒就雖然係預先整好、涼咗少少，但味道仲保持得幾好，調味帶少少燒烤香，同主食味道唔會撞，反而有層次。晚市時段人唔多，環境輕鬆，無需等位，靜靜地食番餐飯，感覺好chill。Super Sandwiches 除咗有快餐三文治，仲有意粉、串燒，選擇多元，係一個可以坐低慢慢食嘅 casual 輕食好地方。

呢一份下午茶餐叫做經典炸魚薯條配黑松露蛋黃醬，連埋一杯熱嘅即磨咖啡，味道比想像之中好，以$48黎講，呢件炸魚柳嘅質素都算係唔錯，炸粉唔會太厚，唔會食極都食唔到魚柳，不過啲薯條就差少少，唔知係overcooked定係返炸，食落去有少少韌，感覺上唔係新鮮即叫即炸嘅，不過48蚊有炸魚有薯條仲有杯嘢飲唔敢有咁高要求啦。除咗有黑松露蛋黃醬之外，佢另外跟多一包沙律醬同埋蕃茄醬，其實佢個黑松露蛋黃醬味道已經唔錯，包沙律醬好似有啲浪費。

估唔到依家super sandwich 都有即叫即炒，叫左個冬陰功炒意粉，好好食，再叫多一杯coffee,店員收餐盤上年紀姨姨好有禮貌，依家快餐店有這個服務都好小見。

收工唔想食咁多嘢 又食健康啲 就嚟咗食沙律三文治 呢度有樣野好就係可以自選沙律🥗 每日都有幾款唔同嘅沙律任你配搭 佢又唔同Combo可以睇你嘅肚餓程度而選擇 今次我就揀咗食公司三文治加一個沙律 套餐嚟講都唔算太貴 而三文治都會係新鮮整 非常之大份

其實本來諗住飲杯嘢等人，點知見到呢一個38蚊嘅餐，估計應該唔會好豐富啦，咁飲杯嘢都要廿幾蚊，所以就照呢個下午茶餐啦，點知原來佢有一碗雜菜湯螺絲粉，再加兩件碎蛋沙律酥盒，再跟多一杯即磨咖啡，杯咖啡都唔細杯㗎，究竟係平時飲杯嘢貴定係呢個餐真係平呢。味道方面基本上冇乜要求，而佢呢度係ok嘅。

食得多重口味，有時都想食light少少。salad可以選擇大或小，大約$60-80，有紅菜頭、蘋果雞肉、薯仔雞蛋和羽衣甘藍甘荀等幾款可以選擇，都幾好食，食材搭配得不錯，亦都新鮮。沙律醬都比較多，濃味一啲，可能都唔算特別幫助減肥😂😂炸魚柳意大利粉，魚柳新鮮炸起，脆口，意粉偏淋身，整體感覺唔錯，好食。焗薯熱辣辣，薯仔外脆內軟，配上三文魚蛋沙律或肉醬，一如既往好食。加10幾蚊可以加配小食，芝士肉醬薯條味道濃郁，抵食❤️

下午茶時間好肚餓，行過好多年都無幫襯過嘅Super Sandwich’s, 見環境都唔錯就入喇。知自己肚餓都唔點茶餐點正常意粉🍝。嘩，menu張相好似好得喎！🍽C1煙三文魚意粉+咖啡$70 （現實辦）😑碟意粉🍝呢…..先唔講薄薄一層，我都唔飽，咁男仕應該一定唔夠。好，說好的煙三文魚和蜆肉呢？唔搵到碟底都見唔到，又少又碎！味道就唔該哂「Grated Cheese Power」& 「Tabasco」，屋企要買番兩支先👍🏻☕️乜杯咖啡咁流，不如你menu張相換咗無拉花的，咁就無期望無失望！好後悔，早知點茶餐，平啲抵食啲，唔係香港人唔捨得食，係你交唔到貨！！

想係銅鑼灣醫醫肚食個快餐所以6點幾去左super sandwich 通常都係去食早餐晚餐就少啲叫左個焗薯加左個熱辣辣磨菇湯（湯有兩款揀）個湯算hei唔係好sticky ge磨菇湯味道都ok最中意係睇住佢機械人送餐👍🏻😂

去開SOGO購物, 跟住行去百德新街那邊, 順便去翡翠明珠的Super Sandwiches吃好耐無吃的焗薯. 雖然位處鬧市, 但估唔到餐廳既面積都大, 環境舒服. 叫咗我的例牌，碎蛋沙律焗薯, 咖啡. 以為好似以前咁自己取食物, 但原來現在有機械人送餐服務, 只要將個感應器放响枱既特定位置, 咁個機械人就會將食物送到我張枱傍邊, 然後自己就由機械人桌面拎就得. 講返個焗薯, 有沙律伴碟, 份量適中, 味道同以前一樣， 中上之選， 但薯仔就好似比以前細了. 定係我大食咗? ， 簡簡單單完成一餐, 滿意的.

平時返工多數日子都係帶飯，但係最近有d事所以夜晚冇得預備定飯盒，所以多咗機會出去銅鑼灣區覓食。但係日日出去食都幾貴，所以都要搵吓啲平價、但飽肚既選擇🤭 行到去百德新街個頭，比我見到呢間我喺中學時期🤫成日都幫襯既Super Sandwiches，平平哋又好味，於是就入咗去食。呢間Super Sandwiches超大間，完全唔使擔心冇位坐。最特別嘅係佢係用咗機械人🤖去送餐！買完嘢食之後將個感應器擺喺枱嘅特定位置，個送餐機械人就會將食物運到去你面前（不過你就要自己將食物由機械人桌面拎去自己枱面🤡）煙肉酸忌廉焗薯 + 凱撒沙律🥗 ($50)當個餐送到嘅時候，我先至發現原來買焗薯係會包埋沙律😆😆 感覺好似多咗一碟沙律食咁😆😆😆 個沙律份量都幾多，食完個沙律都飽咗三份一😅 一大碟沙律菜入面有凱撒沙律醬、煙肉脆脆🥓、同埋少少芝士片🧀 味道正常。至於焗薯方面，薯仔嘅size好似偏細?! (對比我N年前食嘅時候🫢)不過好在佢個酸忌廉同埋煙肉脆脆都俾得好慷慨，起碼我可以每一啖都食到呢兩種配料👍🏻