ohm... Cafe and Bar

营业中

休息中

勁耐冇過嚟深水埗呢頭，估唔到又多咗好多高質餐廳/ Cafe～早排就嚟咗試呢間由樂隊KOLOR成員開嘅朝啡夕酒Cafe～呢度燈光較暗有一種cyberpunk嘅感覺，牆上面有幾盞霓虹燈做裝飾，「醉醒」兩個字好正😆我同朋友就叫咗幾款食物share😋 當中我最鍾意意大利黑醋醬煎卡津牛脷 ($88)，牛脷厚身但食落好軟腍同入味👍🏻 唔係章魚燒賣 ($58) 個名好盞鬼，係炸燒賣配上章魚燒醬汁，燒賣外脆內軟，份量都幾多！香炸海苔魷魚條 ($68) 香脆得嚟帶淡淡海苔味，幾不錯～主食我哋就試咗Weekly Special 磯燒鮑魚松露忌廉意粉 ($138)，磯燒鮑魚個醬汁甜甜地好惹味，松露忌廉好香濃，意粉勁掛汁，就算已經食到有啲飽都會忍唔住再夾嚟食😆飲品方面我就試咗 Iced Mocha ($55)，用上70%比利時朱古力，所以飲落朱古力味香濃，一啲都唔甜咁曬我🙌🏻 朋友點嘅Americano ($40)都不錯☕️呢度氣氛幾不錯，推介大家同朋友嚟飲嘢飲杯嘢傾下計🍻🙌🏻

都有留意開kolor 知係佢哋有份開之前去過幾次之前覺得還好無黎咁耐都想試吓佢哋嘅新menu 先講今次酒就依舊 仲有special cocktail 但新嘅明太子意粉真係大失所望 意粉係碎濕濕 之前個個明太子意粉起碼有返啲汁 招牌菜 厚切叉燒都冇咗 少少失望黑松露薯條都冇埋 失望新嘅牛脷還好不過不失燒賣都賣我 58蚊 雖然入得嚟食嘢預咗好似去主題樂園咁樣 但街邊小食都賣咁貴個 Brownies 真係硬到不得了成舊石頭咁雖然覺得Cafe嘅蛋糕係咁上下，冇諗過會難食到咁嘅地步依家加埋服務費 比之前貴咗 服務就無特別 反而人多個陣 等咗勁耐先有得落單見到淨係得一個店員走嚟走去但食物質素真係差咗 好似賣啲嘢越嚟越cheap不過做fans生意就預咗可能都係比fans去潮聖btw 食食下有曱甴喺我隔離行過 有啲女食客仲尖叫 不過深水埗呢個地方係可以體諒吓 佢哋自己走入黎怪唔到人哋客觀而言要食嘢就真係唔係幾好黎呢度啦⋯⋯好少寫食評 但今次忍唔住

深水埗型格咖啡酒館🍸同老闆Kolor 搖滾樂隊🎸風格一致行Cyber Punk 路線門口位可以帶狗狗而成間餐廳都可以做包場架方便搞唔同活動👍🏻呢到飲品好特別，我地就試咗： 📍愛的泡泡 $58特色飲品 👍🏻 用咗冷萃咖啡，就算6pm 飲都唔驚瞓唔著，咖啡因唔會好重，加埋西柚、玫瑰洛神花茶、梳打，味道好精新 🍸上面有一層好厚嘅玫瑰洛神花泡沫，聞落好香，而且打咭都好靚📍Longjing Tea Highball $98見到呢個combination@已經忍唔住要即刻叫 😝 原來咁啱揀咗佢哋嘅其中一杯signature ☺️ 威士忌飲落都幾易入口，帶有淡淡嘅茶香。大家要留意返呀～呢杯酒精濃度比較高架意大利黑醋醬煎卡津牛脷 📍$88好厚身嘅牛脷，外面少少脆，內裡依然做到好淋身 😋用黑醋醬，令油膩感降低牛油果芝士墨西哥粟米片 📍$88普通嘅墨西哥粟米片加上超多嘅牛油果芝士，即刻變得唔普通。越食越停唔到，用黎餸酒簡直一流呀 👍🏻泰式香辣魚餅 📍$68份量都有成8塊架，都幾多，點埋個泰式辣醬，幾香口美味

