My Burger (東廣場)

10年唔幫襯一次，今次諗住外賣自取俾咗錢佢喺度等咗半個鐘，不斷見到排喺我後面啲單都已經攞走咗都仲未到我，收銀個男人入埋廚房幫手，不斷係咁走出嚟話攞咗啲包過嚟未，我已經黑晒口面，店員一句唔好意思都冇，同我講仲爭一個包，繼續要我企喺度等！打開包薯條已經焗到腍晒，過分!!!!!!以後唔會再幫襯!!!!!早知嗌外賣平台啦，仲快過企喺度等，啲薯條仲新鮮啲，唔會焗到腍晒，問多句都好似好唔耐煩咁啲店員…查看更多

今日點咗牙買加辣雞堡，食落去第一啖已經咸到頂唔順忍唔住就同個店員aka廚房哥仔講，佢幫我同兩個話得事嘅阿嬸店員講，點知嗰兩個阿嬸話啲肉唔係佢醃嘅，完全冇諗住處理。過咗一陣我就直接行過去同佢哋講，佢哋勁差態度咁話「咁我唔知你咩口味㗎喎，人人口味都唔同」，我邀請佢試吓，佢先話換過款俾我。等個新包整緊嗰陣，兩個阿嬸店員仲大大聲不停俾說話我聽食物差，態度又差，真係永冇下次睇埋其他食評就知唔係個別事件好耐冇寫食評，今次真心希望大家唔好中伏…查看更多

昨天點了德洲煙燻牛 和煙燻雞漢堡加薯條。 來的是漢堡加上不良調味的BBQ醬， 完全没有煙燻牛肉，用的牛肉碎可是有筋的，也没有煙燻味。真係想問吓店主食過德洲牛肉未？ 完完全全貨不對版，垃圾！ 煙燻雞也是， 普通salt ＆ pepper 調味，完會無煙燻味。 。 。…查看更多

呢間burger我幫襯咗幾年，平時都係去開日升中心，但星期六佢冇開唯有去東廣場呢間，我10次有9次都係嗌炸魚薯條，佢會跟一細兜沙律醬同茄汁，今日我想問佢拎多兜沙律醬，唔要茄汁，因為每次啲沙律醬都唔夠點，之後佢：唔得㗎喎！我：點解呀？佢：要加錢囉！我：加囉加幾多？佢：$8囉！我吓？？？！佢個炸魚薯條$77，個一細兜沙律醬要$8？？！ok我真係俾唔起喇，食完就走咗，以後唔會再嚟！！！！！！！！！！！！…查看更多

又到左(午餐/下午茶)搵食時間 (15:20後)，今次又黎到東廣場，行黎行去唔知食咩， 咁岩見到哩間MY BURGER 堂食位冇咩人，就入左去。 其實之前都已經食過幾次，都覺得OK。 所以今次再食。今次揀蘑菇洋蔥牛肉漢堡 ($59) 再+$20轉套餐， 有薯條+汽水。個包黎到都算多醬，D醬流曬出黎。 不過今次個包就冇之前食咁鬆軟。塊牛肉多仲係好JUICY，都係好食既。薯條新鮮炸， 黎到熱辣辣，好正。 服務就唔好預有咩服務啦，落單，出包，完。整體黎講都唔錯，都算抵食既，因為觀塘有D食漢堡包店成100蚊先有哩個質素。哩間餐廳除左東廣場 另外係中海日昇中心都有分店。 係附近返工既朋友仔有機會都可以試下。…查看更多

唔。。呢度係我第二次食，同首次一樣個飯都係偏咸。咁啱今日想食西，同款食物喺另一間要百幾蚊起，份量都多啲嘅又。見今日妟咗又唔太肚餓，再俾機會大家囉 😆！落完單說要等十五分鐘，方知前面有好幾張單，幸好都準時完成。至於隻蟹，沒有去鰓？！我見有啲餐廳也沒有去鰓 🤷‍♂️。成泡嘢咁，好食又唔係，唔好食又唔係，應該都無下次 😛。提到個飯偏咸亦帶酸，冬蔭公嘛；飯質感還好。餐牌選擇多或否也不太清楚，只想揀呢個飯 🤷‍♂️。這路線這價錢不要期望太高吧 😛儘量都不會選擇堂食呢，食完都周身油煙味 😅…查看更多

