N&L

今次黎到大埔發現呢間超高CP值嘅隱世西餐廳，以親民價錢享受高質西餐，無論係平日午餐定周末晚餐都咁抵食！總評分：9.5/10_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-🎃 是日餐湯 - 南瓜甘筍湯 ★★★★★👉🏻 套餐附送，口感綿滑濃郁💬 南瓜同甘筍味道平衡，自然清甜，誠意十足嘅餐前湯🍖 紅酒燉牛肉 $72 ★★★★★👉🏻 配薯蓉或白飯，牛肉慢燉入味，份量超多💬 牛肉軟爛入味，一咬即化！薯蓉creamy奶香突出，完美搭配，長柄西蘭花鮮嫩清脆🍄 野菌意大利飯 $70 ★★★★★👉🏻 搭配濃郁奶香醬汁同混合多款野菌，意大利飯口感剛好💬 勁正超多菇！每啖都充滿菌香同奶香，完全唔膩口，菇味濃郁到令人驚艷，絕對是菇菌愛好者必點！🍹 柚子蜜（跟餐） ★★★★☆👉🏻 套餐附送熱飲💬 柚子香濃，甜度適中總括嚟講以$70-$80價位就食到高質西餐，主廚對菜式火候掌握精準，菜式精緻又好食！超抵食組合絕對要支持一下小店！🏠 N&L Restaurant📍 大埔仁興街29號華興樓地下…查看更多

響太和同大埔站中間一個小社區嘅小街上面，竟然有一間咁有質素嘅西餐廳。晏晝食一個套餐，有湯，有主菜，有飲品，價錢大概響六十幾至九十幾之間，食物質素非常高，非繁忙時間入座仲有九折。…查看更多

經過見幾精緻，原來幾有驚喜，沙律好味，有水果有菜，蕃茄去左皮。雜扒餐雞肉有浸清酒味，其他肉質都好好，配菜又好好味意大利飯好掂，有黑松露味，而且嗰啲配菜覺得好好味。…查看更多

大埔隱世小店，平時無行開戲院街個頭，最多去富善街或者火車博物館，今日有幸發現，見menu 啲晚餐都岩食，就去試下。二人餐是日餐湯，翠玉瓜忌廉湯是日沙律，大蝦芒果沙律指定小食2款，烤雞泡魚干，牛油煮蜆main course 2款，揀左羊扒，同三文魚什菌意大利飯另外order兩杯飲品，凍朱古力同青檸梳打甜品送左經典青檸啫喱…查看更多

估唔到大埔墟有間咁正嘅西餐廳，街坊價錢但食物質數高，食過你都會覺得抵同正！等候時間少於5分鐘，車泊門口，撘車後行過去都只係5分鐘左右。餐廳環境都好，坐得舒服！讚👍🏻…查看更多

之前有食過上一手肥哥哥餐廳，諗住再食先發現轉左做N&L。雖然轉左手，但同屋企食過就覺得幾好，人均一百多啲但食得好滿足，所以間中weekend都會去食lunch/dinner set👍🏻喺大埔/太和揾好西的話，不妨試下，推介！值得讚：📍餐湯每次都唔同，飲過南瓜忌廉湯、翠肉瓜忌廉湯、紫薯芋頭湯，感覺係blend出嚟嘅西式餐湯，不錯！📍晚市沙律有心思設計，有芒果粒、醃蕃茄、青瓜、沙律菜等材料，好新鮮又開胃📍主菜有肉類、燉飯或意粉，三類都試過幾好食👍🏻而且每款都會有烤南瓜同西蘭花等烤蔬菜做配菜，唔係茶記又凍又霉嘅烚菜，又唔會得個飯/意粉純澱粉咁悶，所以主菜好豐富好滿足的！📍服務細心，會主動提供碗碟方便share野食，甚至可以按食客心水推薦餐點，態度好好講真依家閒閒地出街食都接近一百蚊，呢度嘅食物質素幾高，又有心做（主菜隻碟係熱嘅！有留意細節👍🏻），絕對好過啲打卡但食物一般嘅cafe。由太和站/大埔墟街市行去餐廳都好近，值得大家幫襯下（唔希望見到佢執笠🥹）…查看更多

這家餐廳帶有濃厚的復古風格，環境溫馨舒適，彷彿走進了時光隧道。每道菜色彩繽紛，散發著誘人的香氣，每一口都讓人陶醉其中。其中的沙律採用了新鮮芒果，相比一般餐廳，配菜味道非常夾，食物口感豐富，色香味俱全，每一道菜都展現出廚師的精湛技藝和對食材的用心。而主菜，黑毛豬牛排三文魚的處理更是恰道好處，既香又保有肉汁。性價比十分高！而食材都非常有質素，食得出的新鮮。這裡的餐點不僅是一場味覺盛宴，更是一次對美食和回憶的愉悅體驗。…查看更多

