MORE YOGURT

营业中

休息中

旺角行人專用區附近都真係手搖飲品嘅戰場，今日見到有呢一間唔係買普通嘅珍珠奶茶就決定試吓。巴旦木牛油果乳酪奶昔($54): 本身以為呢一個同另一個牛油果乳酪奶昔差唔多，以為用一種特別啲嘅牛油果，點知睇返英文先知原來係加咗杏仁嘅。牛油果乳酪奶昔叫咗無糖，飲落去好健康，唔會有太大浸牛油果嘅味道，我覺得唔鍾意牛油果嘅人都可以試吓，而且做完奶昔之後店員會將牛油果鋪上面，杏仁係底。杏仁都有好多，起碼有二十幾粒！自己覺得唯一美中不足嘅就係杏仁有時會kick住飲管，搞到我飲飲下都放棄咗，直程唔要蓋咁樣飲。海紅山楂乳酪奶昔($38): 朋友叫咗呢一杯，同樣都係要無糖嘅，但係飲落去就啱啱好，應該係用咗我哋平時食開嘅山楂餅，甜中帶酸，幾開胃，好快就飲完一杯啦。總結：一睇個價錢其實大概同其他手搖飲品差唔多，但係真係睇住店員整嘅時候就知道其實真係所有嘢都真材實料，而且乳酪飲品叫無糖，應該唔會肥得去邊掛😂

大家一聽到「乳酪奶昔」第一個反應一定會是 很甜很酸很稠密！！！但我最近喝了一杯完全沒有以上質感問題的飲料！More Yogurt (茉酸奶）推出的原創牛油果乳酪奶昔我已經喝了兩回！這次轉巴旦木牛油果乳酪奶昔！裡面竟然有堅果耶！喝的時候要小心點！真的是牛油果的味道很濃郁有喝過的寶寶一定會贊同我的！！！！真的是很棒！！而且還有一點點奶香口感清爽！夏天喝一定很爽快！！！！朋友點的那杯芒果乳酪奶昔我一直都沒喝過！第一次喝覺得也好喝！喝下去有那種清新的芒果味，味道很濃郁不是加工糖的甜，是芒果本身的清甜味！可是我還是喜歡牛油果多一些😽兩杯都是剛剛好糖度！大家記得一定要點這個糖度！兩杯喝下去唔像奶昔，反倒像是沙冰🍧！

夏天熱到想溶🥵，有時個人冇乜胃口，午餐去買杯乳酪奶昔飲，呢間成日見人排隊就試吓，落單後即叫即整，真材實料，每杯都好足料，仲可以選走糖，健康又消暑解渴。外帶有保溫袋，包裝亦很妥當，拎到返屋企完全冇問題👌🏻🥑巴旦木牛油果乳酪奶昔｜堅果香加上牛油果質地好creamy，口感順滑，仲有新鮮牛油果肉同埋堅果碎，口感更豐富。🥭芒果乳酪奶昔｜芒果味好香甜，乳酪奶昔質地順滑，仲有唔少芒果肉，飲落感覺非常清新。

More Yogurt近年喺不同地方都設有分店，淨係旺角鬧市中都已經有兩間👍🏻地點便利，僅數分鐘步程到旺角站。餐廳環境明亮簡約，白色牆身搭配墨綠色招牌，營造清新自然氛圍🍀More Yogurt 主打新鮮健康乳酪奶昔，招牌人氣推介係牛油果乳酪奶昔🥑，雖然價錢唔算平，但係飲得健康都係值得嘅🤭巴旦木牛油果乳酪奶昔是招牌之選，乳酪酸甜適中，牛油果香濃順滑，巴旦木碎增添堅果香氣和脆口層次🥜。奶昔質地濃稠，每杯都用上新鮮熟透吧牛油果🥑打成，入口清爽不膩，適合夏日消暑，頂層仲有唔少牛油果肉，雙重口感，相當唔錯🤩開心果牛油果乳酪奶昔同樣令人驚喜，開心果的獨特濃香與牛油果完美融合，乳酪的酸度恰好中和甜味，帶來豐富層次🌰。奶昔頂層的開心果碎增添嚼勁，堅果香氣相當豐腴😎

呢兩杯奶昔都好特別，但藍莓牛油果奶酪奶昔真係更勝一籌。首先，藍莓嘅清新味道，配合牛油果嘅滑順口感，飲落去真係好舒服。淡淡嘅藍莓味唔會太強，唔會蓋過牛油果嘅香味，反而令整杯奶昔更加平衡。每一口都好似喺夏日裡品嚐大自然嘅清新，令人心情愉悅。而巴旦木牛油果奶酪奶昔雖然都有佢嘅特色，但相對來說會稍為厚重啲。巴旦木嘅堅果香味好出！有時會遮掩咗牛油果本身嘅風味，飲落去感覺就冇咁清新。總體而言，如果你鐘意飲清新又唔濃烈嘅奶昔，藍莓牛油果奶酪奶昔絕對係首選。呢杯奶昔真係值得推介，飲完之後會令你想再嚐多一杯！

