MX (中華總商會大廈) (已結業)

間唔中都好想食下港式快餐店早餐😛耐冇食發現原來都幾多選擇不過由細到大都係中意食脆魚柳😍早餐原來做到11點半左右，等我仲以為11點就完趕住過黎😅平日中環呢間美心MX都冇乜人，大把枱可以坐🍞脆嫩魚柳配火腿多士（$33）魚柳即叫即整，好香脆，而且魚肉嫩滑😋真係做到外脆內軟🤩而多士亦都係岩岩烘起，仲熱辣辣😍🍲火腿通粉（+$6）另外再加左碗通粉，食完晏晝都唔洗再食野😆通粉個湯底都幾濃，亦唔會熟到太林👍通粉個人都係中意食有坑紋既款多啲😛☕早餐配埋杯熱鴛鴦，暖粒粒/😋食物質素：7/10🍽️用餐環境：6/10💰性價比：7.5/10👣回頭率：7/10…Read More

中環lunch時間真係好多人，有時想食個快飯，都係去連鎖快餐店🤭。呢間 MX都真係好耐歷史，其實我自己覺得連鎖快餐店之中，MX既燒味同中式飯係比較出色😚。所以我多數黎都係食燒味飯，今次又order 左個叉燒炒蛋飯 $45同埋 叉燒油雞飯 $46😋。不過有D奇怪明明都係叉燒，叉燒炒蛋飯D叉燒乾好多，無咩脂肪😅，炒蛋就唔錯，炒得啱啱好，加左菜甫同葱，所以增加左香味😍。叉燒油雞飯，D叉燒可能係燒味部出既，好食好多，帶少少肥，好甘香😆，油雞都好味，好滑同埋淡淡豉油香，真係唔錯。有時唔知食咩，簡簡單單食個快飯，MX都係幾好既選擇。…Read More

一杯咖啡加火腿炒蛋麵包，大家對$32元一份外賣早餐有何期望？其實以早餐來說，以上價錢不算便宜！但在MX美心烘焙就是個大伏，麵包單叫$19，見到整齊的排列在一個玻璃箱內，心想新鮮製造還keep warm，有誠意啦，加杯即磨咖啡$13，若味道合理是可以接受的。怎料回到公司取出麵包，由饀料至包均是凍的，完全不是放在玻璃箱内的產品，加上那杯比清茶好一點的咖啡，完全是中伏的一餐。…Read More

中環美心MX裝修後重開，諗住有張coupon，順便用埋，點知中伏。於早餐時段，都預咗人多，但時間仲早諗住試吓，落order要排長龍，試吓用自助機，點知scan 唔到張coupon，職員幫手都scan唔到，最終都要去cashier 先攪掂。到買咗飛又要排隊攞餐（人哋麥記、大x樂都出no. 等，使乜排隊，仲可用Apps預先落order，免排)，落order到攞餐都前後攪咗15-20分鐘，如果趕返工真係諗清楚！…Read More

原本想食譚仔嘅早餐（三文治🥪），但時間計得好近又加埋唔識路搵咗一陣，去到剛好11點， 截咗單冇得食囉😞😞，咁睇吓附近餐廳仲有買早餐，就係隔幾間舖嘅MX🤩🤩～～～脆嫩魚柳煎蛋餐+火腿絲通粉+凍檸茶～～～脆魚柳炸得都幾靚仔，算叫做幾大塊，肉質就未去到話超滑，，不過已經唔錯😚😚！會有兩隻太陽蛋，蛋白幾厚，口感唔錯！ 蛋味一般🙂🙂火腿通粉就屬正常水平😗😗～～～雞扒.腸仔+榨菜肉絲米粉+凍檸水～～～雞扒同腸仔就嫌鹹咗少少🤏🏻🤏🏻！肉絲米粉就普通咗啲😉😉另外多士有另一個食法，就係塗完牛油上面再加層薄薄砂糖，會中和返牛油🧈嘅油膩感仲帶少少甜味，不防一試🤗🤗…Read More

叉燒、菜脯香葱炒蛋飯 $48 包飲品⭐️⭐️⭐️⭐️💫.要食個快飯，又鍾意蛋又鍾意叉燒，於是一見餐牌好快便知要這個。.叉燒、菜脯香葱炒蛋飯 $48 包飲品⭐️⭐️⭐️⭐️💫 (4.5分)✅首先賣相很不錯。顏色豐富，又紅又黃又綠。✅味道方面也比預期高，炒蛋好滑又夠多，叉燒還好，之前我好喜歡美心的叉燒，今次稍比之前遜色少少，同時依然很不錯。菜脯可以多一點。✅餸的份量夠，我記得之前試過餸少得很，飯吃到一半已沒餸了，這個我吃完了飯還有餸，滿足😊…Read More

