Oliver's Super Sandwiches (無限極廣場)

話說都幫襯左呢間分店好多年，近兩三年食物質素及員工態度都大不如前，餐具上有食物殘留，外賣放錯食物或三文治類食品一打開個盒散開哂好似好堆垃圾咁亦試過。好似今日咁，lunch 時間，有好多空位枱面上客人食完的餐盤無人收拾。我坐既位亦有之前客人的餐盤，等左好耐都無人收，於是叫某女員工收拾，佢當無聽到，反而收拾其他未有人坐的枱面！我見佢都有捧餐比人，當時已接近2點人不算太多，但到我的食物ready時，佢竟然用機械人送，係咪特登，驚我叫佢執枱？咁既員工，咁既服務態度，食物中下，又唔係平，以後唔會再黎。…查看更多

今日lunch time同朋友去食Super sandwich我叫左煙三文魚蜆肉扁意粉 好食好夠味 加埋芝士粉仲正朋友叫咗肉醬扁意粉 都唔錯而且位置舒適 坐得舒服 店舖都有大量位置…查看更多

Your shop has very few customers during afternoon tea time, which is very suitable for diners who just want to sit and drink coffee and chat. You can also order food. It is better than Taiping Coffee and Starbucks. It would be better if you can have a discount such as 20% off for two large cups of iced or hot coffee.你們的店舖下午茶時段好少客,非常適合淨坐飲咖啡傾計的食客而且還可以叫食物,好過太平咖啡和starbucks,如果可以有優惠例如兩杯大凍或熱咖啡八折就好了。…查看更多

今天去咗Olivia Super Sandwiches試咗個吞拿魚蛋多士配乳酪，加埋凍美式咖啡，真係一個好正嘅早餐選擇。呢度座位舒適，職員仲會送餐，服務貼心。仲可以自助斟水，方便又自在。吞拿魚蛋多士嘅吐司烤得香脆，上面嘅吞拿魚同蛋混合得啱啱好，味道鮮美。乳酪添咗啲清新感，令整體口感更豐富，唔會太膩。凍美式咖啡亦都唔錯，咖啡味濃郁，帶有淡淡嘅果香，唔會太苦，清晨嚟一杯特別醒神。呢個早餐真係簡單又滿足，值得推介俾鐘意輕盈早餐嘅朋友！…查看更多

5點鐘又未到晚餐時間決定食個下午茶， 原本諗住食Pret A manager , 諗諗下不如試下super sandwich, 叫左个下午茶加薯條$68， 薯條又凍又淋唔知想點，費事同D staff 投訴，食飯完即刻走，好後悔唔食Pret ， 係貴小小但起碼好食😣😣😣😣。唔怪得全場冷冷清清。…查看更多

是日路經上環無極限廣場，發現有間Oliver's Super Sandwiches，佢地嘅早餐賣相幾吸引，於是決定試試看Breakfast~~煙肉腿蛋薯餅麥包配即磨咖啡脆雞扒炒蛋餐配熱燕麥奶早餐份量適中，炒蛋香滑，咖啡香濃，整體不錯。…查看更多

🌟 吞拿魚蛋沙律多士拼乳酪｜$45如果平時去Super sandwiches 食早餐嘅話，我最鍾意叫呢個餐，去開始新的一天☀️。個人覺得呢個早餐營養豐富，健康又好食，仲有飲埋杯熱辣辣嘅咖啡提下神☕️。吞拿魚沙律，蛋，沙律醬配多士覺得成件事好夾好好味。個乳酪甜甜地，配埋啲脆脆口感好好。…查看更多

以前雙球焗薯可以自由配搭，一直係金鐘店可以碎蛋配吞拿魚；上環店超級唔識變通，一定跟餐牌，完全唔flexible；因為我唔食洋蔥同蔥，問個reception個三文魚有冇蔥同洋蔥，佢亂答話無，點知個三文魚沙律係多洋蔥到嘔，所以食唔到，上環店reception同經理超級差。個三文魚沙律，完全食唔到；鷄翼唔好食；焗薯好快凍左。但21/1下午兩點，執台的一個嬸嬸同一個男仔帶眼鏡職員，非常好主動同你講bye bye多謝幫襯，香港仲有呢啲發自內心嘅服務，值得一讚！！…查看更多

下午茶之選脆煙肉碎•酸忌廉焗薯套餐焗薯配忌廉加煙肉 🥓口感配搭煙靭香口，酸忌廉中和左鹹味，再加埋軟硬適中嘅薯仔🥔真心覺得好夾仲有沙律配菜蔬菜新鮮配上沙律醬加芝士 🧀️有小小煙肉碎夾住好食+$8 玫瑰鮮奶咖啡入口有淡淡的玫瑰香味…查看更多

