NOC Coffee Co. (荃灣廣場)

营业中

休息中

Hello 大家好👋🏻！今日我又嚟到位於荃灣廣場嘅「NOC Coffee Co.」。 話說上次飲完佢地杯Dirty+小葡撻之後，我竟然念念不忘😭。 成日心思思想再去嘆杯啡🤭。今次同大家分享一下佢哋嘅早餐， 適逢果日假期，小弟又早起無嘢做… 對自己好啲！嘆個靚早餐開開心心過一日。美食攻略：原本想試下佢地個All Day Breakfast, 但係又想食件多士，因為All Day Breakfast無多士，所以放棄咗😅。 最後選擇咗「Maltose Chicken Bowl」。呢個選擇我覺得自己做得好啱😝， 營養豐富啲又健康啲，份量仲好好，有飽足感之餘又唔會太過份。 當中有麥芽糖香煎雞扒，甜度唔會過頭，就好似蜜汁雞扒一樣。 配搭上無花果、牛油果、羅馬生菜、小番薯及南瓜粒，無論味道或營養價值一樣咁高。 不過隻水煮多就真係欠咗少少蛋味不過不失啦。 當然唔少得件多士，可能果日好想食多士，所以覺得特別好食，多士炕得剛剛好，外脆內軟，配搭一杯hot latte ， 一個字… 「夾」。遲啲我會再試埋佢哋其他早餐bowl, 到時再同大家分享。美食指數：5🌝最高味道：🌝🌝🌝🌝🌚環境：🌝🌝🌝🌝🌚服務：🌝🌝🌝

本人和丈夫今天去了荃灣廣場，行累了想坐低飲杯咖啡。去了NOC門口排隊，排本人前面有四位客人，而本人和丈夫兩位跟排在後面。當時店內有三張兩人枱空著，我們足足等了半小時，那三張兩人枱一直空著，沒有叫我兩進入。直至前面那四位客人有枱入了，我們兩人才可進入。這樣的編排座位也太不靈活了，真是趕客，以後也不敢幫襯。

Hello 大家好👋🏻！今日我嚟到有好多分店嘅荃灣廣場內嘅 「NOC Coffee co.」Dirty咖啡 + 小葡撻美食攻略：依家名牌咖啡店都唔使點介紹個，坐位舒服又可以坐好耐，今次嚟主要都係因為行完街想搵個地方飲杯咖啡，NOC一定係首算。Dirty咖啡香濃撞個凍奶啱啱好，小葡撻蛋香甜味適中，蛋撻皮香脆。美食指數：5🌝最高味道：🌝🌝🌝🌝🌚環境：🌝🌝🌝🌝🌚服務：🌝🌝🌝🌜🌚賣相：🌝🌝🌝🌝🌚

又係全職媽媽周圍搵早餐食嘅時候😁今次又去荃灣約咗朋友食早餐，熟悉的店舖，原來上一次去過黃埔食NOC，兩間唔同風格😊今次試呢個牛油果吐司（配藜麥沙律）👍🏻👍🏻MOCHA 、MATCHA

📍NOC Coffee Co.荃灣大壩街4-30號荃灣廣場1樓128-130號舖試過好幾問noc，呢間餐廳採用簡約風裝修，木材質料令人有種温暖感覺。一日之計在於晨，食一個豐富早餐迎接新一天開始。😁🍞炒蛋多士伴牛油果($74-HKD)，今次第一次叫呢款，厚切牛油麵包好鬆化，配上炒蛋同牛油果又真不錯🤤叫咗杯熱拿鐵咖啡($45-HKD)，好滿足呀。🥚noc班尼蛋多士($138-HKD)，食過呢款多士好幾次了，賣相吸引都提升食慾，餐廳流心蛋做得不錯呀，配上沙律菜，感覺相當健康。另外叫咗杯熱朱古力($60-HKD)，大滿足。😋

約左朋友聚會，這裏地方較少，但裝修簡潔有日式感覺。點了一個全日早餐，由於之前食得太多肉，所以揀一個素食早餐，原來素食早餐都可以好好味，食物非常豐富，食材新鮮，乳酪很好味，菇味濃，南瓜甜，牛油果亦香滑，食完都飽飽。點了一杯咖啡，感覺全日早餐夠吸引。朋友點了杯抺茶， 賣相吸引。由於是下午茶時段，所以人流不太多，可以慢慢坐傾偈。

