NUTTEA (時代廣場) (已結業)

今日lunch time食飽之後去左time square下面嘅Nuttea買番杯凍飲解渴。去到已經有不少人排隊中以下係menu有大支家庭裝飲料也有我今次嘅目標飲料！限定100杯嘅伯爵朱古力堅果奶蓋茶！呢間分店仲會每賣一杯捐$1添！以下係外賣買番公司的飲品:第一杯: 粉紅莓好堅果奶蓋茶 $45蓋上面有教大家點飲味道不錯，草莓味，感覺似食緊草莓新地，厚厚的奶蓋加上草莓茶底，味道意外地夾！我當時叫了微甜，不會太甜，味道剛好，非常清新第二杯: 伯爵朱古力堅果奶蓋茶 $47 呢杯我非常欣賞！推介大家一定要試！朱古力奶蓋非常濃郁，好似食緊moose咁，好好味！加上微甜嘅茶底，一流！第三杯: 宇治抹茶堅果奶蓋茶 $39中意飲綠茶嘅人一定要試！不會太甜，有d甘味，非常不錯！

之前一直都好想試 但每次經過不同分店一係太飽飲唔落 一係太趕冇時間飲...點知今次喺銅鑼灣行行吓街 發現開咗新分店!!♥ = 食喔(屙)推介菜式支持黃店💛支持黃圈⋆ 手沖咖啡堅果奶蓋 ♥ $40原來咖啡(唔酸的)同榛子奶蓋好夾!而且奶蓋好滑 甜度適中 有驚喜!⋆ 朱古力榛果堅果奶 $39口感上如果有榛果粒可以咬吓 同埋奶質地杰身少少會更加分! 我見佢有出家庭裝堅果奶 打算下次買返枝!🖤Instagram: eatoreator

一直都想試係銅鑼灣時代廣場B1新開既呢間NUTTEA嘅茶，但每次經過時都好飽飲唔落。加上疫情又真係唔方便係街飲嘢。今日終於搵到個好時間睇完場戲，可以外賣買返屋企慢慢飲。NUTTEA選擇非常多令人花多眼亂，揀嚟揀去最後都揀咗NUTTEA店員大力推介嘅伯爵茶朱古力奶蓋, 亦都係NUTTEA比較多人買既一杯。比起一般台式奶蓋奶茶，Nuttea無咁大杯，但係啲奶蓋就超實，真係要用佢俾嘅剷剷嚟食。伯爵茶茶底好醇，好清新。可惜伯爵茶無純茶，不過下次要一定試其他飲品款式。

無論順境定逆境，人生都要面對，如果明合前面係堀路，就要識得搵第二條出路，因為一定會有解決方法。好似係珍珠奶茶已經接近飽和階段，而「Nuttea」最近食正純素趨勢，將堅果x奶蓋茶完美結合，重新佔據一眾追求健康既白領市埸，可以話係成功既第一步呀！👇📌堅 果 奶 蓋 茶 - ▪ 伯爵朱古力 · 堅果奶蓋茶 - $47▫ 係Nuttea主打既堅果系列，我最鍾意佢既堅果奶蓋茶，佢地既奶蓋厚實而且充滿堅果香，原因係分別用左杏仁、核桃、腰果、夏威夷果仁、榛子五隻堅果冷壓製成，所以香味相當濃郁。而今次揀左伯爵朱古力口味，飲落啖啖清幽既朱古力，加上奶蓋既衝擊，兩者味道好夾，飲得過！

銅鑼灣新開Nuttea 喺時代廣告方便港島人夜晚9:00pm左右到，少人Nuttea 價錢唔平，見有promo 即刻試粉紅草莓堅果奶蓋茶原價$45>>>>Follow IG 就$28一直想試吓水果mix堅果奶平時飲開堅果奶茶唔知酸may may嘅草莓同堅果夾唔夾呢飲品可選擇糖度（我選了走甜）但冰度不能選好靚，好少女心但我唔係呢種style先買佢有教3種層次品嚐奶蓋但因為依家有口罩又邊行邊飲我就怕麻煩冇用佢啲方法直接將奶蓋撈勻成杯嘢飲～～～方便啲由於奶蓋好厚，都要花啲時間撈撈完成杯好creamy雖然走甜但草莓都係少少酸，係正草莓原味道配埋香口堅果感覺幾清新既有水果香，亦有堅果香冰是碎冰，飲落比沙冰粗啲但配埋堅果粒粒感覺唔係鞋$28抵飲

每次去旺角嗰間都好滿足, feel到佢地係用心做但今次黎到時代廣場呢間，啲員工服務同衛生都嚇親我，個店員問都唔問我，就打開個杯蓋，先至蓋上去個杯度。仲要就咁用手指喺入面篤個蓋出黎，疫唔疫情都好，咁做觀感真係麻麻地。第一次仲要整爛左個蓋，佢仲要話點解啲蓋咁易爛，我喺旺角飲咁多次，同一款蓋，未見人地整爛過，我相信係因為佢篤個蓋出黎，搞到受力點唔平均點爛，想問nuttea究竟有冇指引畀員工，開定唔開蓋畀客，使唔使問左客先?之後佢飲管同羹半扔半擺咁畀我，個蓋就keep住半開，但我又未飲，於是問佢有冇膠紙可以痴一痴返，佢有幫我嘅，但就好粗暴咁拍落去，搞到啲奶蓋喺蓋邊咇曬出黎?_?咁嘅咩多人嘅話忙嘅我都理解，但今次係得我一個客咋喎...