做人無要求日日無厘頭😂———————一個早餐時段又接近午餐的「我的早午餐一齊食」😂😂😂😂😂———————一個食完飽到夜晚都唔識肚餓嘅早午餐🟥No:H6套餐，柴魚🐟花生🥜🐷豬骨粥：足料柴魚🐟花生🥜🐷豬骨，大大碗，味道唔差：料又煲得夠腍又出味🙂————————腸粉：雖然腸粉唔係好夠滑，不過甜醬芝麻醬食腸粉夠惹咪搭夠，小食店，無乜特別要求，ok啦⋯⋯————————-燒賣：都係嗰句，小食店，無乜特別要求，ok啦⋯⋯😂😂😂😂😂————————熱🍋檸檬茶：小食店品質，ok🤣🤣———————-可以舒舒服服食個早餐的......午餐開心就係咁簡單————————-…Read More

公司有包伙食，提供免費午飯俾同事，今日就特別原因，包伙食嗰邊是日暫停，所以，食番餐出面嘅外賣，但「筆直」有限，唔喺有大食大，故此，大多數都只可以揀吓快餐店之類，而揀「MX」都無特別原因，隨意而已。因為老婆偏素，但都會食白肉，所以，平常食飯就食素多過肉，睇見呢個「肉望號雜扒飯 」餐，就想放縱一次咁多啦，個餐可揀雞扒或豬扒，再搭埋德國腸、厚切餐肉及煎蛋，包餐飲，賣$45，中環區而言，合理啦:)！肉望號雞扒飯 $45雖然點都唔會好似啲宣傳相咁靚仔，加上外賣嘅，啲賣相就肯定再打啲折扣，不過，份量上就無欺場，拎上手已覺得好重秤，打開個盒真喺滿足晒啲「肉」望，哈哈！香煎雞扒大大嚿，又夠厚身，雖然外皮煎得有少少燶，但雞皮一向少食，所以，都無乜所謂，最緊要啲調味都OK，無過鹹嘅弊病，咬落肉質亦唔會「嚡烚烚」。德國腸比起一般嘅雞肉腸，用上德國豬肉腸點都喺加分位，仲要鎅埋花，煎得腸衣脆口，入口腸肉唔會好似啲好鬆散嘅雜肉咁，感覺OK喔！厚切餐肉有幾厚，睇相就知，真喺堅喺厚切，真喺「肉」望無窮。一食就知唔喺啲平價貨，似啖口喺「長城白豬仔」，當然，整好「新鮮」食就更香口啦，但依家都唔差。咪睇個飯都喺成兜肉，旁邊仲加咗對椰菜花及西蘭花，不過，無乜味，白烚嘅，仲烚到過腍添。餐飲杯熱奶茶飲咗一半，另一半雪凍佢留番下午茶時間。…Read More

疫情之下亦都出咗一些超值套餐，今日星期二滑蛋蝦仁并京都排骨，雖然係超值之選價錢，但係份量絕對不少，排骨有四大快，炸咗之後唔會太乾，配上甜酸嘅咕嚕肉醬，掛滿每一塊排骨上，很嘢味，滑蛋蝦仁亦都很滑溜，雖然蝦仁是雪藏，但又不失鮮味，再配上一杯熱咖啡，都係$35，超抵又窩心…Read More

MX 堂食做緊心超值優惠，星期一至五天天不同款式，每款 $35 連熱飲。今天星期二，滑蛋蝦仁配京都排骨飯京都排骨足足有四大塊，外層沾滿甜酸醬，炸粉皮薄，肉汁鮮嫩有咬口，滑蛋蝦仁炒得不會太老，蛋香目測食客全都叫這客飯，就知水準有幾高…Read More

午餐諗食乜其實都好頭痛，所以又返到美心，食佢特價推出的35蚊飯。抗疫期間都係要量體溫先可以入去，我點的是涼瓜牛肉鹹蛋肉餅飯配熱奶茶，同事則點了個喇沙。快餐即是快餐，唔使2分鐘已經可以攞到個飯！涼瓜的數量頗多，個肉餅比較令人驚喜，因為入口唔會啖啖肥豬肉，加上有成半個鹹蛋黃，白飯也乾身，唔會濕立立！食完當食，再用優惠券幫同事買了個外賣，滿$30減$8，所以埋單不過$27！真係好抵食！說美心在這個時候和市民一起共渡時艱，其實也不為過！…Read More

