Misugu Bento

Misugu Bento喺鲗鱼涌，Openrice自取，落单10-15分钟就有得攞，$58左右。我通常叫盐烧鲭鱼饭，多菜少饭版本。条鲭鱼份量OK，盐烧味香又唔太咸，有大条骨，要小心啲食。菜有西兰花、椰菜花、红萝卜、椰菜同菇，量真系几多，但煮得硬身啲，咬落有声，下次可能要备注叫佢煮淋啲唔知得唔得。仲送半只溏心蛋，腌得入味，蛋黄系流心，几好食。同埋佢系用左红米更加健康！整体黎讲健康、够饱、性价比高，午饭想食健康啲嘅话可以考虑，唔算惊喜，但绝对合格👍…查看更多

以为食沙律会唔够饱，但呢度啲沙律好大份，大量蔬菜，少少镙丝粉，仲有生果，亦可以配唔同肉类，而且啲肉都整得好好味！店员都好有礼貌，唯一小缺点系lunch繁忙时间真系太多人，冇位等攞餐，会有少少乱。…查看更多

之前同事介绍一直无机会尝试当日终于有机会叫外卖份量真系好足大胃嘅都可以食饱而且叫饭都好都会有一啲菜提供备餐好快呢头手机落单 𠮶头已经拎得但可能真系太好生意拎外卖要靠自己揾…查看更多

好食抵食又健康！呢个价钱呢个份量真系好有惊喜，琴日先食完另一间鸡胸沙律，仲要唔饱百几蚊，一打开个盒有幸福感！最重要食完系会饱！一餐够晒蛋白质，又有菜加少量淀粉同生果，大推！太古坊人嘅福音，希望一直keep到🫶🏽🩵好感动多谢🥹…查看更多

继上次试完佢哋嘅日式烧汁黑豚肉饭之后，今次再试试佢哋嘅沙律，一试上瘾！🥗🍖 日式烧汁黑豚肉沙律黑豚肉脆脆的，同上次一样，烧汁嘅甜咸味道好入味，肉质脆口而唔会过腍，佢哋个汁调得刚刚好，好好味啊！🐷配埋新鲜嘅沙律菜，味道清新有层次。🥬下面系一大盒沙律，沙律菜爽口，同埋有新鲜嘅水果，例如橙、同埋今次有嘅番石榴。唔洗惊唔够饱，因为沙律里面有埋鹰嘴豆同螺丝粉！所有野同猪肉一齐食，感受到味道同texture上好balanced，真系每一口都咁满足！🥒配埋少少芝麻酱，酸酸甜甜，令成个沙律更加开胃。🍅呢个日式烧汁黑豚肉沙律既健康又有丰富嘅味道，真系好啱想食得轻盈啲又唔牺牲味道嘅朋友！💯…查看更多