📍深水埗朝啡夕酒餐廳‼️• 食物都幾有水準😍 -- Ohm…Cafe & Bar☕️🍻·Follow @pigfoodiexhk for more food!🐷💛#pigfoodiexhk_深水埗#pigfoodiexhk_西餐=======================上星期同男朋友嚟咗呢間位於深水埗嘅餐廳，呢到係由本地樂隊kolor開設，水泥風嘅裝修型格十足‼️呢到最大嘅特色係朝啡夕酒，朝早嚟嘆下啡睇下書，到咗夜晚就可以嚟飲嘢chill下👍🤪除此之外，餐廳嘅2樓仲可以book嚟做private party room，岩晒一大班朋友去玩😎------------------------------⭐️蒜香甜酸腸仔波 $78 (4.3/5)非常開胃嘅一道小食😍幾juicy👍•⭐️意大利黑醋醬煎卡津牛脷 $88 （4.6/5）呢個必食😋牛脷外表微脆，咬落勁腍身😍‼️加埋黑醋醬酸酸地更為開胃👍·⭐️明太子蟹籽意粉 $118 （4.5/5）呢個係店員推薦嘅signature dish!!明太子醬非常濃郁，充滿鹹香🥰‼️意粉口感煙韌，掛汁力強，啖啖都好滿足呀 👍⭐️Weekly Recommendation

深水埗不嬲都多Cafe，意外經過呢間以本地樂隊主理嘅酒吧餐廳，朝啡晚酒，仲會不定期邀請本地樂隊過嚟演出，日頭係Cafe，夜晚搖身一變成為微醺酒吧~😋 小食拼盤 $198小食拼盤賣相已經好吸引，包括墨魚卷、燒雞泡魚乾、魚餅同炸魷魚條，每款小食份量適中，唔會太多亦唔會太少，其中最有驚喜係墨魚卷同炸魷魚條，墨魚卷肉質結實彈牙，而魷魚條外皮炸得酥脆，內餡熱辣辣。🐙 唔係章魚燒賣 $58味道係章魚燒嘅味道，而燒賣外脆內軟，內餡軟熟有咬口，份量偏多，而且燒賣面層嘅醬料亦唔會吝嗇。🦐 冬陰功大蝦意粉 $128意粉炒得好香，灑上冬陰功味粉，意粉食落好濃烈冬陰功味，意粉口感偏爽身，大蝦份量都好足，加上黑椒同冬陰功味粉，大蝦肉質新鮮爽口。柚子特濃咖啡湯力水 $58鍾意飲到最後仲可以飲柚子蜜，整體偏清甜，淡淡柚子清甜，為特濃咖啡湯力水添上咗一層清新香味。🥃 Ocho Chocolate Old Fashioned $128Old Fashioned用咗優質嘅威士忌加上朱古力榛子醬，以及杯邊爆炸糖，令整體口感提升。入口非常順滑仲有淡淡嘅蜂蜜味。

cafe日頭嘅氛圍同夜晚係完全唔同☕️一到時間 佢就會搖身一變變做暗暗地+霓虹燈嘅bar🍺野食方面～近排轉左新menu主餐會比較少選擇送酒嘅小食就有唔少小食嘅味道超有驚喜！！！(出得黎蒲就梗係食返啲打底)店員亦都好鍾意狗狗🐶不斷同我地玩聽講店主本身都有養柴柴係一間唔錯嘅 #petfriendly 餐廳提提大家‼️店外有一張檯嘅位置可以提供比狗狗同埋奴才用餐～ 可以提早book位 咁就可以確保一定有位坐推薦食物🌟唔係章魚燒賣🐙呢個炒左嘅燒賣配上章魚燒嘅汁，真係好特別～ 味道唔錯，需要趁熱食😂義大利黑醋牛脷🐮厚切得黎，唔會太老身😍～推薦飲品🥂豆腐花cocktail鍾意豆腐花嘅朋友仔一定要試～ 係一杯好適合女仔嘅酒～ 淡淡嘅vodka味 加上濃郁嘅豆腐花味 估唔到會咁夾🥹Ocho Chocolate Old Fashioned 呢杯whiskey底嘅cocktail相對酒味出好多😍啱平日鍾意高酒精嘅酒鬼們～ (仲係一杯好啱打卡嘅cocktail)