夏日☀️炎炎，最爽就係一啖透心涼甄選自內蒙古草原牧場乳酪，堅持還原食材自然的味道標榜一份水果一杯乳酪🥛，用上原生果肉打成，真材實料原創牛油果🥑乳酪奶昔 $46 Avocado Yogurt Shake分量大大杯好夠飲，一杯奶昔就用一個牛油果🥑，好足料，果肉新鮮香糯，底層有乳酪和牛油果打成滑溜沙冰，豐盈綿密細滑，牛油果🥑味道好香好濃郁，好清爽芒果🥭乳酪奶昔 $40Mango Yogurt Shake面層有好多芒果肉🥭，一口飲落口感一樣好豐盈creamy，仲有啖啖果肉，乳酪酸酸甜甜中帶上芒果🥭香甜，甜度自然好消暑

開心牛油果乳酪奶昔 $ 52 呢杯嘢飲喺真果乳酪奶昔系列之中係最受歡迎嘅，佢足足有差唔多500 mL咁多。佢哋係真材實料用大大嚿牛油果放入攪拌機入邊整杯嘢飲出嚟，而且開心果嘅乳酪味道亦都好濃烈。食落去嘅時候開心果嘅味道蓋咗牛油果嘅嗰浸草腥味，飲落口非常Creamy，而且開心果嘅堅果香味非常突出。雖然冇得揀甜度同埋冰嘅量，但係餐廳推薦嘅正常甜度亦都唔會太甜。佢係飲落去又牛油果、乳酪同埋牛油果打出嚟。個人鍾意飲嘢嘅時候加啲配料有啲咬勁。飲品本身已經會灑咗一浸開心果嘅果碎上去，但係我都仍然推薦大家要添加Extra嘅開心果碎。因為額外添加嘅配料會加喺杯底下便，所以你飲嘅時候唔使等到飲到七七八八先飲到啲果粒。雪糯糍粑食落去嘅size好似椰果咁樣，係長方形有條一粒粒咁樣。但係咬落去就係好似年糕咁樣煙靭，比起平時食開嘅糍粑更加煙靭少少。

佢未開嚟香港，之前其實喺大陸已經飲過喺大陸嘅人氣都係超高，每杯都係即叫即做新鮮製造，所以要預番少少時間等候門口個雪櫃有好多新鮮生果display喺度，所以佢哋嘅生果山上係新鮮採購嘅最鍾意飲就係佢哋嘅招牌<<原創牛油果乳酪奶昔>> $46識叫一定叫無糖！咁健康嘅乳酪奶昔加左糖成件事就變得好唔健康😬本身牛油果入面有少少香甜同埋無糖先飲得到佢嘅香氣😍每一杯牛油果奶昔上面一定會有一片片嘅牛油果肉，可以又飲又食😋😋<<瑰麗士多啤梨乳酪奶昔>>$46都係叫左無糖，呢杯相對之下就酸少少🤏因為士多啤梨本身帶酸，但可能同啲乳酪中和在之後就入口都舒服😌 無糖都好飲！成件事好健康大推！大推🥰🥰

最近天氣好熱，在旺角買左兩杯牛油果奶昔。藍莓牛油果乳酪奶昔藍莓牛油果乳酪奶昔是店家推介嘅選擇。上面擺放了大大片的牛油果，讓整杯飲品看起來十分吸引。飲落來的口感類似沙冰，冰涼爽口，藍莓的甜度稍高，搭配牛油果的奶香，讓人感到清新。巴旦木牛油果乳酪奶昔巴旦木牛油果乳酪奶昔牛油果味較香濃，店員用電子枰量度果仁份量，杏仁份量唔少。淡淡杏仁香，飲到杏仁嘅粒粒，十分適合喜歡堅果的朋友。店舖仲有super bowl yoga 同其他奶昔選擇。夏天消暑佳品。

成日經過都見到呢間Yogurt好多人，而家天氣咁熱，喺旺角行街一定要飲番杯凍嘢，奶昔我覺得呢一間做得幾好。巴旦木牛油果乳酪奶昔，入面有好多堅果，飲落去口感好豐富好有質感，同埋飲好多打碎咗嘅堅果，因為佢份量都好多，飲完都會有飽肚感，佢入面仲有好多新鮮牛油果，配埋一齊飲口感勁滑。藍莓牛油果乳酪奶昔，第一次試呢杯藍莓，原來有啲藍莓嘅酸味成杯奶昔突出咗好多，同牛油果勁夾，配埋一齊唔會好膩，同埋每一啖都飲到新鮮生果嘅味道，個感覺勁健康。

