Oliver's Super Sandwiches (海富中心)

今朝食早餐 跌咗200蚊現金喺枱底 本來諗住實唔會 有人執到畀返我 啱啱打電話去分店問有冇人執到兩百蚊現金竟然話有 佢哋同事執到 真香港人真係善良誠實super sandwich …查看更多

最近想食得健康啲、清淡啲，所以去到邊都會搵低碳/生酮食物，咁arm經過金鐘廊，竟然比我見到Super Sandwich 有健康早餐 $52，塊多士竟然仲係keto (有食開既都應該知道keto 包唔平）！試左個早餐有：• 蘑菇炒蛋: 正常發揮，但只是微溫，落左芝士粉都唔溶• 水耕菜胡麻醬沙律 ：正常，不算好新鮮，份量略少但可以接受既・無糖低碳水奇亞籽高蛋白多士：好鍾意呢個多士，輕輕微甜，食完唔會胃漲！• 鮮茄濃湯低碳椰菜湯：好好味，又夠熱，入面有椰菜花粒令個湯更有口感，仲會飽肚啲；個人口味會喜歡再減甜啲• 咖啡轉豆奶：個人口味問題，好苦，唔啱我 😬😬其實早餐有低碳選擇已經好開心喇，quality仲要唔差，價錢接受範圍內、希望會繼續長keep 呢個系列啦！下次都會試下其他低碳選擇！…查看更多

平日在金鐘的 Super Sandwiches 享用晚餐，慢煮雞肉牛油果沙律雖然份量不少，但雞肉和牛油果略顯碎。雜菜湯味道可口，搭配沙律能暖胃。這間店位於地鐵站出口旁，環境不大，適合簡單用餐，是個快捷的選擇。…查看更多

1/12/2024(日)，約左屋企人係金鐘站C2出口等，先食個BRUNCH，再入去海洋公園玩。因將近聖誕節，門面裝飾好迎合聖誕氣氛早餐至11點，餐牌:揀左B2炸魚炒蛋麥包羽衣甘籃車茄餐，配熱檸水$54(免費熱飲品:檸水/檸茶/奶茶……)炸魚冇腥味(有驚喜)，外脆粉簿，配羽衣甘籃車茄，有啲綠色沙律菜食，感覺健康啲麥麵烘焗過，麵包邊位有點硬，餐廳可以留意一吓座位唔算多，大約4人座得唔夠10張職員都彼有禮，環境都可以…查看更多

一直以來都覺得，金鐘係食lunch嘅地獄，餐廳好少、返工嘅人好多，成日去到邊度都大排長龍。🥶呢一日係一個Working day ，大概12點到咗金鐘，趕時間想食個快飯，喺海富中心火速就落咗去地下呢一層。好彩都未爆滿。🤭揀咗煙三文魚意粉配latte，其實呢個意粉已經食過好多次，都幾好食嘅，不過近年個份量真係越來越少，如果好餓應該食唔飽嘅🤣 不過呢一日我並冇好餓，所以都夠食。latte稍嫌唔係好夠香，同埋苦左啲🤔。因為latte係要額外加錢，本身跟餐係可以揀普通咖啡，但係我飲唔出佢同普通咖啡有咩分別，咁就覺得唔係好抵🧐整體職員好友善，環境都OK，不過呢一區食飯性價比就一定唔高㗎啦😌…查看更多

今日做嘢好忙，去到午餐就諗住快快趣搞掂。突然諗起之前經過金鐘海富中心嘅Oliver’s Super Sandwiches有外賣自取，就一於試下。我行緊去餐廳時用電話落單，慳返等外賣嘅時間，對於我呢啲趕時間嘅人係非常方便。雖然呢間餐廳位於金鐘商業地帶，但lunch嘅價格相宜。對於喺附近工作或者上班族嚟講，係一個唔錯嘅選擇。食物方面，我叫咗份三文魚蜆肉意粉。份量適中，麵條煮得還好，有彈性而且不黏。三文魚質量不過不失，同蜆肉的組合都好配搭。醬汁的調味恰到好處，既不過於咸，又唔會掩蓋食材的原味，跟餐$70仲有埋蘋果汁飲。總結，金鐘Oliver’s Super Sandwiches提供方便快捷嘅外賣服務，午餐價格相宜，而且食物味道都算可以接受。大家不妨可以去試下！…查看更多

喂！食神迷，搵食搵到中環碼頭，望見一家咖啡店，決定係到休息下兼傾吓偈。無諗過俾我遇上幾款意外好味嘅食物😋，真係值得歎下。首先，啖啖雞翼真係夠曬彈牙，腌得好有層次，微酸嘅蕃茄醬汁咁配啖啖肉，食落真係夠晒滿足。再嚟個三文治，餡料夾雜咗吞拿魚同蛋沙律，味道清爽得嚟又有陣陣海味，食落真係唔錯。嗱！個Pancake又點少得？厚實之余層次感強，即使無嘢伴都一樣香甜過癮，食落幾過癮夠曬實在。飲啲熱咖啡配埋，淡淡嘅香濃，大杯夠曬抵飲👍。唯獨要嗌就係份量問題，真心覺得有啲唔夠哂飽，可能大過佢隔籬大家樂少少份量，但都未至於令人開心啲喎。總括來講，呢間咖啡店喺食物口感同味道上真係睇得過，環境OK，就係沙田冇分店真係少少遺憾。下次有機會仲會再嚟試下其他嘢，希望唔好話我擺門面啊😉！…查看更多