大埔朋友介紹，星期六午餐，兩人叫了兩個lunch set, 紅酒牛及羊扒，配薯蓉菜菇，質素高及味道很好。此外，紫薯湯就值得一讚！朋友更order外賣帶比仔仔。餐廳門口可泊車，下次會再來晚餐。食完午餐，上了火車博物館走一轉，舒暢。…查看更多

估唔到大埔有間咁隱世既好餐廳蒜香意粉係好常見既西餐菜式但煮得咁入味既真係好少有啖啖蒜香，意粉彈牙唔會痴埋而係條條分明雖然唔係用貴價食材但真係簡單又好食另外燒雞都係好有驚喜由於想方便進食，我們請店員幫忙切開但店員就提醒，廚師為咗留住燒雞既肉汁，特登唔切客人食個陣自己切，就可以見到啲肉汁不斷流出真係好刺激食慾燒雞皮脆肉嫩唔錯！…查看更多

星期四晚上6點半到達，成為當晚第一枱客人。晚市有套餐、$38同$45嘅小食、仲有$88脆豬手添，不過怕食唔哂，所以無試到。晚餐只包一款主菜同餐湯，無餐飲、餐包，而且主菜份量唔算多，所以食完都唔太有感覺😂餐湯飲落好清新，有蕃茄、洋蔥、粟米、紅菜頭、西芹嘅味，略嫌鹹左少少。烤美國特級平鐵牛扒10oz $238點左五成熟，不過實物熟左少少；好彩肉質幾好、有肉味、亦好Juicy；食落有焦香味，但牛味偏淡。烤澳洲羊鞍扒2件 $178一樣點左五成熟，不過個人覺得已經七成熟；肉質好淋，有少少羊羶味，味道唔錯，唯一缺點係太細件，唔駛兩啖就食哂😂。兩款主菜都可以揀左薯菜、飯或意粉；薯蓉係我中意有薯粒口感果D，清爽薯仔味，唔會有牛油味，對健康無咁重負擔。配菜中我最中意就係烤南瓜，夠粉之餘又煎得夠香甜。整體環境正常，係張櫈唔太好坐；服務幾好，職員不時主動斟水、收碟；食物味道/質素尚可，性價比一般。最後兩個人連加一共$458，可以信用卡付款。…查看更多

🧡set dinner for 2 $388-餐湯-沙律-小食 2款主菜 選2香煎西班牙黑毛豬烤澳洲穀飼肉眼扒+$30好驚喜的一間餐廳個沙律個size好似單叫咁多 煎香大蝦 煎得岩岩好 好香好爽 另外佢嘅蕃茄仔好有誠意 就係漬過 無皮🧡小食類我都大推 做得好出色豬比牛出色 我覺得唔洗食牛但豬要試！仲要叫薯蓉 媲美高級餐廳 🧡環境 4／5💛食物4／5💚推薦 4／5🩵性價比 4／5N&L (大埔)大埔大埔墟仁興街29號華興樓地舖太和站行過去10分鐘到大埔墟站行過去15分鐘…查看更多

呢間餐廳以前都曾經開過係大埔 , 後來搬走左 , 最近又番番黎大埔 , 住大埔既我當然要去食😍呢晚我地食左 : 🍗 小食 - 蜜燒雞中翼 (4隻)蜜汁雞翼 , 甜甜既蜜糖味🍯 , 應該大家都鐘意食🤤 🥖 小食 - 香脆蒜蓉法包 (4片)呢到既蒜蓉包好有heart , 佢既🧄蒜蓉醬係食得岀有一粒粒既蒜蓉口感 , 滿滿既香草蒜蓉加上法包一齊烘 , 新鮮熱辣辣 , 好好食! 鐘意蒜蓉既一定要點😍🥣 是日餐湯 - 甘荀芋頭忌廉湯餐湯經常轉換款式口味 , 每款都落足料 , 口感幼滑👍🏻 有時更會飲到驚喜 , 例如咖哩薯仔湯🍛好掛住以前有一款大蒜薯蓉湯 , 唔知幾時可以再試到🤤🍖 主菜 - 香煎西班牙黑毛豬扒配鮮薯蓉厚切黑毛豬扒 , 煎得岩岩好 , 肉質軟嫩 , 一啲都唔韌💯 係我地每次黎到必點菜式😌配菜有鮮薯蓉🥔、烤蒜頭🧄、烤南瓜🎃同西蘭花苗🥦 , 即使係配菜 , 亦都不會馬虎 , 全部都好新鮮 ! 🍗 主菜 - 燒慢煮鮮雞配鮮薯蓉雞皮燒得非常香脆 , 雞肉嫩滑多汁 , 唔洗額外沾醬亦都非常夠味 ! 🐟 主菜 - 香煎三文魚柳野菌意大利飯三文魚柳煎得岩岩好👍🏻 皮脆得黎 , 魚肉仍然保持嫩滑、唔鞋口 ! 野菌意大利飯🍄菇香十足 , creamy 又唔會膩😋🍝 主菜 - 是日意粉每日唔同既精選意粉 , 呢一晚係蕃茄肉丸意粉🧆上枱都有啲驚訝 , 因為好多肉丸 , 絕對冇揸流灘 ! 配埋蕃茄意粉好夾👍🏻…查看更多