黑洞自從飲過一次呢間堅果奶飲店每次經過都心思思😬特別係個堅果奶蓋無可取替🤗經過先至原來佢默默開多咗好多分店😮-🔸伯爵朱古力堅果奶蓋（$47）黑洞私心no.1推介‼️每次嚟忍唔住又encore☺️識飲一定係將伯爵茶底走甜走冰🤗奶蓋面灑上一層純朱古力粉🤤朱味十足食一啖朱古力奶蓋🍫再飲一啖伯爵茶☕️極級享受💓-P.s 黑洞留意到食堅果奶蓋個匙羹仔變成木製👍🏻相對之前膠鏟仔環保好多👏🏻抵讚

今日餓餓地嗰時，咁啱行過銅鑼灣時代廣場CitySuper，見到原來nuttea啱啱響度插咗旗，實在太好啦見佢分店越來越多, 應該係唔飲得牛奶嘅人嘅一大福音呀! 雖然我冇牛奶敏感嘅問題，不過自從飲完nuttea鹹鹹香香嘅堅果奶蓋，成日令我心思思再想飲，雖然價錢真係唔平，不過偶爾要獎勵一下自己今次叫咗杯粉紅莓好堅果奶蓋茶，見呢款係期間限定就一於試吓啦~ 一貫我平常嘅作風，都係叫咗無糖，果味就一定唔會比糖嘅甜味蓋過咗，所以飲到好真實天然嘅士多啤梨味道加埋少少茶味，再加埋超級厚嘅堅果士多啤梨味奶蓋，奶蓋味道好特別，好似食緊牛奶糖咁, 好正呀飲完真係覺得非常滿足，好飲又飽肚，所以lunch 都唔洗食值得一提嘅係，我今日先發現原來有得淨買堅果奶蓋，可以拎返屋企配唔同野慢慢嘆好邪惡嘅發現呀！俾我知道咗呢樣野, 下次一定會自備容器過嚟買, 咁就可以日日都響屋企慢慢嘆堅果奶蓋了

上次去Nuttea飲過堅果奶之後，一直對它念念不忘，本打算今日在太古上完麵包堂之後便行去鰂魚涌飲返杯，可惜.....課堂overrun，要趕住出銅鑼灣而放棄走鰂魚涌一轉。世事難料，估不到一走進city' super就發現它，原來銅鑼灣也有分店，緣份真奇妙，不用刻意尋找，卻出現在眼前。開放式的店舖，沒有坐或企位，只供外賣，舖位雖小，但整齊企理，仲貼了不少飲品相片，而牆身亦鑲了五支堅果柱，挺吸引。店頂鑲了電子餐牌和產品簡介，相當清晰。飲品有七個系列，分別有堅果奶蓋茶、堅果奶·茶、堅果奶、水果茶、冷萃名茶、手沖精品咖啡和純堅果乳，另外還有兩款奶蓋出售。對着眼前一張張飲品相片，正在懊惱之際，就見到電子螢幕上那杯獲2019台灣奶茶節金獎的伯爵茶朱古力堅果奶蓋茶，仲要每日限定100杯，唔知還有沒有呢?很想看看它的層次，故今次要凍飲，但走冰，哈！伯爵茶朱古力堅果奶蓋茶 Earl Grey Tea W/Chocolate Nut Cream($47)拿上手涼涼地。它跟我的想像完全不同，本以為是伯爵茶朱古力做底，頂頭加上純堅果奶，但實際卻不是這樣。是怎樣？伯爵茶做底，茶頂是朱古力堅果奶，再灑了些可可粉。

香港開沖茶類的小店就見得多，但係用堅果做主角的茶類的店真係比較少見!今日經開Times Square就見到呢間NUTTEA，去到門口都見到比較多人排隊，又覺得佢幾特別，就決定試下呢間好唔好飲!!茶類的選擇都比較多，上網都睇過openrice的食評比較多人推介有奶蓋的茶類，見到比較吸引的是伯爵朱古力堅果奶蓋茶，但係因為我唔係好鍾意飲奶蓋的關係，所以今次我就揀左最普通的火龍果堅果奶!而堅果奶係由杏仁，榛果，夏威夷果仁，腰果及核桃制成!係等候沖茶的期間，少不免就會留意下佢店面的裝修同風格，由於呢家店係用堅果做主題，所以裝修都主要係用啡色同埋堅果做裝飾!而沖茶的前檯都見到有張貼推薦飲品的選擇，可惜我太遲見到有季節限定的黑糖薑薑堅果奶，見到都覺得好吸引!火龍果堅果奶 $40睇住店員首先用新鮮的火龍果用攪拌機打碎，再配合上堅果奶，可能係因為選了微甜的關係，我呢杯堅果奶飲落一D都唔甜，口感飲落好綿質，好滑同好堅果味!