本來好鍾意佢地D burger同薯條，今日揀咗雞翼，小妹自己一向煮開飯，所以個雞翼上台後一叉落去就知佢無煮熟，熟透嘅雞翼應該係slim D 同松軟D，咬開果然有血，而且幾多下。我好心唔想太揚細細聲同收銀個阿姐講（因為唔知點解其他職員唔見曬），阿姐攞去同後廚講，後來上咗個burger就黎食完個雞翼都未返歸，幫我落單個阿叔問廚房搞咩咁耐嘎。跟手突然有個阿姐喺我有後方出現，就黎貼住我咁勁有骨勁大聲咁講：”炸耐D啦，唔係有血絲有D人唔鍾意嘎！”🙄你估我黎食白切雞咩阿姨，雞唔熟會有寄生蟲嘎，無常識就唔好咁大大聲，你仲大聲過我好驚人地唔知你地自己煮野煮唔熟咩，黐線以後都唔會再幫襯…查看更多

去觀塘掃完戰利品諗住去搵食，行到東廣場見到一間價錢又唔貴嘅小店，結果竟然喜出望外！我哋兩個人叫咗菠菜汁煙三文魚意粉🍝（$68）同經典牛肉漢堡🍔（$52），叫set連嘢飲，埋單只係$150。《菠菜汁煙三文魚意粉》佢真係用菠菜汁加上菠菜葉，絕對唔係hea我；加上蒜容同洋蔥碎，令到成個意粉嘅香氣非常突出，加上意粉有Al Dente嘅口感，比起一般西餐廳對意粉嘅處理更加一流。大前提係，只係68蚊！《經典牛肉漢堡》一般出去食漢堡都唔平，郁啲都成舊水，見佢呢個經典牛肉漢堡只係52蚊，就試一試佢。成個包好厚好軟，牛肉好juicy同好香嘅牛味，麵包嘅口感好好，唔會好似某大連鎖店嘅包既汁多到變咗一Pat嘢咁。有機會會再試其他嘅嘢食，雖然感覺係好家庭式嘅小店，但食物質素、味道上我覺得媲美一啲高級餐廳。結論係性價比高既小店，值得試！…查看更多

喺觀塘俾我搵到間食burger嘅小店，款式非常多！龍蝦漢堡($128)菠蘿煙肉牛肉漢堡($65)漢堡都可以搭到咁高🤣 睇落都覺得足料！包身外脆內軟，好啱我口味😍龍蝦漢堡估唔到真係成條龍蝦尾放落去🤩 好大條好厚肉！而菠蘿煙肉牛肉漢堡就非常豐富，漢堡扒係手打，所以肉質都比較鬆軟好好味，配搭加埋菠蘿仲冇咁漏！香辣茄汁大蝦意粉($68)乾蕃茄黑醋雞肉意粉($65)蒜香蟹肉意粉($70)意粉款式都幾多，仲有唔同嘅配搭！茄汁大蝦大大隻非常爽口彈牙～😋黑醋雞肉估唔到有幾夾，食落多咗一點酸味，層次豐富咗！😍最後蒜香蟹肉都好都蟹肉，炒得幾惹味🥳煙三文魚沙律($48)估唔到仲有沙律，用煙三文魚切咗玫瑰花真係好靚😚 而且都幾多三文魚！食落都好新鮮，感覺清新😍泰式魚餅($24/3塊)番薯條($35)炸洋蔥圈($35)食漢堡點可以冇小食，泰式魚餅食落都幾辣！番薯條同洋蔥圈就好香脆，而且份量都幾多😋😋…查看更多

相對上一次光顧, 已有一段時間, 是日路經見有下午茶餐, 當中更有漢堡包選擇, 便入座回味一番。1) 下午茶- 經典牛肉漢堡 $42- 奧利奧朱古力奶昔 $19 (原價$38, 跟set半價)2) 小食拼盤 (春卷 x 3, 泰式魚餅 x 2, 薯角) $38經典牛肉漢堡採用的包, 賣相並不討好, 但入口甚香, 又鬆軟, 一問之下, 原來這款包叫風車包。經典牛肉漢堡材料豐富, 有牛肉, 沙律菜, 番茄, 酸瓜, 芝士和洋蔥, 由於甚有厚度, 一口很難把所有材料吃下, 但依然美味, 既Juicy, 口感又豐富。小食拼盤有春卷3件, 泰式魚餅2件和薯角。春卷外表香脆, 餡料份量適中。泰式魚餅香辣, 即使喝一口奶昔, 辣感仍充滿口腔。薯角炸得脆口, 啖啖薯肉, 份外滋味。奧利奧朱古力奶昔味道濃郁, Oreo打碎混入其中, 質感幼滑但不會過稠密, 滿滿一杯, 十分滿足。…查看更多