去開荃灣廣場，經過見到有間新開嘅cafe，見到櫃檯啲蛋糕有啲吸引，而且自己又未食晏晝，所以就諗住試試。環境方面 係正商場門口，人流比較多。如果擔心騷擾 可以選擇比較近入面嘅位置，但係我覺得門口嗰幾個位置有陽光打卡係好靚（自然光永遠點樣打卡都係靚）不過沒有陽光略為失色了一點。服務 服務員超級nice 就算你有問題都樂於解答，而且完全唔使擔心會尷尬香煎帶子手工扁帶麵$148比起一般食到嘅扁帶麵有少許不同，感覺係製作過程中沒有添加許多麵粉，有啲似蛋白麵那種質感。而且唔係平時食嗰啲醬汁好濃稠，或者乾炒意粉，它的醬汁是比較湯一點，而且係偏酸一點（唔係變壞嗰種酸）未必適合每一個人，因為我食第一啖嘅時候都有少許未習慣。帶子就好平平無奇，唔係好大隻又唔係好多，不過不失咁樣。另外，那兩片酸種麵包，我也覺得可有可無，唔係特別出色同埋一個扁帶麵已經足夠飽肚，那兩片酸種麵包反而覺得浪費了，因為一般女生未必食得晒。原味巴斯克芝士蛋糕$42+ 蛋撻$14巴斯克芝士蛋糕味道唔差，但係份量唔多，性價比唔高，但係可以一試（我覺得蛋味偏重少少）蛋撻都係偏細，但係好食 😋 有點類近，葡撻，味道偏甜少少 但酥皮鬆脆唔係死實實

約朋友午餐這兒是一個好選擇，用餐時間有兩小時足夠時間吹吹水，這兒的日系風與人清新舒適的感覺。Chicken Quesadilla 墨西哥雞肉烤餅好美味，煎得香脆的薄餅中間夾著雞肉和溶化的芝士，嫩滑的雞肉加上醬汁好滋味，還有新鮮沙律菜，這個餐更伴banana yoghurt bowl，健康美味。Maltose Chicken Bowl烤雞件配上麥芽糖香脆嫩滑，雞皮有點脆卜卜，碗中盛著七彩繽紛的食材，有南瓜粒、牛油果粒、車厘茄、沙律菜和水波蛋，非常可口。我們叫了Latte 和 Flat White，咖啡滑順但稍嫌唔夠濃香，總括來說是用餐愉快。

荃灣呢間NOC真係算瑟縮一角，真係要細心留意先會見到，裝修風格都係其他分店差別唔大，不過都係走木系風，而且可以坐喺度望住外面車水馬龍，嘆住杯咖啡望出去，感覺幾chill。咖啡就唔多講啦，今次要讚嘅係佢份煙三文魚多士，煙三文魚同佢上面嗰幾條洋蔥好夾，洋葱嘅酸味味令到三文魚更加鮮味，再配下煙煙韌韌嘅sourdough，真心話正，比佢嘅咖啡更出色。我都係俾隔離枱吸引到，先想話試，佢哋真係將份多士整到好吸引

交心朋友不常見，但一見嘴巴總是停不下來，所以用餐地方舒服比食物質素更重要‼️幸運地，這里兩樣兼備，來看看我們的order吧！賣相精美，味道可口，咖啡香濃。這里全日的餐牌一樣，早餐要吃意粉也可以，而且營業時間很早，非常適合一早開始勞動又要抖抖的媽媽們喔不過chill有時要付出多少少錢🍸🍸

知道係比較貴啲嘅餐廳，入去叫個平價又驚唔夠飽，叫個過一百，只係食個早餐又有小小肉赤，但即本試下個貴啲，最後加埋飲品加一$180一個人。講番野食，素菜bowl , 第一啖係好味，之後越食越無味，同埋食極都仲有似食唔完，感覺牛食草咁，有菜有南瓜有無花果有椰菜花有牛油果都算丰富。不過可能係本身叫左個素食bowl…再食埋兩塊無味包，食完評語係飽肚。飲品係抹茶latte ，用oat milk 樣子都ok 但唔夠抹茶味…

