Ohayo

環境衛生不佳，兒童餐具黐笠笠， 交叉膠都有咬痕也不更換。座位餐枱好污糟，上手剩下的植物也沒有清理好。焗豬扒飯好難食，酸味好重，豬扒好硬。豬肋骨太鹹，八角味勁重，超級難食。 每一樣嘢食都好難食，一係太甜，一係太鹹。以為甜品會好啲，點知連甜品都可以整得難食！完全冇人收野，落餐的時候啲嘢亂咁擺，爭啲倒瀉嘢仲整到人。 員工好似趕住收工咁，未食晒啲嘢食就話收，明明冇人等，一路食一路吹趕交枱。完全不推介不建議再嚟。…查看更多

本身想book枱枱食飯之前都見OpenRice有得book位咁見佢突然間冇咗網上book位唔緊要啦，諗住打過去book位打足兩日個電話長期都係拎起咗完全打唔入好生意到唔憂做？？大佬諮詢都要俾個渠道啊…查看更多

未食過咁難食嘅餐廳 難食到第一次留comment鰻魚炒飯 啲鰻魚有骨 啲骨仲要幾硬插咗入牙肉度… 超市買嘅鰻魚都好食過佢炒飯有啲碎濕濕同有啲濕 但調味都OK豬肋骨全日早餐豬肋骨好鹹 第一啖咬落去勁嚡 食咗兩啖就放棄 all day嘅蛋一睇賣相就覺得有啲老 食落去拍得住大x樂質素仲有小食水牛城雞翼無影到相個雞翼係炸 然後有一堆辣汁撈起 配埋薯條 正常 但都唔一定要好嗌呢間真係環境靚啲嘅高級茶餐廳🥶🥶 下次星期六夜晚喺海港城見到仲有位真係要三思再食😣…查看更多

天氣熱 興沖沖黎吃刨冰，結果好失望！嗌左哈密瓜刨冰，一入口就皺眉——冰刨得超粗，蜜瓜醬甜到齁喉嚨，還帶一陣藥水味，吃兩口就已經唔想食…更離譜喺個杯蜜桃烏龍茶！等了整整20分鐘，因為坐卡座，舉手喺完全冇店員理…..唔知喺睇唔到定點。黎到之後第一句就話整緊，我請問一杯烏龍茶，要整20分鐘？然後杯茶仲要好澀，又冇蜜桃味，好難飲！唔知主食點，但完全唔推薦刨冰同野飲，因為真喺好難食，我仲不如出去食，喺度食真喺嘥錢…查看更多

係海港城食完lunch, 但又想食甜品喎,睇吓D水牌有咩甜品供應嘅餐廳先...見到呢間D相都ok,去試吓. 餐廳 望到海,環境都幾好.用QR code落單. 水自助.除咗甜品,都有意粉周其他主食可以叫. 飲品有咖啡,茶,特式飲品,.點咗一客朱古力窩夫,一客圓式切開四件,伴有cream, 藍莓,杏仁片,一球朱古力雪糕. 個樣都幾吸晴😍點咗兩杯飲品試吓. 一杯Americano 同埋一杯earl grey. 咖啡都濃滑嘅. 茶都香. …查看更多

同frd行到攰就求其搵咗間入去坐下傾下計熱到暈嘅天氣 見到有刨冰就一定嗌 諗住應該唔會難食得去邊～因為基本每一枱都有一碗揀咗個波子汽水口味刨冰🍧如果個色可以再藍色啲啲 應該會好吸睛側邊仲有個雪糕球 估計係當平時落煉奶咁嘅作用但開頭個冰咁高 而且其實上面真係無咩味道要起碼食到一大半先倒得到個雪糕入去 的確 落咗雪糕真係好味返少少～而且食到底終於食到波子汽水味😂·另外 意大利芝士窩夫🧇對比起個刨冰🍧 窩夫好食好多 果然係招牌窩夫個皮非常香脆 其實唔落任何醬食反而仲好味 加左啖tiramisu cream反而勁漏 ·加勒比海/菠蘿藍柑橘梳打顏色好靚 適合打卡 味道就…無特別·芝士奶蓋茉莉綠茶普通到無得再普通😀…查看更多

週六下午和朋友到尖沙咀海港城Ohayo 吃甜品，結果非常失望。點了士多啤梨刨冰和蜜糖 pancake，但味道遠遠不如預期。刨冰甜得過火，只有糖漿味，既無奶香也吃不出真正草莓的清新感；蜜糖 pancake 也同樣只有死甜，毫無層次和質感，吃幾口就膩了。更令人不快的是店員的服務態度非常惡劣和冷淡，詢問時也愛理不理，就像要趕客，讓人感覺像打擾到他們一樣，整體用餐氣氛非常冰冷，服務與食物同樣令人失望，絕對唔會再去。…查看更多