夏天去旺角行街，需要一份勇氣。行到一半，當然要叉叉電，旺角有好多飲品店，好多間都試過，今次飲呢間。之前喺銅鑼灣試過一次，覺得幾健康，同埋小朋友一齊，所以再想揀呢間。我叫左一杯藍莓香蕉乳酪奶昔，一杯巴旦木牛油果乳酪奶昔。兩杯都凍冰冰，好清新。藍莓香蕉乳酪奶昔：有好多原粒藍莓，又有藍莓蓉，當然有香蕉味，不過食唔到香蕉粒粒。加上乳酪奶昔，感覺健康，唔使食咗乜嘢落肚都唔知。巴旦木牛油果乳酪奶昔：我自己就唔識乜嘢係巴旦木，我見到佢排第一，就試吓。細心睇埋英文，原來係杏仁。成杯真係好多杏仁，大粒細粒都有，好有口感。牛油果真係冇得輸，我諗係呢間嘢最出名的。加上乳酪奶昔，其實好飽。想讚一讚真係好冰凍，再行咗半小時，都未用晒冰。😋Yummy Yummy: 7/10😋

今日天氣好熱，旺角行街頂唔住買杯凍嘢飲下。見到MORE YOGURT，試咗兩款主打健康嘅乳酪飲品，真係又幾好喎。藍莓香蕉乳酪奶昔一入口就飲到好天然嘅水果甜味！藍莓同香蕉嘅組合出奇地夾，香蕉提供自然甜度，藍莓帶微微酸香，平衡得剛剛好，飲到粒粒藍莓果肉同香蕉蓉，乳酪質地濃稠滑溜。巴旦木牛油果乳酪奶昔牛油果嘅creamy口感加上巴旦木嘅堅果香氣，層次超級豐富，仲食到細細粒牛油果肉，真材實料！健康又可以解口癮。

行街經過more yogurt就想飲返杯呢到嘅yogurt好夠凍！就算依家天氣咁熱都唔怕好快就融曬最經典嘅牛油果奶昔多左唔同配搭特別係依家咁hit嘅開心果🤣開心牛油果乳酪奶昔 $52見到topping好多開心果碎碎一飲落去開心果味都好濃郁🥹🥹🥹同牛油果嘅味道原來可以咁夾！鍾意開心果同牛油果嘅必試！！朋友就叫左D24榴槤乳酪奶昔 $48等嘅期間都已經聞到好香濃嘅榴槤味🤤yogurt酸酸甜甜將面層嘅榴槤肉撈埋一齊飲都好夾勁香😍好多生果配搭都好吸引🤩芒果，藍莓，香蕉依家仲推出埋super bowl同oreo脆餅夠曬創新✨而且仲可以提早落單唔洗排隊等咁耐

📍MORE YOGURT (旺角)旺角彌敦道610號荷李活商業中心地下G26A號舖👉🏾 藍莓牛油果乳酪奶昔😋😋😋😋.8/5呢杯藍莓牛油果乳酪奶昔真係好好味！藍莓嘅酸酸甜甜配埋牛油果嘅綿滑，口感非常順滑，仲有乳酪帶出一份濃郁嘅奶香。每一口都令人感到清新，非常適合夏天飲用，仲可以補充營養，真係一杯唔可以錯過嘅健康飲品！👉🏾巴旦木牛油果乳酪奶昔😋😋😋😋.8/5巴旦木牛油果乳酪奶昔就更加特別！巴旦木嘅香脆配埋牛油果嘅滑順，口感層次非常豐富。乳酪使整杯飲品更加醇厚，每一口都好有滿足感。呢杯奶昔唔單止味道好，仲有助消化，適合任何時候享用，真係好正！回頭:yesyesyes!!好好飲😗😗我已經將佢擺係我至愛飲品之一😋

📍MORE YOGURT (旺角)旺角彌敦道610號荷李活商業中心地下G26A號舖👉🏾開心牛油果乳酪奶昔呢杯開心牛油果乳酪奶昔真係好正！牛油果滑溜溜，配上濃郁嘅乳酪，口感超級順滑。飲落去有種清新又健康嘅感覺，仲有淡淡嘅甜味，唔會太膩。加上一啲冰塊，更加爽口，夏天飲最啱！真係一杯好滋味嘅奶昔，令我心情都好晒！👉🏾海紅山楂乳酪奶昔海紅山楂乳酪奶昔，味道特別吸引！山楂嘅酸味同乳酪嘅濃郁完美結合，一飲就令人精神為之一振。奶昔唔太甜，反而有種清新的感覺，仲可以感受到山楂嘅果香，非常開胃。適合想試啲新口味嘅朋友，真係一個唔錯嘅選擇！回頭:yesyesyesyes!!!鮮果味十足，好正😋😋😋健康又無負擔🥰