最近每次一入荃灣廣場就見到Noc Coffee Co. 可能因為新開? 好多人排隊😨😨上網search先知原來係好出名既連鎖咖啡店，已經開佐好多分店👍🏻👍🏻今晚放工想同朋友靜靜地談下心，就決定去試下呢間Cafe。唔知係咪因為我地係夜晚時段去，啲人去晒食晚餐,，所以我地唔使等位就即刻可以入去👍🏻環境俾人感覺好乾凈，裝修簡約不浮誇，白色加木，望落好舒適😍一坐低店員就介紹左啲咖啡同主食俾我地，然後就用手機QR落單，其他甜品類就可以去櫃位到嗌，另外用餐時間有個半鐘，如果冇人排隊就可以繼續坐，我覺得呢樣嘢幾好👍🏻靈活安排用餐時間👍🏻我地叫佐個牛肉沙侓同埋兩杯咖啡，店員上菜時會同我地講聲enjoy~....態度好好，咖啡價錢都係$40杯，唔係特別貴好合理，我叫左嗰杯係澳白咖啡，全脂奶，飲落暖暖地，唔苦👍🏻好易入口👍🏻幾好飲👍🏻但個人口味黎講略嫌唔夠熱...然後個牛肉沙律($148)，都係好好味，入邊有南瓜、牛油果、無花果，沙律底，主角係牛肉，成個配搭好正👍🏻我好鍾意食👍🏻朋友個杯係Cappuccino，脫脂奶，朋友話都係普普通通，正常發揮啦，重點係店員都好年輕靚仔🥰哈哈哈哈哈，下次會想試埋其佢分店

近排好似食得太飽 有啲滯滯哋晏晝想搵輕食 於是就試咗呢間👀知佢地都幾多分店 應該唔會太差但一路都冇試過 因為怕唔夠飽🙈今次就啱哂時機去試啦.🍴NOC benedict $138 💛8.5/10知道呢到出名avocado toast不過我又未中意到想食咁多牛油果🥑反而呢個更吸引我 配牛油果醬嘅egg benedict整呢個都幾哂心機 喺屋企實懶得整😝仲要有煙三文魚 又係我摯愛唔中意嘅可以選配bacon同埋有跟沙律菜 以輕食黎計份量適中 但想飽肚就難啲啦🤣.🍴Basque cheesecake $48 💛8/10有抹茶同原味 抹茶味呢款茶味幾濃🍵呢款冇過甜嘅問題唯獨質感上有啲太濕太淋嘅感覺同想像中有少少出入🤨.🍴Fresh fruits almond tart $42 💛7.5/10有幾款水果鋪滿 唔算太甜但還可以叫做色彩繽紛夠哂靚 搭救一下😳個tart食落口感有啲顆粒感 幾得意主要係水果下味有啲糖漿嘅物體有啲偏甜 所以少扣分🤏🏻如果可以少甜就更好了.總括黎講味道唔錯 價錢中等價位間唔中想食少少野慢活一下 都唔錯嘅😌

如果唔係有事要去荃灣，絕對絕對唔會黎呢間分店。因為唔知點解麻麻哋荃灣，其實如果你話好遠咩？港島區仲遠啦！但係我始終選擇港島區。 唔嚟過都唔知原來呢間分店都幾細下，喺荃灣廣場入面嘅一個小角落，下次會選擇去返西營盤、紅磡店或者將軍澳店（如果重想去的話）點解我會咁講？因為我都一排冇去過，嘢食都冇乜特別新嘢出，而且仲話俾我知10月開始有加一收費添！有啲失望㗎，但係都坐咗入去啦唔通走咩！😵‍💫其實一早已經諗好我要食乜嘢，order左好快就上枱啦，質素都維持到嘅⋯其實都係果句啦，牛油果炒蛋芝士多士有幾難食呢可以，計吓計吓其實成本可能$30都唔使，但係佢收我70幾蚊！😮‍💨食佢個格調,食佢個簡約,同食佢個vibe. 早知去附近間小店，有我至愛嘅蟹餅。Dirty 有啲苦，坐位唔太舒服。

星期日愛吃我又出動喇！今日係荃灣 NOC Coffee Co,好好運啊有窗口位，一邊食一邊看雨景超寫意喔！🍴介紹一下手工寬條麵，滿滿的蛋香每一條都掛上了蕃茄汁，酸酸的好醒胃啊！☕️ Dirty 超香超好喝，淺嘗一口濃厚的油脂，再大口一點細味甘香咖啡，很喜歡這個味道喔！🥰🥰🥰