最近喺尖沙咀海港城嘅Ohayo by Ocio試咗晚餐，作為一間日系美式風格嘅餐廳，佢畀我嘅印象真是不錯！以下係我嘅簡短食評，分享環境、食物同服務嘅體驗。環境：海景加持，氣氛輕鬆Ohayo位於海港城海運大廈地下，設計走簡約日系木質風，落地玻璃窗可以望到維港夜景，夜晚尤其迷人！空間感強，卡位坐得舒服，環境乾淨整潔，無論同朋友定家人聚餐都好適合，氣氛輕鬆又放鬆。食物：創意融合，味道均衡今次無試全日早餐同甜品，點咗其他主菜同飲品。主菜係西式同日式嘅融合風格，味道有驚喜，食材新鮮，擺盤精緻。雖然menu選擇唔算好多，但每款菜式都好有特色，份量適中，食完唔會太飽。水果茶清新，入面有唔同水果粒，甜度啱啱好，解膩又健康，配搭主菜好夾。服務：貼心周到服務員態度友善，會主動幫忙解答menu問題，上菜速度快，食物保持新鮮熱度。晚市人流多，但服務仲算到位，仲有新張優惠，性價比高！如果高峰期有多啲人手，體驗會更流暢 。總結Ohayo by Ocio係一個環境同食物都令人滿意嘅餐廳，維港海景加分不少，適合購物後想輕鬆食飯嘅朋友。主菜同飲品質素高，創意十足，下次會再嚟試吓其他菜式！…查看更多

昨天朋友送票給我到文化中心看演唱會，8時開埸，放工後便到尖沙咀找東西吃，諗咗好耐，結果揀咗這間餐廳，我們2人點了個晚餐，打算之後吃甜品，結果晚餐加咗個小食，已經夠晒，可能是味道不太好吧！我們叫了個南瓜豬面頰意大利飯和蕃茄薯蓉豬肉丸，個意大利飯好溜、冇乜味道，豬面頰是非一般的、賣相怪怪、長條形、又肥又唔好吃，那個小食-蕃茄薯蓉-太酸、肉丸質地也不佳，結論是不好吃😕可能這間餐廳甜品比較似樣，可惜我哋冇時間吃！…查看更多

行完海港城可以去飲杯嘢，坐低休息，幾好坐，佢又唔會催你走，啲嘢飲唔差嘅，係偏貴，但係去得尖沙咀都預咗….以食物質素，甜品價錢係貴，但係去得尖沙咀都預咗，個窩夫就真係一般，雪糕得一球加錢要多球雪糕好似要$20？我覺得就唔值啦～整體而言，呢間嘢都係俾你用嚟坐下休息，嘢食一般～間嘢好日系，出面睇好似好靚，但坐入去就係普通cafe 格局，仲以為係日系，我有啲覺得落差太大！另外，個海景俾架郵輪block左， 你只可見到船底既身，好悶🤭唯一優點，呢幾年你都攰㗎喇！ 坐下啦～…查看更多

才剛剛開始營業，餐單裡面80%都售罄，可選的寥寥可數，令人億分失望，絕望透頂。服務態度亦不友善。查問是回答的態度真令人不開心。那就很簡單地說那就取消所有訂單啦！…查看更多

看起來像疏乎厘的特色甜品店舖稱作這個為熱香餅鑊仔麻糬熱香餅可自由選配雪糕口味熱香餅口感像雪芳蛋糕跟想像中很有出入但又熱鍋載著味道還好的蜂蜜熱香餅這份沒有加熱送上就完全不行了真的像在吃一個雪芳蛋糕…查看更多

明明要攞飛入座, 點解侍應會比咗兩個就咁行入去嘅外省人坐呢? 呢點真係要再TRAIN吓. 我地就係門口乾等多十分鐘先有枱. 奇怪, 最奇係同侍應講番佢地一啲反應都無, 真係做到麻木晒.嘢食方面, 個豚內SET係勁豐富又飽肚, 有飯又有烏冬, 味道仲唔錯添喎. 呢個可以ENCORE. 反而和牛漢堡, 塊和牛漢堡煎到過晒龍, 濃面, 仲有啲打渣, 真係唔掂. 用大堆薯條頂上.   …查看更多

約朋友到海港城食午餐，見到餐牌上第二份午餐半價，就揀咗呢間餐廳。是日餐湯🌽粟米忌廉湯無咩粟米味，但質地唔錯🦐石鍋蕃茄海鮮泡飯料都有很多，但湯底有啲腥味，要自行加入大量黑椒先食得到。🐷 豬肋骨全日早餐（扒茄，大菇，茄汁豆，薯餅，炒蛋，煙肉，香腸，牛角包，豬肋骨）等咗25分鐘先出嘅餐，豬肋骨味道不錯👍🏻 但蕃茄煎得太燶，有點苦😣 茄汁豆是凍的，香腸煙肉都係烚的，唔好味☹️ 整體真係好失望🥲。可能呢間餐廳只可以食甜品…查看更多

相信每一個人食到好飽，總會有另外一個胃裝到甜品，當我和朋友剛剛食完午餐，行行吓就見到這間餐廳，在門外看看Menu，即時被甜品吸引住，我哋嘅第二個胃要啟動。呢間餐廳甜品好吸引，我哋叫咗兩個甜品和兩杯飲品，綠茶紅豆麻糬窩夫，鑊仔焦糖金寶雪山熱香餅，另外飲品係凍美式咖啡和摩卡咖啡。綠茶紅豆麻糬窩夫，窩夫唔夠脆，但紅豆滿滿的，雪糕是雲呢拿味。而另外一個甜品熱香餅，是用一個鐵鍋裝上，所以甜品夠熱，不過覺得甜咗啲，可以係太多焦糖。飲品都是正常。…查看更多