今次黎到呢間由本地樂隊Kolor 主理既兩層餐廳 佢地成員仲會不定期出現 去既當日就比我地遇到了🤩佢地既意念除咗用餐之外 一定唔少得就係推動香港本地音樂🤟🎸2樓主要係可以包場作私人聚會或者搞迷你個唱都可🎼餐廳以特色水泥牆風格同埋迷幻既燈光設計 當中最吸晴一定係近門口位置既霓虹燈「醉·醒 」有別於一般嘅餐廳 呢間既特色係日啡晚酒 你會想黎追求醉定係醒既感覺呢🤭🤭另外室外位置同埋閣樓都係pet friendly 店員本身都好鍾意狗狗 態度親切非常友善🥰🥰食物方面性價比高 好有驚喜 小食會比主食多～好處係可以試多唔同幾款食物🌟仲有唔同既特色飲品 特別係cocktail既配搭 其中一系列結合左中式糖水元素 非常新穎👍👍ˏ ˋ ˗ ˚ 特別推介ˎˊ ˗ ⋆唔係章魚燒賣〰️燒賣控既我都係第一次試以章魚燒既汁同木魚配搭一齊食 冇諗過可以咁夾 非常野味 食到停唔到🤩意大利黑醋牛脷〰️牛脷煎到表面脆 食落裡面稔而且好入味 加埋黑醋可以中和返油膩既感覺牛油果芝士墨西哥粟米片〰️份量多 除咗牛油果溶仲可以點埋忌廉芝士醬 雖然邪惡 但真係好食 送酒一流🤤飲品推薦🍸其實好多杯都各有特色🥰但必須特別推介打卡必備既𝙾𝚌𝚑

Ohm…cafe and bar 以「日啡夜酒」模式經營店內既霓紅燈招牌「醉。醒」非常矚目👀「白天靠咖啡清醒 晚上靠酒精微醉」完美演繹現代成年人 日飲夜飲既精神🥂🍻Ohm 由 🌟Kolor主理🌟主打支持本地樂隊音樂 💿🎧🥁🤘🏻仲會不定期同唔同音樂人合作搞活動🎵P.s. 當日仲好好彩巧遇主唱Sammy✨💖***原來Ohm岩岩轉左新menu無耐～📋可以試下新野～勁Lucky～🤓\ 🍝 明太子蟹籽扁意粉 ($118) /每條扁意粉都掛滿奶油味香濃既忌廉醬汁每啖都食到明太子 非常足料～扁意粉加左蟹籽 咬落脆卜卜 口感好特別!!! 果然係餐廳招牌菜單之一 ✨\ 🐮 牛意大利黑醋醬煎卡律牛脷 ($88) / Ⓝⓔⓦ 將厚切牛脷兩邊煎到焦脆 再淋上黑醋汁食落外脆 入面厚實軟嫩 個人好中意!! 大推😋✨\ 🦑 香炸海苔魷魚條 ($68) / Ⓝⓔⓦ有別於一般既炸魷魚條 係炸粉入面加入海苔 令味道更豐富酥脆外皮包住彈牙既魷魚 送酒一流!! 💯\ 🐙 唔係章魚燒賣 ($58) / Ⓝⓔⓦ見個名幾得意 叫左黎試下原來係炸燒賣上面鋪滿紫菜 照燒汁同沙律醬好新穎既食法 不過又幾好味 😆\ 🍟 青醬芝士脆薯條 (