因為趕時間所以揀咗呢間小餐廳食lunch，揀咗個Burger同一個意粉，夾埋要149蚊。burger揀咗蘑菇洋蔥牛肉漢堡，如果轉做餐加薯條同汽水就要加多20蚊，夾埋要差唔多80蚊，以東廣場地下呢啲舖仔嚟講價錢略高，幸好味道係ok嘅，係因個薯條比較麻麻，可能唔係即叫即炸啦。可能就係見佢啲burger價錢貴，所以個意粉就比較化算，我哋揀咗菠菜汁煙三文魚意粉。個意粉份量都幾大碟，味道就畀想像之中濃，送汽水一罐，要68蚊。…查看更多

今日下晝做完嘢肚餓，去咗東廣場搵食，上次經過見到呢間好似幾抵食，今日坐低試吓先，下午茶餐2:30開始，今日冇揀到下午茶餐（唔記得影餐牌），肚餓揀咗呢個乾蕃茄黑醋雞肉意粉，餐茶叫咗熱情果花茶（呢款另外咗$5）呢度點餐係先付款，佢會比個號碼牌你放响枱面，坐低佢就會送餐過嚟，快餐店形式，坐位唔係好多，大約10張枱左右。乾番茄黑醋雞肉意粉有驚喜，估唔到幾好食喎，個黑醋汁調味幾好我鐘意，所以成碟食晒，花茶冇乜特別，茶包一個冲出嚟，我下次會再嚟試吓其他嘢…查看更多

行過觀塘忽然想食burger, 門口餐牌見到有好多選擇，就揀咗東廣場呢間店舖。一行四人嗌咗三個burger, 分別有beef classic, portobello cheese, 同埋菠蘿雞包。三個包都配咗套餐，分別配沙律、薯條同埋雞翼。可能係小店嘅關係預備時間都比較耐，等咗差唔多三四個字先有得食。嚟到個賣相有啲失望，好似全部都有啲乾柴烈火，但估唔到食落其實都幾美味。啲牛都全部有牛味，幾厚身足料。雞都仲係好滑，配埋菠蘿銅像都幾好食。薯條沙律都係普通嘢，雞翼就真係比較鹹咗少少。侍應嘅態度幾好，坐得幾舒服，應該會再返嚟食。…查看更多

懶人包：服務差，食物差，無下次今日嚟觀塘搵嘢食，唔係好知食乜，揀了呢間My Burger，叫了個漢堡套餐+番薯條。揀了經典漢堡，唔好食- 汁唔夾- 肉無乜肉味，無肉汁- 洋葱好似無煎過咁，白雪雪，完全無味番薯條一拎岀嚟就淋嘅，同埋餐具都要自己拎，上菜唔順便比埋，仲要自己搵（唔係平時餐廳有安排自助區）講起自己要搵餐具，比錢又要自己行岀去，店員企定定釘實咗咁。然後，汽水又話要自己拎，即係食餐飯要嗰客行岀去幾次。總結服務差，食物差，無下次…查看更多

德州煙燻牛肉漢堡 ($67) ●●●●○包厚實唔乾 漢堡扒聞落幾香如果叫德州呢隻味真係幾辣🥵唔係講笑 同埋蓋過肉味 但食得出塊扒都算juicy小心爆汁💥煙肉牛肉漢堡 ($59) ●●●○○第二次幫襯就試走辣版😂但點解會低分咗呢？今次塊扒比較韌、多筋😢有啲太鹹 上網睇其他人嘅評論都有呢種情況同埋煙肉都好難咬🥓德州漢堡叫有啲特色 今次食受肉質影響就麻麻地了薯條 + 飲品 套餐 (+$20) ●●●●◐薯條即叫即炸🍟🔥夠脆夠大條，仲要連皮💃🏻✍🏻 如果再嚟，應該唔會再食牛📍 MY BURGER💰：●●●◐○環境、服務：●●●●○…查看更多