近年香港不斷進駐 #過江龍 茶飲，今次經過 #銅鑼灣 CitySuper， 留意到呢間主打 #堅果奶茶 嘅茶飲店，忍唔住試下！餐牌都幾多選擇，除咗 #堅果奶 同 #奶茶 之外，亦 都有 #水果茶 同 #咖啡 ，目標顧客群相當廣闊，特夠係對奶類敏感人士！💛 伯爵朱古力堅果奶蓋茶（$47）呢杯榮獲 #2019台灣奶茶節 金獎嘅堅果奶茶原來每日只係限定100杯！味道嚟講可以話係一杯液體版嘅 #繽紛樂 ！佢嘅堅果奶蓋除咗超濃超香之外，朱古力味都好突出。而佢用嘅印度伯爵茶底都好厚茶味，飲嘅時候記得用小匙羹潷起一小羹奶蓋，再同茶底攪勻飲用。整體味道的確好特別，難怪會攞獎！不過相對其他茶飲嚟講，佢嘅奶蓋茶係比較飽肚，見到餐牌上有幾款直情係可以用作 #代餐 ！加上一杯價錢絕對唔平，所以如果可以兩個人share一杯可能會開心啲！味道: 🌕🌕🌕🌕🌗服務: 🌕🌕🌕🌕🌑價錢: 🌕🌕🌕🌗🌑－－－－－－－－－－－－📍NUTTEA銅鑼灣勿地臣街1號時代廣場B1樓city’super 221號舖－－－－－－－－－－－－#tiufufoodie在銅鑼灣 #hkfoodlover #食到銅鑼灣 #銅鑼灣美食 #黃店 #銅

NUTTEA - 位於銅鑼灣時代廣場 B1 ( CITI SUPER 內)，一間以NUT TEA 奶蓋奶茶為主打的飲品店。有別於一般台式飲品店的奶蓋奶茶，NUTTEA 堅果奶蓋茶，會有一層非常厚實但幼滑的CREAM在茶上面，建議在未攪拌前，可以用飲品店提供的湯匙，先試一下CREAM 的味道，之後才將CREAM和茶攪拌，會有不同的滋味。是次嘗試了店員熱烈推介的伯爵朱古力堅果奶蓋茶，會有一層朱古力味道的CREAM，口感似蛋糕表面上的CREAM 一樣。另一杯則是水果類，葡萄堅果奶蓋茶，味道相當清爽。

手搖飲品大家飲得多，但係相信大家都會開始關注健康嘅問題，今次特登嚟呢一個是係因為呢一間飲品店主打係健康，佢嘅飲品選擇有好多都混合左堅果類嘅食物。今次飲品叫咗兩款，一款係伯爵朱古力堅果奶蓋茶，另一款係粉紅莓堅果奶蓋茶。一拎上手見到上層有厚厚嘅奶蓋，大概食落口唔漏，味道鹹中有奶味，配合埋兩杯飲品入面嘅茶底，成個感覺到清新。特別在於店員亦都有特別提供一個匙羹俾大家，建議大家都可以係飲之前用匙羹試一試佢嘅奶蓋，然之後先至將奶蓋混合下面嘅茶底。今次叫嘅呢兩款亦都唔錯，叫咗少甜之後，成個茶味亦都出咗嚟，粉紅莓大家唔需要擔心會有藥味，因為佢飲落真係好天然嘅水果味，成個感覺都好自然好清新！

最近春困個肚飽飽濟濟咁樣又唔係好想食飯，咁岩行開City Super開咗間新嘅堅果奶飲。聽聞健康低脂又飽肚就拎黎當lunch試下啦！舖頭仲有好多實木嘅裝修行木嘅元素風睇落去真係好green好清新啦, deco仲放咗一樽樽嘅堅果真係好貼題！一抬頭就見到好多個電視Mon喺度show佢最賣得嘅飲品，一目了然!諗都冇諗就叫咗佢嘅Number one每日限買100杯嘅伯爵朱古力奶蓋堅果茶。伯爵朱古力奶蓋堅果茶飲前真係要讚吓店員，店員好細心咁樣講解點樣飲呢杯茶。首先要試吓佢個奶蓋，然之後再細細品嚐佢嘅伯爵茶，最後先攪勻佢變成奶茶。真係要大讚吓佢個奶蓋，個奶蓋打得好企身，食落好輕盈，一放入口真係好似食緊慕絲咁順滑！食落好香朱古力味食真啲仲有少少芝士嘅鹹味，鹹甜鹹甜咁真係停唔到口呀。個伯爵茶我特登叫咗微糖，茶味好香濃，回上上面濃郁嘅朱古力慕絲真係啱啱好！

Tried Nuttea in Mongkok and Central, nice drinks and service. Bad experience and bad service due to expansion? In Times Square today and stop by for a drink. When I asked the girl at the cashier if I could bring the drinks into the food court, the staff replied: “You go and ask” (which is exactly what I’m doing!?) No customer at the same time, staff could be more helpful. SERVICE TO BE IMPROVED.