早食午餐,經濟環境轉差,用餐人數極少,各類快餐店也推出各款特價餐包括早食優惠,每日指定某種菜式或客飯大約$3X元一客包飲品今天是燒味飯,燒鴨飯,可樂可用另加錢飯既份量係足夠既,也不會太濕身,咁岩斬到靚位,啖啖肉,皮就肥左一點啦,伴碟有水煮蔬菜可以叫做平衡一下,無咁單調同樣地,要在門口先量體溫,更會派一個紙袋給客人用,用作放口罩之用,免得客人亂放在用餐地方算係有為客人想多一步,少貼心之舉中環干諾道中24號中華總商會大廈地下及1樓$40 是日午餐 …Read More

午餐想不到吃什麼，便來到美心快餐吃個午飯。因為疫情期間，店內把關亦做足，入店之前先要量度體溫！剛巧疫情期間在做推廣， $35便有一個特色午餐，而且有兩款選擇，價錢十分實惠。我選了煎雞扒魚香茄子飯，魚香茄子略油，但味道不錯！尤其個雞扒，煎得好好！肉嫩多汁。這個$35的價錢，每天午飯的款式也不同，而且還奉送飲品，奶茶也十分不錯，比起外面$50$60的午飯，連鎖店這個價錢，不但質素有保證，這個超值午餐最適合窮忙一族！…Read More

公司一向有包伙食供應，足不出戶餐晏就晌公司搞掂，但新冠狀病毒疫情關係，有啲新安排，包伙食就暫停咗先，同事們就叫住外賣。由於「筆直」有限，所以，我哋都喺嗌快餐店之類。今日就試咗「美心MX」嘅喇沙，覺得唔錯，就草草哋寫番篇。呢一款「喇沙摻摻」可以配穀飼肥牛片（$47）或香茅豬扒（$46），同樣包基本餐飲。小弟就選咗肥牛，而大碗內喺摻摻、炸魚片、半隻烚蛋同啲芽菜，而細碗內則喺喇沙湯底及三數件豆卜，望見橙紅色嘅喇沙湯，以及散發陣陣香氣，感覺幾對辦。未倒湯，碗粉都好墜手吓，落埋啲湯落去，真喺「感覺」到個份量十足，不過，你睇碗粉滿滿就知無呃秤啦。碗內嘅摻摻（油麵撈米粉）確喺幾多，而肥牛亦有唔少，挑剔位喺啲油麵腍咗啲，相信啲肥牛一早灼好放晌盒內，唔算好滑；反而，個喇沙湯就幾得，濃郁而有椰香，我仲清咗個湯七七八八。晌中環食晏一向都唔平，就算快餐店、茶記一樣唔平得去邊。所以，$47個餐，份量足，包埋嘢飲，加上味道唔差，都算喺咁啦！…Read More

雖然小弟返中環工，但喺好少寫中環嘅午餐，亦好少寫「美心MX」。我同老婆間唔時都會幫襯「美心MX」，但就限於星期六去食早餐，所以，好少寫。今日，買外賣晌公司食，其實，可以講唔喺咩特別事，不過，「美心MX」出咗隻新嘢，又幾好食喎，比預期中好，故此，hea hea哋就寫番篇快餐晏仔。其實，啲快餐為咗吸客，以及不停俾到新鮮感大家，真喺個個月或幾星期就有新產品推出。今次分享嘅喺名為「戀戀台食」嘅便當午餐，當日所見有兩款：烏醋豬軟骨及豆腐鹽酥雞，配肉燥飯、台式三小碟及餐飲。便當豬軟骨 $49堂食唔知會唔會好似啲介紹咁做到成份台式便當，台灣人搭火車時都好興食便當架，然而，外賣嘅就唔會啦，都喺一個又一個嘅膠盒及紙兜，肯定就唔多環保架喇。台式三小碟，有啲類似鹹酸菜嘅涼菜，以及台式豆卜及滷花生，味道唔錯喎，但又算話好特色，可能感覺唔喺好台式啩。肉燥做得不俗，香濃惹味，由於用咗免治豬肉嚟做，而非腩肉粒，所以，無咁油膩，啱我多啲；不過，飯嘅份量確喺有啲少，跟熱飲個杯比，見個飯兜唔喺大好多，再睇睇，飯量只喺得飯兜嘅一半左近，所以，有啲大食少少嘅朋友一定唔夠食。輪到介紹主角，黑漆漆嘅烏醋豬軟骨，聞都聞到陣陣酸醋香，未食都有種醒胃感，食落啲豬軟骨又真喺幾得，好軟腍，極鬆化，酸醋令人完全無油膩嘅感覺，而且，酸得嚟恰到好處，唔會好嗆喉，頗醇香。雖然，快餐店嘅出品都喺以快為主，工廠式倒模製作，質素有限。不過，今次所試嘅台式便當餐，實屬偶有佳作。…Read More