-一直都有食開嘅餐廳其中之一半自助影式，先落單再坐低職員就會送餐👍🏻今之試咗嫩雞胸蘑菇香蒜忌廉汁意粉醬汁同材料夠晒多意粉適中，唔會太硬同太軟加配羅宋湯，夠晒飽肚😆水準keep到，難怪間間分店成日爆滿…查看更多

約了朋友在中環見面，可惜朋友來電要延遲一句鐘，於是進入中環無限極廣場地下的 Super Sandwich 等候。剛好是下午茶時段，便叫了一份公司三文治，附送即磨咖啡，費用五十五元，而用長者咭有優惠九五折。餐廳有機械人送餐來到面前，非常方便，面對玻璃窗外的海旁景色，舒適悠閒地亨用美味可口的三文治餐，雖然貴過樓上的大家樂，但物有所值。用上又熱又脆的麥方飽夾著很多生菜，蛋，番茄，火腿、芝士和雞肉，豐富可口，水準高過其它連鎖店！食完飲杯熱咖啡再欣賞街外及對岸九龍的景色，享受了一句鐘好時光，朋友亦及時趕到會面。…查看更多

今日唔想食飯，見食客order的自選沙律幾新鮮又大份，自己都忍不住要食下先。我叫了自選沙律(大)，最多可㨂4款沙律，我今次只㨂3款：1. 紅菜頭蜜柑沙律2. 燒南瓜、菲達芝士、紅腰豆沙律3. 燒甘荀藜麥羽衣甘藍沙律南瓜份量多，鮮甜又夠軟身；大量粟米和紅腰豆在內，由於都有澱粉質，基本上食完都開始有飽肚；紅菜頭本身無咩味道就一般，但生果有一、二件切粒甜啤梨就好好食；羽衣甘藍份量也少，不過新鮮嘅，味道唔錯。整體我都滿意的，有蔬菜水果有營養，重點係食材新鮮，見唔到有爛菜，可以keep住食多啲。…查看更多

上環嘅Super sandwiches 位於無限極廣場，港鐵E出口，地點非常方便。假日嘅下午經過上環，想食三文治，見位置坐得舒服，就入去叫咗兩份下午茶餐。經典公司三文治，用料新鮮，蕃茄、生菜、雞蛋、雞肉，沙律醬，麥包，加埋一齊好好味。迷你意粉，選擇左三文魚蜆肉意粉，份量作為下午茶啱啱好，味道非常好。酥皮湯選擇左意大利菜湯，熱辣辣嘅酥皮非常香脆可口，配合埋酸酸地嘅意大利菜湯，非常好味。呢間分店座位好多，位置方便，食物高質素，會繼續幫襯。…查看更多

Oliver's Super Sandwiches 買外賣，可以直接走到自助點餐機以八達通付款點餐，或走到 Counter 落 order！隨即店員會給予一個電子儀器，當儀器閃亮就取得外賣嘞！:)等上約5分鐘！上次買了牛油果漢堡，由於，已轉餐牌，今次買了經典漢堡餐，反而，今次套餐配熱咖啡/ 熱茶/ 湯；相對質素差咗！牛油果漢堡 $88賣相層次豐富！ 令我食指大動！配搭牛油果，既清新又跟漢堡扒好夾！而且，漢堡扒約 1吋厚， 啖啖肉又多肉汁！經典漢堡餐 $75選用芝麻漢堡包，加入蕃茄、生菜、芝士、酸瓜、漢堡扒約 2cm 厚，真材實料！尚算 Juicy！不過，我都食剩！薯條連薯皮的薯條較香脆，上次炸得恰到好處，香脆度令我食不停口！今次，就算是粗身卻被放涼至軟腍！當日湯款：雜茶湯及蘑菇湯蘑菇湯質感濃稠，味道濃郁！蘑菇都幾多，落足料！…查看更多

Had this ham and cheese baguette with a side salad and a Borscht soup. The baguette is nice, fresh and warm but the side salad definitely needs to improve. Some salad leaves are old and black hiding at the bottom which is rather disgusting. I would rather they give a smaller but fresh salad than putting rotten leaves that been sitting all day to the dish. The borscht is consistent across different branches. I don’t like they cramp all patrons into a small area for their convenient when there are plenty of seats and its amid Covid-19.…查看更多