影片
相关文章
难得入西贡抖气，专登揾咗呢间巷仔尽头嘅「NN Coffee」——白色木系装修，得十零个位，坐低都焗住搭枱，但望住街外啲树同埋枱面盏小干花，个mood即刻慢落嚟。星期六下昼两点嚟，好彩撞啱人龙散咗，等5分钟就有位！🐟 巨大鳗鱼玉子丼 ($128)个「巨大」真系冇呃人！条鳗鱼足足成只手掌咁长，铺到成个碗见唔到饭。鱼皮烧到脆卜卜，咬落去肥膏位「吱」出鱼油香，肉质厚身唔霉，重点系啲蒲烧酱唔会死甜，捞埋半熟玉子碎同珍珠饭，每一啖都挂汁！抵赞系饭量够多，男仔食都够饱，$128喺西贡海鲜街呢头算系良心价～🦞 龙虾蛋班尼迪 ($138)呢个卖相精致到唔舍得切开！底层系烘脆嘅酸种包，叠住大嚿龙虾肉（唔系碎肉！），面头两只水波蛋摇吓摇吓咁。一刀笃落去，啲蛋汁同荷兰酱撞埋龙虾肉——鲜甜弹牙得嚟带微酸，食落好light，同鳗鱼饭嘅浓味完美平衡。旁边沙律菜仲落咗柚子醋，解腻加分。
继续阅读
天朗气清嘅西贡一日游😊我哋午餐嚟到呢间小店： NN coffee店有两层，我哋坐咗喺地下一层望出窗边，感觉写意😊店员推介有两个新出饮品：Chocolate matcha 及 Coconut matcha炎炎夏日，呢两杯饮品都非常适合☀️Coconut matcha 椰水及抹茶分开上😊正正首先喝一口椰子水嘅清甜好舒畅，再加入抹茶，浓郁茶香涌现😊杯边细心的加上碎椰丝，增加椰肉香及粒粒口感Chocolate matcha卖相很有层次，抹茶浓郁，鲜奶幼滑，朱古力味道香浓😊搅拌后入口感觉很融合食物方面，矶煮鲍鱼切薄片加上酱汁，入口咀嚼感觉满足，鲍味突出荞麦面配合切得细细嘅新鲜葱花、Wasabi、酸姜及萝卜，以及冰凉嘅酱油面汤，非常美味，夏日之选黑松露和牛热香饼汉堡配搭新颖，也非常配合😊黑松露及和牛汉堡扒味道非常夹，黑松露及牛香也很突出😊热香饼松软，配合埋黑松露和牛一齐食，有甜甜咸咸嘅滋味😊旁边也配有脆薯格，外脆内软，好好食😊总括来讲，nn coffee嘅食物质素好好，饮品也用心制作😊另外，呢个都系同朋友坐低倾偈嘅好地方😊推介！
继续阅读
每次放假我都好钟意去西贡 但系假期嘅西贡 差唔多全部餐厅都要排队 咁啱比我哋见到呢间两层高嘅cafe唔使排 环境好chill好舒服 早餐时段除咗平时cafe嘢食之外仲有乌冬拣 价钱都非常合理 一去就encore咗3次🍱 All Day Breakfast $98 (早餐时段 09:00-11:30)👅👅👅👅👅/5 超级丰富嘅All Day 入面有玉子、秀珍菇、紫薯、鸡扒、可乐饼、芝士年糕、日式豚肉肠、热香饼鸡排好入味又唔干 热香饼配埋其他配料 咸咸甜甜咁好好食🍜日式咖喱天妇罗牛肋条手打乌冬 $68 (早餐时段 09:00-11:30)👅👅👅👅/5咖喱乌冬浓得嚟又唔会太咸 牛肋条够腍又keep到个咬口跟餐仲有两只天妇罗虾 不过不失唔会太油☕ 豆腐鲜奶咖啡 $56 (早餐跟餐减$10)👅👅👅👅/5出面比较少见呢个配搭 又出奇地夹㖞!!豆腐饮落口感好顺滑 咖啡味浓之余又有淡淡嘅豆腐香气🥤富士山雪糕梳打 $56 (早餐跟餐减$10)👅👅👅👅//5蓝色嘅梳打汽水加上云尼拿雪糕 好似一个迷你嘅富士山咁唔会太甜 打卡一流 值得一试✅加一服务: ❤️❤️❤️/5环境: ❤️❤️❤️❤️❤️/5性价比: ❤️❤️❤️❤️/5推荐度: ❤️❤️❤️❤️❤️/5
继续阅读
📍西贡市场街47号地舖同男朋友透过open rice见多好评就过黎食呢间我地系平时lunch过黎 所以唔系好多人 cafe系好舒适 分咗两层 个人觉得上一层更加有feel😂不过个阵就以为冇得上去 就系地下𠮶层食环境都好舒服㗎▪️照烧鸡扒拌饭团$98呢个照烧鸡扒简直系大满足呀！食落都好饱肚佢嘅酱汁都好适中 同埋个人都好钟意食呢个饭团加咗饭素唔会好单调😋▪️巨大鳗鱼玉子丼$128呢个鳗鱼食落都几嫩滑 个人觉得玉子都几特别，唔系好似出边食开𠮶啲好实净嘅玉子😛
继续阅读
今次同朋友去咗西贡呢间隐世Cafe，成间店走简约木系风格，玻璃窗透晒自然光入嚟，坐低即刻觉得好chill，令我想攞本书喺度坐成日。矶煮鲍鱼荞麦面鲍鱼煮到超淋身又入味，咬落去甜甜哋带少少酒香，仲要系原只上超大方！荞麦面挂汤一流，冻食爽口得嚟唔会觉得寡，旁边嘅wasabi系新鲜磨嘅，辣得嚟有回甘，成个配搭100粉火炙鲽鱼裙边茶渍饭平时食开三文鱼茶渍饭，呢个鲽鱼裙边真系赢几条街！鱼油炙烧过后逼晒出嚟，捞埋玄米茶汤一啖食，鱼油香混合茶香，仲有脆脆嘅米通增加口感久丸小山园抹茶配黑糖团子抹茶控必嗌！苦涩同回甘平衡得刚好，饮完个喉咙有种好干净嘅感觉～黑糖团子蘸埋抹茶一齐食，甜度即刻中和返，好有京都feel！椰子抹茶朋友嗌咗呢杯fusion特调，估唔到又几夹！椰子水嘅清甜中和抹茶嘅浓郁，夏天饮真系透心凉
继续阅读