經過見到深水埗呢間咁型格嘅餐廳 忍唔住入去試吓🤭 原來C餐廳朝早會有咖啡 夜晚就變咗做bar🤩 飲品款式都非常之多😙冬蔭功海蝦扁意粉($128)冬陰功味非常香濃 但係又唔會太辣😝 而且海蝦大大隻 識落非常爽口 🦐 意粉比較乾身 再多啲汁就好啦😙意大利黑醋醬煎卡津牛脷($88)牛脷每塊都好大塊 煎得好香😍 咬落口感琳琳地 調味平衡唔會冇晒牛脷香味 配埋黑醋減低油膩感😋唔係章魚燒賣($58)呢個好特別 燒賣焗到邊位脆卜卜 再加埋章魚小丸子嘅和風醬汁🤤🤤 咁嘅配搭又幾襯 而且燒賣唔會乾爭爭 食唔停口嘅一道餸😋火炙雞泡魚乾伴蛋黃醬($40)雞泡魚乾軟硬適中 咬落幾有口感😍😋最緊要係配埋蛋黃醬 味道即刻豐富左🤩愛的泡泡($58)呢杯就啱哂打卡啦🤩 用左衣索比亞G1豆冷萃咖啡 再加左西柚同玫瑰洛神花茶香味 飲啦但係有淡淡的甜味 亦都充滿花果味😍 非常特別🥰楊枝甘露($128)本身仲以為係甜品 原來係Cocktail😆 飲落非常特別 真係好似楊枝甘露咁 但係又有酒味😋 仲有一粒粒嘅脆脆 又配搭得幾好👍🏼

「飲過苦澀經已醇化 經過宿醉醒過來嗎」相信一眾的Kolor fans都聽過ohm... Cafe and Bar，這裡由幾位成員合資，店內亦有 Kolor的週邊寄賣。白天是文青咖啡店，晚上就會搖身一變成為型格的 cocktails bar🍸 以朝啡夕酒兩種截然不同的面貌讓大家在清醒與微醺之間徘徊🔸慢煮澳洲穀飼牛脷點了份小食，牛脷帶點焦香，肉質軟腍入味，加上惹味醬汁佐酒一流呢🔹冬陰功大蝦意粉酸香醒胃的冬陰功意粉，意粉彈牙，醬汁洋溢着東南亞風味，怕辣的朋友也可以試試這款🔸松子仁青醬蟹肉意粉早前St. Patrick’s Day的期間限定菜式 ☘️ 餐廳現已推出全新menu，保持新鮮感✨ 松子仁青醬味道清爽，跟鮮味的蟹肉很配搭🔹Appletini Mocktail/Green Apple Juice, Lemon Juice, Granny Smith Apple Syrup /同樣是剛過去的期間限定mocktail，青蘋果口味酸甜清新🍏 杯上的裝飾亦特地選用了日本蘋果，誠意滿滿🔸Cucumber Basil Smash/Bombay Gin, St-germain, Fresh Lime,

A stylish and lovely cafe with great food and spectacular menu at reasonable price💛Surprisingly nice and quiet place to hang out and talk, the night was served sweetly, already planning for another date there!Especially enjoyed the signature cocktails named after traditional desserts, sweet with alcohol that was never thought of!😍

今日去到深水埗呢一邊搵食 就揀咗呢一間靚靚嘅文靚靚嘅文青cafe! 好彩夜晚都唔使排隊 我哋好快就被安排入座一入到去，見到好多人都叫咗唔同嘅特色cocktail 朋友都話想叫番杯嚟飲 店員亦都問我哋係咪第一次嚟 亦都有介紹返相關嘅食物俾我哋 我哋今日就叫咗蒜香大蝦橄欖油意粉 同埋明太子蟹子意粉嘢飲就叫咗longjing tea highball蒜香大蝦意粉就先嚟到，大大隻蝦真係好吸引，食落亦都非常爽口彈牙，意粉味道嘅配搭都唔錯，性價比高。明太子意粉個汁有一個濃厚嘅味道，隱約食到有少少奶嘅味道，再撈埋蟹子同紫菜，非常特別。嘢飲就係威士忌base既cocktail, 值得一試埋單大概每人200

餐廳隱藏喺深水埗嘅鬧市入邊，暗暗哋嘅藍色燈光配上牆上面嘅霓虹燈「醉醒」，十分有feel😌食物質素有驚喜，🖤黑白配⚪️覺得真係廚師用心之作厚切完美平衡叉燒 $80叉燒有六舊，每一舊都係厚切咬落去好淋，而且索曬蜜汁甜甜地，絕對唔乾柴加上少少焦邊，十分好食👍🍝明太子蟹籽意粉 $115醬汁有濃濃嘅鮮奶味😱 汁雖然係稀身，但十分掛汁！明太子味唔太出，但淨係蟹籽、紫菜同乾絲同埋個汁撈意粉已經食唔停！暫時呢一種味道係🖤黑白配⚪️喺其他餐廳未食到🦐蒜香大蝦橄欖油意粉 $125大蝦好彈牙，一度懷疑過會唔會係新鮮蝦🤪意粉亦係好彈牙，恰到好處每一啖都充滿橄欖油嘅香氣😇餐廳仲有好多唔同特色嘅Cocktail、Mocktail，今次🖤黑白配⚪️就冇試，但相信都係值得一試😊

