本身有朋友介绍我识呢间铁板烧Minato,当我研究呢间餐厅嘅时候发觉原来除咗铁板烧之外,佢地刚刚周末及假日推出左限定早午餐「谜の三重奏便当」,而暑假仲啱啱出咗一个新形象嘅「三重奏便当(夏祭)」。每天限量供应20份,外观独特,以吸晴流线型的圆球造型华丽登场,先至发觉原来前𠮶排IG劲多人打卡见过,𠮶阵时仲未知系乜嘢,原来又好食又好打卡。食完沙律后,我点的「三重奏便当——梨」的上层有和牛他他,顶级A5宫崎和牛搭配口感爽脆的南水梨,加上日本长崎太阳蛋,捞一捞好refreshing ,中层系时令的刺身丼饭,入面选材有深海池鱼、碎葱金枪鱼腩及三文鱼子,而最底层就有加上了秘制酱汁的日本冷豆腐,仲喺京都食嘅豆腐料理冇乜分别。朋友选的「三重奏便当——梅」的上层则系矜贵嘅矶煮鲍鱼,;中层同样系好精彩的刺身丼,不过下层就系有「梅子冷素面」,选用来自爱媛县的手延素面,加上夏天的季节蔬果同温泉蛋,好适合夏天食嘅一个选择。当日餐厅高朋满座,原来都几多人喺呢度食铁板烧,试完呢个谜の三重奏便当,对呢间餐厅更加有信心,下次mark低揾朋友试下先。…查看更多





