🍔 N+ Classics Original 经典汉堡 HK$68＞ Signature N+ Au Jus・味道：的确食得出安格斯牛patty，比起其他牛肉patty系更重更浓牛肉香。加咗好多蔬菜中和腻感，蕃茄甜、生菜爽、紫洋葱香而不涩，加埋浓郁芝士，稳阵好食之选。・口感：个包份量够足，唔系市面上啲缩水包得手掌咁大𠮶啲，几大个，一啖咬唔晒XD 个包入去有搽牛油，不过冇烘，烘埋就更正了！不过个包好软熟！🍔 Mission Impossible 牛油果植物肉汉堡 HK$99・味道：植物肉加牛油果食落好似入咗青青大草原咁XD 但冇草青味嘅，加埋萝卜丝同菜同蕃茄，食菇好fresh，一啲负担油腻感都冇，间唔中口痕想食guilty嘢，呢个系止到瘾嘅！・口感：fresh！🍔 N+ Premium Truffle Brisket 特级松露酱牛前腩汉堡 HK$100・味道：好浓郁黑松露香，而且有好多菇🍄🟫，其实啲菇好fresh好juicy好重菇味好食的，不过因为太多细粒嘅菇，成个包好湿～成手成个底都系蘑菇汁，好彩冇流晒出嚟～几surprise佢少咗咁多蔬菜，仲要加黑松露同菇，食落都唔会好腻，食晒成个都OK㖞！・口感：香口之选，如果个菇转大啡菇应该口感上更好食，同时冇咁多汁水～🍟 Sweet Potato Fries HK$28・味道：番薯条好甜好香口，稳阵嘅好食🍠～・口感：不过可以炸得再脆啲，而家偏腍！🍗 Crispy Chicken Tenders (3 pcs) HK$49・味道：个皮简单用黑椒同盐去调味，冇雪味，算软腍，有少少汁水，点BBQ酱或者蜜糖芥茉酱不错的！・口感：单食都唔干柴，good嘅～炸皮好薄身，唔系出面嘅面包糠皮，感觉健康啲XD🍻 手工啤酒 套餐+HK$25・味道：蓝啤偏轻身，饮落会甘甘地～黄啤就系最轻身最有果香，怕麦味人士可选～红啤饮落就最似黑啤，最重味醇厚，饮完之后个口腔会有一圈麦香围绕住。・口感：三个都系新手入门friendy嘅～・・・・・・・・・・・・・・・・・・・・🤰性价比：高～🤰9冲度：9冲～🤰结论：见到佢写系用自家农场汉堡肉加包，食落感觉真系轻盈light啲～环境阔落好chill，上层露营风设计几靓，仲可以睇住个靓海景叹包。呢个价钱食到自家制包包连海景，满分！…查看更多