朝啡夕酒 ohm... cafe and bar本地樂隊KOLOR主理 位於深水埗 日頭cafe 夜晚變成酒吧店內有大量霓虹燈 更有KOLOR大logo另外2樓可以外租做workshop或者private event / 玩live music等等餐廳外面仲有pet friendly area 甚至門口其實都幾打卡able就算你唔係KOLOR fans 呢度都好值得去架唯一美中不足係記得嗰度播嘅歌唔係好啱feel(ﾟ∀ﾟ)有多款特色Cocktail供選擇半首歌 $120(**呢款係上年嘅時候飲 應該已經冇左喇~)因為有follow佢地ig 所以先留意到有呢杯揀一睇個外型已經好吸引我(*´꒳`*)呢隻係用左Kolor嘅其中一首歌去改名問左店員就知道左佢係用左奶蓋焙茶茶底嘅cocktail有唔少但係放奶蓋喺面就真係少~ 一半茶一半酒 好有特色 我自己就好鍾意喇(๑･̑◡･̑๑)佢地好似周不時會有以kolor嘅歌嚟創作嘅cocktail 可以留意下呢啲隱藏menuUmeshu Jasmine $98Green tea umeshu, Jasmine Tea cordial, soda用左綠茶梅酒

⧍ 深水埗除了文青咖啡店之外也隱藏了不少有個性的咖啡店/餐廳這間以推廣本土樂隊和音樂為主，充滿個性的裝修風格「朝啡夕酒」的模式，餐廳燈光到傍晚便會轉換成霓虹燈，非常有氣氛------------------------------⋆ 𝘔𝘦𝘯𝘵𝘢𝘪𝘬𝘰 𝘗𝘢𝘴𝘵𝘢 明太子蟹籽意粉 ⋆⤻ 明太子味道很濃郁醬汁充滿啖啖的奶油香意粉質感剛剛好也很掛汁加上粒粒的蟹籽增添鹹香味整體很不錯⋆ 𝘗𝘦𝘳𝘧𝘦𝘤𝘵𝘭𝘺 𝘉𝘢𝘭𝘢𝘯𝘤𝘦𝘥 𝘉𝘉𝘘 𝘗𝘰𝘳𝘬 𝘪𝘯 𝘛𝘩𝘪𝘤𝘬 𝘊𝘶𝘵 厚切完美平衡叉燒 ⋆⤻ 叉燒肥瘦適中，鬆軟也充滿肉汁蜜汁亦增添了整體的香甜味⋆ 𝘚𝘭𝘰𝘸 𝘊𝘰𝘰𝘬𝘦𝘥 𝘈𝘶𝘴𝘵𝘳𝘢𝘭𝘪𝘢𝘯 𝘎𝘳𝘢𝘪𝘯 𝘍𝘦𝘥 𝘉𝘦𝘦𝘧 𝘛𝘰𝘯𝘨𝘶𝘦 慢煮澳洲穀飼牛脷 ⋆⤻ 牛脷口感不錯很爽口調味適中也不會過鹹或太濃味⋆ 𝘠𝘦𝘶𝘯𝘨 𝘑𝘪 𝘎𝘢𝘮 𝘓𝘰𝘶 楊枝甘露 ⋆⤻ 新推出的4款糖水口味的雞尾酒中西合璧的創意很吸引攪勻後是帶淡淡酒香的楊枝甘露⋆ 𝘗𝘢𝘯𝘥𝘢𝘯 𝘊𝘰𝘭𝘢𝘥𝘢 ⋆⤻ 新鮮的菠蘿加上椰子和班蘭調配而成的沙冰菠蘿味很突出，口感清新又解渴