作為大埔街坊，想推介呢間餐廳俾咁多位大埔友，我從來冇喺度食過食評，但覺得呢間餐廳值得多啲人認識，因為食物好高質，已經性價比高！不過見佢好似冇咩人知，可能新開同位置比較隱蔽。今次係第二次幫襯，覺得食物維持到水準（正確啲黎講係第三次幫襯，兩年前幫襯過佢嘅舊店，想再encore時發現已經執左，可能疫情關係😥）。入正題，我地4個人叫左一個2人set, 同散叫左兩個main, 有rib eye, 黑毛豬扒同紅酒燉牛肉，每樣野都好出色，雖然呢間舖未必係走精緻路線，但睇得出佢嘅誠意，例如佢嘅配菜（例如南瓜）係會烤/烘過，佢嘅跟餐沙律好有驚喜，好多配料（有蝦，芒果，香橙等）一啲都唔馬虎，而且好大份！食到我地個個都嗌飽😂😂重點係，呢間野啲野食真係抵食夾大份，好似個2人set，除左主菜外，有餐湯，餐包，沙律，兩份小食（我地唔知有小食，佢上小食時嚇親😂因為好大份），同野飲，講緊都係$400唔駛🥹🥹我地4個人食到捧住個肚走都係$800左右，街坊良心價！我同我屋企人講笑話，要俾多啲人知道呢間餐廳，我地先可以繼續黎幫襯😂希望多啲大埔友黎支持一下❤️事不宜遲，去相！…查看更多

✨大埔隱世新餐廳🍽️食物有驚喜😍✨————————————————————好耐冇update大埔既餐廳list🥰又開左新既正餐廳 不過呢間位置就偏啲係火車博物館附近😛真係咁岩行過先知有新野😂cafe style 坐得舒服😌食物唔錯 會再去😙————————————————————🍽️Lunch set 配餐湯/沙律🥗.🍖香煎西班牙黑毛豬扒配薯蓉 $92 （7.5/10）黑毛豬煎得幾靚😍肉質都算幾嫰 唔會乾身伴碟既薯蓉如果牛油味重啲就正🥔.🥓香煎三文魚柳野菌意大利飯 $108 (8.5/10)呢個真心高質！risotto飲粒軟硬適中 口感好好又creamy 索哂黑松露香😚三文魚煎得外脆內嫰😙配埋南瓜好正🎃.☕️飲品揀左朱古力同咖啡 正常發揮😂————————————————————📍 N&L (大埔)大埔大埔墟仁興街29號華興樓地舖.🔺#littlefatwest大埔 🔺#littlefatwest西餐…查看更多

今天嘗試了新款的西餐廳，價錢實惠性價比高，1）沙律有芒果大蝦沙律，廚師精心製作，連蕃茄剝皮都會用醋及橄欖香料釀製令蕃茄去除腥味，2）豬安外脆內院肉質Juice3）燒魷魚，獨特自製泰式醬配搭令這個菜式，別有一番風味避風塘風味三文魚，風味十足這個配搭，我都是第一次嘗試，效果好味創新這三款都是我推介的菜式有機會大家都可以嘗試4）牛扒16安士，有熟成性效果、如果喜歡都可以嘗試一下5）咖喱薯仔湯，雖然配搭創新簡單，味道容易入口可算是不過不失6）香辣雞翼脆皮，味道大眾化容易接受7）黑松露芝士多士，這個配搭冇得輸亦都是前菜的一款，所以我不作評論了但總括來講，這間餐廳性價比比較高，廚師用心製作每一個細節，如果你有興趣都可以嘗試一下…查看更多