放左工去上堂當然會搵返就近地方食飯😗見今日早收工仲可以食到下午茶就去左海富嘅super sandwich 🥪-1️⃣迷你意粉+酥皮湯 $60意粉可以選擇肉醬意粉🍝/白汁三文魚意粉今次揀左三文魚意粉 醬汁好足 味道亦都比佢嘅賣相好好多🫢至於酥皮湯嘅酥皮非常鬆化保溫力亦都好強 就算我食完意粉先飲湯都仲好熱🔥南瓜湯質地厚實 足料濃郁 🎃仲有一杯餐飲☕️-店舖面積比較細好在我早黎先有位坐不過張枱同凳嘅清潔唔夠 仲有食物殘渣😵‍💫最恐怖係飲水杯竟然有醬汁😵睇黎真係要花多啲心機清潔🤥…查看更多

用100蚊買左個會員有幾張20蚊卷同一個61蚊肉醬意粉食都唔錯食落唔錯既雜菜湯唔夠味，較淡肉醬意粉個味比起雜菜湯較重味味道唔錯但服務可加改善攞野食沒有清晰既指示食物指引…查看更多

一年前嚟呢度食，個包同個手掌咁大，但之後有段時間呢個餐好似消失咗。今個星期我見番佢，但好可惜個包竟然縮晒水，竟然一個手掌都冇。雖然價錢無變但係個包縮水縮到咁，令人有啲卻步。同埋今日個湯係唔熱嘅，竟然係暖而已。坦白講真係有少少失望，因為我覺得咁嘅價錢，可以食更好質素嘅嘢。同埋佢個湯嘅酥皮係要另外加錢，加埋酥皮嘅話差唔多90幾蚊，好似太貴……同埋呢度地方淺窄，枱與枱之間好近，枱又唔多。如果下午嚟呢度食午餐基本上冇位…查看更多

同友人叫左一份煙三文魚沙律+芝士肉醬薯條同意粉+湯，每人大約七八十蚊🙌🏻個三文魚沙律無乜醬，好健康，煙三文魚都有成三四片，一啲都唔姑寒😍薯條就麻麻地，無沾到醬嘅部份都係唔脆的🥲湯同意粉就正常發揮…查看更多

平時金鐘食早餐都好鍾意黎食呢間，雖然呢間嘢嘅價錢偏貴，不過呢度嘅早餐的確幾好食😋 平時我就會係出面部自助點餐機到選擇，咁就揀左魚柳配黑松露炒蛋，麵包，凍咖啡，另外加個通粉，個通粉嘅湯係好似番茄湯咁，但比出面蕃茄湯層次再多啲嘅調料😋個通粉真係好鬼正😋😋😋而黑松露炒蛋都落得好多黑松露，所以黑松露味濃郁，鍾意食黑松露嘅朋友一定要試吓🥳而魚柳就無咩特別，都幾脆口😁 咁今次叫呢一個早餐大概就60幾蚊，不過間唔中食一次都OK嘅個早餐…查看更多

近排都唔係太開胃，可能因為狂試菜食濟左，於是乎搵間餐廳食個輕便晚餐，試吓呢間Oliver’s Super Sandwiches 我未試過嘅連鎖餐廳。😄1️⃣The Great Philly and Cheddar Cheese Sauce Combo 費城牛肉車打芝士醬焗薯 套餐配菜湯🥩🧀- 燒牛肉採用預製即食咸牛肉薄片，無肉汁/肉質可言😕- 整道菜全靠芝士醬調味，味道單一🧀- 以快餐店標準而言，沙律有Mozarella Cheeze flakes係幾吸引👍- 有原個焗薯，份量大🥔- 套餐配嘅意大利菜湯則為現成即飲菜湯，湯渣唔多，冇乜特別😐整體來講，呢個晚餐不過不失，亦都有送餐服務，算係唔錯。$67（快餐中等價位）…查看更多

蜜桃小丸子最近開展健康飲食大計，希望選擇高質、有營養但低卡的食品，沙律當然是少不了的。在街上要吃上一個令人滿意的沙律，確實不容易啊....第一站便來到Oliver sandwich，只有雞胸凱薩沙律和煙三文魚沙律兩款選擇，價錢大約六十元，比起舖頭的其他食品例如三文治、意大利麵和焗薯，其實相對地貴。金鐘分店門外有take away沙律賣，大約四十元，感覺好像還較化算。講返煙三文沙律，賣相還不錯，有羅馬生菜、洋蔥（都幾生下）、麵包脆脆、煙三文魚同巴馬臣芝士。整體而言材料都幾新鮮，三文魚份量合理，質素不太差，但菜的份量太少，如果可以多返啲就好。成個沙律味道幾清新，基本上一個女仔食完都係七成飽，男仔一定唔夠，性價比唔算高。…查看更多

記得第一次食super sandwich 係觀塘個陣仲係學生 用咗幾十蚊食咗個凍冰冰嘅焗薯 然後就沒有然後了 咁多年食過嘅次數真係🖐🏻都數得哂 •蜜糖雞翼 雙層沙律三文治 薯條 HKD56Order 完之後就聽到炸嘢嘅聲 上枱嘅薯條雖然係熱辣辣 不過顏色偏橙 唔似係新炸嘅薯條 蜜糖雞翼食落惹味 不過搵唔到蜜糖 味道似香烤雞翼 雙層三文治分別係吞拿魚同蛋沙律 兩款嘅份量都唔多 中間夾住生菜同蕃茄 反而麵包有烘過真係加分 ✦跟餐嘅伯爵茶奶茶反而係成個餐裏面最有驚喜 飲落有少少伯爵味得嚟又唔會蓋咗奶茶嘅味道✦食物感覺只係翻熱 性價比真係偏低🤏🏻🚩Oliver's Super Sandwiches (金鐘)金鐘夏慤道18號海富中心商場地下42-68號D舖…查看更多